新泰東南亞餐廳

營業中

休息中

喺尖沙咀K11行開商場，夜晚有啲肚餓想搵一啲嘢食，但係呢一排有啲熱，想食啲酸酸甜甜嘅嘢開下胃！於是揀咗喺K11對面嘅新泰！一行到去，就見到好靚嘅裝修同埋一個服務態度好好嘅支客姐姐！落到去，發現餐廳裝修好有泰國特色，令我哋嘅期待即更加提升！嘢食方面，我哋叫咗個菠蘿炒飯仲有泰式金邊粉同埋炭燒豬頸肉！菠蘿炒飯上面有唔同嘅海鮮同埋菠蘿粒同個飯好夾。泰式金邊粉上面有一層博博嘅脆片包圍着令到佢個賣相好好，不過個粉就好普通！同一般嘅泰國餐廳冇乜分別！豬頸肉就好有驚喜，豬頸肉好林好好味！值得一讚！

在香港這個租貴物價又貴的地方，要找到一間坐得舒服，價錢又平的餐廳真係一D都唔容易呀～一直以為深圳先會有大既餐廳，今日終於畀我搵到啦！而且仲係我一直都好喜歡既新泰東南亞3V3之前走親都係另一間分店，今次誤打誤撞黎左另一條街，由門口開如就感受到餐廳完全唔同既氣氛。門口報置得好靚，有個小小的草地，餐廳亦準備左椅畀等位既客人，好貼心呢～不過今日好幸運，完全唔洗等位，仲一入去就有卡位～都係個句，卡位位置超闊落呀～今日叫左一個牛油雞翼、泰式炒蜆、蔗蝦、金邊粉同埋我最愛既椰子沙冰～～金邊粉食得多，今日想特別同大家介紹喱一款蔗蝦，蝦肉勁厚身啖啖肉，中間咬落唔係竹籤係蔗，蔗既清香滲入了蝦肉裡面，炸完脆而不油，係今次既最愛。仲有我最鐘意食既雞翼，雞翼本身好大隻，加上牛油煎就更加香口，炸粉脆卜卜，雖然兩樣都係炸，但雞翼相比之下更脆身～鐘意食雞翼既可以一試椰子沙冰係用椰子上架，超級大份，因為好香椰子香味，幾乎每次黎都會叫一份，而且兩人Share一份係岩岩好，好大份架，如果唔想飲飽食唔落飯千其路好叫兩份～宜家熱辣辣打完又好想飲laXD

咁岩喺附近等朋友放工，見到呢度裝修好似幾靚，所以就想入嚟試吓。呢度真係幾靚㗎，門口有兩個大象嘅裝飾，啲牆又整晒流水牆，咁加埋啲燈光效果，夜晚望過嚟特別搶眼，淨係睇到都想試吓。行埋小小門口，負責接待嘅侍應已經好熱情咁招呼我哋，講下有啲咩推介，就更加令我想入去試吓啦。我地嗌左泰式蝦炒金邊粉，泰式菠蘿炒飯，冰鎮翡翠蝦，炭燒豬頸肉。佢個泰式蝦炒金邊粉，好得意㗎。佢用蛋醬整左一個網，食個金邊粉之前就要整開個網先，先可以食到。我就覺得啲配料少左啲，不過我就覺得味道都唔錯嘅。另一樣泰菜必嗌就係菠蘿炒飯雖然未當造，啲菠蘿都甜嘅，不過我就覺得呢個唔夠味。豬頸肉，反而呢個小食就做得幾好，夠味之餘，加埋啲醬汁，十分惹味！

原來以前Fullhouse 嘅位置已經變左手，變左間泰國餐廳以前已經覺得呢個位好有趣，因為餐廳門口係G floor, 餐廳正式食野嘅地方係係地底的。不過用黎做泰國餐廳岩曬，有啲神秘感，行條樓梯落地下先到餐廳Table setting 好靚呀，係一塊芭蕉葉做枱墊，好有特色。叫左個前菜，係大蝦柚子沙律，好足料嘅沙律，有好多柚子同蝦，甜甜酸酸，超級醒胃又叫左一個肉骨茶，有好香嘅藥材味，啲肉又幾新鮮，會否係用新鮮豬肉主菜就叫左個青咖哩羊架，好好味呀呢個，啲青咖喱超級香，羊架本身亦煎過，係超惹味嘅一道菜，連d配菜都食清光呀最後就叫左個馬拉盞通菜，都係必叫嘅菜式。叫左4樣野埋單都係400靚蚊，性價比好高

第一次黎到呢到 裝修非常華麗 門面又大又靚落到去餐廳非常闊落，一啲擠逼感都無 環境非常優美今次嗌左係泰國必食既生蝦，食過翻尋味！！蝦肉彈牙有口感 配埋醬汁一流！呢間餐廳既食物真係猶如置身係泰國一樣非常好味另外嗌左椰汁冰，咸咸甜甜，都係非常推介大既小食拼盆入面有埋生菜包，超級抵食飛天通菜都勁惹味，蒜蓉包都好好食另外叫左青咖哩雞，拎黎餸飯一流，唔太辣，好食到要再叫多碗飯先夠最後黎個蟹肉炒粉絲，粉絲好彈牙，加左啲蟹肉，煮得好夠味，雖然已經好飽，但都好想encore個粉絲阿！呢到真係有好多款既泰菜選擇，又靚又好食，食到捧住個肚走！好滿足阿！

身邊個個人都知我鍾意食泰國嘢，貪佢夠惹味，夠辣又醒胃成日都好想去九龍城食泰菜，可惜冇乜時間專登搭車去食，所以就成日黎新泰頂下癮先！貪佢夠正宗，位置又方便，重點係開到好夜，啱晒我呢啲遲收工嘅人今次同朋友唔算叫咗好多嘢，當中個串燒同芒果糯米飯，都不約而同係我同朋友嘅最愛，次次嚟到必叫嘅菜式黎串燒肉質嫩滑，完全唔韌，而且個醬汁係沙嗲溝粒粒花生，本身已經好香，加埋串燒，成件事好夾同配搭得非常好， 令人食唔停口而糯米飯，真係貪佢大大pad椰汁, 好似唔駛錢咁，勁足料凍芒果加埋熱辣辣又煮得好軟糯嘅糯米飯，就算正餐食都幾飽到食得落，女仔對甜品果然係有第二個胃食完咁正嘅泰菜之後，又係時候買機票去泰國啦

呢間第一次食，上次食過灣仔果間相當唔錯，仲試過冬陰公湯，朋友覺得不夠辣，不夠泰國食的滋味，我就可以接受，呢間味道比較淡，其實更適合大部份食少辣的香港人，香葉肉碎炒飯更加完全唔辣，但份量都很足夠，抽子沙律不算差，如果嗜辣可能會有D唔滿意，甜品有陣陣椰香味，極為堆介，過有限時，仲會摧促埋單，環境不錯，係個廁格較細。總觀是坐得舒服，食品不濃味，上菜炔的泰菜館。整體黎講都基本上合格，亦都食得過，價$亦合理

好興奮好想好好介紹呢一間餐廳！首先其實我好耐以前已經留意到呢間餐廳，事關佢響K11出面，個裝修好似好靚咁，喺出邊睇又睇唔到入邊要落下一層，感覺神秘，唔想破費我一路都冇去嘗試。話說三月有一個星期日阿媽生日，食嘢都有少少厭尖嘅佢想食泰菜，我哋就終於有機會試啦！講下個環境先真係好靚，當然我要求唔係真係好高嗰啲啦，但起碼好新亦都好有泰國特色，暗暗地咁，枱面又有塊葉，對於成日比男朋友話食裝修嘅我，非常滿意好過一般好窄嘅Cafe，對應返服務性價比好高順帶一提，都見到有啲侍應係泰國人(樣似)，成件事好有濃厚嘅泰國氣氛!正題講下啲嘢食先，媽媽叫咗個芒果牛油果軟殼蟹粉絲卷，芒果配軟殼蟹當然好味，最好味嘅係面頭包住嗰塊好薄嘅粉皮， 口感係煙煙銀銀，頭盤來講好清新另外仲叫咗蝦餅同魚餅，特別想講下個魚餅有好大陣泰國香料嘅味，味道濃郁地道，正！如果比較大食嘅朋友可以考慮直接叫main course,我哋叫咗一個平時比較少叫嘅海鮮濕炒河粉，食落去好多餸同好香同埋感覺有少少似香港嘅炒河粉，味道係好好不過相對會冇咁有泰國特色，可能下一次會試吓佢個菠蘿炒飯同金邊粉！為咗滿足我嘅胃，我就叫左一個一人份量嘅肉骨茶，味道濃郁

今晚約了好朋友到尖沙咀行街食飯聚舊。他喜歡吃泰國菜，於是選擇了K11附近「新、泰東南亞餐廳」品嘗一下😊來到餐廳門口，擺放了植物很有東南亞餐廳感覺😊進入餐廳內座位擺設空間闊落，還有設置卡位，是聊天嘅好地方，坐得很舒服😌綠色大大塊樹葉🍂形狀餐墊，很美啊！😍《小食拼盤》＄198，拼盤非常豐富的，很多款式啱晒我朋友😂有肉碎生菜🥬包，生菜新鮮配上香濃惹味的肉碎，加上各式香料，口感豐富又刺激，是非常開胃😋魚餅🐠，魚肉餅加了檸檬葉等香料調味，帶出泰式風味😋蝦餅🦐，夠熱，吃落充滿蝦味，香口彈牙😋春卷，咬落香脆可口😋《冬陰海鮮炒飯》＄85，食材豐富，飯粒軟硬度剛剛好，味道不錯😋服務店員是泰國人很親切，環境很舒適，很滿足的一餐晚餐😍

放左工約埋朋友去尖沙咀行街食飯，我們行到位於加拿芬道時被這裡一處小橋樓水、很多綠悠悠的盆栽所吸引，原來這是一間東南亞餐廳的入口處，於是我們便上了去看看，餐廳位處於上層，上到去原來地方很大很寬敞的，四周的裝修以致服務員的裝扮都感覺置身在泰國一樣，餐枱上彩用膠的大巴蕉葉以作餐墊及裝飾，甚是特别，朋友說最近沒什麼胃口，於是我特別選了個開胃清新的炒金邊粉給他，還叫了個串燒拼盆，我們選了(雞、牛、豬 各兩串)，朋友說很想吃到椰汁西米糕,於是我們特別吩咐待應待所有食物享用完畢後才另上，至於飲品方面，我就點了杯熱的香芧茶。大概過左十五分鐘左右的時間，泰式蝦炒金邊粉便來了，它外面用蛋汁做成一塊網狀包著，揭開少少蛋汁的網，金邊粉便勇出來了，見到當中有蝦、豆干、牙菜及蔥一起配親去炒，金邊粉旁邊還有半個青檸及一些炒香了的花生粒，讓客人自由地加添，我和朋友各自品嚐了一口後都認為加些青檸汁去吃更fresh及更美味。一邊品嚐中，串燒拼盆也來了，聞落非常惹味，我由最淡的白肉即雞串去品嚐先，雞肉用香草醃製過才燒，濃郁的香草味道，加埋附送的沙嗲醬就更美味，跟著品嚐豬肉串，豬肉以幼細的香芧碎和香料醃製，香芧味濃厚，至於牛

而家已經成日喺尖沙咀呢一邊打躉，所以就想發掘下尖沙咀有冇其他新嘅嘢。食上次食完印度菜今次就食東南亞嘅。見到呢一間裝修得幾靚嘅鋪頭，門口仲有大大隻大笨象就入去試吓佢啦。😀都未入到鋪頭門口，姐姐已經好熱情咁同我地介紹有咩嘢食，態度好好。於是我哋就更加想入去試吓啦。值得一讚嘅係佢呢度裝修真係好俾心機，又放咗啲植物同流水牆，擺到好靚。食泰國嘢梗係要嗌返個生蝦做前菜，睇下新唔新鮮先😗😗我又覺得啲生蝦都幾新鮮，差唔多要跳出來咁滯😂同埋佢有一個好聰明嘅做法，就係將啲保鮮紙包住左啲冰，然後嗰張呢就將個保鮮紙挖開咗一個窿，方便點醬。終於到期待左好耐嘅泰式炒金邊粉！好特別啊，面頭有用蛋漿淋上去，整咗一個網。咁食金邊粉之前呢，就要將個網整開。😀而且啲肉鬆放喺飯嘅出邊，要自己撈落去調教自己鍾意嘅味道😚我覺得佢個金邊粉炒得唔錯個蝦同啲金邊粉比例啱啱好，而且啲金邊粉唔會太短太碎，好容易就可以夾上碟，加埋啲蛋絲冇得頂呀😍我鍾意食金邊粉！然後到另一個泰國菜必備嘅菜式，就係菠蘿炒飯。雖然未到夏天，但係佢啲菠蘿都夠晒甜，一啲都唔酸。而且其他配料都落到非常之足夠，腰果，提子乾，青豆，紅蘿蔔，一啲都唔小同飯嘅比例啱啱好，每一

泰菜，越菜，星馬菜都係我的愛，無分彼此。今日朋友介紹咗呢間由泰籍厨師主理嘅泰，越，星馬菜館，實有一個啱我口味。呢間東南亞特色餐廳，除咗有大廳位亦有VIP房，方便一幫朋友的私人聚會。座位闊落，亦好舒適，好有喺東南亞用餐感覺，經理和店員亦都好有禮貌，令人感覺好開心，愉快。。是晚我和朋友嗌咗泰式青咖哩雞配印度薄餅，越式蟹肉炒粉絲同埋餐廳推介甜品～原個椰青大菜糕。青咖喱配雞係經典之作，新泰呢份青咖喱味道微辣，汁香味濃同埋有南瓜等配菜，同我喺泰國吃嘅無乜分别，絕對吃得過，再有香香脆脆嘅印度薄餅蘸著啲咖喱吃，實在惹味到不得了。而越式蟹肉粉絲嘅粉絲很幼細，炒得好不會粘埋一齊，又吸收咗真蟹肉的鮮味，令我哋吃到停唔到口。椰青本係我至愛，以下呢個原個椰青大菜糕令我味蕾得到超級满足

同朋友約咗係尖沙咀食飯，見天氣凍凍地，就想食啲泰國菜感受下泰國嘅熱情氣氛。呢間餐廳位置十分之方便，喺K11商場一出加拿分道對面就係啦！一去到就已經有一個知客姐姐好熱情咁招待我哋，佢個門面非常之靚，真係好值得一去試吓！玩面就已經有好多綠色嘅植物，令人心曠神怡！個餐廳係喺地下，我哋六點半去到已經有唔少人，可見個餐廳好受歡迎！我哋去到之後，見到Menu非常之多嘅選擇，全部都係泰國嘅名菜。我哋一行四人叫咗好多嘢食！1. 泰式生蝦朋友都話好好食，生蝦十分之新鮮，好似係你個舌頭都跳咁！2. 泰式金邊粉金邊粉嘅賣相好靚，食落味道都好好！3. 馬拉盞炒通菜我哋唔係好食得辣，所以要左小辣。味道非常之濃郁，好有泰式風味！4. 菠蘿炒飯菠蘿炒飯有好多配料一齊炒菠蘿同個飯非常之配合！你飲方面我哋要咗經理推介嘅西柚啤酒同埋椰青，果然冇令我地失望椰青非常之清甜，西柚啤酒呢，就好清新唔會有好重嘅酒味，推介大家一試！

朋友剛剛去完泰國🇹🇭旅行，今晚約出黎食晚飯俾手信。估佢唔到，佢又揀食泰國菜。今晚選擇左依間，佢話每次行過K11 見到都想試😝。當晚19:00 黎到，地面大堂給人一種好grand既感覺。落一層樓梯才到餐廳，環境同樣給人一種高尚的感覺。大大小小的沙發卡位，坐得舒服。 當晚除了本地人，還有很多遊客捧場呢。職員大多數是泰國人，令人感覺像去到曼谷般。-餐牌選擇多,我們點了好幾款🌟香芒牛油果🥑軟殼蟹卷 $88以薄薄帶煙韌口感的米紙，包著甜芒、酥脆軟殼蟹、蘿蔔青瓜絲、檬粉、沙律菜、牛油果🥑。利用蔬菜的清新中和軟殼蟹既油膩感。配搭得宜，點上酸甜醬汁，提昇味道。-🌟咖喱蝦 $188咖喱不辣帶微甜，質感濃稠味濃，不會水浠浠的。蝦去了殼，不算肥美，但新鮮。-🌟燒黃鱔 $118黃鱔肥腴可口，燒得皮脆但肉質十分Q彈嫩滑。薰上惹味醬汁及芝麻，更添味美。-🌟越式燒春雞香茅黃飯 $168這是很特別的一款菜式；原隻春雞，釀入惹味的香茅黃薑飯去焗製。 春雞皮脆肉嫩，而雞汁精華滲進黃薑飯，粒粒飽滿。

春天朝濕又累又冇胃口，所以又係食泰菜的時候🤣今次兩個人一共點了四道菜：香芒牛油果軟殼蟹卷燒黃鱔咖喱蝦越式燒春雞香茅黃飯前菜：香芒牛油果軟殼蟹卷味道清新、米紙軟軟的又帶點煙靭，口感十足。入面的用料有芒果、檸檬葉、牛油果和軟殼蟹。檸檬葉帶來陣陣清新香味，十分醒神！小食：燒黃鱔鱔在家不容易處理，梗係外出點黎試試！燒鱔肉質軟滑，帶點魚脂香味。鱔肉在燒烤過程中塗上大量燒汁，類似鰻魚日式醬汁的味道，喜歡鰻魚的朋友不可錯過！主食：越式燒春雞香茅黃飯厚隻燒春雞上碟，十分吸睛！火喉十足，外皮香脆。雞肉入味，雞油在燒烤過程中滲進黃飯中，十分滋味。黃飯味道豐富除了帶有香茅，還有少許薑的香氣，味道濃旭。在旁的洋蔥沙律帶來清新的口感和衝擊，十分配合。主食：咖哩蝦咖哩蝦和想像中的賣相有點出入，蝦經過油炸，配著咖哩汁時，外皮有點過淋。咖哩分量十分足，味道椰汁味偏重，缺乏咖哩的香味，有點失望。餐廳環境設計用心，座位十分舒適，待應反應迅速，經常添水，是一個和朋友聚會的好地方。