新泰東南亞餐廳

營業中

休息中

見到呢間新開嘅分店都幾多人讚，今日特意嚟試下水準如何。係價錢來講其實比附近嘅西餐或泰式餐廳都貴一些，劃一$75.一個餐，另外都有二人同埋四人套餐，除開要$120一位。越式蟹肉炒粉絲，粉絲好入味好彈啊，唔會泰林水份剛剛好，蟹肉鋪喺面睇落好似好多，放咗好多西芹去炒，唔食西芹的朋友不要叫。焗奶油大蝦伊麵，賣相又係好吸引，以為有好多芝士但係其實冇乜芝士，味道偏淡，伊面亦都好乾身，只係食落有啲膩細食的未必食得晒。冬陰公海鮮金邊粉，原先以為係炒原來係冬陰公湯，味道偏酸唔夠辣，最好係可以揀辣度嘅會更理想。泰式海南雞飯，啲雞主要係雞髀部份所以都好滑，但係漲了只係得兩款， 一般出面嘅餐廳海南雞飯都有三個唔同味道嘅醬料，油飯煮得好好。另了一客春卷，太普通，早知就唔加啦！雖然餐牌冇寫，飯後仲有甜品，今日係紅豆糕，送嘅甜品質素來講都可以接受。整體質素唔錯只係價錢有啲貴，性價比唔算好高。

A very big restaurant that can fit large groups. Decorated in Thai decorations was very fitting for its theme. As for the food. It was generally good. There were 4 choices of appetiser in the appetiser platter and all of them tasted good. Then we had hainanese chicken which was very smooth and moist. The spicy sauce that came with it was delicious as well! The pineapple fried rice has meat floss and raisins in it which was perfect match. Loved it. The Green curry was a little too salty and spicy

放工黎左尖沙咀，無啦啦好想食泰菜，就黎左新泰試一試！原來尖沙咀都有兩間分店！我今次黎呢間位置係N2出口，行一條直路就係，一分鐘都唔洗！呢度食物質素幾平均，唔會令食客失望！青咖哩牛味道唔錯！一定要配蒜蓉包或者薄餅食！唔好浪費咖哩汁！馬拉盞炒通菜必點之選，叫左太多肉類，要食返啲菜中和下！香草肉碎炒飯大大兜，男人食都夠飽呀！佈滿曬香草係飯頂，賣相唔錯！冬蔭公細size唔算好多，兩個人食就剛好，如果可以有工具助暖啲湯會更好，熱辣辣會更好飲！魚餅份量勁多，好抵食，大大舊好足料，3-4人份量！半打泰式串燒，豬串最好食，而牛串就比較乾身少少，不過都可以接受！串燒醬好好食！而家天氣咁熱，即刻叫返杯珍多冰爽下！下次一定會再黎encore試其他野！

鍾意周圍食泰菜嘅我，今次黎左尖沙咀加拿分道嘅泰菜-新泰！位置好方便k11對面就係，地庫鋪位面積都幾大幾舒服！冬蔭公唔算太辣，岩曬食唔到辣嘅朋友仔！兩個人食叫細size岩岩好！半打串燒，豬牛雞各二，每樣口味都可以試到！我覺得雞串最出色，又嫩又juicy！掛住食青咖哩牛都唔記得影相tim！青咖哩好香好惹味，牛嘅份量又好多！抵食！另外配埋蒜蓉包同埋薄餅，簡直一絕！好夠脆口！如果再熱少少都更加好！馬拉盞炒通菜睇落好似落左好多紅椒，但食落唔算辣！岩曬大眾口味！最後仲有叫埋香草肉碎炒飯，好夠穫氣，份量又夠多！飲品就揀左珍多冰，好正好透心涼！夏天飲岩曬！最後要一讚呢度服務，好耐心介紹有咩食物推介，又長期面帶笑容！愈黎愈少餐廳有咁好服務態度，希望可以一直keep住！

今晚舊同學聚會暨好姊妹派貼之喜，我地去咗食泰國菜。K11對面呢間泰國野不嬲都大受好評，所以今晚就一齊去試吓。入到感覺舒服，燈光柔和，座位寬敞。我哋四個人被安排坐咗係卡位，談天說地最自在。肉碎生菜包～我哋揀咗豬肉。肉碎調味適中，加左啲九層塔，零舍香口，小辣，十分開胃。冰鎮翡翠螺～份量較少，只有五隻；不過好大粒，而且口感彈牙，鮮味十足。配埋泰式辣汁更加惹味～～胡椒炒大蝦～胡椒味極濃！而且用原粒胡椒去炒，更加香口～～大蝦肉結實，而且頭部仲有好多膏，超鮮甜！！另外辣到適中，食到舔舔脷呀。Pad-Thai~每次食泰菜都要食泰式炒金邊粉先滿足～呢度嘅炒粉有炒蛋網包住，淨係賣相都已經加晒分！而且炒得夠晒鑊氣，好好食！泰式明爐盲曹～好耐冇食過明爐魚，果個秘製泰式辣汁真係不得了，酸酸辣辣，好正。第一次食盲曹魚肉，魚肉彈牙，又唔錯喎～～果啖湯好重香茅味，帶點酸，超級好味！食泰國菜又點少得啤酒呀～呢度仲有黑啤飲，啱晒我心意！

尖沙咀不嬲都多野食， 但有邊間好食就唔係個個都識， 泰菜係香港都算多， 基本上每一區都有。 但真正好食既 又有幾多間。今次黎到位於加拿芬道既新泰， 其實尖沙咀本身都有另一間， 不過里間就方便我多d。好特別 門口係地面， 但餐廳就係地底， 一入就要行樓梯 落下一層， 不過係門口已經一睇就知係泰式餐廳， 因為有架篤篤係正門口。 鍾意影相既話， 里到都幾特別。落到去原來都好大地方 有卡位又有 細枱。 位都好可闊 好有氣氛同空間 岩晒聚會 同拍下拖。泰菜黎講 我自己就咩都岩 唔洗點揀都得，所以好快就叫齊餸， 得兩個人都好怕食唔食 所以都唔敢叫太多。蟹肉炒粉絲， 足料又夠大碟， 而且好野味 蟹肉又多 仲要係正蟹肉。 好正軟殼蟹凍卷， 好大舊， 軟殼蟹香脆可口連埋配料一齊食， 味道十分配合， 有埋個汁 點埋又有另一風味。 當然點小得炒返個飛天通菜。 簡簡單單唔洗食咁多肉， 夠新鮮 有鑊氣最後仲有沙嗲串燒， 雞豬牛都有， 串燒水準夠高， 唔會乾得濟 無晒肉汁， 連埋沙嗲汁一齊食， 好鬼過癮。 食完又想再食， 必叫。食完埋單 一d都唔貴， 尖沙咀黎講真係超值，而且每道菜都好有心機去煮， 唔係求求其就算

一行7人到尖沙咀食泰茶軟蟹前菜個皮煙un😋咖哩南瓜海鮮有辣味送包一流。金邊粉過甜又過咸，麻麻地，烏頭魚個湯汁酸酸地都幾開胃，炸蚸餅不夠脆而且油較多。全晚起菜慢，一度菜食完一輪等一輪先再上第二碟，有點嬲嬲😠可能星期五晚上人多關係😞

上次同朋友係灣仔食過新泰呢間泰菜覺得唔錯，今次試下尖沙咀係咪都咁掂先椰林樹影發覺依家好多泰國菜都有格篤篤車喺門口哈哈我最愛嘅泰式生蝦肉質結實，都幾甜其實我一個人食晒一碟都冇問題超正嘅柚子沙律啊柚子一啲都唔孤寒，好大粒柚子肉！！伴埋脆卜卜嘅腰果同埋大蝦，真係冇得頂近期食泰菜都鍾意食椰菜苗，貪佢又爽又有口感好好味喔！食泰菜唔可以缺少嘅椰青飲椰青好講彩數，未必個個都又甜又多水今晚我飲呢個好多水，椰子肉又薄又甜，超正食過新泰兩次都依然咁滿意～地方舒適，食物質素好，下次一定會繼續帶朋友黎

高質平食泰國菜朋友聚會，是晚選擇了這間位於加拿芬道，面對K11的新泰。餐廳地點方便，門面裝潢很泰國，有竹有水，泰relax!沿著特式牆前往地庫，就見到寬敞的用餐區。由於時間尚早，餐廳只有數台客人，但過了不久就爆滿了！前菜先點一份醃無骨鳳爪沙律（$68）- 鳳瓜彈牙少筋，配微辣沙律很惹味！然後是炭燒豬頸肉（$68）- 份量與質量皆有驚喜！炭燒味香，豬頸肉又有咬口，正！串燒（$88）- 大大串的豬、牛、雞肉，醃上特制香料燒，與豬頸肉一樣有咬口，夠過癮！最後是泰式蝦炒金邊粉（$98）新泰的金邊粉偏向乾身，有大概3隻蝦仁，伴有不少花生碎及青檸作調味。最後最後：會再來吃的！

星期五晚約咗幾個舊同事食飯 點知個傻豬豬竟然唔book位 最後好多間餐廳都無位 就嚟咗呢一間餐廳walk-in 門口都幾有特色㗎 有架的士🚕影下相 後面仲有得坐住等位添行樓梯落去都幾靚架裝修得我哋四個人都叫咗幾多嘢食（有🎖為推介食物）🎖泰式酸辣鳳爪沙律🥗細細碟 鳳爪好爽口 唔係好酸但係好夠辣 惹味🥰（唔係好食得辣嘅就唔好叫喇）🎖生蝦🦐新鮮 大隻 爽口 醬汁酸酸辣辣 正 開胃 👍🏻小食拼盤（大）哇 份量都幾大 🥬生菜fresh好重要 肉唔肥 蝦餅 春卷等都熱辣辣 👍🏻炒菜苗份量細咗啲 但係唔多油 菜苗都好新鮮 紅咖哩雞雞件唔多 反而配料 菜多 普通 下次要試下其他咖哩一人一杯飲品椰青好fresh 值得推介菠蘿沙冰 / 珍多冰 / 薄荷梳打味道一般食泰國嘢點少得甜品呢 食埋呢個芒果糯米飯做ending就一流 芒果好甜唔酸 糯米飯好味整體來講餐廳環境幾靚好大 餐廳坐滿人 上菜都好快 職員態度幾好 值得再去 👍🏻

話說死黨前幾日食完依間泰菜讚不絕口，咁我就訂左位黎慶祝生日！餐廳係地庫，一落到去好寬敞，餐廳安排左我地四人坐卡位，卡位非常闊絡，仲有咕𠱸，坐得好舒服！前前後後嗌左五樣菜式，馬拉盞通菜，食落唔辣有鹹香，通菜爽脆，味道唔會過鹹，水準之上。小食拼盤大碟到令人驚訝，蝦餅炸得香脆，咬落蝦膠亦都彈牙，魚餅食得出有檸檬草，特別既係除左普通雞醬，仲有偏酸既橙汁醬，點黎食好開胃！而佢既生菜包亦都唔錯，豬肉碎酸酸辣辣，愈食愈滋味！日本南瓜焗海鮮飯好有驚喜，一上菜就見到面頭既芝士蠢蠢欲動，海鮮無雪味，食落彈牙，配埋芝士南瓜蓉，撈埋飯一齊食簡直無得彈！不得不提佢既椰青沙冰，份量超多，一個人絕對飲唔哂，好重椰香，甜度適中，值得一試！餐廳整體質素無論環境、食物同服務都好高，以尖沙咀黎講價錢唔貴，值得推介！

這天和家人來到尖沙咀加拿分道的「新泰東南亞餐廳」晚飯，驟見門前放著一部篤篤車，還種了各種植物，甚是吸睛。沿樓梯落一層就是餐廳，面積頗大，燈光柔和，座位舒適，職員都穿上夏威夷恤，感覺很夏日。《泰式炸春卷》$62春卷炸得香脆不油膩，令人欲罷不能。《椒鹽軟殼蟹》$78很香口的軟殼蟹，不辣，送酒一流。《泰式菠蘿炒飯》$108  泰國菜必食之一，也是小朋友的至愛，原個菠蘿上枱，感覺又得意又好食。炒飯材料很多，除了菠蘿，還有雞肉、蝦、臘腸、肉鬆、腰果，我最喜愛就是提子乾，混合菠蘿味，酸酸甜甜的，超好食。《蒜蓉炒貴妃苗》$82 貴妃苗幼嫩清甜，炒得很夠鑊氣。《芒果糯米飯》$62 這是泰國傳統的芒果糯米飯，有黑白兩款，灑上椰汁和芝麻，香濃清甜，芒果也合時宜。食飽飯食埋甜品，感覺成個人都肥晒，但美食當前，怎能忍口呢！

一向極喜歡吃泰菜的朋友，告訴我尖沙咀開了間泰國菜餐廳，這晚就一於去了試下。因為今日準時收工，去到餐廳只是六點多，所以可以坐在舒適寬闊的四人卡位。到了七點幾，餐廳已經坐滿人了。非常喜歡冬蔭公湯的我，成功說服了不太能吃辣的朋友點了這個冬蔭公湯海鮮金邊粉。這碗粉份量很多，海鮮、魚片、菇類，金邊粉也寫得剛好，不會太腍。主角冬蔭公湯不算辣，酸味比較重。個人是比較愛吃酸的，所以差不多喝光這個湯。越南庶蝦也是十分出色的小食，送上來的時候是熱辣辣的剛炸好，他的分量比我想像中的大，老實說每人一隻已經好夠了。炸粉薄得不得了，每咬一口都是蝦的味道，很鮮嫩。馬拉盞通菜是經常點的蔬菜款式，這個不會太咸，通菜很爽脆，莖部煮得腍，不會硬得吃不下，輕鬆的清了一碟。這樣吃完，兩人也不用$300，吃完也真的太飽了。

係地鐵出口行前小小，見到有間好特別的泰國菜，門面好靚又吸引，門口望見餐牌又唔貴，所以又走入去食，入到去成個皇宮甘好靚，環境舒適，地方座位又寛闊，服務招呼又好，見到待應大多是泰國人，全部都笑容滿面既服務，抵讚👍👍👍👍👍海南雞飯———肉嫩味美，點埋泰國醬汁仲好味，呢隻泰國汁不似平日食開的泰國汁，味道比其他餐廳好食，配菜又夠爽脆又好味，墊在下面的青瓜新鮮爽脆，蔬菜爽甜，湯的味道又清甜😋油飯又好味道，平日我不會食得曬甘多飯，但因為好味到我全部食曬，所以食完之後就立即走左去健身室跑步了一小時😂😂😂😂青🍋梳打——偏甜左小小，但有杯清水，我倒落去加埋一齊飲，味道就剛剛好😆需然偏甜左D，但因為食物環境服務都甘好，所以絕對無影響我的評分😬甜品——以為係椰汁糕，原來係果凍，味道不錯👍平日食完泰國嘢，大多味精，好多時都會好口喝，但係呢到食完又唔覺口喝👏👏✌️✌️

上星期生日朋友帶我來食呢間新泰，佢話食過幾間分店，都覺得質素唔錯。一入到去已經覺得環境好好，無論係兩個人傾吓計，定係一大班人都好適合，環境又大又靚。朋友請食飯咁我唔客氣啦🥳🥳🥳燒黃鱔$118平時好少食鱔，原來咁彈牙！醬汁甜甜地價錢有少少貴 但係好食👍🏻泰式青咖喱雞$78食咖喱一定係食青咖喱👍🏻都幾辣送下飯先蒜蓉炒貴妃苗$82第一次貴妃苗，原來味道都唔錯。香鍋牛油果軟殼蟹卷$88正！好多餡泰式凍奶茶$38芒果糯米飯$62