新泰東南亞餐廳

營業中

休息中

朋友剛剛去完泰國🇹🇭旅行，今晚約出黎食晚飯俾手信。估佢唔到，佢又揀食泰國菜。今晚選擇左依間，佢話每次行過K11 見到都想試😝。當晚19:00 黎到，地面大堂給人一種好grand既感覺。落一層樓梯才到餐廳，環境同樣給人一種高尚的感覺。大大小小的沙發卡位，坐得舒服。 當晚除了本地人，還有很多遊客捧場呢。職員大多數是泰國人，令人感覺像去到曼谷般。-餐牌選擇多,我們點了好幾款🌟香芒牛油果🥑軟殼蟹卷 $88以薄薄帶煙韌口感的米紙，包著甜芒、酥脆軟殼蟹、蘿蔔青瓜絲、檬粉、沙律菜、牛油果🥑。利用蔬菜的清新中和軟殼蟹既油膩感。配搭得宜，點上酸甜醬汁，提昇味道。-🌟咖喱蝦 $188咖喱不辣帶微甜，質感濃稠味濃，不會水浠浠的。蝦去了殼，不算肥美，但新鮮。-🌟燒黃鱔 $118黃鱔肥腴可口，燒得皮脆但肉質十分Q彈嫩滑。薰上惹味醬汁及芝麻，更添味美。-🌟越式燒春雞香茅黃飯 $168這是很特別的一款菜式；原隻春雞，釀入惹味的香茅黃薑飯去焗製。 春雞皮脆肉嫩，而雞汁精華滲進黃薑飯，粒粒飽滿。

春天朝濕又累又冇胃口，所以又係食泰菜的時候🤣今次兩個人一共點了四道菜：香芒牛油果軟殼蟹卷燒黃鱔咖喱蝦越式燒春雞香茅黃飯前菜：香芒牛油果軟殼蟹卷味道清新、米紙軟軟的又帶點煙靭，口感十足。入面的用料有芒果、檸檬葉、牛油果和軟殼蟹。檸檬葉帶來陣陣清新香味，十分醒神！小食：燒黃鱔鱔在家不容易處理，梗係外出點黎試試！燒鱔肉質軟滑，帶點魚脂香味。鱔肉在燒烤過程中塗上大量燒汁，類似鰻魚日式醬汁的味道，喜歡鰻魚的朋友不可錯過！主食：越式燒春雞香茅黃飯厚隻燒春雞上碟，十分吸睛！火喉十足，外皮香脆。雞肉入味，雞油在燒烤過程中滲進黃飯中，十分滋味。黃飯味道豐富除了帶有香茅，還有少許薑的香氣，味道濃旭。在旁的洋蔥沙律帶來清新的口感和衝擊，十分配合。主食：咖哩蝦咖哩蝦和想像中的賣相有點出入，蝦經過油炸，配著咖哩汁時，外皮有點過淋。咖哩分量十分足，味道椰汁味偏重，缺乏咖哩的香味，有點失望。餐廳環境設計用心，座位十分舒適，待應反應迅速，經常添水，是一個和朋友聚會的好地方。

餐廳門口嘅佈置非常有心思好多綠色植物加埋星馬泰嘅裝飾真係有少少置身外國嘅feel值得一讚👍🏻餐廳地方頗大枱與枱之間都有一定距離環境唔嘈（好似冇音樂添）好適合傾計同relax服務員好多都係亞洲人士招呼非常殷勤最值得讚係不停提供暖水，很少餐廳做到👍🏻餐廳嘅食物整體質素很好😆1. 份量很多2. 味道適中，不會太鹹太濃味3. 價錢大眾化肉骨茶（細）非常多湯料（細排骨、冬菇、豆卜）肉骨茶味道都夠味！很少地方可以食到有水準嘅肉骨茶👍🏻如果再熱啲就更好😉串燒（豬牛雞）唔點沙嗲醬其實都夠味😆都幾好食！紅咖喱雜菜配薄餅咖喱小小辣雜菜有番茄和菠蘿提升了整體嘅味道，更開胃🤣薄餅份量都好多，夠香蔗蝦份量好大蝦肉爽口配埋酸甜汁一流

今晩同好姊妹一齊去睇 Ekin 演唱會…咁之前緊係要食好嘢啦～就係咁揀左呢間泰國菜嚟醫肚！第一次嚟…接待員服務態度好好，我們一行四人，竟然俾六人卡位我地，值得一讚！開始點餐…共揀了十樣！由於有兩人食辣兩人食微辣，所以一人一半冬蔭公湯 vs 肉骨茶冬蔭公味道香辣，材料足夠，但蝦肉略嫌少少梅，份量足夠二人飲用！肉骨茶都幾正宗，湯味濃，村料足，湯底就油了些！泰式拼盤 vs 燒豬骨泰式拼盤有：蝦餅，魚餅，春卷，生菜包燒豬骨：肉質少少乾身，但味道香口！泰式通菜走辣 vs 青木瓜沙津通菜味道適中，沙津夠酸亦夠辣，食到停不到口！還有咖喱海鮮配蒜蓉多士～鐵板蠔仔蛋：蠔較少，蛋炒得較油，但味道香口蟹肉炒粉絲：粉絲彈牙，不會炒到一舊舊，蟹肉實正，味道好！

晚餐尖沙咀的選擇很多，男朋友話想食泰國菜，佢話好耐冇食喇～ 唯有順應佢要求喇！揀左位於加拿分道呢間新泰，可能我地7:00已經到舖頭，未見太多食客，就咁walk in 就可以入座，唔洗排隊等候真好！一入映入眼簾全是椰樹及綠色的植物，感覺人處於熱帶雨林渡假一樣，特別寫意！座位係basement 要行樓梯落去～寬敞又舒服的泰國餐廳！超適合一大班朋友黎聚會！由於我地好晏先食左個lunch 唔會太餓！所以點菜貴精不貴多～～先來無骨鳳爪泰式沙律最喜歡無骨鳳爪不用吐骨很方便，酸甜的泰式醬料加上香辣的紅椒椒絲互相配合，清新又開胃！沙爹串燒（豬，牛，雞各二）因為我地所有肉都食，所以沒有特別order走什麼，所以每樣都上，我最喜歡雞肉串燒，雞肉特別嫩滑，點上特色沙爹醬汁，超級香口惹味！泰式香菇炒椰菜苗值得一讚這裏小菜上枱特別快有效率，一上枱仍然熱乎乎，椰菜苗超鮮甜，唔會太咸！明爐烏頭我比較怕吃到魚腥味，烏頭應該處理得唔夠好，仲有血塊黏著魚肉，感覺有少少扣分！幸好配料及湯汁搭夠，煲耐少少，等烏頭完全入味之後，就不太吃到魚腥味！烏頭啖啖肉，少骨，鮮美！飲埋椰青先至夠爽！

這次新泰東南亞有點令我失望了。是次點了「香草牛柳絲炒河粉」，惹味非常，卻同時相當油膩，令人有點吃不消。河粉炒得很碎，亦有部分河粉仍黏作一團，影響了總體口感。為一大敗筆。加上牛柳亦並非切成「絲」，而是粗身的牛柳條，份量不多之餘，牛柳條亦黏在一起了。河粉份量還算可以，但因為油太多了，實在吃不下一整碟。還是喜歡餐廳的蝦醬炒飯。龍眼冰仍是美味之作！

天氣潮濕悶熱，最岩食泰菜經過他們的舖頭，門口裝修和擺設甚有氣派！沿途下去餐廳都感受到泰國的風情。餐廳裏面，環境舒適，燈光柔和，而且餐桌座位又寬闊。我還見到另設兩間大包箱，絕對適合一家大細/親朋戚友的最佳聚腳點餐廳的侍應全部屬於泰籍，雖然不能流利的溝通，但仍然感覺到他們很熱情友善他們更說午餐餐牌每星期都會轉一次。星馬咖哩雞配白飯 👍👍👍👍👍咖哩屬於淡味，重椰香！而且微甜，不帶一點辣！雞肉厚滑泰式蝦炒金邊粉👍👍👍👍熱烘烘即炒出來，伴碟配有新鮮青檸和花生碎。記得拌混，會更開胃！蝦肉新鮮彈牙！

好姊妹生日飯，一如既往都是她最愛的泰國菜。由於是工作日，為了方便大家，所以鎖定了尖沙咀。第一次來到這家泰菜餐廳，由於在地庫，一直沒什麼好感。就是看不到裡面的情況，總有點不安的感覺。但是，這次體驗完全證明地庫是我的偏見。這家泰國菜館味道出奇地好。唯一美中不足是服務員太少，要點菜也是不容易。

朋友介紹了新泰給我, 一向愛吃泰國菜的我自然要去嘗一嘗。預約了平日晚上七點半的座位, 到達餐廳後很快便獲安排入座。現場所見, 等候的人不算少, 有意吃的話記得提早預約。餐廳的佈置和餐具非常有東南亞風味。座位距離不會太近, 我們一共兩人, 但亦獲安排四人座位, 不用跟陌生人搭枱, 有私隱度亦不會尷尬。點了餐後等大約十多分鐘就上菜, 效率很高。我們點了香芒牛油果軟殼蟹卷、泰式蝦炒金邊粉、芒果糯米飯和椰汁冰。香芒牛油果軟殼蟹卷 $88這款小食一碟有八件, 並附上一小碟泰式酸甜汁。每一件卷物都用了又軟又黏的米紙包裹住, 裡面有不少的材料, 例如軟殼蟹、芒果、牛油果和生菜, 所以吃起來有豐富的口感。極度建議要沾上酸甜汁吃, 因為卷物本身味道偏淡, 沾上酸甜汁吃味道剛剛好。泰式蝦炒金邊粉 $98這款主菜份量不少, 吃後有飽肚感, 性價比高。金邊粉用蛋絲包住, 旁邊有花生碎和青檸, 吃前最好混合花生碎和青檸汁一起吃。金邊粉偏甜, 比較合我口味, 另外亦有幾隻很爽口的大蝦。整體來說, 質素比較高。芒果糯米飯 $62我吃泰國菜的時候, 習慣點芒果糯米飯作為甜品。新泰的芒果糯米飯值得一試。芒果超級香甜,

呢間尖沙咀的泰菜聽好多同事介紹過，今日真係要試下。佢係地庫，裝修得好靚同好舒服。平日食飯6,7點都已經好多人，好彩有book到位。.泰式明爐烏頭 （推薦指數：😋😋😋😋😋）條魚好大條，有番一定泰國明爐魚的水準，個酸度無平時食開咁嗆，所以我覺得好有水準。盲曹烏頭同價，烏頭可能會多d骨。.喇沙海鮮米線 （推薦指數：😋😋😋😋😋）首先個米線好有咬口又好滑，已經好出色。個喇沙湯底真係香濃惹味，唔會太「咖哩」 feel，可以的，我入曬成個湯。入面海鮮主要係蝦，又有糖心蛋，仲有d豆卜吸曬個喇沙湯，真係好正！. 芒果沙冰 (推薦指數：😋😋😋😋）都好好味，飲得出用左新鮮的芒果🥭來打，我都非常推薦。.椰汁木薯 （推薦指數：😋😋😋）如果唔夠飽，食完一定飽，呢個熱食甜品，好頂肚，守尾門一流。

屋企都好鐘意食泰國野, 貪佢酸酸辣辣好開胃! 今次食呢間餐廳都有幾間分店, 所以質素都相當有保證!餐廳環境好大, 原來多人仲可以包vip房, 聽到入面仲有得唱卡啦ok, 好似幾好! 今次叫左幾樣野食, 全部都好好味, 而且價錢唔算貴, 又坐得舒服, 無限時可以慢慢食~坐低就叫左個野飲先, 經理推介椰子沙冰, 所以就試試啦! 賣相好得! 飲落好清甜, 似係直接用椰子肉同椰子水打成沙冰, 無另外加糖既感覺! 因為食左辣野, 所以飲呢個沙冰係好解辣!另外叫左炒金邊粉, 軟殼蟹, 泰式明爐魚!炒金邊粉唔錯, 麵質好彈牙! 軟殼蟹都炸得好脆, 而且份量都幾多, 幾抵食!!泰式明爐魚又係推介之選, 因為有個火燒住, 所以食完最後都仲係熱辣辣, 而且味道帶酸, 愈食愈開胃! 烏頭夠大條, 絕對夠share! 肉質又滑!超好味!!

今日同朋友係尖沙咀行街 朋友突然話想食泰國野 咁我就上網搵下附近有冇好食既泰菜 就搵呢間一於去試下我地食飯時間比較早 所以都唔洗等位 呢間泰國菜一入到去好有泰國既風格 而且坐位好闊落 食野都舒服d 。一坐低 先叫個椰青 朋友就叫左個芒果沙冰 然後打開個menu 見到個圖太吸引諗都冇諗就叫左個麵包焗咖喱軟殼蟹 同埋泰菜必食既拼盤（蝦餅、魚餅）同馬拉盞炒通菜椰青首先出場 個椰青好清甜 d肉都好嫩 而朋友個個芒果沙冰就好重芒果味 一個字 正 之後就到個拼盤同馬拉盞炒通菜 首先個魚餅好香香茅味 蝦餅就重蝦味 唔似出面鋪頭冇蝦味又實死死 另外個馬拉盞通菜就唔同出面一般馬拉盞味 有自己獨特嘅味道 都係值得一試到重頭戲麵包焗咖哩軟殻蟹 不得了 首先個麵包點個咖喱汁 個蛋味香濃加埋甜既咖哩汁 唔太辣 再食埋個軟殻蟹 啖啖肉 好滿足 黎到呢到真係必叫。最後叫埋個甜品芒果糯米飯 椰汁香濃 芒果香甜 糯米飯香口 係肚皮上劃上完美句號 鍾意食泰菜既都要黎呢到試下

和妹妹喺尖沙咀整完眉之後，佢特別喜歡食泰菜，就係咁岩經過見到就想食，見時間早唔洗等位，拿拿聲食左先。我地6點幾黎到都有幾檯客，坐低點左菜就越來越多客，裝修好靚，坐得又夠舒服！椰青 (HKD 42)甚少飲椰青的我，試過這個椰青發覺原來我不是不喜歡椰青，只是外邊的根本不夠這裡好喝！椰青水一飲非常清甜，仲要好香椰青味，簡直難得一遇。芒果沙冰 (HKD 38)好冰凍既芒果沙冰，如果我即時身處泰國的話黎飲就超級正！味道一D都唔水，好重芒果味，但就唔係平時最常食開個D芒果味，有少少似M記芒果新地個種芒果味。一杯爆滿，上檯之後馬上飲少少驚佢漏出黎，都幾抵飲。小拼盤(蝦餅，魚餅) (HKD 68)泰菜當然唔少得炸蝦餅呢D啦！好大件，蝦餅熱辣辣，仲要炸到好香口，蝦肉味香又彈牙，另外魚餅仲要好香香茅味，啖啖肉，真係好好味！麵包焗咖哩軟殼蟹 (HKD 208)好大個麵包啊，咖哩唔會好辣，麵包仲有搽上牛油，焗得又香又脆，而軟殼蟹都好脆，份量又多又唔細隻，咖哩爆滿到成個麵包都可以沾勻哂D汁，食落真係好滿足好惹味。馬拉盞通菜 (HKD 72)同平時食開既有少少唔同，反而唔會辣，但多左種風味，裡面有好多配料，有洋蔥

係尖沙咀行完街就睇下附近有咩食, 見到k11附近呢間幾高分既泰菜, 睇相好似環境都唔錯, 咁岩時間尚早, 安排左梳化位置, 真係坐得好舒服!!餐廳店員好似都係泰國人, 笑容可加! 因為得2個人, 食唔到好多野, 所以都係叫左1個炒金邊粉, 1個青咖哩牛肉, 配埋蒜蓉包, 都已經食到好飽!!首先, 金邊粉賣相好得, 外面仲有蛋皮, 旁邊有粒青檸, 加埋落個粉感覺好清新, 酸酸甜甜好開胃~ 而且金邊粉好彈牙, 又唔係炒得好油, D蝦;仲好大粒添!青咖哩牛肉都係$78, 比我想像中大兜喎! 而且仲有好多配料, 牛肉唔UN, 青咖哩香而不辣, 愈食愈惹味! 而蒜蓉包真係超推介, 都算係我係香港食過數一數二既蒜蓉包, 香脆得黎又唔UN, 而且牛油唔太多, 唔會食完成手油!由於個咖哩汁太好味, 我地最後再加左碗白飯

My friend from Singapore was visiting Hong Kong for a few days and since we are known to be a food paradise where you can find a wide selection of cuisines, I decided to give this restaurant a try.The inferior decoration was definitely a plus to this restaurant and it just added much to the whole dining experience.The food was as expectedly nice! We first had the must-try phad Thai.Fried oysters with eggs was also another dish that you shouldn’t miss.And finally came the highlight of tonight: th