影片
更多
2017-10-06
62 瀏覽
雖然天氣仲係好熱辣辣, 但朋友生日話想食韓燒, 當然唔可以托手踭喇!!! 今次黎到呢間韓國出名嘅店舖同朋友慶祝佢嘅生日先。黎到時間有啲早, 所以客人都唔多, 甘我地兩個人就可以坐卡位喇!!! 睇睇餐牌有咩食先, 原來有好多唔同配搭嘅套餐, 唔食牛嘅朋友可以選擇豬肉套餐, 牛魔王嘅朋友就食全牛餐喇! 餐廳有甘多款套餐, 真係貼心哦。原來餐廳仲有午市套餐架, 仲要買3送1!!! 喺附近返工嘅朋友仔有福, 放飯時又可以多一個選擇。原來生日有優惠, 可惜我早左同佢慶祝喇, 唔係有埋cocktail飲另外, 餐廳仲有烤肉小貼士, 又學識多少少喇!點餐後, 店員送上沙律, 小菜同醬料。小菜有泡菜, 醋拌海帶, 醃蘿蔔片同辣豆芽。每樣都唔錯, 唔算太辣, 易入口。點左個牛肉同豬肉嘅套餐, 呢個套餐都多嘢食架, 而且包埋飲品同甜品, 唔錯唔錯!! 3層架上有大蝦同大菇, 霜降牛肉同護心肉, 仲有最底一層嘅牛肋骨!! 份量都唔算少, 2個人夠食。蝦肉爽口彈牙, 霜降牛肉油脂分佈均勻, 燒完都唔會韌。護心肉肉汁豐富, 而且調味唔錯!!!泡菜爐邊蛋係韓國不可缺少的!! 半熟嘅蛋就甘食好滑溜呀!!! 用生菜包
黎到時間有啲早, 所以客人都唔多, 甘我地兩個人就可以坐卡位喇!!!
睇睇餐牌有咩食先, 原來有好多唔同配搭嘅套餐, 唔食牛嘅朋友可以選擇豬肉套餐, 牛魔王嘅朋友就食全牛餐喇! 餐廳有甘多款套餐, 真係貼心哦。
原來餐廳仲有午市套餐架, 仲要買3送1!!! 喺附近返工嘅朋友仔有福, 放飯時又可以多一個選擇。
原來生日有優惠, 可惜我早左同佢慶祝喇, 唔係有埋cocktail飲另外, 餐廳仲有烤肉小貼士, 又學識多少少喇!
點餐後, 店員送上沙律, 小菜同醬料。小菜有泡菜, 醋拌海帶, 醃蘿蔔片同辣豆芽。每樣都唔錯, 唔算太辣, 易入口。
點左個牛肉同豬肉嘅套餐, 呢個套餐都多嘢食架, 而且包埋飲品同甜品, 唔錯唔錯!! 3層架上有大蝦同大菇, 霜降牛肉同護心肉, 仲有最底一層嘅牛肋骨!! 份量都唔算少, 2個人夠食。蝦肉爽口彈牙, 霜降牛肉油脂分佈均勻, 燒完都唔會韌。護心肉肉汁豐富, 而且調味唔錯!!!
泡菜爐邊蛋係韓國不可缺少的!! 半熟嘅蛋就甘食好滑溜呀!!!
用生菜包著護心肉同泡菜, 一啖放入口, 好好味呀!!!
除左燒肉, 套餐仲包左一個細嘅部隊鍋, 有肉片同午餐肉等等, 少少辣, 好味!!!
灸燒牛肉壽司係店員親自喺你面前燒, 而且會詢問想要嘅熟度!!! 牛肉壽司好正, 牛肉好軟嫩, 配上醬汁, 真係一流!!!
套餐包2杯飲品, 我說叫左藍天檸檬水, 味道酸酸甜甜, 好開胃!! 唔好俾佢嘅顏色嚇親呀。
食哂啲肉後, 仲有甜品食, 韓式紅豆雪花冰, 簡直係為整餐飯劃上一個完美嘅句號!!! 紅豆唔太甜, 而且好綿!!! 牛奶冰加上煉奶好味!!! 朋友食得開心又滿足, 最緊要佢鍾意!!! 店員服務都好好, 會幫忙調教爐火嘅大細!!!
張貼
