新麻蒲 BBQ (東港城) (已結業)

新麻蒲環境都幾Chill, 空間感夠, 坐位寬敞舒適.而且每枱都有獨立的伸縮吸煙管, 吸走BBQ既油煙, 減少身上油煙味!一去到餐枱, 新麻蒲已經提供多款醬料及韓式伴菜!伴菜有海帶、泡菜、沙律、洋蔥蘿白, 同邊爐蛋!而且全部任食, 質素唔錯! 個人最喜歡沙律, 泡菜同邊爐蛋! 沙律新鮮, 配合酸酸甜甜醬汁, 清新開胃!泡菜辣度同咸味剛好, 好味道!海帶同樣清新開胃!邊爐蛋係唔可以錯過架, 又香又滑, 仲有粟米同芝士可以加入邊爐蛋!牛,豬肉套餐 $118一個餐有齊豬牛兩種肉, 包括牛肋排80g, 新麻蒲護心肉80g, 同埋什錦菇類, 好豐富呀!牛肋排肉質細滑唔靭, 肉味濃郁! 而且餐廳已經將牛肋排醃好, 味道更好!護心肉係豬的橫間膜和肝之間的肉,  十分矜貴! 護心肉口感豐厚, 肉質嫰滑, 肉味同樣濃郁, 超讚!個人喜歡用新鮮爽脆的生菜包著, 加上少少韓式豆瓣醬同泡菜, 再點少少韓式醋, 好好味呀!烤秘製牛肉 $68烤秘製牛肉由大量牛肉片, 韓式粉絲, 洋蔥, 金菇再用牛肉湯煮成! 味道不錯!石榴果醋甜甜酸酸, 配韓燒好夾!