新泰東南亞餐廳

營業中

休息中

原來我身邊嘅朋友都好多人識新泰東南亞餐廳，而且評價都幾高，事緣同個同事喺尖沙咀K11做完嘢出嚟，對面街就有一間新泰，同事話佢哋嘅椰青沙冰好正，就係咁好自然入咗去食晚飯。以往灣仔新泰食過兩間都好好食，但今次我想主要講兩樣我最深刻嘅，第一就係我同事推介嘅椰青沙冰（$58），好大好多，沙冰迫爆出嚟多一倍椰青咁高，白雪雪軟綿綿，好似雪山咁見到都涼晒，飲落去真係不得了，好香好香椰子味，食完晒餸之後，個椰青沙冰溶咗一半嘅質感好似奶昔，有第二種風味，一樣好飲👍🏼👍🏼👍🏼第二樣要推介嘅係拼盤 （$218），初時覺得比較貴，但基於費事諗而叫，有蝦餅、魚餅、春卷、肉碎生菜，嚟到份量算幾大，每樣兩件，開二變四件，蝦餅彈牙兼且重蝦味，食得出真材實料；春卷脆卜卜，材料豐富；魚餅喜出望外，咬落軟綿綿，九層塔味極香，食完口腔好清新，係我暫時食過咁多間東南亞餐廳最好食嘅魚餅👍🏼👍🏼👍🏼；肉碎生菜雖然唔錯，但已經相對比下去，變得普通😂不過值得一讚嘅係生菜份量好多，出邊往往都係食晒生菜剩返好多肉碎，總括嚟講$218一個拼盤係抵食嘅🥰

今晚同女朋友想去尖咀Donki 行下， 咁岩見到附近有間泰國野食 呢排好耐都無食過所以就試下 reception同埋侍應都好似係泰國人 所以我相信都正宗既 見門面都幾靚 原來落樓層下一層先係餐廳 餐廳都好大間 大約有3000-4000尺地方 仲有卜房提供 唔講咁多 望一望個menu先 都真係好多選擇 有d花多眼亂 而且驚喜位係甜品選擇都比較多 但今日我地2個都唔太肚餓 所以就留返下次再黎食果陣叫～第一樣野食叫既就係泰式炸蝦餅（$88） 都幾classic既一樣泰式野食 所以每次食泰國野都叫比較一下 蝦餅炸得外皮香脆，入邊又夠爽彈，加埋泰式辣醬，惹味！ 第二道就係肉碎生菜包（雞）（$72）食落清新爽脆又開胃 不過食唔到辣既朋友可能就要注意啦 因為對你黎講可能都會偏辣既 但味道的確好開胃 而且香草味較重第三道菜就係豬牛雞串燒啦（$88）配埋串燒汁 肉身多汁juicy 唔乾身 而且肉味好出 唔會燒完後成條柴皮咁 鐘意食串燒既人都值得試一試！整體黎講 呢間餐廳既環境唔錯 好岩靜靜地想傾下計既朋友/情侶黎食 而且係偏暗少少有格調 價錢上我

好似好耐冇食過泰國野，旅行又冇得去，要食下泰菜滿足下自已。所以約左朋友收工去食新泰。因為樣樣都食啲，所以冇叫飯麵，首先叫左個小食拼盤 (蝦餅, 魚餅, 春卷, 肉碎生菜包) ($218)，份量唔少喎，對得起個價，而且味道都唔差。香芒軟殼蟹米紙卷 ($88)係必點既開胃前菜。泰式青咖喱雞 ($88)，識食當然叫呢個，青咖喱唔算太辣，配印度薄餅($32)簡單一流。雞肉份量都算多既，仲有少量茄子。最後甜品揀左芒果糯米飯 ($68)，本身想叫有雪糕個款，但個waiter話雪櫃壞左冇雪糕，好sad。雖然芒果糯米飯已經好好食，但有雪糕會再開心啲囉。

今晚去尖沙咀同朋友食飯，朋友話唔想再食Cafe西餐，所以就係尖東搵咗一間泰國嘢食。佢門口有架dukduk，就算冇得去旅行都有得影吓相打下卡，餐廳環境都好靚好舒服。前菜我地叫左香芒軟殼蟹米紙卷($88)，好Fresh，軟殼蟹都炸到好酥脆。再叫咗個小食拼盤($218)，有蝦餅、魚餅同春卷各四件，仲有細細份嘅生菜包肉碎，全部都正常發揮好好食！特別要提係佢個醬汁，除咗有好多泰式餐廳都有嘅泰式辣醬之外，佢有個黃色醬有少少西檸味，酸酸甜甜好特別。主菜我地就叫咗個青咖喱雞($88)，雞肉份量好足又夠滑，入邊仲有茄子薯仔同豆，再叫埋個印度薄餅($32)配咖喱，特別要提係佢個印度薄餅係似Roti，係酥皮感比較高嘅薄餅，一份都有8塊，估唔到份量咁多！最後當然有必叫既泰式甜品——芒果糯米飯($68)，佢有兩款糯米，黑糯米同普通糯米，一次過滿足到鍾意唔同口味嘅人，個芒果都好甜，不過如果芒果份量可以多啲就好！總括嚟講呢間泰國菜性價比好高，入面嘅waitress 好多都係泰國人，所以食起上嚟特別有泰國feel！😂

冇得去旅行, 唯有著靚小小周圍食下野 依間泰國野淨係個門口都好大 連tuk tuk都擺得落 一落到樓梯好有空間感 枱與枱之間都隔得好開 個feel幾岩咁舒服坐住傾計食飯 天氣熱 我地前菜叫左個泰式柚子蝦沙律 份量都多 柚子食極都仲有 同埋好新鮮唔會好苦 面頭仲有幾隻熟大蝦 但唯一個人覺得有dd水 搞到浸住左d菜 鐵板蠔仔炒蛋 其實一開頭覺得個價錢係小貴 幾隻蛋咋wo 但係見到隔離叫又幾香咁所以跟隊叫左 上菜果陣都wa左聲 唔係比d煙嚇親 係個鐵板既size 仲有吉落去係有厚度 原本諗住當side dishes咁食 但佢係main既份量 兩個人應該食唔曬 所以如果多人食飯既話就好推薦 其實唔只蛋 連蠔仔既份量都唔小 切開之後完全可以每一啖都食到蠔仔最可惜既係食唔到芒果雪糕糯米飯 食泰國菜點可以唔食 但因為我地食完d main太遲先叫 所以賣曬 下次一定要記得落單果陣留定啦!

今日朋友帶我去尖沙咀食泰國菜嘩 好靚呀個門口!! 絕對唔係up dup既普通泰國餐廳 仲有好寬敞既空間俾你等位~ 未食已經有個好好既experience 串燒沙爹雞牛豬各兩串 沙爹汁好食 串燒都燒到好香 入面既肉係嫩既 所以唔點沙爹汁都好食 個人覺得雞最好食泰式燒春雞爙香矛黃飯 唔好睇隻雞好似好細 食落啖啖肉同飯所以會俾想像中飽 見到隻雞隻色咁靚 睇到都開心 佢燒到出面個皮有少少脆 不過可能我地食得慢 上左好耐先食 所以切開既時候 個飯淋左 不過仲係好熱! 同埋個飯真係多!另外同碟會有埋個mini沙律 好新鮮其實menu上面好多野都想食 無奈得兩個人同胃容量有限 唯有下次 呢到坐得舒服 檯同檯之間都隔得好開 同埋有圓檯 如果一大班人黎都得 好似仲有兩間房 做節又多一個選擇

咁啱有嘢做要去尖沙咀，原本唔諗住喺尖沙咀食，怕好貴，不過見呢間餐廳有lunch menu係一百蚊以內就試吓🤣比起星馬餐廳嘅喇沙，呢度嘅喇沙就溫和好多，唔辣同唔會好重口味😌 佢有幾隻蝦，都幾爽口同埋冇雪味👍🏻 魚片都係好味嘅😌 不過佢係用左米線，未必好吸湯，同埋碗麵入面有唔少生菜，係健康嘅😂 不過我個人就麻麻哋碗麵有陣生菜味🧐 杯奶茶就ok正常。餐廳環境其實幾好，好闊落好乾淨，嗰日有啲熱☀️，坐低飲下涷奶茶即刻舒服左好多。

聽日嚟到尖沙咀呢間泰國餐廳，好彩朋友醒目一早book咗位，我哋7:00去到都冇，真係都冇乜空位整，門口仲有人喺度等緊位添，望到都真係令人期待！我哋叫咗好多嘢食，有炸香茅魚、生菜包、酥餅、蒜蓉包、馬沙拉咖喱、馬拉盞通菜~佢嘅生菜包超足料，我哋叫咗鴨肉生菜包食落都其實唔係好食得出係唔係鴨肉，但係好足料個味道好好味！生菜都夠晒新鮮同埋多！馬沙拉咖喱點酥餅同埋蒜蓉包就夠晒香同埋爽晒啲汁真係好正！！蒜蓉包夠晒脆，酥餅有夠晒油香！馬拉盞炒通菜超夠獲氣！食落好有泰國味！最後係炸香茅魚配青木瓜沙律，條魚好靚，睇得出佢用咗好多功夫去整，炸魚啖啖都係肉仲要冇乜骨值得一試！

今次嚟到尖沙咀呢間新泰，舖位真係極大好有氣派，門口仲有唔少好大型嘅擺設，真係好有泰國嘅裝修風味， 入到去坐位種類都唔少，間隔都幾闊落，坐得都幾舒服同朋友一齊你就啱曬啦。主食方面叫咗個紅咖哩雞，配埋佢個餅同埋蒜蓉包嚟食。 如果咖哩唔夠辣你仲可以叫佢幫你加辣，蒜蓉包燒得好脆，上面都落咗足夠嘅牛油同埋蒜蓉，配埋紅咖哩嚟食真係幾惹味。 而啲雞都幾嫩口同埋冇乜皮嘅， 啱曬終於健康嘅你喇。另外一道本人最鍾意嘅就係佢個生菜包，豬肉加埋紅蒜頭再加埋蒜落去炒，真係十分之惹味，而這個辣味都調得啱啱好，成盤都好多肉汁好juicy， 配埋生菜包嚟食就簡直一流。另外，佢個炸魚都幾唔錯，擺盤好架勢，成條魚上嘅 ，但又幫你切好曬方便你去食， 食落冇乜骨而且魚味都幾濃， 炸粉唔算好厚，十分香口。

成日經過尖沙咀都會見到呢間泰國餐廳大排長龍，今日難得早收工終於有機會食到👍🏻🥰我哋大概6:00去到都開始要等位，大概10分鐘就入到去。成間餐廳有好多泰式嘅佈置，連啲侍應姐姐都係泰國人，感覺真係好似去咗泰國旅行咁🇹🇭✈️基本上所有講得出嘅泰菜都有得食，我哋叫咗個小食拼盤，裏面有泰式魚餅、蝦餅、春卷同埋肉碎生菜包。個人最鍾意蝦餅，炸得好趣口，肉碎偏向有啲辣，我每食一啖就要即刻飲椰青，所以唔食得辣嘅朋友要注意😂😂另外仲叫咗鐵板蠔仔炒蛋，一上到枱勁有鑊氣，蠔嘅份量勁多，仲有醬汁一齊點，果然係餐廳招牌菜👍🏻到咗今日嘅重點芒果糯米飯！唔係講笑真係好好食，一嚟芒果好甜🥭，椰漿勁多，有兩隻糯米飯揀，啲飯仲係暖嘅，勁有衝動叫多一個食，可惜已經好飽唯有下次再嚟食過～整體來講呢間泰國菜喺香港都算係數一數二好食，而且價錢相宜，下次會搵多幾個朋友一齊encore!!!!

門口位放有架🇹🇭泰國『篤篤』電單車真係有種去咗泰國嘅感覺😊落到去餐廳用餐位置有多個泰國人侍應座位闊落Menu 種類多我哋就叫咗「生蝦」做前菜👍🏻😋如果唔係叫咗太多菜式可能會即時encore生蝦！叫咗兩碗『肥牛湯河』湯底好味道勁大碗😅諗住兩個小朋友加一個大人食原來一碗都夠😆 『海南雞飯』就較為普通，味道普通😉『泰式冇骨鳳爪』唔夠入味🥺可能醃得唔夠耐🥺 『炒菜』好味😋俾我哋清咗碟✅夠濃味又不太鹹👍🏻最後係最正嘅『肉骨茶』👍🏻👍🏻👍🏻連火滾住上🔥小朋友都追住飲😂豆粕索晒味好食過d肉😌

今晚約左個舊朋友食飯，想食少少辣野，佢就建議食泰國嘢，上網一搵，原來附近有間，所以就黎試一試，可能今晚落雨，尖沙咀區街舖又唔太多人，黎到唔洗等位可以即入，落到去環境唔錯，2個人被安排坐卡位，坐位闊落，2條友好似餓鬼咁，叫左唔少野食，蝦柚子沙律味道唔錯，食落好開胃，生蝦大大隻，爽口，新鮮，朋友叫左個唔知咩牛肉，味道亦好惹味，生菜包反而覺得普通左啲，如果味道帶啲辣會好食好多，蒜蓉包味道好好，整體黎講味道係幾好，埋單2個人7百左右，又唔係貴，有機會再會幫襯

泰國野真係食極都唔會厭, 因為夠晒惹味, 今日就同朋友食呢間係尖沙咀既泰國餐廳食晚餐一去到餐廳估唔到有9成FULL, 好彩朋友有BOOK位, 仲可以坐梳化位, 坐得好舒服本Menu 都幾厚, 諗得到既泰菜都有, 價錢都OK我同朋友叫左無骨鳳爪沙律: 好有泰式風味, 有辣味後勁, 鳳爪都好爽口, 蒜蓉炒貴妃苗: 平時好少食到貴妃苗, 細細棵, 食落好有口感, 份量夠晒多, 中和下D濃味野, 有好清新既感覺鹽焗烏頭: 一上枱已經覺得好抵食, 因為條烏頭好大條仲好香添, 切開個魚皮入面好多泰式香料, 魚肉夠滑, 一定要沾佢個醬汁, 酸甜好味泰式蝦炒金邊粉: 金邊粉炒得好有鑊氣, 配料都好入味, 味道唔錯餐廳既環境同食物都好有水準, 難怪咁旺場

同朋友勁耐無見，講起對上次旅行就係泰國，咁一於今晚食新泰啦叫左勁多嘢食，呢間餐廳真係勁多選擇，又好氣氛👍🏻，播哂泰文歌，仲要坐得勁舒服😚侍應服務態度又專業😍兩個人大食怪上身叫左5樣嘢😂無骨鳳爪沙律：酸酸may may好開胃，仲有啲辣辣地，真係好啱我食😊鹽焗烏頭：香料十足勁惹味，而家條魚非常新鮮啖啖肉，我唔好食魚都食咗好多🙈沙嗲串燒：朋友唔食牛所以只叫雞同豬，兩款都好好味，尤其夾住佢哋特製嘅沙嗲醬一齊食😎蒜蓉炒貴妃苗：貴妃苗非常嫩滑，而且好大碗，感覺非常抵食😂泰式蝦炒金邊粉：賣相一流兼夾味道正宗👍🏻力推大家試吓❤️食完呢餐解一解我想念泰國嘅心情👻希望快啲可以去旅行啦🤩

之前食過灣仔分店，覺得幾好，所以同朋友黎開尖沙咀食飯，就試下佢分店啦！泰式烤豬手 $168豬手好大只！黎到時都擔心两個人食唔晒即叫即烤，所以票等耐啲，不過值得，好好食！佢呢只豬手真係做到外脆內軟！豬皮烤到好脆口，食落chok chok聲又香口！內裡既肉好稔，完全估唔到，唔智剛可以做到呢？成只豬手好好肉，又有筋，食落唔會得肉既鞋，好多骨膠原呀！好味！！泰式濕炒海鮮河 $88個人好中意食濕炒河，所以食親泰國野總會叫！呢個濕炒河材料豐富，有不同海鮮，如蝦、尤魚同青口等，再加大量既雜菜👍🏻👍🏻炒得夠火喉，菜唔會稔晒，爽口，味道剛好，個汁甜甜地，岩曬我口味，正！原個椰青大菜糕 $68呢個一定要嗌！尤其係炎熱既夏天！椰青有助消暑，雪凍左更正！佢用椰青做大菜糕，仲將肉起左，啖啖肉，好方便！好青甜好好味呀！每次黎必嗌！整體上好滿意，大部分職員係泰國人，好有禮貌，會推薦朋友食既一間餐廳！