新潮發海鮮菜館

營業中

休息中

今日入長洲玩，入了新潮發食晚飯，點了幾款小菜。餐廳送一碟生菜，粟米羹😍，都夠一人一碗。先飲一碗粟米羹暖下胃。濃稠度適中，有粒粒粟米同蛋花，甜甜地，幾好。椒鹽鮮魷即叫即做，外層炸醬不算太厚，鮮魷夠厚肉，外脆內軟，唔錯👍🏼蒜茸蒸開邊蝦蝦已經開邊，唔使用手搣開，唔怕整污糟手，蝦唔算太大隻，鮮味加蒜味好正。豉汁涼瓜涼瓜健康又清熱，份量都算多，甘甜爽口。海鮮豆腐煲都有幾多海鮮，鮮魷，魚塊，鮮蝦，西芹，豆腐，個味道都調得唔錯，唔會好鹹。潮發小炒王餐廳推介，有鑊氣，材料好多，有腰果，韭菜花，蝦乾，叉燒，青椒，紅椒，花生🥜，鮮蝦，口感層次豐富。蒜蓉蒸扇貝本身得四隻扇貝，餐廳見我哋五個人，就主動話送多隻😍蒜蓉粉絲蒸扇貝個配搭基本上冇得輸，味道鮮甜！小菜加汽水，食到很飽呢。

假日同朋友三人行走左去長洲行下掃下街岩岩到長洲我地都好肚餓嚟到離島唔係唔食海鮮呀嘛所以我地決定係大街搵間海鮮店食個午飯餐牌上寫得好清楚價錢我地3個人揀左5款餸首先講左我最鐘意既椒鹽魷魚外脆內軟 個人認為好啱送啤酒蒜蓉粉絲扇貝 都唔錯超級多蒜蓉蒜蓉粉絲蒸蝦同樣都係超多蒜蓉啲蝦嘅大細比想像中細我突然間好想食沙拉骨所以我就嗌咗喇朋友就想食星洲炒米份量超多我覺得夠四至五個人食另外仲有粟米羹同埋油菜送真係好飽呀

入到黎長洲就梗係要食海鮮啦但係一落碼頭轉左同埋轉右雲雲咁多海鮮檔究竟幫襯邊間好呢唔使講嘢服務最好邊間就幫襯邊間見到呢一間嘅人客客似雲來梗係有一啲箇中嘅原因嘅坐低呢度嘅侍應姐姐同叔叔真係好好忙到發分都隨傳隨到做嘢唔會托手踭馬上嗌幾度海鮮幾度小菜所有海鮮落足料滿足食海鮮慾望最勁嘅係嗰個椒鹽魷魚嚟到一定要試其他小菜水準都不錯不錯大熱天時嚟到長洲坐低梗係要飲番罐可樂唔係講少就算佢咁好生意都好拎出嚟嗰罐汽水都係凍冰冰所以下次嚟長洲又想食海鮮過吓癮不妨來一來這間店舖

長洲抵吃海鮮餐✨一場入到長洲遊，望見沿海有很多以海鮮主打的大排檔。經過時發現這間坐滿客人，於是揀選這間。😆門口更有人等位😆餐牌上清楚列明所有餸菜，你可以任揀餸菜，以碟數來計算價錢。是次三人同行，於是點了五款$408🌟推薦《椒鹽鮮魷》😋椒鹽味很香，很入味，外層酥炸的部分，脆卜卜，外脆內軟，熱辣辣的！推介推介！必叫！✨《蒜蓉蒜開邊蝦》滿滿的蒜香和粉絲，配上開邊蝦，完美的配搭！即叫即製作，好吃！🌈《蒜蓉蒜扇貝》即叫即製作，熱辣辣，配上蒜茸和蔥，加上粉絲，扇貝好吃！🌟《沙拉骨》除了海鮮，還有其他類別的餸菜。沙拉骨也不錯👍🏻豬扒軟淋淋，醬汁配搭得很好！而且豬扒切成小件，容易咀嚼，更是啖啖肉。✨《星洲炒米》還有飯、麵等選擇，星洲炒米超大碟！而且十分入味！咖哩味很濃郁！好吃！👍🏻餐廳不加一不收茶介，更附送一大碗粟米羹和一碟生菜。👏🏻店員也十分有禮貌！👏🏻👏🏻環境也坐得舒服，能邊望著大海，邊開餐，感覺很chill🤣總結：抵吃！餸款多！

在碼頭附近的這個海旁有很多不同的海鮮餐廳好像餸菜和價錢都差不多 ~ 今次食咗隔離有間賣海鮮 黃色枱布嗰間看起來很乾淨 一坐低就有茶水俾你洗碗~點菜後 仲有俾個粟米魚肚羹你飲先對住個海景望住日落 5:00食到6:00一路食人就坐滿人 每一樣都即叫即整 卻不用等很久 很快就上菜任選海鮮套餐 選擇實在很多很多 叫咗5款$408 免加一茶介 送你 🆓粟米魚肚羹 🆓油菜一碟 送的♥︎ 粟米魚肚羹好清的湯羹 令到胃口大開 甜甜鹹鹹 有一些有咬口的粟米和魚肚 ♥︎ 白灼蝦有9隻蝦 每一隻都好新鮮 肉質彈牙鮮味♥︎ 海鮮炒飯大大的一碟 有着豐富的食材有生菜魷魚蝦蘿蔔粟米青豆 炒得很鬆軟♥︎ 豉椒炒蟶子聖子細細地但係都幾飽滿 加上洋蔥和青椒炒 香氣撲鼻♥︎ 椒鹽鮮魷大大嘅一碟 非常香口 熱辣辣很好吃♥︎ 蒜蓉炒西蘭花🥦大大嘅一碟 好香嘅蒜蓉味 我最愛的菜之一♥︎ 送的生菜🥬加上了炸香蒜和豉油 香氣撲鼻整體不俗 食得好飽 平均每個餸都係$80左右 預每份海鮮份量夠2-3人 主食 菜 的份量夠3-4人早一點吃飯 可以選擇欣賞日落的座位~ 5:45pm 就坐滿了人啦

今日約咗朋友一行五人去長洲玩，夜晚去咗海邊一間海鮮館，一邊欣賞日落一邊品嚐海鮮，我哋叫咗8道菜，每人都只係百幾蚊～🌟粟米魚肚羹：粟米清甜、可以暖一暖胃。🌟豉椒炒蟶子：有紅椒青椒拌碟，有鑊氣🌟椒鹽鮮魷：厚肉、外皮質感鬆脆，蘸啲醋食好香口🌟蒜茸蒸開邊蝦：上面有粉絲蒜蓉，送飯一流🌟豉汁涼瓜：涼瓜唔會炒到過老過林，甘甘甜甜🌟海鮮豆腐煲：海鮮有魚蝦魷魚，熱騰騰上鍋香氣十足🌟潮發小炒王：材料豐富，有韭菜、芽菜、菜脯、有鑊氣有惹味🌟椒鹽瀨尿蝦：一碟有成10多隻，外脆內軟🌟蒜蓉蒸扇貝：蒜蓉同粉絲加扇貝係最強嘅配合～

入左呢間店，叫左個三餸餐$248 果然平嘢冇好！入去前話送通菜同湯...坐低之後送左個粟米湯，但通菜就話冇晒只得生菜，其實一早煮好晒焗人食避風塘炒蜆懷疑係即食蜆肉撈蜆殼，仲有d未開口撈埋一齊，扮係新鮮蜆，完全係垃圾殼😩之後係個沙拉骨，但完全冇骨，係不知名肉片😰😰😰得個炒魷係正常少少，但都唔合格😐完全中伏最後仲要肚屙🤢🤢🤢非常後悔...😓😓😓

本身自己已經對旅客區既食店,係唔會抱有期望去食,所以就算唔好食,都唔會有咩感覺.但都有小小後悔無睇清楚openrice comment就去食....我旨意食物好食,但環境真係好差..差到想喊.....4點左右去到都幾full下 被安排坐左係行人路邊邊. 對住個海 有D船仔 應該係幾好景既 但地下係好多紙巾!!仲要有血!!! 有口罩.. 咩料呀....清潔個陣無睇清楚???$248有3款海鮮椒鹽鮮魷-,整得真係唔差,但份量真係幾小下. 叫做炸得幾脆 鮮魷亦都唔UN. 幾淋身 蒸黃立倉 嘩 條魚 細條到..好可憐...街市一條20蚊都大條過佢...但味道唔差囉..似屋企飯...哈哈有呀媽既味道避風超炒蟹 - 好難食....根本無個種味道...求其幾粒蒜就打發左人....蟹好細隻而且無肉...好差碟菜係送 我情願佢唔好送啦 份量小到好似比人食剩左咁...又油..

今日同老公二人即興到長洲行下，由於二人限聚令生效所以趁夜晚六點前就要開始食晚餐。結果我哋路經呢間海鮮店於是行入去試試。 $248有三個餸，另外送一碟油菜，粟米魚肚羹，白飯就需要另外加錢叫。於是我哋就叫咗三樣餸，第一樣係水煮牛肉，但係水煮牛肉需要另外加錢$20，入面有薯粉芽菜，而牛肉嘅份量都唔少，不過牛肉就應該冇醃過，所以就淡而無味，但整體來講都唔算難食，若果唔食得辣嘅人就唔好嗌呢碟餸，因為真係好辣。 第二樣餸我哋叫咗椒鹽九肚魚，個粉漿炸得好好食😋，呢碟餸值得一讚，而且份量都唔少，若果嚟呢度食呢一碟餸一定要嗌。 第三樣餸我哋叫咗避風塘炒蟹，賣相一般，份量都好少，而且幾種唔同嘅蟹炒埋一碟，有啲蟹入面係冇乜肉，仲衰過街市買嘅三點蟹，所以我見冇肉食食咗兩啖都冇再食，全部得返啲蟹殼喺度，呢碟餸完全係負分。 另外會送一碟油菜同埋粟米羹，兩樣嘢嘅份量正常，粟米羹明顯落咗好多味精，如果淡返些少就會好啲。由於二人限聚令所以每一枱只可以二人坐位，我見到比較肥嘅職員阿姐經常除低口罩同人講嘢，衛生上有點欠奉，有時都好擔心阿姐會除低口罩走過來。 整體而言我覺得質素一般，若果有得選擇可以試埋其他附近幾檔嘅海鮮餐廳

今日晏晝諗住揾嘢食行過佢門口有人sale啲小菜點抵食啊點好食啊咁，跟住我哋就入左去，一行四人叫左個魚香茄子煲，椒鹽骨，椒鹽九肚魚同蠔仔炒蛋佢話送粟米魚肚羹同炒菜，魚肚羹黎到冇咩粟米同魚肚好多味精跟住再黎個椒鹽骨好難食啲肉唔新鮮送嗰個菜係炒芥蘭一般每人食左一兩條都唔想食落去九肚魚啲粉勁厚個蠔仔炒蛋好小小但都唔好食，最後係魚香茄子煲冇魚香啲肉碎一舊舊唔係話超難食嘅唔好食囉！佢個㕑真係唔x掂，但勁多人食囉唉枱枱都係遊客邊會知禁差，聖誕節第一餐真不快樂

見到上面差評我都唔信，見阿姐服務態度好，拍晒心口話餸兩菜同送湯。得，就呢一間。但貨不對版，送兩菜變咗送一菜（啲菜仲要係老，嘅唔想食），冇湯（再次問過話冇晒）。炒蜆涼嘅（2分鐘唔到就同我上咗炒蜆），叫佢返炒（最後驚佢加料，結果都冇食）。其他菜都唔講啦，講多都驚口臭。如有人再食，我唔想笑你，但恭喜你，Enjoy your dinner 😉😉。

行行下見到個牌寫住$168兩餸仲送粟米魚肚羹攞完籌沒耐,阿姐就叫我同仁男朋友入座,點知上一手人客搞到成枱水，諗住阿姐會抹一抹，抹都沒抹就擺枱布，滴到成地水衛生惡劣第一道菜 粟米魚肚羹失望之極話明粟米魚肚羹，竟然沒魚肚得d蛋花同粟米一舊魚肚都沒丫，雖然係送既但名不符其不實，甘就吾好叫粟米魚肚羹啦～叫粟米羹我條氣都順d第二道菜避風塘鮮魷阿姐俾錯椒鹽鮮魷，叫阿姐換返避風塘鮮魷，點知黎返碟餸竟然係同一碟仲要係凍，鮮魷上面只不過係多左幾條炸辣椒同少少蒜蓉就當避風塘鮮魷，真係當人傻架喎，食落去係椒鹽味，幾條辣椒點綴就了當件事扮避風塘鮮魷，我真係好愕然真係差到迫到我第一次寫食評⬆️粉漿太厚味精太重吾夠脆第三道菜蒸魚d條魚等左1個鐘頭半先黎，條魚幾好食多肉蒸得幾滑吾會老吾會再有下次!

今日同老婆去行下街，之後去咗依間食。阿姐推介大蟶子$48兩隻，大蝦好大隻嘅$110兩隻結果急凍白下兩隻。叫咗168套餐兩個餸，有椒鹽鮮魷，（無味）。油鹽水粉絲蜆，合格。總括嚟講食咗第二次聖子真係唔掂。俾我唔會再有下次

老公生日一家四口就入長洲玩，去完張保仔洞，就去食海鮮餐。碼頭隔離沿海都有海鮮酒家，我哋行左幾間之後就响呢間坐低，因為阿姐hard sell三餸海鮮餐就$248，又見間間都差不多價錢，所以就入去。我老公超鍾意賴尿蝦，所以叫左個椒鹽賴尿蝦俾佢食，啲蝦其實細細隻，但炒出嚟好香，慢慢搣同”梅”吓都唔錯。另外我女就鍾意魷魚🦑，上碟見到都算唔錯，咬落去都好爽口，無overcook到。第三個海鮮就係大人小朋友都鍾意嘅蒜蓉粉絲蒸扇貝。啲粉絲都剪碎左方便大家，都多蒜蓉同個豉油都好香，但好可惜啲扇貝太細粒了😪我哋仲叫左個粟米魚肚羹，同埋佢哋送左個生菜(又係好細碟😅)，整體上味道唔差但份量真係少左啲。

難得到長洲，一於吃吃海鮮。點了侁選三款的套餐，選了以下三款，店家送粟米羹和炒菜。豉椒炒蟶子：豉椒炒很惹味，蟶子不算少，質感和味道都好。蒜蓉蒸開邊蝦：蒜蓉味很香，蝦肉質爽口，有鮮味，好吃。花雕蒸蟹：有一大一小共兩隻蟹，大蟹不新鮮，肉已變乾而且沒蟹味，小蟹肉質正常，有蟹味。粟米羹：不夠熱，但既是送的，要求不能多。炒菜：有生菜又有通菜，味道可以。這套餐價錢合理，可惜其中一隻蟹不新鮮，否則會更滿意。我們坐在室內的座位，其實室外也有座位，但人很多，很擠迫很嘈吵。服務方面，點菜時曾硬推較貴的海鮮，但我們不為所動，之後要茶水，店員服務尚算可以，不過上菜的店員不戴口罩，在這疫情當前的時候，實在不太好。