新泰東南亞餐廳

營業中

休息中

朋友幫我慶祝生日，我當然㨂番最愛既東南亞餐廳新泰啦，舊年係灣仔食過一次就念念不忘，今次收工之後再到K-11附近新店 呢間分店同灣仔分店裝飾風格唔一樣，但都係咁靚，充滿泰國風情 之前次次都食馬拉盞通菜，雖然好食但想轉轉新口味，今次點左蒜容炒貴妃苗，菜苗非常嫩，帶有蒜容香味食肉獸不能錯過既串燒（有齊雞、牛、豬），大大份配上沙爹醬一流！超級大隻既燒扇貝，平時一貫食開清蒸，估唔到用上芝士同蒜容美味值加一百，完全係融化係口中身為饅魚控既我對呢份燒鱔都好滿意，燒得好入味，而且冇乜魚刺不太能食辣的朋友嫌黃咖哩雞太辣，但我覺得還好，正正常常，反而有咖喱香甜味，今次我地用薄餅來配，但配白飯應該更好 椰青比出面正常size大，而且飲得出好fresh，配油膩東南亞菜正好解膩呢個椰青大菜糕絕對係我甜品榜前三位，即使已經食到好飽我同朋友二人依然堅持點，而且毫不誇張地將全有附邊既椰肉絲都刮得一乾二淨，事關非常清甜，而且椰肉加上大菜糕好有咬口，又唔會太甜令人有罪惡感，成個食完都唔覺太膩，反而意猶未盡

今日經過尖沙咀見到門口有架篤篤就被吸引左我入去，餐廳環境寬闊，裝潢設計優雅，令人感覺好舒服睇佢menu都覺得好精美，我哋叫咗:🔻泰式生蝦食親泰菜，都必點生蝦生蝦大大隻又新鮮，好爽口彈牙🔻泰式炒花甲花甲好鮮甜無沙配蒜蓉包或者薄餅一流😝🔻豬肉碎生菜包碎肉炒得粒粒分明，夾雜着香料，配生菜包住嚟食👍🏼唔食得辣嘅要注意，豬肉碎係有少少辣🔻蒜蓉越南牛油雞翼 好香牛油味大大隻雞翼面黐住生蒜，入口香脆🔻燒西冷牛扒 西冷牛扒份量唔細但食落就普通左少少🤏而旁邊ge醃配菜就有驚喜🤩酸酸甜甜好開胃🔻龍眼冰味道啱啱好龍眼肉好爽甜🔻番石榴沙冰朋友點的沙冰都好清甜💬整體環境同食物質素都唔錯份量同上菜速度都好好店員都好有禮貌下次都會再嚟食😝

我係一個唔中意食主食既人,所以叫左兩個小食,泰式燒蠔同埋泰式燒鱔,再加個椰青真係心滿意足。呢度好FULL,但都唔洗等位。泰式燒蠔有兩隻,都大隻,加左芝士同GARLIC去燒,好香,GARLIC鋪滿蠔面上,蠔香得黎D肉唔老,好好味。燒鱔有成4串,食完飽到上心口。食得出係好鱔,肉係超FIRM。平時食開日本既鰻魚,好少咁食法,有新鮮感又有特色。個SAUCE係自家味道,有少少SPICY,可點可唔點。因個鱔本身已有醬汁既味道。中意呢度既碟,呢度既WALL,呢度既燈,好柔和,好有FEEL。店員全部都穿上東南亞風情既衫,唔講仲以為自己去左泰國添呀!好享受今晚寧靜既一人晚餐。當然同朋友黎就可以食到更多款,因佢D份量都算大。

今日返工真係返到個人好攰，於是收工真係想輕鬆下咁，咁啱出到嚟尖沙咀睇下有咩好食啦，搵到間食東南亞嘅嘢喺地庫入邊嘅咁都好想試吓做決定今日試啦！今晚我哋兩個都好肚餓，於是呢我哋叫咗好多嘢例如: 肉骨茶啦，肉骨茶個藥材味好香但係又唔會過分，飲落去呢好舒服，仲有排骨添呢個真係幾唔錯呀，正呀！跟住仲有蒜蓉炒貴妃苗啦，呢個貴妃苗呢好爽脆好香嘅，食落去口感好好，食到停唔到口呀！仲有就係鴨肉生菜包啦，個份量好足夠生菜又夠新鮮又唔會過分辣，一路食嗰個味道呢你會覺得味道係好平衡㗎！呢個廚師有料啊！不過講到最出色呢我就覺得係呢個泰式燒春雞釀香茅黃飯，係極之出色！賣相已經好靚㗎啦！估唔到食落去你就食到佢嘅功夫有幾咁犀利，因為佢個雞呢係好香噴噴，又好嫩滑，雞皮又脆卜卜啦，但係呢你切開佢嘅時候都發現有啲香噴噴嘅香茅飯喺入邊啦！佢哋兩者之間嘅味道呢原來非常之夾個喎！咁呢隻咁嫩滑嘅燒春雞呢，食落去口感係勁正勁正！然後我哋又嗌甜品啦甜品就係傳統泰式嘅芒果糯米飯水準都係非常之好今餐完全冇失望過！非常之高質我諗係我從來都未食過咁好食嘅東南亞菜！所以一定要走上嚟推薦比大家！

難得今日星期五 朋友話尖沙咀有間泰國野坐得好舒服同好好食 我哋就決定去試吓 七點幾去到唔算太多人 店員安排我哋坐sofa位 餐廳環境唔錯 樓底好高 好闊落😛-生菜包😋我哋叫咗個豬肉生菜包 好足料 🤩炒得好香朋友覺得有啲辣 但我覺得啱啱好 而且仲好惹味 啲生菜亦都好新鮮 仲有啲水珠喺上面😂-黃咖喱軟殼蟹配法包😋呢個係必食之選 冇諗過法包同咖喱係咁夾 而且軟殼蟹好大隻 兩個人食都覺得有啲大份 個人建議一嚟到一定要食咗法包先 咁就可以食到外脆內軟😎-燒豬肋骨😋豬肋骨一共有四件 燒得好香口 而且調味得幾好 唔會太咸 好少泰國嘢有燒豬肋骨食 可以黎試吓🤪-最後叫左杯椰青消滯 又多水 記住要食埋啲果肉 好清甜又夠凍☺

今日係疫情下嘅情人節咁我見疫情之下諗住可以易啲搵位 都冇訂位呀所以咁我同女朋友就去到尖沙咀呢個地方搵下嘢食雖然我冇訂座 但我其實睇定咗幾間餐廳嘅已經去到都幾間冇位 最後入咗呢間食泰國嘢嘅餐廳因為等咗一陣已經有位喇炒雜菜個雜菜麻麻地 味道清淡 不過清清淡淡都好嘅之後仲點咗呢個 都唔係好記得佢叫咩味應該係啲麵包加個咖哩軟殼蟹記得好似二百蚊咁上下啦佢個咖哩味係甜嘅 椰香味 所以呢個係唔辣嘅跟住佢有啲麵包比你點黎食軟殼蟹味道ok嘅 小小脆 唔算太脆 份量上唔算話好多 再點咗一日一杯嘢飲我地嘅情人節餐就係咁喇

泰式海南雞飯：這海南雞飯吃過兩三次了，下次還會點。雞嫩滑份量不少，沾上醬料更好味，最愛還有很多炒得香香的蔬菜，至於冬瓜湯，雖不特別美味，但吃完飯喝口湯挺舒服的。南瓜咖哩帶子焗飯：這個下次不會點了。吃泰國餐廳的咖哩，預期應該是有一定辣度的，但這咖哩不夠辣，南瓜很多，帶子是帶裙邊那種，沒什麼味道。飛天通菜：炒得香，好吃。想一提的是，這餐廳的服務以往不錯的，這天不知怎麼的不停趕著收碗碟。我們坐的是卡位，侍應為收裏面的碗碟，手和手臂好幾次幾乎碰到我們的食物，感覺不好。

不嬲泰國野都好有要求😍好好彩穩到呢間，以後一定會幫襯。先講環境方面，感覺非常乾淨同埋地方都好大，可以坐得好舒服，又唔會趕你走態度方面，簡直係一百分！！職員都會唔該前唔該後，非常有禮貌，仲會提我地小心樓梯級，值得加分！食物方面，當日我哋兩個人食，分別叫豬肉生菜包，鳳爪沙律，蒜蓉包，明爐烏頭，生蝦，冬陰功湯同埋椰青！ 豬肉生菜包味道啱啱好，唔會太淡，又有香料嘅味道👍🏻鳳爪沙律酸辣味啱啱好👍🏻生蝦夠新鮮又厚肉👍🏻明爐烏頭大大條熱辣辣👍🏻冬陰功酸辣味好夠好歡喜(不過友人唔食得辣頂唔順)👍🏻👍🏻椰青多水又甜👍🏻👍🏻一路打一路都好想食🤤🤤

昨晚上完堂同朋友一起食晚飯，早前有朋友介紹過在尖沙咀呢間新泰餐廳頗有水準，門面裝潢不俗，內裏格局寬敞舒適。我們點了一客蒜蓉越南牛油雞翼，一上枱已經聞到香噴噴，濃濃蒜香配搭上 牛油金黃亮麗，豐滿著整隻雞翼，雞肉幼嫩軟滑，吸引力真係沒法擋。一個鐵板蠔仔炒蛋，端上來時你會聽到bla bla鐵板發出響亮聲，立時令你食慾大振，熱騰騰香噴噴，蠔仔肉鮮香撲鼻，炒蛋又滑捋捋，大廚嘅手藝非同凡響。另一個正宗泰式菠蘿炒飯，甜蜜蜜，飯粒顆顆 圓潤飽滿，柔韌兼備，夠爽口，多種食材配搭得非常恰當，美食真係令人開懷，往後我哋又多咗一個搵食的地方。

早前，跟朋友去了位於尖沙咀既新泰東南亞餐廳食泰菜；地方寬敞，座位舒適，佈置充滿泰國風情。串燒：串燒一共三類：豬牛雞。三者肉質同樣不會感到鞋口，個人比較愛吃牛串燒，味道會更加惹味！再配以濃郁既沙嗲汁，味道大大增加！越式燒春雞釀香茅黃飯：燒春雞中釀入香茅黃飯，十分特別。燒春雞雞肉嫩滑，而香茅黃飯香口又夠味！原個椰青大菜糕：抵食之選既甜品！椰青好大個，而且凍凍地好岩夏天或者食完泰菜既食客。大菜糕甜甜地幾易入口，相信大人小朋友刀會中意食！

經過餐廳門口，俾架篤篤吸引左入去。係呢度裝修得好細緻，周圍都係d特色嘅木製、籐製傢俬，配合埋好多燈飾，環境舒服。主食點左青咖喱雞配薄餅，青咖喱味道好香濃，口感豐富，最鍾意好多菜、豆、南瓜等，食完個嘴都仍然保持着咖喱香氣。薄餅都做得好好，入邊好軟身，口感好綿，唔油膩，外層薄脆，份量啱啱好。另外點左個雙色芒果糯米飯，糯米煙煙韌韌，鍾意佢唔硬身，芒果好清香又甜，食完真係滿足晒。

朋友推介: 鐘意食泰國野點可以唔識 新泰 !✨今次就黎試下佢🤣🤣一入到餐廳 環境好寬落😗而且裝修都好有泰國風味😼🐽 椰青沙冰🥥 ($58)超級超級正的沙冰!😻極重椰子味🥥🤤綿綿的沙冰食泰國野一定要整番杯😼🐽 冬蔭功海鮮炒飯🦑 ($88)個飯好重冬蔭功味🤪夠曬惹味炒得幾有鑊氣d飯炒得一粒粒 質感軟硬適中😼🐽 蒜蓉炒貴妃苗🥬 ($88)幾有驚喜既一碟菜🤣d苗好新鮮 炒得岩岩好個汁亦都好好味😋🐽 芒果糯米飯🥭 ($68)當然要來個泰式甜品🥰芒果好甜😻糯米飯夠曬煙韌!配埋椰漿super fatfat!🥳

想食泰國野 第一時間就諗起新泰🤔之前都食過幾次 貪佢實惠又好味😝今日泰癮起 又同fd子去止癮🤣-🦐冬蔭功海鮮炒飯 $88好抵食嘅一道菜 $88就有一大碟飯🤣鍾意佢嘅飯質 夠乾身 顆粒分明👍🏻而且炒得好香口 陣陣冬蔭功味好惹味😝-🥘馬沙拉咖哩 $88🥖蒜蓉包 $32重口味嘅我地點咗咖哩 都係超香啊!咖哩唔會太辣 食唔到辣嘅人都可以一試唔同青咖哩 佢唔會有種甜味 比較重咸🤣平時都係薄餅點咖哩 原來佢同蒜蓉包都好夾👍🏻-🥥椰青沙冰 $58一定一定要嗌嘅特飲😲椰子味超重 仲會一路飲一路食到椰肉又清甜又解渴 真係會係咁飲停唔到🤤

新泰位置真係好方便，就係K11其中一個門口。餐廳競爭對手都有好多，除咗茶記，附近就有日本菜、韓國菜、意大利等等。選擇新泰嘅原因，係因為成日聽到朋友話灣仔總店啲嘢好好食，咁我地就去試下喇。餐廳係地牢，地方好大，而且空間感十足，一啲都唔覺得好迫。而且仲有幾間大房，一大班朋友自私食，唔被騷擾又得。新泰嘅嘢食種類都選擇好多，只不過我哋三個人就食得唔得多嘢啦。我有偷睇過隔離食嘅串燒，大大盤好似好好味咁呀。今次我哋呢餐飯就叫咗呢啲嘢食👇🏻綠豆沙冰，好得噃。好重綠豆味而且一啲都唔甜。青木瓜沙律睇相好似好細碟，其實一啲都唔係呀牛油雞翼，味道就係一般般。唔知點解好多地方整牛油雞翼都唔係特別好食！爐頭魚最正莫過於係個甜品拼盤。除咗有基本嘅芒果糯米飯之外，佢有椰汁西米糕，白色嘅好似係椰青千層糕。黃色光粉嗰個都好好食嘅，但係真係食唔出嗰個係乜嘢。

這間餐廳已經不是第一次吃了，已經食過幾次，能夠令我百吃不厭，除了食物好食，也因為他的食物份量很多很大碟!沒有想過今天晚上竟然全場爆滿，好在朋友一早訂了位。餐廳都幾多座位，佈置亦帶有一點泰國風格。餐牌上有多款泰國菜可以選擇!小食拼盤，這裡的小食拼盤非常大份，小食包括有蝦餅、魚餅、春卷和肉碎生菜包，蝦餅和魚餅炸得剛剛好，唔會過火，彈牙鬆脆。而肉碎味道惹味，酸酸辣辣，用上生菜包住特別美味!鐵板蠔仔炒蛋，蠔仔肉都幾多，由於用些鐵板的關係，夠哂熱辣辣，再配上辣醬一齊食，帶出了鮮味!紅咖哩鴨，第一次食咖哩食鴨，味道幾夾，鴨肉是燒鴨，肉質唔會太鞋，咖哩唔會太辣，帶有少少甜味。再配上薄餅一齊食更加惹味，這裡的薄餅煎到脆卜卜而且鬆軟，很惹味!鹽焗烏頭，朋友最愛吃鹽焗魚，這裡的烏頭都幾大條，而且很多肉，魚入面有塞滿泰式香料如香茅等，用上鹽焗更能保持魚的鮮味，而且魚肉鮮甜，唔會變霉，點埋附有的酸辣醬更加美味!椰青沙冰，非常大杯沙冰，用上整個椰青盛著，味道清甜，帶有少少椰奶的味道!青檸梳打，用上泰國的梳打水，一樽梳打水大概可以分到兩杯!這間餐廳真係食極唔厭，味道正宗而且份量也很多，是我最喜愛的泰國餐廳!