新潮發海鮮菜館

營業中

休息中

假期放下工作·入長洲享受一下無工作壓力的日子，入去第一餐就伏都到你要服😓其實之前都嚟過，係自己買海鮮比佢整，咁就收油料錢，自己來料就無問題，但如果叫佢嘅海鮮套餐就真係伏到你想唔服都唔得😓😓—————————-1⃣️豉椒蟶子：第一伏從未見過細過隻蜆嘅蟶子😓又多殼，又有沙，豉椒炒蟶子殼😅又……….. 唉😓😓😓😓😓2⃣️蒸扇貝：第二伏食落都唔係新鮮，粉絲又硬🥹3⃣️蒸黄花魚：第三伏預咗中伏無言以對😂4⃣️椒鹽豬扒：第四伏原本食椒鹽豬扒都無乜嘢好伏，但竟然食到有幾件臭咗🥲5⃣️粟米🌽茨：唔好以為我錯字，無寫錯，係粟米豆粉茨😅送嘅，送到咁不如咪鬼送——————————-長洲假期第一天，伏到你要服😅😅😅其實開心🥳簡…單就在你身邊..食….拍…寫.. 已經成為我生活中的一部份鍾意食..鍾意拍.鍾意寫..留下伏伏的回憶😝—————————-

當時情況：佢係海邊頭一間海鮮餐廳，呀姐落力sell，所以試下。呀姐話：$168兩個海鮮加一個菜。落單個陣，我地叫左蒜蓉蒸扇貝、豉椒炒蟶子、雜菜煲，但原來送個個指定係生菜！加埋雜菜煲就當三個餸要$248！唔問都唔講！另外叫左啤酒、可樂，等左好耐都未到，見隔離枱都好快有，我地就問下，終於黎左，兩樣都唔夠凍。。。又等左幾個字，野食黎到，扇貝三粒，蟶子有沙兼勁細粒，無豉椒味！叫呀姐加餸，佢話轉頭搵人黎，但轉頭影都唔見。算，唔等，走！總結：垃圾，係禁谷客入，又做唔切，又漏單，又難食！完。

星期日入咗長洲，天氣好熱，好多人🤣 午餐想食海鮮，揀咗新潮發。啲海鮮質素真心嗰句真係好普通，不過個廚鑊氣夠，味道還可以。同埋價錢真係唔貴，八個人叫咗個10餸餐，再加一碗白飯，一碟肉絲炒麵，一個自攜海鮮加工再加一支大藍妹，埋單先係$1006⋯⋯ 環境就好一般，可以稱得上係有啲污糟，同埋最大鑊就係連室內都冇冷氣，大熱天時真係食到大汗踏細汗🥵服務方面呢，上菜都快手嘅，禮貌就唔好要求咁多啦，個阿姐有時係會喝人嘅🤣

去咁多次長洲， 未食過咁難食既海鮮， 個味道好似冰鮮，完全唔新鮮，肉質又乾又霉。 我叫咗蒜蓉蒸蝦，剁椒聖子，避風堂魷魚，蒜蓉蒸扇貝。 首先d蝦又細又無肉，又乾又霉。 我寧願去百佳買冰鮮蝦都好過佢。 所謂既剁聖子系聖子殼炒辣椒乾，10粒肉都無， 哋聖子有股臭臭的感覺，完全無味。 之后哋避風堂炒魷魚系麵粉包魷魚， 魷魚無味不特止，咬落去全部都系麵粉，個魷魚可以用蒼蠅來形容。 哋扇貝超級多沙，個扇肉超級細，又過老。 所有餸都系凍，可能系製定放咗好耐。 完全都唔知點解哋KOL 好食，想中伏就可以試試。

長洲旅遊，回程前諗住好好地食多餐飯，途經碼頭，見咁多人坐喺出面的枱度，可能街坊都覺得好食，於是乎就試呢間。約2:50入座，3十約度的天氣，坐左陣發現仲未涼，原來部冷氣唔涼的，開左3-4部風扇。🥵🥵我地5大人，3細b，入到去比左張12人枱我地，餸到才發覺大枱無旋轉圓盤的重要性，下下要企高彎腰夾餸。😒😒魚香茄子煲，很重味，很咸。宮保雞丁，少辣，味唔係好夾，一般。椒鹽骨，比較乾。椒絲腐乳通菜，最正常的一碟。豉汁蒸黃花魚，蒸得剛剛好，好滑，不過太多油，有一大層油在面上。最後加多個粟米羹，一般，淡味。結帳$480

本身來長洲食海鮮已經冇咩期望，食完覺得冇乜希望！ ！人生第一次打食評原來要打200隻字先可以俾負評！ ！終於明白人哋寫負評係咩心情！！今次真係一定要打唔想你哋做水魚！！ ............ 超級難食..........海鮮一定唔新鮮！！！未食過用油浸住啲菜，想膽固醇高可以必吃！ ！蒜蓉開邊蝦超級霉！剁椒聖子一大半都殼！ 避風塘鮮魷麵粉超級厚實！蒜蓉粉絲蒸帶子又細粒又多沙！！！中伏超深！！！伏味濃！！完。

趁假日33度到長洲食個簡單的海鮮餐🎏選擇四餸套餐$328送油生菜，2個大人嗌左油鹽水瀨尿蝦，椒鹽鮮魷，豉椒蟶子，蒜蓉蒸蟹，點餐完成之後十分鐘內上菜！埋單$36X!🦐油鹽水瀨尿蝦夠咸味 而且差唔多全部都無霉肉，油鹽水白滑似胡椒豬肚湯咁好飲。🦑椒鹽鮮魷炸得夠乾脆，吹涼咗都無問題，而且唔覺得油膩，配埋喼汁更加惹味，而且好大份，兩個人都食唔晒🦀蒸蟹就無得別，有一半肉質比較霉，而且上碟有兩隻半的份量，唔知點分好😹🐚豉椒蟶子用咗細細隻的品種，雖然細只但易咬又無沙，剁椒炒味道比平時是開的偏辣

難得入一次長洲，肯定食埋晚飯再搭船走啦，晚飯我地想食海鮮，系長洲海旁路有一排海鮮大排檔，最後選擇左新潮發海鮮菜館，因為個阿姨好熱情好好人見我小朋友多給左個好靚位置。3個海鮮一個湯一個蔬菜只要248蚊，真系超級超級超級低食⚡️（重要事情講3次）🌽粟米魚肚羹：住家罐頭風味。🐚豉汁炒聖子：聖子好新鮮，好鮮甜，豉汁大排檔風味不過咸左小小送飯就剛剛好。🦑椒鹽鮮魷 ： 外脆內煙韌，非常野味。🍤椒鹽大蝦 ：蝦肉略嫌乾左Ｄ，不過椒鹽味好好食。🥬蒜蓉炒青菜：普通青菜。整體來講甘嘅價錢甘嘅質素真系超值。

What I like about this restaurant is that you can actually taste the seafood. We tried several places before but most of them used a great amount of msg. I definitely recommend this place as you can enjoy the view outside with an alfresco dining feels into it. Ideal place for groups of friends and family. Don't foget the blue girl beer to complete your dining experience!

早前，一家人去了長洲住了一個晚上。也令我們幾乎把島上的每一個角落都行勻了。要尋食，中午的時段的確有很多的選擇，但入黑了，才發現，好多的文青小店，茶餐廳小店只是做中午。晚上，想一家大細開心食飽飽，就只有朝北社那一頭的海鮮菜館找了。來到，其實間間都一樣，間間都在門口拉客，而我們一家就被《新潮發海鮮菜館》拉入來了。門口的姐仔說，三餸套餐會贈送多一個餸。原來贈送的，是一個蛋花粟米湯，清甜，即叫即滾起，住家式的超速湯水，味道唔晒小朋友心意。太太說食素，店員亦吩咐了廚房只來一個蛋花粟米湯，老少咸宜。太太說，有個湯，加一個素食，她就可以了。所以，三個餸中，為太太而點了紅燒豆腐。豆腐走過油，外脆內軟，而且吸滿了充滿豉味的汁，很是好味道。再者，冬菇也出晒味，令這一碟餸成為了送飯良物。我們的目的只是食晚飯，所以不會叫到一檯都是海鮮。而且小朋友始終都要有啖飯落肚才會開心，所以點了一份咸蛋蒸肉餅，給他們伴飯吃。出來的肉餅，似乎是手剁的，相信店方不會一早預定會大量做肉餅，所以不會隨時有豬肉碎來做此菜式，每一次做都要即場手剁，吃入口的肉感覺好實在。加埋非常好味的豉油，我同阿仔都添了飯。既然來到的餐廳是海鮮菜館，點

呢度好多間海鮮舖，因為未食過呢間所以想試吓。門口姐姐好積極又送湯有送菜所以入咗去…睇食評見到咁大隻蟹，但原來實物好細隻，同埋有d 水水地。。唔知係咪我唔好彩海鮮肉質麻麻地。。。有d 失望。。。叫左個蒜蓉蒸扇貝，佢話扇貝得三隻，因為我地兩個人分所以要另外加錢加多隻。以為三隻會大隻d 但都係一般。菜冇得揀，生 菜有d 爛同黃，食落苦苦地，不過送既就算啦。總括嚟講 應該唔會再去食。隔離果間好似好食d..........

難得有假期，同一班朋友去長洲行山，食海鲜。行山到黄昏，去揾海鲜餐廳食海鲜，走入新潮發海鲜菜館。真是好平，2個餸168元，我地叫左6個餸都只是488元，仲要送粟米羹和2碟菜，好抵。粟米羹夠6碗，每人一碗。菜也不细碟，不錯。每人叫左一罐汽水添。我地叫左白灼東風螺、椒盬九肚魚、薑葱蟹、蠔仔煎蛋、鼓油王炒麵和椒鹽鲜魷。如果以小菜來計，味道已不錯，但始終炸粉太多，令到鲜鱿和九肚魚不太好食。食完之後，我地再係長洲行多一陣，就搭船返中環。

入長洲嗰個都梗係踩單車不外乎BBQ又或者食海鮮😋😋今次入嚟長洲踩完單車就去食海鮮啦好多海鮮店呀😁我哋揀咗呢間因為佢有套餐超抵食👍👍 唔使咁呀佢仲客似雲來呀💯新潮發海鮮菜館有好多唔同種類嘅套餐👍👍我哋叫咗個八餸套餐💯都係六百幾蚊咋喎超抵食呀👍👍魚蝦蟹咩都有爽呀😋😋 仲送粟米魚肚羹好入味好好味嘅🤩🤩椒鹽魷魚， 脆卜卜好好味好新鮮嘅鮮魷呀好彈牙㗎👍👍生炒骨，小朋友鍾意食又多汁撈飯好正呀👍👍好快就ko曬啦🤭🤭啲肉好嫩滑一啲骨都冇💯好有鑊氣呀👍粟米石斑， 又係小朋友精選啦😁😁啲汁撈飯呀啲魚係好新鮮魚肉好滑正呀👍👍椒鹽九肚魚， 好耐未食過啦冇骨嘅又係脆卜卜🤭🤭好新鮮啲魚肉呢係真係好嫩滑㗎喎🤩🤩長洲海鮮真係正豉椒炒蜆， 太好味喇嫌佢細碟咗少少添😅😅蜆肉脹卜卜好正喎💯💯蒜蓉蒸開邊蝦 ， 嘩我第一次食蒜蓉開邊蝦原來係咁好味呀😁😁隻蝦好新鮮好彈牙好爽口😍😍蒜蓉蒸扇貝， 有粉絲有蒜蓉嘅扇貝仲好大隻㖭好好味呀啲蒜蓉味好入味好正😋😋薑蔥炒蟹 ， 以為好細隻啦😅估你唔到有兩隻蟹喎，同埋啲肉係好新鮮㗎喎👍 即係仲好大隻㖭抵食呀 💯💯呢個套餐真係超值呀

新潮發海鮮菜館 (長洲)📍長洲北社海旁路13號地下C號舖傳統長洲海鮮餐廳，午飯時間人山人海，有海景位同室內冷氣位，但我一家大細費事等咁耐，坐咗半室外位，今日天氣唔熱，都坐得幾舒服。食物叫咗套餐，送一碟生菜同粟米魚肚羹，飲品要另外叫。🍳 蠔仔煎蛋蛋邊有少少燶，入面唔會太熟有蛋汁，蠔仔鮮甜美味，加上有芫荽，令最啱我呢啲荽人😂。🦑 避風塘魷魚魷魚肉質彈牙，炸粉唔會太厚，就算唔點醬汁都好好味。🐟 椒鹽九肚魚魚肉食落好滑，就算有骨都係又細又幼嘅骨，可以直接食埋。炸粉份量啱啱好，椒鹽味夠晒，唔使再額外點鹽。🥦 蒜蓉炒西蘭花咬落鮮甜可口，加上陣陣蒜蓉味，令菜色加分。🍍 菠蘿生炒骨肉比較細粒，好彩份量都多，炸得香脆，醬汁甜甜酸酸，好開胃。

12月尾又係清假嘅時候，無無聊聊就入咗長洲逛下食下。近海就緊係食海鮮啦，行過見到呢間海鮮餐廳好旺好多人，一於揀佢試試。餐牌都好豐富，set好晒任選海鮮套餐，我哋揀咗個5款套餐。蠔仔煎蛋好多蠔仔好足料，而且個蛋好滑好香，絕配。避風塘魷魚魷魚好新鮮好彈牙，外面炸得好脆口但唔厚粉，完全冇個種食炸粉漿感覺。蒜蓉開邊蒸蝦呢個冇得輸啦！蝦新鮮加埋蒜蓉粉絲蒸，點會唔好味。豉汁蒸白鱔條鱔好肥美，肉質比較林身，唔係脆鱔。菠蘿生炒骨估唔到小菜都唔錯，個酸甜味調得剛剛好，排骨亦冇overcook。生炒骨雖然唔係海鮮，但都值得一試。另外餐廳仲送咗油菜同粟米羹，真係抵食又好味呀。