方榮記沙嗲牛肉專家

營業中

休息中

家中兩老幾傳統所以無試過大熱天去打邊爐佢地朋友約食飯所以去這裡象拔蚌X2-好新鮮,我最鍾意生吃手切肥牛-同上次一樣,有幾塊好”軔”覺得有點不老實黑柏葉-幾好味柏葉芯-雪味好重,唔好食,剩下一大碟最後由uncle個仔包底鵝粉腸-一般九肚魚-好難控制,好容易煮爛,不過好鮮甜魚腩-老爸一定要食,佢話好食過上次羊肉?豬肉?-由於離我太遠,懶得夾,不過觀察所得無乜人夾過,應該唔係好得魚皮餃-一般雲吞-雖然個人喜歡魚皮餃多過雲吞,不過這裡雲吞好味d豆腐-好食過平時打邊爐那些昨晚雖然間中有大雨,不過依然人山人海好彩預早訂位

打邊爐，湯底好重要。孖寶湯底貴一倍，要四十，但可試晒沙爹同清湯，都叫化算。沙爹的確夠濃，唔太咸，用來處理肉類的確入味，連豉油都唔駛加。清湯的確用大地魚來煲，還有一大片做證，只是喝落有點燶味，相信是魚乾味吧。整個湯底都唔錯，最衰太多味精，超口乾。到配料，手切牛肉夠大碟，賣相好，但易UN，即使剛熟亦然，口感不太討好，不及肥牛。雞件夠味，但看來不是新鮮的，只是廿多元也可以一試。竹笙唔會散收收，碎十十，夠長，唔錯。黑豬肉樣似分蹄，但一落水就縮，豬肉味係濃的，又唔算肥，亦係好選舉。魚皮餃好大隻，一隻等於人地兩隻，但我覺得入面唔係咁好食，太粉。墨魚仔新鮮，夠大碟，但要小心有軟骨，連湯食都幾好。墨丸唔食都罷，普通貨式。每枱都會放一盤生菜，要小心，三十蚊的，唔食唔好攪，要同佢講。四個男仔，三百幾蚊，無想像中咁貴，都叫抵。雖不至於很飽，但亦唔會話好唔夠，最多食多碗糖水。

趁天氣尚有半點寒意, 兩口子再多來一次火鍋晚餐, 解單的點了一個芫茜皮蛋湯, 湯底味道輕清; 再來了數個配料, 其中包括手切牛肉, 機切牛肉, 羊肉, 四寶, 貢丸等等; 手切牛肉, 機切牛肉兩者分別不大, 肉味不錯但肉不太肥而且肉質偏韌, 煮熟後的牛肉外圍明顯比較深色; 羊肉羶味適中肉質軟熟, 但煮熟後外圍亦有一點點古怪的血紅色; 四寶之中包括有牛丸, 魚丸, 墨魚丸和魚皮餃, 味道一般不太突出; 最後來的貢丸比之前的丸類結實一點, 但味道同樣平凡. 個人覺得醬油可說是火鍋重要的一環, 店子的豉油味道偏重味, 其中加了三四粒辣椒碎相伴, 辣椒碎粒味道輕清, 可說是起不了作用, 我倆一向也不嗜辣, 亦不得不向侍應要求多點辣椒, 可惜侍應的回應卻另人失望, 如要加點辣椒必須要點上一整碟. 給人有點冷酷的感覺.

有次跟大班同事放工後，專程入來吃火鍋，因為好多同事都話呢度抵食，款多。 是晚我們約有10人，剛好一張檯坐晒，坐下後叫了沙爹湯底和皮蛋芫茜湯底。跟著便點配料︰肥牛、羊肉、丸類、柏葉、脆肉鯇、白鱔片、鮮腐竹…等，一時間擺到成檯都係。原本食得好開心，因為食物都幾新鮮，沙爹湯底又好味，有個同事仲猛叫伙記拎多幾隻皮蛋，但係忽然有個伙記拎o左二碟雞子過來，我們10人同說冇人叫過，但個伙記死口話我o地有，仲拎o左張紙過來跟我們對質，但好明顯個紙係佢o地自己寫，因為張紙除o左雞子一款便沒有rder另外o既配料，我們便跟那個伙記理論，我們說我們全部人都不吃雞子的，所以根本沒可能會order，擾攘o左一輪後，終於有個話得事o既來跟我們說對不起，是伙記搞錯。 就是這樣，原本很開心的火鍋晚餐，被那個不知所謂o既伙記搞到乜mood都冇晒~~

一行四個女仔去大食一餐,對於方榮記火鍋一點也不陌生,因為都食0左十幾年.今次特登同一班靚女去試0下佢0地0既馳名沙爹湯底.火鍋配料方面,當然唔小得手切肥牛,仲有鵝粉腸,魚腩,魚皮餃,鮮雞件,同埋粟米.牛肉比其它火鍋店好, 但始終不如昔日,多0左d筋,唔夠腍,好彩仲有個湯底搭夠.平時會多叫一碟生麵,d麵吸晒湯0既精華,好好味0架!

比個客由9點dum到11點至走得, 心情極差. 老公話食火窩tum 返我, 馬上由灣仔飛的士去九龍城.去到已有手切牛肉, 駝鳥肉, 生菜, 吊筒等在檯面, 四寶丸, 伊麵已經入哂爐. 驚喜一「炸鱔皮」, 絕不是普通炸門鱔魚皮, 連骨炸成一大球, 浸一浸就食得, 脆到呢~ 驚喜二「蠟味飯」, 飯爽肉甜. 原本想食埋打冷, 後來還是見好就收, 下次先. 食到尾聲, 當我將一片60%脂肪的牛肉放入口中, 煙UN的膏加上充滿牛味的牛肉...是我全日最開心的事.今次唔係食左好多野, 埋單時好似比想像中貴左, 但阿叔一定話佢有check單(手寫), 所以大家去方榮記時記住自己mark數, 唔怕被人計多左.

由細食到大，十幾廿年前仲用碳爐已開始幫襯，不過呢幾年黎食物質素下降左，由其係手切牛肉，不過都仍然係唔錯。今日一行三人夜晚係閣樓既鋪位叫了手切牛肉(細)、機切牛肉、生蠔、貴妃蚌、四寶丸、鵝粉腸、牛柏業、啤酒汽水等......埋單要四百幾，不過食到飽飽。千其唔好叫鵝粉腸，滾完後溶哂，點食? 之前食過幾次都係咁，唔掂。手切牛肉好瘦、好"鞋"，不過方榮記係咁，d牛肉一時時......其他食物都算新鮮。如果冇得食沙爹湯(朋友唔食)，可另外叫碗沙爹醬($5)，都頂到下!!!仲有今晚係方榮記度見到新世界鄭一彤，不過唔知佢食乜。

方榮記的手切牛新鮮就係人都知, 一碟大收$80, 算好合理, 其他$25火窩料如鴨舌、鵝腸等等都ok, 但珊瑚蚌非常差, 超耐急凍+有水灼左, 完全冇味. 有人唔食辣, 所以冇得食沙爹湯下次lunch來食沙爹鮮牛窩先!

因為門口缺乏鍋料價錢牌，所以一向唔多夠膽幫襯呢類老牌火鍋店。近日適逢哥哥生日，而屋企人又特別鐘愛打邊爐，所以決定試試。要坐得舒服就唔好黎喇，因為全店皆係圓凳，坐得耐都幾唔自在。湯底當然係聞名既沙嗲鍋($20)，係幾濃幾好味，基本上經沙嗲鍋灼過既鍋料都唔需要再點其他醬汁。隨鍋跟一大籃生菜($30),細問下係可以選擇唔要的，不過反正要叫菜遂欣然接受。沙嗲配手切牛肉(大$80)跟酸薑配皮蛋、叉燒配白飯一樣係世紀絕配。不過方榮記既手切牛肉係令我有點兒失望。聞說方榮記最出名係沙嗲鍋跟手切牛肉，所以食前有點期望。沙嗲係對版的，但牛肉則牛味甜味皆只屬一般，雖然肥瘦程度適中，但相信似樣少少既酒樓都可以有此水準。有驚喜既反而係跟牛肉同價既手切牛展，牛味甜味皆比牛肉強，始料不及。未試過魚腸($25)所以點左一碟試試，味道比較似雞潤，幾特別，魚腸脂肪遇熱即散，灼時要格外留神，否則渣都無得剩。魚皮($25)係連骨一齊炸既，索滿沙嗲汁係好好食，不過間唔中會遇到勁硬碎骨，影響口感。其餘既鍋料質數都唔錯，平均$25一碟係幾抵食。埋單連幾枝啤酒($20一枝)、五位茶芥($5/位)、加一，合共$697。伙計果然如外間所

今日同終極去食lunch, 佢竟然提議o係依個三十幾度炎夏o既中午食火鍋~~~ 好, 我奉陪!! 本來想去合興, 點知未開~ 咁就姁方榮記喇~入到去, 好彩有另一檯都係食火鍋~~~ 兩個人, 叫o左以下o既o野:芫茜皮蛋拼沙爹湯底(連強逼性要o既生菜) - 個窩好得意, 咁淺o既(睇圖)~ 芫茜皮蛋無咩味, 但沙爹o個邊就好正! 沙爹味好濃, 但我o地有個方法可以令佢更加好味, 請繼續收看~手切本地肥牛(小$60) - portion都唔小呀~~ d牛肉一睇就知靚, 好濃牛肉味, 就算清湯灼熟唔點豉油都好好味!! 正!!羊肉- 急凍料, 但夠騷, 都得!貴妃蚌($45) - ok啦, 不過有部份碎拾拾~牛利- 爽, ok啦~魚腸- 我第一次食呀~~~ 上檯o個o下.... 好核突.... 一pat pat..... 由終極操刀灼熟, 一食難忘呀!! 味道同texture都好似蟹黃, 好濃味~ 因為有d漏網之餘留o係沙爹窩內, 個窩變o左沙爹魚腸窩, 味道提升好多呀!!! 試想像勁多蟹黃煲沙爹湯會點!! 不過真係唔可以多食, 勁多油勁肥呀~~ 到最後, 我o地連放碟底o既芽菜都食晒~ 埋

lunch咁食法真罪過，施主真係要三思。話說等足一年，終於放暑假，星期六下午終於有自由活動時間。黃泉路上又怕悶，所以近近地捉埋隻貓去陪葬。兩個人叫在細牛，羊，牛利，桂花蚌、魚腸再加個菜。第一啖就係沙爹羊，一野就直擊腦中樞。魚腸留番中後段先食。沙爹一6過魚腸之後就唔搞，已經帶甜的湯底變成勁鮮！又6魚又6羊，唔鮮就怪。6到後來明知油多都忍唔住撈撈菜。折壽喇今餐…由於下午時份，方榮記係非常難得地出現寧靜的場面。食完只厚厚的一層油見到

大熱天時去打邊爐，正常情況下我都不會選這個食飯節目，但既然朋友叫到，就試下啦﹗入到店舖，值得一鑽的是冷氣非常夠凍，打邊爐時完全不覺得熱。湯底選了沙爹湯底及清湯底。清湯底是大地魚湯，非常清甜，而沙爹湯底更是精彩，非常濃味，感覺以為自己在貼沙爹醬。火配料實在非常齊，我們選了幾款試試。先試手切牛肉，手切牛比一般的美國薄切牛為厚，本身我並不太好牛肉片，但一試之下實在忍不住口，牛肉有咬口之餘，亦非常林，好味﹗再試黑豬肉片，很有肉味，魚頭非常新鮮，可惜離我太飽未有一試，黑牛業亦不俗。總之，全部都很有水準。以後打邊爐可以多一個地方去了﹗

好好味,湯底夠濃,沙嗲汁都好好味

完全同意

沙爹可能係方榮記最出名嫁野,但我就唔太鐘意,因為太濃同太"傑".上次去我叫左兩個唔同煱低,我就唔食沙爹湯.食物方面就唔錯,牛肉好靚.講起牛肉,其實都講運氣,有時就好正有時就太鞋,所以好小火煱店嫁牛肉日日都好正