新泰東南亞餐廳

營業中

休息中

Craving for Thai food today my friend suggested this chain Thai restaurant in the heart of tst right opposite to k11 mall. really nice ambiance in there and the staffs are very attentive and friendly! Food are reasonably priced. Super nice service and food quality for its price point.The food are really good! The restaurant was relatively full at dinner time but they managed to keep up with the timely service and its taste! Would definitely recommend to any one who is looking for a Thai spot in

星期六晚當然要吃好東西，這裡就在尖東港鐵站附近，非常方便，行完街攰攰地可以舒舒服服食返餐。店內環境寬敞，部分座位還有咕o臣提供，不過6點已經坐了不少顧客。Menu的選擇真是很豐富，幾乎以前吃過或者聽過的東南亞菜式都有，還包含甜品及飲品。Openrice上能找得到，我就不全部po上來了。人少少，一共點了三樣嘢，青咖喱雞肉、泰式蝦炒金邊粉和芒果糯米飯。青咖喱的顏色很“健康”，香氣撲鼻。除了嫩滑的雞肉還有很多蔬菜。尤其是這個泰式茄子，表皮爽脆，內裡軟諗吸味，平時吃不到的。然後是泰式炒金邊粉，面頭有很好看的蛋皮。這個粉炒得很好，熱辣辣香噴噴，每條麵都沾滿均勻的醬汁，咬下口很煙韌。有鮮嫩的蝦球作配料，還有一些泰式魚蛋。份量也非常多。份量多的關係，可以加點青檸汁，或者加點青咖喱，又有別的一番風味。還有令人驚喜的芒果糯米飯，沒錯，這是甜品。鹹的糯米飯吃得多，甜的真是第一次吃，香甜的椰漿滲入綿滑黏韌的糯米飯口感味道都非常新奇。還有紅米，比較硬一點，但很健康。再加上新鮮的芒果，酸甜味道帶給舌頭更多享受。吃東西時不時聽到經理在招呼人客和介紹菜式，服務水準也相當高呢。

朋友介紹去食。今次第二次。真心覺得好味。佢唔係好泰國果種只得個辣字。非常適合香港人。試左好多款野味道都唔錯。不過價錢係偏貴既。不過係值既。無論環境。食物。服務都好好。CP值高既生蝦～夠大隻肉厚。個汁辣到HighHigh串燒～正常啦。。沙爹汁唔夠濃。偏貴燒黃鱔～十個好味。不過份量太少😂辣炒蜆～呢個算最差。蜆細。冇肉又貴麵包咖哩軟殼蟹～ 佢個家呢真係出色。勁好味個咖喱椰子沙冰～必飲。好味其實仲有好多野想試。不過兩個人叫唔到幾多。不過咁都已經好飽。滿足環境:其實都好好。唔會好嘈。仲有獨立房食物:大多數都好味。不過有D真係好普通總括:一大班人既好選擇。總分好高。不過值錢比九龍城一定高D

今日同個朋友，去咗新泰餐廳食晚飯。我哋六点鐘去到，發覺原來個場好大，好多卡位，同埋啲裝修擺设都好靚，空間感十足啊噉我哋得兩個人，噉我問個店員可唔可以坐張梳化位啦，噉佢哋都好親切噉答我係可以嘅，所以我哋坐得好舒服，張枱夠晒大啊噉我睇下個菜單啦，噉發覺好多選擇，最後我哋點咗雞牛豬串燒，燒焗蒜蓉帶子，泰式班戟，飲品方面點咗杯紅豆冰。先講下個串燒，我覺得喺呢度嘅必食推介，噉佢88元有六串，又有雞又有牛有豬，最重要嘅係佢嘅沙爹醬汁，有好濃厚嘅沙爹同埋花生味另外杯紅豆冰都有好香嘅棷奶味啊，可以一試食咗個半鐘头，之後就埋單，個經理仲會問下你啲野食好唔好食。同埋中途佢見到我地個碟有啲食剩嘅餸菜，佢就會幫你換碟，服務唔錯呀

今日一家四口趁放假去食好西，帶咗爸爸媽媽去食泰國嘢😋😋我哋成屋都係食魚怪，所以叫咗青檸蒸烏頭。 烏頭好好食，佢用鐵爐裝住， 下面一路有個火慶住條魚，啲湯熱到biklikbalok😂😂 完全唔驚條魚凍咗會腥。條魚就算比火慶住，亦都出奇地一路keep住好嫩滑。除咗肉質值得一讚之外，佢嘅調味亦都好正，佢落咗大量嘅蒜同埋好多青檸， 食落辣辣地酸酸地好正，送飯一流!另外我哋嗌咗個蒜蓉炒菜苗。啲菜苗莖嫩口, 蒜香味好惹味，好好食， 亦都係送飯一流😋!由於細妹鐘意食軟殼蟹，我地叫左軟殼蟹米紙卷。 米紙好軟熟，好黏，入面包住好多蔬菜、芒果同軟殼蟹， 蔬菜同芒果中和咗炸軟殼蟹嘅油膩感。軟殼蟹好脆身唔會過油。好清新，唔肥膩，好好味❤ 係一個好好嘅前菜。

尋日同幾個friend食晚飯，有人住屯門，有人住將軍澳😅天南地北，唯有選址尖沙咀。揀左呢間食泰國菜。我地叫左好多好多野食。我寫openrice係因為我覺得佢嘅奶油蝦好好食，值得表揚下。 推薦大家都去試下!我初初以為個奶油蝦好似西餐嗰啲白汁蝦咁，對佢冇太大期望。食物一上枱，令我好驚喜，原來佢係好似中式黃金蝦嗰種，而且蝦嘅size好大隻，係虎蝦黎嘅。 蝦頭有橙黃嘅膏，食左好滿足。蝦肉好彈牙! 佢啲奶油汁唔會過多。我覺得食奶油蝦就要叫埋印度酥餅。將酥餅點落啲奶油汁度，，哇!正到冇得頂! 而且佢抵食過白飯，30蚊有8塊!😂😂😂 脆loklok順帶一提，成間舖頭超大 ，裝修好靚。另外，餐廳感覺非常乾淨，服務態度又十分好!

今日係我第二次食呢間泰國菜。對上一次去北京道嗰間，今次我黎左加拿芬道呢間。感覺呢間裝修好似靚d，坐位寬敞，位置便利，係n2出口出，行一兩分鐘就到了。當日我地閒日晚上八點左右到，餐廳九成滿，好多人! 我諗想去嘅話都係book定枱穩陣d。我地兩個女仔叫左柚子蝦沙律，越式蟹肉炒粉絲同芒果糯米飯。1. 柚子蝦沙律：用呢個做starter好開胃， 佢啲西柚唔算好甜但唔會酸，成個配搭配埋佢個酸酸辣辣嘅汁好夾好正!2. 越式蟹肉炒粉絲：初頭我以為個粉絲會有好多汁，但原來佢係行乾爽style，一啲都唔油，用咗啲黃椒青椒炒，而且有好多蟹肉。碟粉絲勁大碟，超抵食。 3. 芒果糯米飯：係泰國菜必備啦，佢有一球白色嘅糯米飯同埋一球黑色嘅糯米飯，兩樣都好好食 非常出色我見佢有個麵包焗軟殼蟹，下次再嚟會想試下!😊

行完K11 見到有架篤篤好特別 就入去試吓新嘢！入面裝修都好靚 而且夠多卡位！食物價錢都唔貴🥢串燒總共有六串，雞牛豬各兩串，每串都好足料！豬肉串比較推薦，醬料夠入味，豬肉本身都多肉汁！🥢馬沙拉咖哩馬沙拉咖哩甜、酸、辣味岩岩好，唔似其仔咖哩會偏辣，比較岩港人口味！另外咖哩有薯仔 洋蔥同三色椒 都好夾！🥢印度酥餅酥餅新鮮整好 所以熱辣辣，口感好鬆脆。雖然係酥餅，但食落唔會有好油膩嘅感覺，味道都好適中，十分夾咖哩濃味嘅配搭。🥢馬拉盞通菜佢本身炒到好有鑊氣，馬拉盞唔會好辣，但夠惹味，啲菜都入味🥢奄列海鮮炒飯個蛋皮整得幾香 海鮮份量好多 有蝦魷魚青口等 海鮮都好新鮮！味道方面比較清淡，加咖哩食就岩岩好！🥢泰國椰青椰青夠大個，所以椰青水嘅份量都好多，重點係好清甜，唔好無味！而且椰青裏面嘅果肉亦都好厚！

走入此店，好似不是入了間泰菜餐廳而是到了泰國。樓面多是泰國人，操略帶泰國口音的廣東話。餐廳陳設、布置亦具泰國風味。據餐廳的簡介，餐廳的廚師來自泰國。樓面是泰國人、裝潢具泰國感覺，但到底食物水準如何？夠正宗地道嗎？第一道來的菜：半隻去骨海南雞＄１２８。師傅刀工利落，賣相吸引。送入口時，仍然溫熱，嫰滑可口，蘸蘸酸甜醬，味道更上層樓，十分下飯。不過，用料係冰鮮雞，雞味不足。第二道：細冬陰公＄７８。香料十足，酸酸甜甜，非常醒胃。入口先是酸甜，然後指天椒的辣，好過癮。第三道：燒豬頸肉＄６８。香脆嫰，蘸甜酸醬一流！第四道：泰式炒椰菜仔 ＄９５。食了太多肉，當然要點個菜。炒得夠鑊氣，炒得夠透而不出水。第五道：日本南瓜焗海鮮飯＄108。驟眼看，狀似肉醬焗飯，我以為樓面落錯單。追問後，無錯，是南瓜焗海鮮飯。這個焗飯汁多(約佔飯四至五成)，海鮮少，蝦青口帶子仔各一，其中亦滲了些南瓜粒。我不太喜歡汁多的飯。但汁本身的味道不錯，應該是用椰汁及其他香料製成。至於飯底，我本來以為是白飯，其實非普通白飯，應該是以香茅，加鹽調味預先煮好，然後作為焗飯飯底，頗有心思。此飯味道不錯，惟汁多及料少。第六道：炸蝦餅＄７８。蝦

經過尖沙咀見到呢一間餐廳幾特別，佢裝飾好有心思，門口除咗放咗一隻泰國十分之重視嘅大笨象之外，仲放咗一架篤篤，充滿泰國風情。我哋叫咗一個芒果牛油果軟殼蟹卷，隔離仲有一個手指，應該好受歡迎。果然食落去真係好好味，比我嘅感覺就有少少似平時食嘅壽司，但係佢加咗好甜嘅芒果同一個甜醬，所以食落口好開胃，再加上芒果牛油果同埋軟殻蟹三種嘅口感，食落去嗰陣，呢個質感好有層次，推介大家試吓呢一個卷。另外我哋仲嗌左一個串燒啊，串燒入邊有三種唔同嘅肉，有雞肉牛肉豬肉。我覺得佢呢個串燒燒得幾好，肉唔會話好燶，再加上佢配沙嗲醬，點落去十分惹味。甜品我哋叫咗一個芒果糯米飯，好特別啊，佢個芒果糯米飯有分開兩種米，一種係普通白糯米，另一種係紫糯米，食落去口感唔同。我朋友就鍾意食紫糯米，然後我就鍾意食白糯米多啲，同一個甜品可以滿足兩種唔同嘅喜好。上邊仲好特別咁加咗白芝麻，令到個飯好香。

好耐冇食泰國菜啦，今日喺尖沙咀行完街，就同朋友去K11對面嗰間新泰東南亞餐廳試吓！呢度嘅裝修好靚，非常之有泰國風情，門口仲放咗一架篤篤，好似返返去泰國旅行咁。我地嗌個一個菜、一個湯同一個肉！標準嘅配搭！1. 馬拉盞通菜通菜一向係同濃味嘅調味料配搭好啱嘅，例如係中菜入面腐乳就係絕配。而係泰國菜入面馬拉盞同通菜就最夾啦！原本通菜無咩味嘅，但加咗香料就令到成碟菜嘅味道昇華咗！送飯仲一流！2. 肉骨茶（細碗）對上一次食肉骨茶已經係喺新加坡嘅時候，返嚟香港一直都無機會再試！估唔到呢個細碗已咁咁大碗，好足料，夠兩至三個人飲！呢個肉骨茶比起新加坡嗰啲無咁重藥材味，我會鐘意呢個多啲！唔會太重口味！3. 炭燒豬頸肉豬頸肉都大大份，以68蚊嘅價錢嚟講，真係好抵食！最驚食豬頸肉會好韌，呢度嘅豬頸肉賣相已經好靚！上菜已經聞到香味！食落完全唔會韌，好好食！真係色香味俱全！

已經忘記是第幾次來這間餐廳，每次也保持水準，實在太太太泰美味😋第一次來這間餐廳的感覺是轉眼去了泰國，裝修十分特式，而且員工全也穿上花花恤衫哈哈～難得的是香港的泰國餐廳大多數也很擠逼，這間是超大又坐得舒服！每次必點的椰青沙冰！很大的一個，可以與朋友開心分享，沙冰好像山一樣高哈哈哈～ 椰汁味很香，超冰的！夏天來一個超涼快！建議等待冰溶一溶，攪拌一下更美味💕泰國餐廳一定要叫金邊粉吧！這個金邊粉不像平時的餐廳炒在一起～是用蛋包著的，外觀精美♡＾▽＾♡開動前，先在表面擠上青檸汁，吃起來有酸酸甜甜的滋味，而且金邊粉的材料很豐富，是會令人想念的金邊粉呀～～～家人常常都想吃蠔仔蛋，今次就試試～用鐵板上很夠熱，上菜時「滋滋」聲，很吸引！蠔仔的鮮味與蛋香～可以再encore的！蝦餅與魚餅拼盤，是新鮮炸起的，吃的時候要小心燙口🤣每一口也很彈牙，外脆內彈！配上泰式辣醬，好yummy(ﾉ≧ڡ≦)炒軟殼蟹，與青椒、紅椒、黄椒炒在一起，整體更香口，軟殼蟹的炸粉適中，連爸爸不太愛軟殼蟹也愛吃❤️與印尼餐廳的巴東牛肉有點不同，味道較濃，牛肉不夠淋～ 不太推薦飯後甜品！芒果糯米飯～(▰∀◕)ﾉ 芒果甜甜的，糯糯夠熱，糯米很

一行十人，主角喜歡泰國菜，一去到見環境裝修舒服高雅，食物方面好多種類，但可惜有幾度菜有大進步空間，豬頸肉煮得太𣺉，無脆口感；咖哩蝦真吾得，味道一D都不是泰式風味(好失望）；甜品點了一個併盆吾得(我寧願單叫芒果糯米飯）。真心推介冬陰功湯，生𧎚，無骨鳯爪（分量太小，但味道好），明爐烏頭👍。本人再提意貴店最好生日煮可送小小甜品，氣氛會仲好，影相打卡。當晚自攜生日蛋糕🔪（收費＄50）整體有70分，會推介朋友(菜式比較辣，如不愛吃辣的朋友要留意）

朋友介紹試呢間餐廳.食物方面味道算中等，冇乜特別但系都好食既. 我地三個人叫左兩個主菜，一個通菜同埋小食拼盤. 點完菜幾分鐘之後個pad thai就已經上左. 佢應該係預先準備左既，但係味道尚算可以. 其他食物都冇乜特別，但係個通菜就有少少淡.訂座既時候講左時間系一小時半,但系食左30分鐘未食完就問我收吾收左佢. 之後每5分鐘同我地講一次野，一食完就叫我埋單. 我明白好多人排隊，但系咁既餐廳吾應該咁叫人走，特別係我有訂枱既。

呢間泰菜裝修一流 餐廳唔算太嘈雜 同埋座位闊落坐得好舒服🤟🏻🤟🏻🤟🏻🤟🏻而且大部份店員都係泰國人 佢哋之間會用泰文溝通🤣🤣🤣而且服務態度都唔錯 唯一唔好嘅就係原本book咗北京道嗰間分店 但係去到之後話冇呢個Booking 要我地即刻過加拿分道嗰間分店 係呢個安排上面有啲唔理想🥺🥺🥺但係整體黎講 呢間餐廳啲嘢食選擇都幾多 唔會比其他泰國餐廳少🤣🤣🤣但係擺盆上面就稍為遜色🤢🤢🤢🤢