新蒸武門 (已結業)

餐廳座落在新式工廈，認真夠寬敞舒適，是個寧靜中帶點人氣的聚餐地點。友人在官塘區上班，經常去工廈掃平貨外，笑說很少會在收工時間仍逗留在工廈食晚餐，這晚也讓我倆體驗到煮家飯的味道。武門讓我想起功夫，但前面加個「蒸」字，又會收起刺激，頓時變得平靜安逸起來。最近愈來愈重口味，有時朋友都笑說我的舌頭快要被辛辣刺激的調味料所吞噬了。今晚收起平日放肆的飲食風格，與友人來一趟養生健康的飲食夜，雖然清淡，但十分滿足，讓我重拾對食物的惜食和尊重之心。餐廳四四方方，牆身掛起一塊塊的竹席，感覺更簡潔整齊；配合頭頂上的「燈籠」和凳背的傳統紅紋設計更添中國特色。甫坐下，店員已為我倆倒熱水，這個萬壽無疆茶杯裝有菊花、紅棗杞子和龍眼肉等養生健康的配料，飲落好降火又清熱氣！感覺上好似是清朝敬茶的禮器，十分矜貴又美觀！是日靚湯是淮山鮑魚杞子湯，十分真材實料！湯的味道清甜滋潤，內有細粒好嚼口的鮑魚，加入豬碾熬製，使湯的營養價值變得更高～鮮腐竹濃湯杞子浸菜 $78清淡素食口味之選！加入蛙蛙菜和鮮腐竹，清湯煮出來會好清甜，杞子可養顏同時明目～蜆介鯪魚球 $68炸得好脆，一碟有10粒，養眼度十足～點上特色的潮洲口味醬汁，內有蜆肉

是日朋友帶路食好西，又係觀塘工廠區。今次呢間食店好隱蔽，唔係朋友帶路都差d搵唔到。放工時間，電梯大堂非常多人，好彩食店在一樓，只係需要行一層樓梯。入到餐廳內同餐廳外係兩番景象，餐廳內紅色為主，頗有格調，感覺幾溫馨。一入到去，店員就非常熱情，帶我地坐低後奉上一人一杯八寶茶，好窩心！Menu好簡單，分成菜、肉、海鮮、冷盤四大類。而晚市會有2-4人套餐，每人$200有找，內容都好豐富，比散叫起碼平三分一架！我地兩個叫左一個2人套餐，已經有齊三式頭盤、湯、蝦、雞、魚、菜同炒飯。燉湯足料夠火候，好清潤。原盅上，熱辣辣，好有誠意。冷盤當中最驚喜係冰鎮鮑魚，大廚獨特既製作方法，令到鮑魚肉質爽口又有彈性。仲有少少酒味，口感同味道都一流。乾燒明蝦好香口，預先炸過令到外殼好脆，可以食埋。而蝦肉都好新鮮，好夠惹味。蒸頭腩係當晚另一個驚喜位，班頭腩好滑無骨。大廚火候控制勁佳，魚肉剛剛好熟。配少少藥材調味，好清香。籠底仲有粉絲，軟綿綿吸哂所有精華，食到停唔到口啊！最後既蒸雞、炒菜心同炒飯無咩特別，但無論用料同調味都好唔錯。清清淡淡，家常便飯既感覺。豐富但又唔重口味，合理既價錢，店主拿捏得好好。去開觀塘，有時間又

食野就緊係以食到原味為之鮮， 有朋友介紹我去觀塘樓上鋪食原汁原味 店舖喺工廠大廈入邊位置都隱蔽 搵左一陣終於搵到 新蒸武門 一坐低 就俾咗杯八寶茶我哋入面有甘草，菊花，雛菊，紅棗等等 聽店員講話可以幫助消化 清熱解毒 我哋一行四人就叫咗個四人套餐 鮑魚牛展燻蹄 三款主要係凍食嘅 鮑魚係用酒去浸過咁食落 有少少酒香味 但係又搶唔到鮑魚本身嘅鮮味 牛展肉質 爽口香辣雞 外層包住一層層麻辣香味 食辣雞肉有口感 雞肉汁必曬出嚟，豆角炒牛肉粒 牛肉幾大粒 外層包著一層蒜香汁香煎大蝦 大蝦食落口肉質爽 外麵包住一層煎香嘅茄汁 酸酸甜甜非常開胃三刀魚 係是日海鮮精選 廚師每日親身自己去揀靚海鮮 而三刀魚唔係成日見到而且又靚 食落去肉質嫩滑，以及豐富的油分，令人很難忘記 今日我黎岩時候啦

對於每天3餐都出街食既人黎講, 多渴望有餐住家菜食, 家庭式菜式, 無味精靚湯, 唔花巧, 或者係你同我由細食到大既餸! 呢間名字咁搞鬼既食店, 與食物聯埋起上黎會諗到健康簡單, 皆因"蒸"者, 係比較健康既烹煮方法!食店面積普通, 配上鮮紅色椅子好搶眼, 坐得幾舒服!呢到既茶唔係一般食店所飲到既中國茶, 呢個用焗盎侍用既係八寶茶, 材料包括菊花, 紅棗, 圓肉等, 倒入熱水焗一陣就飲得, 飲得人好舒服, 侍應仲會不斷主動加水, 好細心!呢度供應套餐/散叫, 價錢合埋, 菜式真係好屋企FEEL, 望下套餐都幾岩胃口, 就唔諗啦!先黎個冷盤, 包括燻蹄, 牛展及鮑魚, 三款都味道可口, 份量岩岩好!期待既時候出場啦, 有燉湯飲, 今晚呢款係猴頭菇燉雪耳鷄, 欣賞佢夠晒熱, 湯味夠清, 不燥熱又滋補, 夏天飲都好適合呢款蒜蓉蒸頭腩, 底層有勝瓜及粉絲, 索晒頭腩既精華, 食落好鮮甜, 而個頭腩配以果皮絲一齊蒸, 食到陣陣果皮香味, 質感腍滑!荷葉香菇蒸鷄, 荷葉, 金菇菜及粉絲鋪底, 配以開邊紅棗, 杞子及香菇一齊蒸, 鷄肉夠鮮嫩!蒜蓉炒菜芯呢碟賣相真係好有屋企FEEL, 蒜蓉味好香, 菜

上去朋友間公司等她放工，順便行街食飯，儘情開心愉快過一個晚上，拋開煩惱。愉快的心情，仲見到彩虹出現，喜上加喜，為我地餐飯添上色彩。朋友講起，她公司附近開了一間以健康的小廚餐廳，全是原汁原味為主打，以現在飲食文化，少油、鹽、糖，清淡小菜，吸引了我地。滋潤養生八寶茶：有烏龍茶葉、紅棗、雛菊、菊花、杞子、甘草、桂圓泡茶，明目、清熱解毒、消膩、補血、茶味甘甜，能幫助消化。拼盤：五香牛展、佛山薰蹄，冰鎮鮑魚，呢三款都是似凍食，牛展切得薄薄，食落唔韌，薰蹄，味香，肉質爽口，啖啖肉，肥而不膩，鮑魚好厚身鮮味，本身已入味、唔需要點任何調味，爽滑彈牙，口感一流。原盅雪耳炖雞湯，有杞子、金華火腿，好足料，雪耳有膠質，對皮膚好，味清香濃，熱騰騰，好清潤滋補養生。清蒸三刀魚，魚蒸得剛剛熟，魚肉離骨，非常新鮮，係老闆親自選購，大大條，保證是游水生猛海鮮，蒸熟後，魚肉還帶些粉紅色，一梳梳咁，肉質鮮美，入口溶化，不帶魚醒味，好清淡。香辣雞，這款都係我的至愛，因我喜愛食辣，我們點左中辣，雞肉味香濃，肉質嫩滑，啖啖麻辣味，外脆，有肉汁，咬一口，會有辛辣，但入到口腔，溶解後又唔覺有辛辣味，取代了有雞香味，用上乾蔥、蒜頭、

我份人好怕食熱氣野，因為一食就喉嚨痛，一痛就會作感冒，萬試萬靈。所以當知道觀塘開左一間主打中式蒸煮菜式既餐廳，就一直都想黎試下。一坐低，店員為我地奉上八寶茶，除平時既八寶茶材料，餐廳仲特別加入左山渣，有消滯之效。香菇杞子北茋銀山焗雞 ($68)，雞肉好滑，有濃濃既藥材味，底下鋪上金菇同粉絲等，索晒雞汁既精華，送飯一流！鮮腐竹濃湯杞子浸菜 ($78)，據店員介紹，濃湯並唔係街買既史X生雞湯，而係由廚師每日親自熬製，呷一口，果然雞味特別濃郁，娃娃菜同腐竹都又腍又入味，杞子帶有甜味，材料靚，味道好，有驚喜。籠仔蒸斑頭腩 (時價)，班腩爽口，加埋濃濃既蒜蓉、陳皮，吊出魚肉既鮮味，又係送飯佳品。花雕醉雞 ($68)，碟頭夠晒大，雞肉又夠嫰滑，可惜酒味未夠濃郁，美中不足。土魷蒸肉餅 ($68)，有好多土魷響入面，夠鹹香，火候控制得好，唔會鞋烚烚，好味，而且好有媽媽feel，可恨今晚燉湯賣晒，否則肯定更有住家菜感覺！

今晚帶左媽媽去觀塘區工廈搵食搵呢間好有住家口味嘅餐廳勁多人 差不多全場滿坐餐廳供應嘅並唔係普通嘅茶 而係八寶茶！有三款套餐㨂 我地當然係叫二人餐啦是日燉湯 杞子螺肉雞腳湯超夠火喉 勁夠熱 入口清甜 好好飲😍餐前小食 酸青瓜 爽口酸甜夠醒胃冷鎮鮑魚夠晒彈牙鮮甜 牛𦟌有咬口乾煎大蝦 估唔到係茄汁上😂😂😂😂但個汁做得好好食 唔會過酸過甜蝦夠大 爽口彈牙 勁多蝦膏😍套餐重有雞同炒飯 但掛住食唔記得左影最後黎左個青菜 清清腸胃總結一下 餐廳主打食得健康味道唔會太重口味 比較似住家菜而且店員非常有禮貌 值得再食

同事帶路，上樓食蒸飯。可惜無想像中好食，我們分別點了枝竹火腩同海南雞。真係只得枝竹同火腩，菜都唔多條，雖然有送湯，但都保救唔到幾多，因為碟火腩太…咸啦，同事分分叫救命。海南雞亦好不了多少，雞肉唔嫩滑，醬汁又咸，救命。

"新蒸武門"，一個名字異常有趣的食店。驟耳一聽，第一個念頭就馬上想起李小龍以及周星馳的舊片子....若將這店名與食物作關連聯想一下的話，我想這裡的主打處理食材的做法，應該是一系列的蒸物吧....所以很自然地，今天小弟下午在此點的一道，便是這籠荷葉籠仔蒸斑頭腩配炒飯底....魚肉蒸的火候的而且確控制得好，肉嫩滑溜多汁之外皮又更厚身帶咬頭膠質甚豐，相信它是屬龍躉一類的靚海斑；陳皮絲及青蔥粒也下得重手，吃起來香氣自亦更盛了；炒飯底質地既不濕撻撻但又不會太旱身。在籠仔蒸過後置頂的魚肉的肉汁精華滲進飯裡頭，炒飯除了有鍋氣香以外還帶有魚鮮。很自然地，飯當然比魚肉更為精彩....太太及小友點的都是極普通的家常小菜，而且更難得的是就連味道亦相當有family feel....小友極愛炒滑蛋。眼前的這道韭王肉碎炒蛋，蛋一睇呈半流心半液體狀的就知對版了....吃下去果然蛋香四溢又超軟滑香噴噴；韭王和炒蛋永遠是天仙配來的，看到有它的出現就可預計這一味是永不會讓人失望；肉碎相形之下，對我來講便成了可有可無的大配角....太太的咖喱牛筋腩，醬汁的調味濃郁滿有椰香；牛筋帶點煙齦咬勁；較瘦的腩肉亦未算太硬韌，已是合

晚上，在觀塘的工廈裡食飯，新蒸武門便是其中一員。店員端上一杯養生八寶茶，當中的食材包括了菊花，杞子，山渣，桂圓等食材，當然不乏有茶葉，是一款保健清甜的茶。前菜三弄，旨在餐前開開胃納，其中上海弄堂素脆鱔（左），以菇菌製作，並灑上芝麻，但沒有膳的味道，有機芋絲拌台式酸介辣醬（中），芋絲本身並沒有甚麼味道靠桌上的醬汁提升味道，川味麻辣雲耳（右）則有種麻辣的感覺，而且都幾爽口的。冷盤為冰鎮雪影鮮鮑魚配獅城梅香元蹄，雪白的鮑魚經過製作後再冷凍，再放在冰上。其食味不失為鮮味彈牙，而元蹄亦具食味清爽。而冰鮑魚圍著的，是時令菜苗配日本長崎小南瓜，當中掏空了南瓜，再加入了時蔬，包括了蓮藕，西蘭花和少許肉食在內，南瓜的甜加上時蔬的濃郁的味道，顯得一濃一甜的味道。養生燉湯則為金銀菜集陳孖寶燉鴨賢，是一潤肺的滋補湯。湯料用上；東鴨賢，十五年陳皮，南忠杏，金銀菜及豬尾骨熬製，清甜而具有陳皮的濃郁味道。懷舊經典裡，無骨鯪魚味道甚為濃厚，而且有著脆口的感覺，而甜酸煀燒帶子菌則較酸酸甜甜，帶子亦具柔糯；而古法黑芝麻芝麻糯香燒腸頭還以為是甚麼內臟，原來是一層腸衣包著黑芝麻糯米，吃起來是滿滿芝麻味外，又是柔糯煙煙靭靭。招

因為要買行李箱準備旅行，所以放工後去了觀塘，然後一家人順道在隔壁的新蒸武門食晚飯~一坐下就有養生八寶茶飲，有別於平時茶樓常見的普洱、鐵觀音，味道帶甘，挺特別的。前菜: 上海弄堂素脆鱔、有機芋絲拌台式酸芥辣醬、川味麻辣雲耳上海弄堂素脆鱔由冬菇製成，口感不太似脆鱔; 有機芋絲拌台式酸芥辣醬，本來就喜歡食芋絲，我一個人就可以把它KO掉~ 至於川味麻辣雲耳就非常爽口，只是不食辣的我只能淺嘗。但三個前菜都是甜酸、酸辣口味，夠開胃喇~冰鎮雪影鮮鮑魚配獅城梅香元蹄 + 時令菜苗配日本長崎小南瓜鮑魚及元蹄經過冰鎮之後，肉質非常結實，而且爽口彈牙呢!可惜每人只有一份，未夠喉...至於小南瓜內有很多腐竹、蓮藕等時令菜苗，健康有益。招牌蒸上蒸。海皇宴盤菜扇貝皇+ 羔蟹&肉蟹 + 大海蝦 + 自製彈牙無石膏豆腐 + 粉絲娃娃菜由於蒸的關係，味道偏淡，但更能食得到鮮味，特別喜歡扇貝皇、大海蝦。整餐的味道都較為清淡，唯獨是香酥鴨 配鹽香雪山菇濃味一點。鹽香雪山菇及豆腐很酥脆，不油膩! 香酥鴨的賣相雖然一般，但同樣香口酥脆。海龍養生燉湯 & 金銀菜雙陳孖寶燉鴨腎用料十足，而且平日甚少會飲這類型燉湯，不錯呀~

觀塘工廈食肆林立, 是晚便和家人來到工廈試試私房菜。八寶茶用大量乾花沖泡, 花香濃郁迷人, 不錯。先來三道前菜, 雲耳非常爽脆, 帶點麻辣, 但不會太辣, 很開胃; 芋絲也很清涼爽口, 酸酸的; 素脆鱔較失色, 濕稔了點, 口感一般。冰鎮鮮鮑魚非常爽脆, 鮮味十足, 家人都讚不絕口; 而鮑魚下的元蹄彈牙不韌, 一點油膩感都沒有, 同樣好吃。以南瓜作盛器, 盛滿各種蔬菜如雲耳, 青紅椒, 雞比菇等, 非常健康, 清淡不膩。而南瓜肉亦很清甜呢!再來便是燉湯。龍宮養生燉湯鮮甜得不得了, 一喝醒神; 而另一款燉湯是金銀菜雙陳孖寶燉鴨腎, 或許是菜乾量或陳皮多了點未夠稔, 帶點微苦, 而鴨腎亦可以燉稔一點。然後便是一大盆讓人食指大動的蒸海鮮!! 花蟹很大隻, 很鮮甜, 只可惜蒸得熟了點, 而蝦就生熟剛好, 爽彈鮮味, 很不錯; 大大隻的帶子稔嫩鮮味, 底下的蒜蓉粉絲非常入味, 也不可錯過!! 海鮮底下原來還有娃娃菜, 粉絲和豆腐呢!! 材料吸收了海鮮的精華, 非常鮮味! 而這裏的豆腐沒有下石膏, 帶點彈牙, 豆味濃郁, 很特別。香酥鴨炸得酥脆, 帶點咸香, 肉質頗嫩滑, 只是乾了少許; 鹽香雪山

四月時是丈夫的生日月, 朋友請他來慶祝。清心潤肺 八寶茶, 茶位 $10。冰鎮雪影鮮鮑魚新鮮鮑魚能吃出它的彈牙, 味道是吸收了一些上湯的甜, 時令菜苗配日本長崎小南瓜味道清新的一道, 原隻南瓜被蒸熟後顯得腍身, 甜美的瓜味也為時令菜苗添上濃郁口感。海龍養身燉湯湯色清澈, 燉湯裏充滿了食材的營養及精華, 每一口皆鮮甜清潤。龍躉兩食:瑤柱風沙龍躉、椒鹽脆龍躉特式寶島香樁素炒飯擁有獨特香氣的香椿, 炒飯時與粒粒分明的米飯結合, 加進了鑊氣, 味道更為吸引。

一向更喜歡在私房菜用餐, 因為感覺更舒服. 今次有朋友選址到觀塘駱駝漆大廈裡的新蒸武門, 聽落去名未很特別, 更是私房菜, 就一口答應. 新蒸武門這名字有點像戲名, 但原來是吃家鄉菜的~ 這裡的menu以套餐為主, 我們選的是4人餐. 前菜:上海弄堂素脆膳, 有機艼拌台酸芥辣醬, 川味麻辣木耳上海弄堂素脆膳, 酸酸甜甜的~ 很開胃的前菜有機艼拌台酸芥辣醬, 很爽口, 酸酸辣辣~川味麻辣木耳, 比較辣, 爽口清新這個冷盤很漂亮~冷盤: 冰鎮雪影鮑魚配獅城梅香元蹄, 時令菜苗配日本長崎小南瓜側邊放著冰鎮的鮑魚, 下面放著一塊獅城梅香元蹄. 鮑魚一口一隻, 很彈牙, 很滿足.  元蹄比較有咬口, 我還是喜歡鮑魚多一點. 湯有兩款, 我選了金銀菜雙陳燉鴨腎. 朋友說另外一款味道很淡, 我的味道OK, 相對地比較濃. 原條無骨鯪魚, 甜酸倔燒帶子菌, 古法黑芝麻糯米香燒腸頭, 蜀川大將鴨配鹽香雪原條無骨鯪魚, 因是起了肉再釀再煎, 所以不怕有骨. 煎得很香脆, 也不會很油甜酸倔燒帶子菌, 喜歡菌類的不要錯過, 配以甜酸醬. 古法黑芝麻糯米香燒腸頭, 黑芝麻很香口, 燒腸頭也很野味香酥鴨, 椒鹽豆

今晚同家人走到工廈搵食, 唔係朋友介紹, 都唔知到原來呢一帶咁多野食, 今晚就揀選左呢間位於觀塘的私房菜試試.家母喜愛炸物, 先黎個龍躉兩食, 左較深色: 椒鹽脆龍躉, 龍躉夠脆, 惹味可口; 右較淺色: 瑤柱風沙龍躉, 用左勁多牛油去煎炸, 勁香, 我鐘意! 整體龍躉夠鮮, 有感用黎炸左有D浪費海皇宴盤菜, 呢道菜用料新鮮, 份量夠多, 仲有幾層, 最頂層的扇貝蒸得耐左少少, 不過肉質鮮美, 我最LIKE D 粉絲, 入哂扇貝同蒜香味!食完扇貝後, 就係海蝦, 肉質爽口, 花蟹都尚算鮮甜, 味道未見突出.呢度睇到既廚房既誠意, 可以再黎!