新泰東南亞餐廳

營業中

休息中

平時喺尖沙咀成日經過一間好大間嘅餐廳，今日同男朋友終於去試呢間餐廳，原來餐廳入面都幾大，d嘢食款式都幾多，原來呢間唔係只食泰國菜，除咗泰國菜之外，新加坡菜都有，因為係食東南亞菜我地叫咗個細ge 馬拉肉骨茶 $78☕️好重嘅藥材味同係馬來西亞飲的差唔多😍😍再叫多個馬沙拉咖喱雞$88因為我哋兩個都食唔到辣所以先叫呢個咖喱第一次食馬沙拉咖喱，唔錯唔錯，唔辣，佢啲蒜蓉包，超脆，點埋啲咖喱一齊食簡直一流😍😍😍😍依家餐廳有幾好款咖喱，紅咖喱、青咖喱😙😙😙鍾意食咖喱嘅朋友一定唔好錯過食咖喱當然要飲沙冰啦叫咗個最普通嘅芒果沙冰 $38男朋友就叫咗個番石榴沙冰 $38兩個都唔伏，仲好好味，好正😍😍

新泰說的上是我最喜歡的東南亞菜餐廳。尖沙嘴兩間分店我都幫襯過，重複食過好幾次都依然喜歡至極，真是百吃不厭。加拿芬道分店就在K11對面，平時行街累了餓了，行出去便是餐廳；這間分店門面佈置更是Kawaii。走落地下一層才是餐廳，地方非常大。肉骨茶最先上檯。剛剛上檯還熱騰騰的時候，飲落第一啖嚐到鮮甜排骨肉香，藥材味慢慢透出。其他食物大概10分鐘後陸續送到。豬肉生菜包比較常吃，所以想嚐嚐鴨肉生菜包味道如何。鴨肉吃下去像豬肉，恕我舌頭未能靈敏至分別得出鴨肉與豬肉的分別。鴨肉加入了香料和辣，和生菜包著來吃，很地道，味道很配合。蒜蓉炒貴妃苗，貴妃苗非常爽口。泰式燒春雞釀香茅黃飯，非常推薦大家嘗試。尤其是在聖誕佳節可以改成泰國菜。泰式的燒春雞與一般我們吃的最大分別就是用了很多泰式香料香茅。雞皮烤焗得脆，切開裏面熱氣怒衝出來，冬天寒冷天時食這個真的特別開心。雞肉非常滑嫩，最想不到的是連雞胸肉都一點都不鞋。裏面的飯很濕潤，用了黃薑粉再加上吸收了雞汁甜味，味道非常濃郁。食到咁上下，啲湯開始變冷，雖然凍左但我並沒有減少它的風味，反而湯涼了，藥材芳香更加突出。芒果糯米飯，芒果很有心機地切得很漂亮。黑糯米和白糯米

約左朋友係尖沙咀睇小王子🤪食個飯先！揀左食泰餐次次同呢個人食飯都係要食生蝦🤷🏻‍♀️🤷🏻‍♀️🤷🏻‍♀️就揀左呢間樓上餐廳🍴6點幾到都已經坐一大半人去到7點幾仲要排隊第一次黎呢間餐廳，估唔到甘受歡迎我地叫左椰皇沙冰，大到係兩個人飲都飲吾哂！再叫左細既冬蔭公，燒豬沙律，青咖哩雞配薄餅，仲有梗係主角生蝦！食物都幾好味同埋環境都好舒服！👍🏼👍🏼👍🏼👍🏼👍🏼👍🏼呢間可以反check🤪🤪🤪🤪

今晚和好同事到尖沙咀一聚，我們都十分想念泰國菜的味道呢，於是找了這家新泰，看起來食物環境也甚為不錯！醃無骨鳳爪沙律一向是無骨鳳爪的粉絲，這家店的沙律，材料豐富，有酸酸甜甜的番茄仔，有洋蔥等等，而主角無骨鳳爪的份量也甚為多，吃得滿足呢。蒜蓉炒貴妃苗這道貴妃苗又是意料之外，除了份量之多，也夠鑊氣，而且不感到油膩，貴妃苗吃起來爽爽脆脆的， 十分健康的一道菜。泰式蝦炒金邊粉而金邊粉也是我的至愛，金邊粉配上青檸汁的酸酸甜甜，加上材料豐富，有大大隻的蝦、芽菜及花生碎等，絕對是口感豐富！原個椰青大菜糕最後，我們都被餐牌上的大菜糕所吸引，是原個椰青呢！甚為少見，而且大菜糕的份量多，最欣賞是店家還細心的將椰肉刮起來了，讓我們可以不費吹灰之力，便嚐到整個大菜糕了，呵呵！下次再和其他朋友來呢！

今晚和朋友經過尖沙咀，見到這家泰式餐廳門外擺設特別又搶鏡，是一個好好的打卡位，食物價錢相宜，於是便來一試。馬沙拉咖喱和蒜蓉包蒜蓉包是即烤的，而且馬沙拉咖喱雞的材料豐富，有青椒、洋蔥和薯仔等，而且雞肉也頗為入味，沾上蒜蓉包， 十分惹味呢！泰式蝦炒金邊粉金邊粉上有一個蛋織成的網狀，賣相很特別呢！而且金邊粉的材料多樣化，有豆乾和蝦等等，十分夠鑊氣！值得一點！椰青大菜糕這個是整餐飯的重頭戲，因為大菜糕內有片片椰肉，配上椰青水製成的大菜糕，更是鮮甜！椰青的份量很大，絕對夠兩個人一起分享呢，是不錯的甜點。千層糕千層糕很軟糯，層次分明，椰汁香、斑蘭味重，吃得我們都津津有味：）

本來約左朋友想食中餐，點知可能太耐無嚟了，找來找去都唔見，就隨便入左間泰菜試下，入面環境唔錯，待應大部分都係東南亞人仕，當然位位都識聽同講廣東話，位置又闊！因為我們個個都係第一次試這間餐廳，所以想食就叫，叫左條鹽焗烏頭，d肉都好嫩。一個大拼盤，但個生菜包有d辣。。因為我唔食得辣。冬陰公湯。。普通。菠蘿炒飯，估唔到咁大份，我們三個人食都每人二到三碗。串燒方面，味道唔係話特別令人難忘，但都好厚肉，，有口感。總括來講。。性價比都高的。。傾計又唔會趕你走。。

新泰係其中一間我幾鍾意喺香港食嘅泰國菜餐廳，有泰國特色之餘，味道同鑊氣都幾夠呢間新泰環境走高雅路線，座位幾舒服，而且每張枱都好大，唔使同人迫香芒軟殼蟹米紙卷頭尾嘅米紙卷好吸引，因為有大大隻嘅軟殼蟹肉好香脆，而家肉質都滑米紙卷有菜有胡蘿蔔、蘿蔔、芒果等等口感幾豐富，而且味道亦清新，芒果嘅甜味係畫龍點睛蒜蓉越南牛油雞翼呢個好好食飯每次必點，味道偏濃偏重口味，蒜香十足夠入味鐵板蠔仔炒蛋同潮州嘅煎蠔餅完全唔一樣，呢碟蠔炒蛋嘅蠔係大大粒而且好多，味道一啲都唔腥，口感滑溜，有蛋香味醃無骨鳳爪沙律呢啲無骨鳳爪沙律份量就少咗啲啲，但鳳爪爽口而且酸辣甜味都夠，就加番分日本南瓜焗海鮮飯呢個造型真係好吸引，好多海鮮鋪喺面，仲要有啲芝士慢慢咁垂落嚟！海鮮方面有蝦有青口有魷魚等等，份量都幾多。飯粒沾滿晒南瓜嘅香味，忍唔住連旁邊嘅南瓜都刮嚟食下甜品大拼盤叫呢個拼盤其實有啲貪心因為已經食到好飽啦，但佢樣樣都有，而我又樣樣都想試中間嘅黑糯米芒果飯最好食，因為黑糯米嘅有獨特嘅米味，而飯團上面有白芝麻亦幾加分，食落幾香。芋頭糕真係幾紮實，而且好重芋頭味青檸梳打嘅梳打水係來自泰國幾驚喜今晚嘅菜式我都好滿意

大約一年前同朋友食過新泰，今日好想食泰國菜，就同返朋友嚟另外一間分店。估唔到依舊有驚喜，果然冇令到我哋失望呀！呢間係加拿分道嘅分店，空間更大！一入門口有一㗎好大嘅tuk tuk，可以打卡影相，亦令到餐廳更添泰國氣氛！食物方面依然保持高水準！我哋叫咗頭盤、小食、主菜同甜品無骨鳳爪沙律食泰國菜又點可以唔食酸辣沙律！今次叫咗無骨鳳爪沙律，鳳爪好爽口，味道酸酸辣辣，好開胃呀！份量適中，作為頭盤唔錯！鐵板蠔仔炒蛋呢個貌似台式嘅食品估唔到係泰式餐廳食都非常美味！蠔仔份量好多，非常足料！配合醬料酸酸甜甜，好惹味！鹽焗鱸魚泰式焗魚係好多地方都食得到，而呢一間算係幾抵食！大大條嘅鱸魚外皮焗得香脆，鹽嘅香味亦都有滲透到魚肉裏面，魚肉鮮嫩幼滑，配合埋辣椒魚露，令味道更昇華，好食！南瓜焗海鮮飯呢一個南瓜焗海鮮飯一上台嘅時候已經非常驚喜！焗飯同埋南瓜汁多到滿瀉！而且飯粒好入味，有南瓜甜甜嘅香味，亦都有海鮮嘅鮮味，好正！甜品大拼盤食到最後當然叫個甜品拼盤啦！拼盤好豐富，有芒果糯米飯、粟米糕、椰汁糕、芋頭糕等等，味道幾好，唔會太甜！呢一餐泰國菜好正宗又豐富，滿足！

新泰東南亞泰國餐廳可以話係香港數一數二嘅高質泰國餐廳，今次同幾位朋友一齊嚟食，覺得環境非常舒適，菜式地道，好似真係去咗泰國咁樣！香芒軟殼蟹米紙卷芒果和軟殼蟹這個配搭，非常開胃，水果可以減少炸軟殼蟹的油膩感蒜蓉越南牛油雞翼牛油雞翼炸得很香，幾惹味鐵板蠔仔炒蛋極力推介！蠔仔炒蛋很香，粒粒蠔仔都好大隻，非常足料，熱騰騰的南瓜焗海鮮飯賣相很吸引，有原個南瓜裝住重量級海鮮飯，南瓜粒南瓜醬汁幾特別，比起平時食嘅椰汁焗海鮮飯，感覺較為健康泰式蝦炒金邊粉食泰國嘢點可以少得金邊粉呢！記得我去泰國的時候，差唔多晚晚都會食炒金邊粉，醬汁酸酸甜甜，配上大蝦、花生粒、蛋絲等等，幾地道泰國椰青番石榴梳打呢款凍飲好特別，淡淡清香嘅番石榴味，很清甜甜品拼盤 (大)份量好多，賣相吸引，正呀!

之前來過吃晚餐，覺得很好吃，這天就來試試它的午餐。點了泰式海南雞飯和冬陰公海鮮金邊粉，另加了燒豬頸肉沙律和泰式炸春卷，飲品就點了凍檸檬茶和熱檸檬茶。泰式海南雞飯除了海南雞和飯，還有冬瓜湯和炒雜菜。海南雞肉質嫩滑，但沒有什麼雞味，飯有椰香，好吃，炒雜菜也不錯，冬瓜湯就比較清淡。冬陰公海鮮金邊粉的海鮮有蝦、魷魚和炸魚片等，材料很多，金邊粉很滑，可惜湯頭不夠香濃。燒豬頸肉沙律味道不錯，泰式炸春卷就沒有什麼特別。這店的服務不錯，環境也不錯，午餐份量很大，不過好像晚餐比午餐好吃。

泰國野就周圍都有，但想揾間坐得舒服少少既，就真新泰好d，估唔到係尖沙咀呢d高級地段，都有排場咁大既泰式野，門口大到好似真係去左泰國咁呀（香港地少人多無計）。裝修就真系不得了，全店都有隻吊燈，環境裝飾得好好，好有hea既feeling，同朋友黎傾下計relax下，就十分之舒服 or 同女朋友黎食下泰野都唔錯。黎到最重要既食物方面，就真係好掂，本人就最鐘意佢個燒春雞飯，雞入面包住d飯，吸收d隻雞既油香，又令隻雞吸收返飯香，兩者相付相成。而且外面係用燒春雞整法，皮脆肉嫩，比起菠蘿炒飯/南瓜焗飯，我就更加鐘意呢個喇。真係誠心推介大家試下。另外，佢個炒椰菜仔都好正，椰菜仔好脆口好正，入口有少少甘，好解利。掂！！

周日晚上相約朋友試食了新泰泰國菜。感覺呢間餐廳食物、服務質素以及環境方面都不錯，會再想幫襯多一次。餐廳由外到內裝修同擺設都相當優雅美觀，由牆身、梯間以至座位間都有花心思設計。由於得兩個人，無點選太多食物，只叫左三樣嘢食。 但就剛剛好食晒無浪費，足夠滿足到肚皮需要。 其實餐單上有好多選擇，每樣都想試食一下。 於是叫左個小食拼盤。 有最愛既炸蝦餅同炸魚餅，另外有菜肉包同炸春捲。 每樣既份量都係雙數便於分享。 炸蝦餅好彈牙，點一點甜酸醬一齊食好醒胃。 另外，個炸魚餅好香，入面有東陰功湯既味道。 呢兩樣都想再encore。飯食方面叫左個燒春雞釀香茅黃飯。 賣相都已經很不錯，燒到金金黃黃既色澤。 黃飯味道都好香濃，適合食得味濃既人士。 至於雞味道都讚，好鮮嫩多汁，肉質好鬆軟。 另外配有一個沙律。最後基於健康主義者，叫左一個泰式炒椰菜仔。 細細粒既椰菜仔外觀鮮綠咬落好脆，味道間中帶有少少苦。 感覺上呢餐泰國菜好健康，食左好多肉之餘，都食左好多菜。 加上環境都不錯，有機會會再encore

同朋友喺尖沙咀行完街，就喺附近搵野食。喺K11出面見到呢間泰國餐廳，鋪面裝修得幾靚，一開始就比佢架Tuk Tuk吸引到，之前試過其他分店覺得質素唔錯，所以就決定揀佢啦🤓沿住樓梯落去先到用餐嘅area, 比想像中大好多，環境認真唔錯，非常闊落，唔會有任何壓迫感😀 我地6點半左右到，太早餐廳未有好多人，按排到我地坐卡位，沙發位坐得好舒服。泰式蝦炒金邊粉 $108賣相好精美，外面包住一層蛋皮，配料有好多蝦球同泰式魚蛋，啖啖肉好鮮嫩又爽口，材料豐富，份量十足。 金邊粉炒到乾身，食落好彈牙，加左青檸汁，可以中和醬料嘅濃味，好食👍🏼蜜糖燒肋骨 $88肉質軟嫩入味，外面塗左層蜜糖，甜甜地好好味~ 而且佢燒到岩岩好，一啲都唔乾，軟腍又多汁，啖啖肉又易甩骨🤓蒜蓉越南牛油雞翼 $78雞翼勁香牛油&洋蔥味，咬落層皮脆脆地，但肉質仲係嫩嘅，好juicy~馬拉盞通菜 $75通菜味道比較濃，同馬拉盞嘅味道好夾，但係又唔會太油膩，食得出好夠鑊氣！用利送飯就岩曬。泰式甜品大拼盤 $168最後叫左個大甜品拼盤，有5款唔同嘅糕點，可以一次過試曬唔同款式！甜品椰漿味好濃，每款都有唔同口感: 依韌，香脆...  不過

今日嚟係K11 對面嘅新泰東南亞餐廳餐廳佈置高貴有格調，環境非常舒適，整潔。今日叫咗兩個午市套餐。首先係星馬咖喱雞。雞肉份量非常多，有超過10件雞肉，而且雞肉質地嫩滑。咖喱汁好creamy，味道啱啱好。接住就係泰式炒金邊粉。味道非常正宗，份量非常足夠。不過蝦肉只得兩隻，略嫌不足，幸好蝦肉非常新鮮爽口。今日另外仲加咗一碟飛天通菜。碟菜非常好味！最後就加咗一個原個椰青大菜糕。依個甜品味道非常清甜，啖啖椰青肉，令人越食越想食！ 由於我哋係下午茶時段嚟，所以有全單八折。依間餐廳好食又抵食，而且服務又好，值得推介！

一向都好鍾意食泰國菜 經朋友介紹 知道有呢間食東南亞野食一嚟到門口 就見到佢有好特別的擺設 好有創意 唔似一般泰國菜都走街坊路線入面的裝修先令我地最讚嘆 design好decent 好適合大家想坐得舒服地聚會呢度有好多款東南亞野食 泰國越南野都有 選擇十分豐富！蜜汁燒肋骨估唔到會有rib食 肉燒得好香好淋 加上蜜糖燒好惹味😋越南牛油雞翼牛油味好香 不過個人口味鍾意再脆d 就會更香口🤪馬拉盞通菜食泰國野必食通菜 通菜吸收左蝦醬味道 少少辣 配埋蝦米 超級正👍🏻泰式金邊粉份量好足 三個人食左其他野再食呢個已經好飽 水準亦唔錯！甜品大拼盤睇相都覺勁豐富 除左有必食嘅芒果糯米飯 仲有好多特色甜品個人覺得糕品做得幾出色 朋友略嫌甜 但我諗都係口味問題食埋呢個做ending就好滿足🥰雖然餐廳裝修好高級 但價錢都好平民化 性價比好高👏🏻