新泰東南亞餐廳

營業中

休息中

因為同朋友係想去Don Don 日本新開既大型超市行街，所以就決定係附近搵唔太貴既餐廳醫下肚。平時食泰國野主菜都會叫炒飯、炒金邊粉之類，但見呢間有呢個坊間幾少見既南瓜海鮮焗飯，今日都想俾次機會佢芒果沙冰🥭沙冰既芒果味十分濃郁，似加咗成粒芒果個種原粒壓縮成一杯，每一啖都飲到芒果味。南瓜海鮮焗飯：一上黎就哇咗聲，同menu一樣都係原個南瓜咁上，真係幾震撼，面頭仲有芝士真係幾邪惡，入面會食到南瓜粒、南瓜蓉+飯、魷魚、蝦仁、青口等等。個飯既黃薑味會比南瓜味強烈，重口味可以一戰。泰式串燒(豬、牛、雞）：串燒個份量都比較大份，肉質唔會柴巴巴同埋都有炭烤既焦香味，調味係甜甜地幾惹味，美中不中係個醬可能會偏凍所以怪怪地？泰式貴妃苗：貴妃苗係出面少見，因為出面食得多係通菜，佢會有豆芽個種青菜香，可能有人會唔慣但我幾中意。環境相對衛生同闊落，有次有機想試下炒粉類。

又去左新泰食飯，不過今次去咗加拿分道間分店。食過幾間分店，覺得呢間嘅環境最靚，好大好闊落，而且門口仲有架車好吸睛。可以影吓相打卡！今日想食海鮮，叫左燒黃鱔。醬汁甜甜地。個感覺有啲似燒鰻魚，但當然黃鱔質感豐富好多。唔算多骨，都好易食。如果鍾意食鱔，推介你哋試吓！👍🏻另外叫咗蒜蓉炒貴妃苗，$82貴妃苗來講又唔算貴，好大碟。但係略嫌貴紀苗唔夠嫩口，正常水準。食泰國嘢我係一定飲椰青嘅😌呢度嘅椰青好大個，而且裏面嘅椰青肉好易食，好抵！👍🏻點都要食返個甜品先夠圓滿，叫咗芒果糯米飯。芒果好甜，兩個人share啱啱好❤️

本身很喜歡泰菜，今天就與和小女生來到口碑不錯的新泰吃晚飯 。位於尖沙咀的新泰，入口看到一大架tuk tuk泊在門口，絕對是打卡位，星期六約6時來到，可以直接入座，待應相當有禮地安排我走到下一層入座。在昏暗的燈光下，餐廳份外有格調。我們被安排到四人的梳化卡位，寬敞舒適,全店有WiFi 供客人使用。看看餐廳，小食，主菜，甜品及飲品的種類繁多，實在太多東西想吃，不過胃只得兩個，花了不少時間才能下決定呢！先選了一個馬沙拉咖喱，咖喱可拼雞，豬，牛，我們選了雞肉。吃咖喱又怎少得白飯或薄餅，小女生當然選了印度薄餅啦。馬沙拉咖喱，香濃惹味，吃起來有很微微的辣,對於不吃辣的,相信絕可以接受。濃濃的咖喱汁和印度薄餅絕對是天作之合，薄餅也鬆脆。，而雞肉相當嫩滑，若然配菜能烹煮多一點時間就更加完美 。泰式炒金邊粉包上蛋網，可見廚師很有心思，蝦仁彈牙大大隻，甜甜酸酸的金邊粉，拌入花生,十分開胃！相當消暑的芒果沙冰，十分透心涼，還可以可以兩個人一起分享！再加上必吃的香芒糯米飯，為這頓晚餐劃上完美的句號！！！

我成日食泰菜,但就未去過泰國。不過都知TUKTUK好代表到呢個國家。呢間餐廳門面好大,有兩層,地面果層放左個TUK TUK,有心係比人影相擺POST。呢度既店員大部份都係泰國人,真係以為自己去左泰國。我叫左芒果燸米飯,雙色飯加埋椰子SAUCE,甜甜地,芒果就甜甜酸酸咁,好夾。飯量唔多,當甜品岩岩好。串燒我叫左6串牛,可以MIX豬同雞,但我鐘情牛,而佢又比就清一色啦!份量多都大份,可以同朋友SHARE。我見周圍既人都係一大圍一齊HAPPY SHARE的。同時我叫左燒芝士帶子,唔知加左咩汁,覺得有D甜味,中意食芝士既人應該好中意呢道菜。飲品我叫左椰青,42蚊JAR,幾抵。呢度地方超大,又有D牆畫,唔錯!

依到既環境真係好靚,好有泰式氣芬,有部篤篤放係門口又多花花草草,行到入去,要行落樓梯,成個環境好有feel,座位又多卡位,梳化黎既,坐得好舒服,d服務員大多係泰國人但能說得一口流利粵語,好有禮貌,好好笑容!!!冰鎮翡翠螺,起初我話想食要點一客,朋友話驚腥不如唔好叫又話唔會食又成,點知黎到,食左粒竟然同我爭食!!!不知幾好味,好鮮一d都唔腥,好Q彈,大大粒螺肉,沾個個辣汁重好食!!!珍珠椰菜苗炒香菇,椰菜苗夠曬地道!!炒得有鑊氣!!!好香好野味!!!鮮胡椒炒大蝦,d蝦頭隻隻有膏,真係忍唔住用手拎住個蝦頭黎吮!!!蝦肉新鮮又入味,口感爽彈,成碟蝦一上枱,香味撲鼻!!!蝦炒金邊粉,賣相好特別,有個用蛋絲炸出黎既"保護罩"物體包住,好精緻,破開去就見到大大粒蝦同金邊粉,味道甜甜地,好大碟份量多!!!

舊同事現在尖沙嘴返工，成功轉工升level，當然要賀一賀佢。呢間泰國嘢係灣仔食過Lunch，幾好味，唔貴，環境舒服闊落，啱晒我地傾計。尖沙嘴店一樣舒服，無油煙味，好乾淨，雖然落一層係地牢，但樓底ok，唔會好嘈，只係電話訊號弱d，whatsapp text都ok嘅～我地兩個叫咗串燒拼盤，好香BBQ味都幾大串，抵食！個醬都幾好味，唔點就肉味重d～點咗亦另有一番風味！Pad Thai 賣相一流大大隻蝦味道剛好唔油膩唔太甜！蒜蓉牛油雞翼係健康版，味道都係，多d蒜多d牛油就更好啦我地都係重口味！甜品芒果糯米飯有黑糯米，超級好味！芒果極甜椰汁又多又香！啲糯米軟硬適中！十分高質我要比滿分💯呢間泰國嘢都有draft beer，啱晒鍾意食小吃和朋友聚會！而價錢都大眾化，下次約多啲人黎試多幾款先！

朋友從台灣讀書放暑假返嚟香港，同佢去咗呢間好chill ge泰國餐廳雞牛豬串燒燒得好好味，好有肉汁，配上沙嗲醬， 10分惹味咖喱軟殼蟹農夫包好有排場😂😂有六舊麵包，用少少牛油烘過 唔算話太脆咖喱汁唔太辣 椰汁味偏重，軟殼蟹唔錯，五個人都夠分泰式豬肉生菜包其中一道至愛嘅泰菜，豬肉碎炒得好香口，而且份量較多反而生菜片份量較少，唔多夠包 最後要空口食豬肉碎😂泰式炒pad Thai份量同味道都OoKK啦，有少許偏甜

翻左新工，多左同同事外出午膳。同事食過呢間好食就帶埋我今次中午一齊去食啦就咁望個便當盒， 分量覺得唔算太多，但最後其實都食唔曬。海南雞其實配2個醬，一個蒜蓉，一個酸辣汁，不過我個盒搞錯左，所以叫左服務員拎多左個醬汁。好難得中午可以有湯飲，個湯好甜好好飲，仲有冬瓜咬下個海南雞好嫩滑，份量都非常多，配個酸辣汁非常惹味!成個lunch set 仲配埋餐飲同甜品，甜品係椰汁糕

今晚放工後跟同事走去搵嘢食，但係又唔係好餓，只係想食一啲小食，公司附近有一間泰國菜館，都好多人幫襯，我倆就入去睇下有乜嘢好食。我點了一個小食拼盤，有多款種類，蝦餅香噴噴，鮮香十足，烹調得煙煙靭靭，濃濃蝦汁滿載。另一個魚餅，都不遑多讓，鮮甜彈牙，味道恰到好處。另一個春卷脆卜卜，包裹著滿滿食材，非常滋味， 你會食到不停口。還有一大碟肉碎生菜包， 肉碎濃蜜可口，味道調較得跟生菜包一同進食簡直係絕配。還有佢嘅串燒沙嗲同樣吸引，自家製嘅沙嗲醬與別不同，無論係佢配搭雞肉或牛肉豬肉等，都係冇得輸，食材新鮮不在話下， 出色醬料加上大廚手藝， 時間控制妙絕，日後定必再來惠顧。

收工相約朋友仔又開餐！見到OpenRice 尖沙咀有新介紹！就訂位試試！眼見門口比一般泰式食店與別不同！真係用心佈置！泰國風情味濃！入到下層攞位！環境寬躺舒適！因地方空間感大！唔會攪到枱與枱之間個種迫壓感！開懷大笑大吃同吹水簡直一流！食物速度快之餘亦唔會上枱求其！而且每碟食物份量大！滿足！

當日星期五去到人流唔算多唔使排隊價錢係尖沙咀來講都相對平- 香芒牛油果軟殼蟹軟殼蟹夠脆 芒果一片 有牛油果味道- 貴妃苗份量都幾大碟 幾好食- 鮮蝦炒金邊粉海鮮料足 份量都多- 魷魚🦑配上酸辣醬 味道更濃整體：喺尖沙咀地帶來講呢一個價錢去食泰國菜真係叫好抵食價錢親民唔算太貴環境氣氛都OK坐得都舒服最緊要係星期五食飯都唔需要等好耐先有位而且每一碟嘅份量都好大碟兩個人來講都幾夠食當然可以試埋佢哋嘅甜品但係當日我哋都夠食所以試道唯有下次

終於都可以食泰國菜啦，去完曼谷旅行一直心思思，剛好今天尖沙咀行街見到新泰東南亞餐廳，門口接待員係泰國人，就衝左入去。間餐會的裝潢完全是泰國風，侍應又係泰國人，真係完全好似返咗曼谷咁樣。睇吓有咩食先，餐牌圖片好吸引，價位中等，不算太貴，見到隔離枱菜式份量都大。先叫左泰式肉碎生菜包，肉碎酸酸辣辣非常開胃，而且上碟嘅生菜好新鮮，加埋一齊就一個一個咁食個唔停。生菜包嘅份量都好足大約有10塊生菜左右，鍾意食生菜包嘅朋友仔可以試吓!冬陰公雞煲，湯底辣味唔係好重，但係成碗湯就非常香，飲落口感同埋層次都非常豐富。而佢與別不同地方就係比坊間嘅冬陰公甜少少，因為用了鮮雞熬製，更加可以能夠帶出到雞肉鮮甜味。食泰國菜又點少得，熱辣辣上枱，條魚真係好大條，兩個人差點吃不完，魚肉好鮮甜，配埋香料甜酸醬一流👍最後加多個馬拉盞炒通菜，好友鑊氣，食得出一粒粒蝦米，好多料，夠曬味。食泰菜都要嘆番杯啤酒成餐飯勁滿足，一大杯ashahi 啤酒好似$68，係貴左少少，但是環境服務食物質素搭夠👍整體來講食物的質素非常之唔錯，中等價位，食物質素有保證，兩個人加埋都係食咗6百左右，可以講係CP值極高，推介鍾意食泰國菜嘅朋友仔去試吓！

四個朋友晚飯聯誼，坐卡位，點了一前菜五主菜三甜品。柚子沙律 - 柚子新鮮、調品好，可口清新咸魚炒芥蘭 - 好多咸魚粒，有少許紅辣椒，微辣，芥蘭炒得爽口，好味鐵板煎蠔餅 - 喜出望外的好多蠔仔，配上新鮮嫩滑鷄蛋及牙菜，好味喎鹽燒馬友 - 昨晚無馬友比咗另一條魚—>盲鰽，燒的時間剛好，都係好新鮮嫩滑，沒有腥味芝士焗青口 - 青口就無咁新鮮，因為天氣實在熱，青口加燈籠椒粒芝士局，味道還可以咸魚炒飯 - 炒飯內夾著臘腸，旁邊配豬肉鬆腰果、切片臘腸，青瓜和蕃茄，炒飯軟硬適中，都係出色之作兩個芒果糯米飯 - 芒果好甜， 有兩球黑白糯米，椰汁甜咗少少（本人不太愛椰漿但都可以接受）一個南瓜布甸 - 第一次食這種做法的南瓜布甸，好特別，但食唔出布甸係乜味？因為南瓜本身好濃味，都好好夾，皆作總括來說：份量足夠，味道好坐位寬敞，暢談一晚好開心，待應服務好，價錢實惠，會和朋友再嚟！

今天去開尖沙咀行街，我朋友心思思想食泰國菜，上網check下，原來這邊都有新泰東南亞餐廳，之前喺灣仔食過，一直覺得水準唔錯，原來尖沙咀加拿分道都有分店，於是就決定食呢間啦。去到餐廳門口，嘩，裝修好靚，餐廳位於地下一層，全部泰國侍應，感覺就好似去咗泰國那樣，泰式裝修，門口好似有好多綠色植物，感覺好舒服。因為我們比較早去，所以安排了坐卡位，張凳舒服到好似去咗泰式Spa咁樣，可能這間是新分店，裝修非常新淨，比其他分店豪華，連餐廳牆身壁畫，全部都好有泰國風味。朋友點了冬蔭雞煲$168份量真係好多，用火盛著上檯，熱辣辣，又可以食雞煲，又可以飲冬蔭公，依道菜真係一舉兩得。冬陰公湯底比一般泰式冬陰公湯的味道沒有那麼濃烈，應該是想要符合返香港人口味，湯底滲著雞的鮮甜味道，中和了整個鍋，所以入口非常舒服。啱晒食唔到辣的朋友，也可以飲這碗冬陰公湯。雞肉出奇地滑身，煮到剛剛好，份量多，一定要試下，出面泰國餐廳好小見呢道菜。泰式明爐魚 盲鰽 $188一直都比較喜歡食盲鰽，肉質比烏頭滑好多，果然這條魚沒有令我們失望，魚肉鮮甜，混著泰式香料，不用其他調味，已經好正。再來一碟泰式肉碎生菜包$68可以選擇豬肉或者雞肉

泰菜好去處。。位於尖沙咀呢間新.泰東南亞餐廳，地方大，環境舒適，侍應服務質素吾錯！頭盤先黎一個泰式生蝦，蝦肉彈牙爽口，再配搭特製醬汁，甜中帶辣，好味👍🏻食泰菜必叫冬蔭公湯。。大蝦配上大量香料及配菜煮，香氣撲鼻，加上椰汁香，又酸又辣真飲完再想飲！餐廳推介👍🏻燒黃蟮。。秘製醬汁燒，火喉剛剛好燒到金黃香口。。咬落去超juice，肉質爽滑冇骨。。。超正👍🏻👍🏻泰式炸蝦餅。。鬆脆可口，外脆內軟又彈牙！用料十足，食落濃濃嘅鮮蝦味！泰珍珠椰菜炒香菇。。新鮮椰菜苗配上泰式炒法，加蒜椒，魚露蠔油炒微辣，食落爽口惹味！