新麻蒲 BBQ (東港城) (已結業)

東港城既地理位置都好方便！上面有好多野食 而新麻蒲就同另一間韓國炸雞店連住架！ 因為2個人 食吾到太多野！ 所以都只係叫左碟肉同一個主菜！一坐低，佢已經擺哂成台小食！有沙律 泡菜 生菜 芽菜 海帶 蘿蔔 洋蔥同一d調味等等！ 如果想叫侍應，禁下果鐘就有人過黎幫手！護心肉由於朋友吾食牛肉，所以就叫左個豬肉！哩個都算係招牌菜！ 有辣同吾辣！肉積好新鮮 望落都好紅潤，燒完之後肉汁飽滿！芝士公仔面炒年糕哩個味道偏重同比想像中辣！本身以為芝士味會重d 但係其實韓國辣醬味道更重 面偏軟身 岩d鐘意軟淋淋面底既朋友！哩個份量好大下 混埋芝士同年糕一齊食 十分煙煙韌韌！而且仲有好多魚糕同蛋 雖然每台都有個抽油煙機，但係食完都好大陣味🤦🏻‍♀️番去要洗幾次頭！建議番個抽氣系統可以好番小小！非常建議大家飲佢既果醋！可以解油膩！

覺得近年越來越多韓燒，今日去將軍澳探朋友，見到呢間好多人排隊，心諗應該唔會太差，所以就攞位入去食個lunch。lunch set買三送一，我地兩大兩小，就叫左四個餐，從以往食韓燒的經驗，份量應唔會太多，唔擔心食唔曬。點知四個餐送來後，我地大吃一驚，碟碟份量十足，見到咁多肉。真心覺得好抵。重加上爐邊芝士蛋送，呢餐真係大滿足。韓燒我最喜歡吃豬腩肉，呢度豬腩肉厚薄適中，好入味，燒完後d肥糕爆曬油，減少左有利嘅感覺。護心肉個汁好好味，而且啲肉好嫩滑，食落去好juicy,好正。牛肉也唔錯，好鮮嫩，燒完都唔覺得乾，仲係好多汁，食過好多韓燒，呢間啲肉真係腌得特別好味。仲有啲前菜同豆腐海鮮湯，個湯用料非常足，好好味，不得不提知雞肶菇燒完後超好味。買三送一後每人$100左右嘅午餐已經食到好飽，好滿足，實在係超值，下次一定會再嚟幫襯。

新麻蒲環境都幾Chill, 空間感夠, 坐位寬敞舒適.而且每枱都有獨立的伸縮吸煙管, 吸走BBQ既油煙, 減少身上油煙味!一去到餐枱, 新麻蒲已經提供多款醬料及韓式伴菜!伴菜有海帶、泡菜、沙律、洋蔥蘿白, 同邊爐蛋!而且全部任食, 質素唔錯! 個人最喜歡沙律, 泡菜同邊爐蛋! 沙律新鮮, 配合酸酸甜甜醬汁, 清新開胃!泡菜辣度同咸味剛好, 好味道!海帶同樣清新開胃!邊爐蛋係唔可以錯過架, 又香又滑, 仲有粟米同芝士可以加入邊爐蛋!牛,豬肉套餐 $118一個餐有齊豬牛兩種肉, 包括牛肋排80g, 新麻蒲護心肉80g, 同埋什錦菇類, 好豐富呀!牛肋排肉質細滑唔靭, 肉味濃郁! 而且餐廳已經將牛肋排醃好, 味道更好!護心肉係豬的橫間膜和肝之間的肉,  十分矜貴! 護心肉口感豐厚, 肉質嫰滑, 肉味同樣濃郁, 超讚!個人喜歡用新鮮爽脆的生菜包著, 加上少少韓式豆瓣醬同泡菜, 再點少少韓式醋, 好好味呀!烤秘製牛肉 $68烤秘製牛肉由大量牛肉片, 韓式粉絲, 洋蔥, 金菇再用牛肉湯煮成! 味道不錯!石榴果醋甜甜酸酸, 配韓燒好夾!

今天我到將軍澳東港城探朋友，然後便一起到位於屋苑商場嘅韓式<新麻蒲BBQ>食lunch。🅿️交通方面值得一提就是該屋苑停車場附設了很多電動私家車叉電車位，方便了揸電動私家車嘅朋友，相當環保。一去到餐廳門口，便見到人龍，等了一會兒便入座：這間餐廳內部環境尚算雅緻，有很多卡位座，適合一家大細或情侶一起進餐：午市時間餐廳有多種不同的套餐選擇。有多款牛肉及豬肉套餐供燒烤食用。醬油方面共有四款一起供調味用：我最喜歡就是這個「特級午市套餐」，包括了牛肉、豬肉丶紫菜飯及飲品，肉嘅份量十分是夠，燒起來很香、很入味，而豬肉方面是有兩款味道的值得一提就是餐廳做緊個「買三送一」推廣，故些十分抵食！有沙津和東菇等蔬菜可一起燒來食：韓式燒牛和豬肉：肉質幾新鮮，味道OK!今天天氣很熱，我就叫了一杯套餐免費包嘅而又透心涼嘅「藍天檸檬汽水」：套餐是包括了一杯特色飲品，算幾抵午市套餐都有多款選擇，以「買三送一」計，十分抵食！

今日提早慶祝父親節，父親大人想食燒肉，大家又唔想咁遠，所以決定去一田附近新開既食店到食，最後揀左新麻蒲。如果多人，建議先book枱，不過個到每枱都係坐4個人，所以多過4人就要分枱坐，介意既朋友唔建議揀呢間，因為都分得幾開下要注意多人時，用餐時間是90分鐘啊！介紹番其實佢有個會員計劃，300蚊入會費，俾番3張100蚊現金券你，不過每次惠顧無論幾錢只可用1張。而且即時有9折優惠，姐係慳左加一服務費。如果每次消費夠500蚊就送一個主食，夠1500蚊就送2人餐，不過消費係唔可以累積嫁如果食得多，入會會更扺。叫左2個燒烤套餐，一個4人餐，一個2人餐連2杯野飲同一個棉花冰，另加炒飯，燒牛排同啤酒先黎部隊鍋，無咩特別好唔好食，正常即食麵咁，湯比較淡燒肉好味，肉質嫩滑，油花均勻生菜，泡菜，蛋汁任加，可叫服務員幫你家。不過生菜都係第一碟最靚，啲菜愈加愈爛，不過可以接受嘅一定要提提佢個泡菜，超級好食又多又好味，忍唔住加左次，有少少spicy，唔太食到欶既朋友都岩食。最後既棉花冰唔記得影相，棉花冰超好食，好軟棉棉，又大碗，4個人share食都得，又唔會太飽或大甜，推薦

呢幾日係咁落雨作打風，收工無乜心情做運動，於是約左老友食晚餐，之前係將軍澳東港城行吓商場睇吓有乜嘢吃，商場掛晒足球，月中就係世界盃，到時應該好旺場最近商場裝修過，加左啲新食店，行吓見到有間叫新麻蒲睇入去幾光猛，我一向都久不久食吓韓燒，見佢門口大塊板menu都係主打韓燒BBQ,和一些主食，於是同老友入去試，服務員好好，安排一張較静位置方便傾計，座位闊闊好舒服，跟住放了四大碟小吃當然有我最喜歡泡菜和青瓜，睇左menu，好多款式，今次改選吃主食類飲品都好多款，不過吸引我地就係藍天檸檬汽水，好清新感覺，小小甜啱晒首個菜係海鲜嫩豆腐鍋，青口好新鲜，豆腐好有口感不太軟，配上辛辣湯就十分入味第二味火山芝士泡菜炒飯，賣相認真特別，十足一座火山，下面炒飯做底，面頭淋上芝士,蛋和泡菜最後是新麻蒲泡麵，簡單單用辛辣麵加上湯好爽口整體食物是多款有特色和好吃，價格合理，正

自己試咗幾間韓國餐廳其實大部份都差不多所以細節方面就會更加反映得出嗰間餐廳嘅質素而新麻蒲BBQ係好多鍾意食韓國人朋友都推介咁今次就試一試入到去韓國餐廳呢間係主打韓燒嘅一入到去沒有普通韓兆餐廳咁大油煙味呢一間係油煙方面控制得好好，主要原因我睇到係有好強勁嘅吸油機所以令到間餐廳幾乎聞吾到任何油煙味呢一方面做得好好食物方面今次就唔試韓燒就試普通嘅石頭飯同埋餐廳推介嘅牛肉湯牛肉麵呢兩樣餸首先講吓個石頭飯配料都係傳統石頭飯應有嘅材料仲會附送一啲辣醬俾你撈，撈完之後個飯會更加好味而且唔會話太燶同事即使冇攪拌一段時間都冇好明顯見到有飯焦呢一方面都幾好至於面方面就略嫌普通但係個牛肉湯係絕對冇落味精所以飲落去好清同埋好純。牛肉嗰度同我哋見到嘅五香牛展其實差唔多不過最大賣點就係佢食落去好有牛味相信因為佢係用韓國牛嘅原因令到啲牛宋味突出所以呢一方面又可以加返少少分總括而言雖然驚喜唔算好大但係作為一間韓國餐廳即使係一啲唔係好常見嘅韓國料理佢哋都做得好好所以果然值得推介

見到好多食評話好好食～而附近又冇韓式燒烤，所以就去咗試吓呢間韓式燒烤～💁🏻‍♀️兩個人去食叫咗個二人餐；佢有海鮮、牛肉、同埋部隊鍋～🥘部隊鍋其實都幾垃圾😐裡面有啲咩呢？ 冇味嘅午餐肉¼舊、兩三舊牛肉、好容易煮林嘅公仔麵、同少量金菇，湯底冇乜味，所以其實都真係幾垃圾～🤧套餐嘅食物就有幾個唔同部位嘅牛肉、同埋兩隻蝦、半條腸、幾片菇。我想講無論金菇定大菇，都唔會燒到黎食，嗰個火差啲將個金菇燒到着火😂同埋部隊鍋嗰個明火真係有啲危險⚠️個紙巾唔小心擺得埋少少，突然着火😳🔥🔥🔥🔥嚇到我瀨屎🗣因為佢個爐真係比較近枱面，同埋個火都唔細～🤦🏻‍♀️大佬真係唔嚇得。最後點左個甜品～🍧紅豆豆粉冰＄68，兩個人最後埋單500幾蚊，我覺得其實可以平少少咯～因為質素真係唔算好好😪啲好評肯定係假嘅咯😤😤都唔係真係咁好食啫，講到跨啦啦～☠️☠️

今日同個friend行完market，佢話食韓燒，我唔想， 因為之前食過好麻麻，係任食，但D肉唔鬼新鮮，食到無癮。佢話佢食過呢間，堅係正，唔係任食D差貨，好信你一次。呢間野係TKO 門面好靚仔，正宗韓野播。鍾意吃牛，叫了牛肋骨配牛五花腩套餐，又有埋個部隊鍋。D牛肋骨醃得唔錯，食落甜甜地，牛肉味好正，嚼下骨邊D牛肉，特別好食，我唔包咩生菜，牛永遠王淨食最好味! 牛五花肉，我以為會好肥，其實D牛烤完D多咗油份會流走，反而食落重香口。牛五花無渣，越吃越正。其他D蝦，菇，年糕和前食都係D花巧野，可以啦。個部隊鍋上埋，我心唸即食麵來唔慌好食，但食落又唔係播，D辛辣麵麵底好彈牙，湯好辛辣，加埋D菇菇菜菜牛肉，同三粒丸，唔知咩丸，糯米皮，都幾好食，即食麵又幾好味播，今次韓食以為好差，跌了眼鏡。打玻佬話齋，好天先來落雨?! 但凡事無絕對。

新麻蒲BBQ喺坑口已經開左一段時間，今日終於約到朋友一齊去試下😛一坐低店員就先擺低多碟配菜，有泡菜，沙律，酸蘿蔔，生菜，紫菜等等👍🏿因為懶得揀，所以一於要個牛加豬肉套餐，一次過有晒幾款肉類，蔬菜同海鮮😌部隊鍋其實就係雜錦鍋，咩都有啲😆特別鍾意午餐肉，腸仔，同韓國公仔麵，配辣湯夠晒入味😏火炙霜降牛肉壽司都好有驚喜，原本以為一定係半生熟，點知店員黎到原來可以揀全熟，但熟晒都食到啲肉汁，好Juicy 😍三層高既拼盤就擺齊用黎烤既配料，除左有霜降牛肉、牛五花肉、護心肉、豬五花肉外，仲會有年糕、蘑菇、豬肉香腸同埋大蝦。因為係3-4人套餐，所以份量都唔少架🤔肉類全部都幾出色，配上生菜再加啲泡菜辣醬yummy🤗 另外蘑茹原來燒左都仲會有汁，唔會乾爭爭😆一個套餐就食晒咁多野，滿足晒😀

今晚約左喺將軍澳嘅朋友食飯呢排天氣炎熱 想揾地方可以談天說地又可以飲下啤酒 於是決定去食韓燒最後揀左新麻蒲開餐 喺東港城一田隔離幾易揾店員安排卡位俾我地坐 位置非常闊落舒服真岩晒我地食下嘢傾下計我地3個人揀左個3-4人牛+豬套餐2,呢個餐有肉 有瓜 有蝦 仲有個部隊鍋我特別喜歡五花腩燒到邊位微焦 入口一啲都唔油膩用生菜同其他配菜包住食更好味唔錯無耐侍應會用車堆火炙霜降牛肉壽司過黎問想要半熟定全熟 好貼心我地就揀左全熟 嚟到切開配埋個麻醬入口充滿肉汁 好好味至於呢個特選雜錦拼盤有年糕 蘑菇 大豬肉香腸同大蝦重點主角當然係大蝦蝦嘅size真係唔細蝦肉亦相當嫩滑鮮甜好新鮮呢餐整體質素唔錯又環境舒服Happy gathering

今晚與朋友相聚，想搵個地方可以慢慢傾計，朋友就提議食燒肉由於一收工就即刻去，唔駛等就有位坐，仲要係卡位睇住menu計下數發覺叫餐相對較抵食，所以就點左SS6 牛+豬肉套餐爐邊蛋，芝士粟米係免費任添咖 成餐飯一共追加左兩次，每次店員都好有心機倒到滿滿火炙霜降牛肉壽司揀左要全熟，店員會喺面前即刻用火槍燒熟佢，一啲都唔靭，好好味新麻蒲部隊鍋其實係第一次食部隊鍋，入面真係有超多料，有肉、腸仔、午餐肉、金菇，仲有韓國公仔麵，正肉類，特選什錦拼盤主角就當然係烤肉啦，三層高，一層係特級霜降牛肉+新麻蒲秘制牛五花肉，一層係新麻浦護心肉+五花肉，最高嗰層就係特選什錦拼盤。整體肉類新鮮，特別推介霜降牛肉及五花肉，另外蝦都超大隻，啖啖肉

韓燒嚟講呢間啲肉都幾好食架，款式多，肉質好，肉類嚟講可以有4分以上！但其他嘢就差到爆炸！1. 訂左5個人位，到達後話無大枱只能坐4人枱，迫到手撞手，失望！2. 未坐低就發現枱面已經一早放好晒調味料，水，而鐵板旁啲芝士粟米，蛋內嘅泡菜(無蛋)亦一早已經準備好，我初初以為係比枱後有人準備定，但燒燒下發現後面無人坐嘅枱都係放定左係爐上面！相當唔維生！ 3. 啲蝦霉晒！食左一定中蕉，已經有啲味，之後同佢地講佢地話換，但換左又係一樣無分別，我地話算啦唔要，佢話幫我地問下經理先，非常負責任，但最後好好笑，換左4條年糕比年地！4. 抽氣設備非常差，燒到標晒眼水！ 地方冷氣又唔夠熱爆，我地抹晒汗九秒九食完即閃！肉我覺得值得推薦，但要預左地方細啲唔太舒服囉，食完行街啲人一定知啱啱食左啲乜🤣

上星期睇完韓劇，立即韓氣供心，好掛住D韓燒，特別係燒牛肉，鐘意食到死咗。帶埋小孩來呢間食，佢地住將軍澳，夠方便。我地都叫了牛拼盤，有霜降牛，牛肋排，牛五花肉，重有個部隊鍋添。霜降牛牛味唔錯，入囗即溶，不算太肥，油脂分佈平均。牛肋排好好食，有咬口，D牛味會肉骨間滲出，醃得好入味，恰到好處。牛五花肉，我都係第一次食，油脂較重，放在爐上會必晒D油出來，很適合用來包生菜來吃，幾好食又易入口，原來牛膏咁香口，加埋D肉焦香，唔知點說的好吃! 我覺得燒D冬菇本來會令其乾身，建議加DD水表面，否則太乾會影響口感。 蝦好大隻，好鮮，蝦肉還有彈性，另外韓國年糕燒係好好食，煙韌有口感。D韓國豬肉腸帶有鮮味，燒透D燒到焦焦地先好食。未飽重有部隊鍋，韓國辛辣麵加埋D司華力腸，糯米丸子會比較軟身不沾牙，芝士，韓國餐肉(好食)，我重加咗D辣醬落湯度，超級辛辣，好刺激好味，飲埋杯藍天汽水，解晒辣不太甜，又冰涼，爽!

那日約左個friend 東港城行街，晚飯唔知食咩好，睇到水牌又再遇上新麻浦，原來東港城都有分店，我係韓式烤肉怪，今晩實要親親親烤肉入面裝修靚仔過MK，D卡位些坐得舒適。未食烤肉食下的沙律，芽菜，海帶，泡菜開開胃先，我好鐘意食呢度D前菜，特別係D泡菜，唔太辣，好爽脆，令人好開胃，海帶酸酸地好解辣。我最愛的牛肋條來了，佢係用醬汁醃過，好入味，食時有DD帶甜味的汁，千奇米燒到過熟，否則有D韌，牛肋條牛味真好正。五花腩你唔好怕佢肥，原來佢係豬中極品，D肥燒出D豬油，再滲上表面，肉汁燒到鎖左係入面，呢款豬腩無需醃，已經係世上最好吃烤肉之一，如果怕太油包生菜加D泡菜食，好正好正! 我無飯不歡，叫埋D石鍋牛肉飯，入面好多料，D牛肉好好食，又有D芽菜，籮蔔絲，香菇咁，撈埋韓醬食，食到底有D飯焦香，阿豬媽，點解你咁醒發明韓式石鍋飯!