新泰東南亞餐廳

營業中

休息中

朋友推介尖沙嘴K11附近有間好好味既泰國野，趁今日放假一於去試下。平日既晚上七點幾去到，唔駛等位就有得入🤗餐廳好寬敞，兩個人去都俾張四人枱我地，坐得好舒服。首先黎左個冬陰公湯，好足料，大大隻蝦，大頭蝦好鮮味😋 湯底濃郁，飲完好開胃。蒜蓉炒椰菜苗🥬本身好鍾意椰菜苗嘅口感。碟菜炒得好香，唔會太油。麵包焗咖喱軟殼蟹🦀軟殼蟹份量多，麵包烤到金黃酥脆，點咖喱食一流😋😋泰式蝦炒金邊粉🦐賣相好吸引，金黃色嘅蛋絲佈滿金邊粉嘅表面。蛋絲煎得好香，金邊粉亦好足料，有幾隻蝦係入邊。最後到甜品時間，當然唔可以錯過我最愛嘅芒果糯米飯啦！芒果好新鮮好甜，糯米有兩款，普通糯米飯同埋黑糯米，兩款都好好食。呢間餐廳無論係環境定食物質素都唔錯，一定會再嚟！

成班都好鍾意食泰菜，新泰都係我地既心選，二話不說都係首選新泰今次黎到都多左幾款新菜，我地都幾有興趣試下，但有幾款係我地食泰菜都會必點既！小拼盤有我地至愛既蝦餅同魚餅，蝦餅炸得卜卜脆，而且好足料，啖啖蝦肉；魚餅又陣陣香料味，好味~串燒沙嗲一定唔少得，串燒既肉質好軟，就算唔蘸醬汁都陣陣甜味，蘸埋就更加好味，我自己就鍾意蘸滿曬醬黎食，因為佢個醬都好好味燒豬頸肉都好大條，除左好香炭燒味，佢地既醬汁都酸酸辣辣好開胃，不過唔會好酸好辣，幾濃味泰國街邊豬肉串，呢款係新菜黎既，佢成串豬肉都好嫩好滑，帶有少少脂肪，入口就溶，超級juicy，建議唔好蘸太多醬汁，因為本身豬肉串已經有調味，甜甜地，十分推介呢個新菜麵包焗咖哩軟殼蟹係黎到必點之一，香脆既軟殼蟹加上香甜微辣既咖哩，簡直不得了，麵包又係即點即焗，蘸上咖哩汁，非常好味芒果糯米飯，佢地呢到係黑白糯米飯，黑糯米味道較香濃，白糯米較黏軟，椰汁配上芒果夠曬香甜，一D都唔酸芒果沙冰真係好冰凍，而且打得好滑，香甜既泰國芒果沙冰真係人見人愛泰奶飲得出應該係泰國有名連鎖店既奶茶，不過味道總有出入，但都好飲，可以一解泰奶之癮

蒜茸越南牛油雞翼特別d嘅整法，平時成日都都係炸啦滷水啦同瑞士，超多洋蔥又加左份清爽口感，仲索埋d香味泰式生蝦每次都忍唔住叫，好飽滿，疫情間都更講衛生，冰底都係包住保鮮紙，令人多左份安心青木瓜沙律本以為會係清爽酸甜卻有驚喜，滿滿花生醬味，同平時食嘅好唔同肉碎生菜包九層塔超足，好香，肉碎唔會整到太散，保持到口感亦留底肉汁麵包焗咖哩軟殼蟹心思位係旁邊嘅包係焗脆左，更香口，如果想食番一般麵包口感就可以食主包，軟殼蟹唔小，咖哩汁配麵包好吸引，索曬汁嘅麵包好好味

今次熊貓嚟到尖沙咀，見到呢間門口擺咗架篤篤車嘅泰國嘢，見到篤篤車就令我諗起上年去泰國同熊貓女嘅旅行，所以就帶埋熊貓女嚟嘆泰國菜！職員都係泰國人，真係有去咗泰國嘅感覺啊🌴🌴🌴職員嘅服務好好，會記得熊貓女飲熱水，之後refill都主動拎熱水黎針，服務滿分！次次食泰國嘢都係嗌馬拉盞通菜，今次試吓新野「炒貴妃苗」，用咗大量嘅蒜蓉去炒，好香！熊貓就最鍾意食肉骨茶，今次呢度嘅肉骨茶係馬拉風味，藥材味重，我同熊貓女都飲咗兩碗湯😋馬拉咖喱雞黎到食泰國嘢，點可以唔食咖喱。但係熊貓女就唔食辣嘅，職員就推介食馬拉咖喱，因為馬拉咖喱比較甜，唔會好辣，誠意推介比同樣唔食辣嘅讀者。燒扇貝必食！好大隻扇貝，好鮮甜👍🏻環境，食物，服務都值得一讚。係呢個去唔到旅行嘅時候，黎食一餐泰國菜，可以解一解鄉愁！

呢間餐廳雖然係窄行入面，但係門面勝在夠特別，有架泰國既duk duk，一認就認得出。我初頭以為係間普通小店，點知落到去間舖超大，枱與枱之間位置好闊，比大家有個安心既距離食飯。泰醬焗青口 （$68）：我以為隻青口焗完之後會縮水，點知一d都冇，仍然係超大隻！佢用左泰式醬同芝士一齊焗，個味道好夾，酸酸地幾開胃，食多幾隻都唔膩。青口上面既配料亦都唔會過多，冇喧賓奪主既感覺。唯一美中不足既係青口唔太夠熱越式燒雞釀香茅黃飯（$188）：我見呢道菜係meun上面係推薦既，一於叫黎試下，點知又冇令我失望喎🤩 隻燒雞既皮好脆，肉好嫩好juicy，吸曬香茅黃飯既味，唔會覺得好寡。至於個飯就有好濃既香茅味，睇落好似好肥，但食落又唔覺得特別膩。順帶一提，如果擔心自己會切爛隻雞，可以叫個服務員，基本上佢地會主動會幫你切架。芒果沙冰（$38）椰汁冰（$38）兩杯飲品都唔錯，比起我係其他泰國餐廳飲到既冇咁甜，但係又keep到濃濃既芒果同椰汁味🤤值得一提既係佢地服務態度好好，食物又好食，難怪去到晚上7，8點個陣仍然係好多人幫趁🤭

最近冇得去旅行，所以出街食飯都會食啲唔同國家嘅菜，咁就可以當自己去咗旅行吖嘛。-呢間泰國嘢門口，擺咗一架tuk tuk車，充滿泰國風味，職員都係泰國人，感覺呢度嘅嘢食非常之正宗！-馬拉肉骨茶$78小馬拉嘅肉骨茶係比較重藥材味，細嘅份量都幾多，都起碼有五條骨，仲有豆卜，可以吸晒啲湯嘅精華。而家咁濕嘅天氣就最啱食肉骨茶！-燒扇貝兩隻$88用咗勁多蒜蓉去燒，勁大隻嘅扇貝！-馬拉咖喱雞$88馬拉咖喱係比較甜，唔會太辣，重點係咖喱入邊嘅薯仔！另外仲叫咗蒜蓉包同白飯，去送咖喱。-蒜蓉炒貴妃苗$75貴妃苗好嫩，炒得好香。-最後叫埋兩個嘢飲，結束今次去泰國嘅旅程。椰青$45青檸梳打$38

今晚放工同朋友食下飯，最近好想食d辣野，就揀左泰國菜試下！依間餐廳真係好有特色，係門口就有架篤篤，好有feel呢😍😍😍😍我地坐底就叫左幾樣食物🥰🥰🥰串燒沙嗲（雞牛豬）有六串，所有都燒得好香，好有水準呢！！！醃無骨鳳爪沙律，最鐘意配埋生洋蔥一齊食，鳳爪亦都好入味呀🥰🥰🥰🥰泰式燒春雞釀香茅黃飯，今晚既亮點，依一款菜色每係間間泰國菜館都有，黃飯吸收哂雞既香味，好好吃呢！！！春雞亦都燒得好香脆！！泰式明爐烏頭，大大條烏頭，我最享受係滾下滾下咁食魚，好開心呢！！唯一最可惜係已經食唔落甜品啦，因為份量真係好足夠呢！！😉😉😉😉下次一定要試😍😍😍😍

做完指甲就嚟到TST食dinner. 男朋友想食泰國野所以就來到加拿分GE新泰啦! 咁耐冇食泰菜當然要點番個coconut lar!!! ($45). 好大個而且好清甜, 2個人一齊share都可以的. 先上左個青芒果沙律($78). 入面除左係有青芒果絲仲有都幾多花生! 一齊食個texture就好rich la~ 之後就係上左個馬拉盞通菜($75). D通菜時間炒得剛好, 不會太老, 而且唔會油! 而馬拉盞都味道夠, 唔會辣的. 主食就叫左個馬莎文咖哩牛腩跟酥餅( $88 + $32). 咖喱味就甜甜的, 仲有花生+DD椰香, 用嚟沾酥餅食真係一絕! 而呢度GEH酥餅係好重牛油味, 食落都幾飽肚, 叫一份2個人食會好D. 另外再叫左只燒魷魚($98). 又真係燒得好好, 有黑到但有D位又幾脆口! 加上甜酸汁食就更好味啦! 最後叫左芒果糯米飯($68). 芒果super sweet! 佢個個椰漿好rich, 個味係咸甜咸甜, 好特別! Yummy~~

難得岀關岀街食野！最想食既係重口味泰國菜呀！😆今日再黎encore呢間未試過令我失望既新泰🥰受武漢肺炎既影響下少左好多人！都好！可以闊落啲坐 同埋食得自在啲！餐牌有勁多選題 影唔曬呀😅先叫左冬陰公湯！今日又濕又凍！飲碗足料冬陰公湯暖一暖好正！2人份量都好大碗！又隻開邊大蝦啖啖肉！咖哩軟殼蟹蒜蓉包 一上碟就哇左聲！^_^擺得好靚又大份😆軟殼蟹夠曬香脆唔會太油☺️呢隻咖哩唔會太辣又易入口！仲有菜苗都好好食🥰必叫金邊粉睇賣相已經贏左🥳炒得好入味而且夠曬乾身！仲要好大份我地食唔曬要打包😅雖然飽都要食芒果糯米飯😋呢個配黑白糯米飯有曬唔同口感！

想食泰國菜一定諗起新泰多分店，坐得舒服，質素好泰式青咖哩(配雞) $78 👍🏻青咖哩辣度適中, 配菜有南瓜、無花果、豆角等。好吃 雞肉又湖人，不過份量不多食咖哩點都要有碗飯既食哂成碗都仲想食, 咖哩汁實在太好味！所以之後仲嗌多個薄餅點咖哩汁食😆😆😆冰鎮翡翠螺 $78好新鮮 螺肉又大舊又爽 😍👍🏻醬汁辣得好過癮醃無骨鳯瓜沙律 $68鳯瓜份量好多, 食極都仲有反而蔬菜說好少, 只得小量紅蘿白絲食到底既鳯瓜都幾辣, 但好好味 😁

已經去過新泰幾次，之前成日去灣仔分店，都算係有保證餐廳，各樣食物都唔錯。今次係尖沙咀分店泰式炸魚餅魚餅裡有香茅，睇下你鍾唔鍾意朋友覺得好好味，但我本身唔好香茅味，魚餅裡有豆角，口感唔錯都幾好味。泰珍珠椰菜苗炒香菇椰菜苗好好味😍😍 整理唔算油膩食慣炒雜菜，試下新野都唔錯蝦醬炒飯好香蝦醬味，仲配有肉鬆同腰果撈埋肉鬆就比較甜，兩種食法都好味泰式乾炒牛河外表真係好吸睛，好唔好味呢河粉唔油膩，調味做得好好 勁好食！

今日出到TST食dinner. 嚟到食thai food – SunTai ^^ 呢間野好大下, D位都好松動! 坐得好舒服的~ 難得出來食, 要叫D屋企煮唔到GEH~ 青芒果salad ($78).酸辣交錯, 青芒果絲口感好好, 食左更開胃! 燒原只魷魚($98). D燒汁好惹味, 食落又唔會好heavy! 魷魚都幾大只下, 肉質煙韌彈牙, 特別鍾情D魷魚腳仔, 仲有D脆口GA~ 馬莎文咖哩牛腩($88). 馬莎文咖哩就係啱我呢D食唔到辣, 又想一嚐咖哩嘅人! 食落甜甜地, 有D花生香, 入面D薯仔同onion都淋哂好入味! 而牛腩都幾大件, 又夠淋! 甜品嗌左芒果糯米飯($68). 糯米飯有紫同白. 紫糯米就有咬口D, 白嘅就甜D淋D~ 芒果好甜好甜, 仲要好多汁~ 叫左個菠蘿smoothies (38). 菠蘿味都幾足, 好refresh!!

去唔到旅行嘅時候，總會想食嗰個國家嘅菜式今日就唯有食下泰菜，去懷緬一下去泰國嘅回憶呢間餐廳位置位於尖沙咀加拿分道，離地鐵站好近🚞出閘行咗唔需要5分鐘，就已經搵到門口有架「篤篤」喺度，好有特色去過泰國嘅就一定知道「篤篤」係乜嘢🛺🛺我都忍唔住同朋友影咗幾張相啊📸📸🔸泰式生蝦去親食泰國野，生蝦都一定係我必點之選🦐呢度嘅生蝦大大隻，好彈牙🔹蒜蓉牛油雞翼啲雞翼出奇地大隻，仲有好多脆卜卜既蒜香係面頭🐔不過就略嫌因為太大隻雞翼，而唔係好入味🔸泰式炒蜆本身幻想係大蜆，原來係細蜆黎不過份量好足，調味唔錯，送飯一流🔹碎豬肉生菜包食得出落咗好多九層塔，有少少over咗🐷搶晒陣味，味道亦都偏辣如果鐘意重香料既，呢個就啱你啦🤭🔸燒西冷牛扒嘩，成塊牛扒上檯呀🥩份量真係唔講得笑配上兩種醬汁，可以自己選擇最重要係，一定要熱辣辣食先好味👍🏻🔹番石榴沙冰淡淡既石榴味，綿綿既沙冰🥤唔會太甜，好解辣🔸龍眼冰朋友點既大眾泰式飲品好清新，龍眼肉都好爽口

今日下晝同朋友黎咗尖沙咀加拿分道食泰國菜🇹🇭，呢次已經吾係第一次黎食，我哋叫咗個海南雞飯、冬蔭功海鮮金邊粉、南瓜焗咖喱海鮮、越式蟹肉炒粉絲，碟碟都好和味，而我最欣賞係佢嘅南瓜焗咖喱海鮮。呢碟菜好有特色，海鮮連埋南瓜一齊食好特別，南瓜入面有魚、青口、蝦🦐，食落去美味可口。除咗呢道菜，餐廳嘅冬蔭功海鮮金邊粉都炒得幾靚，直頭同係泰國食無分別。上面幾道餸配埋椰汁冰同餐廳非一般嘅涷咖啡可謂絕配。餐廳佈置吾錯，門面有架泰國篤篤車做招徠，位置又夠闊落，好適合同朋友或者屋企人黎聚餐。下次有機會一定會再黎食咁地道嘅泰國菜！！😋

之前就已經幫襯過尼間餐廳留低左相當唔錯既印象襯住閨蜜生日 就相約一齊再戰尼間餐廳本身算中高價位裝修別緻 位置闊落 岩曬同生日既閨蜜慶祝坐低邊食邊吹水尼得泰國餐廳當然唔少得就係食串燒我地order左好多各種肉類share 食雞 豬 牛 仲有燒鱔串燒係一如既往地有水準尤其個鱔令我覺得好新鮮鱔其實係鰻魚 日式鰻魚就食得多泰式燒真係未試過 意外地唔會好奇怪反而非常惹味之後order左閨蜜最愛既芝士蒜蓉燒扇貝一上菜真係嚇親 個扇貝有人半塊面咁大芝士同蒜蓉好足料 非常香濃 正啊之後我地懶健康都嗌左個蒜蓉貴妃苗好嫩好香 食唔停口泰菜又點少得咖哩 我地仲嗌左青咖哩雞外加印度薄餅同我想像中嘅印度薄餅有啲唔同佢係好似酥皮咁 不過都幾好食嘅至於咖哩就有啲辣加上我哋真係唔小心嗌得太多唯有打包拎走不過就算已經好飽我地都係嗌咗甜品就係每次嚟呢度都要encore嘅椰青大菜糕啖啖都係清甜嘅椰肉加椰汁整成嘅啫喱真係食到舐舐脷呀