新泰東南亞餐廳

營業中

休息中

好多年前就已經見到加拿分道有間新泰東南亞餐廳但係從來冇食過淨係食過佢北京道同灣仔分店印象都唔錯今次就去食 一行落去就感覺與其他分店不同 呢間好闊落充滿泰國風情 一坐低就整個椰青 鮮甜多汁跟住就叫幾樣野 鹽燒鱸魚 魚燒得啱啱好 簡單鹽味帶出條魚本身嘅鮮味 再配酸辣汁 好味 泰式大蝦炒金邊粉 好大碟 但係就濕咗啲蠔仔炒蛋 一黎到香噴噴 夠火氣 口感似蠔餅肉碎生菜包 肉碎炒得幾好生菜洗得好乾淨蒜蓉翡翠苗 呢個一流 可以做到爽口入哂味仲有鑊氣 不得了 下次食一定會再叫幾間分店都令人滿意 下次有機會去其他區，又想食泰國菜，都可以去呢間

點樣既泰國菜餐廳會令你再幫襯？正宗泰國員工？精巧既泰國菜？定係泰式既餐廳環境？新泰就做到以上幾點喇。一入門口 完全好有置身泰國既感覺，暫時返唔到鄉下，黎呢度都算比到泰國既感覺我。員工睇得出大部都係泰國人，一聽到佢地講泰文 好有熟悉的感覺。食物方面，每樣菜碟頭大，份量足。泰式炒花蛤：泰式風情，泰式配菜香料多，炒既功力火喉夠，而且隻隻花蛤都有肉，唔會濫竽充數。中意食濃味既朋友好適合。奶油大蝦：上桌嘩一聲，隻隻蝦都大大隻，奶油甜而不膩，抵食。濕炒海鮮河：唔係間間泰菜館都有，同樣配菜夠，而且仲係用一大塊既泰式河粉，夠晒正宗。越式燒春雞釀香茅黃姜飯：個人推薦，燒雞皮脆肉嫩，香茅味重，唔油膩，2個人食都可以好飽。泰式炒椰菜仔：炒通菜就成日食，食得多濃味野，食口椰菜仔都幾唔錯。

One of my fav dish to order at Sun Thai, it’s their lettuce fish wrap 魚肉生菜包 (HKD 138)! We literally order it almost every single time! If they have some kind of membership system, I should be a vip customer by now! Love the crunch from the peanuts, and the flavour combo of lime, ginger and spicy peppers! Kinda like a lettuce fish taco in my opinion, so refreshing yet absolutely delicious at the same time! And another funny thing is that the dish is presented in a slightly different manner every

之前每次想食泰國🇹🇭嘢都會入九龍城食 因為選擇多而且感覺有非常地道 今次跟朋友仔食泰國菜 佢揀咗尖沙咀 我一度猶豫尖沙咀嘅泰國餐廳究竟正唔正宗呢 餐廳響K11對面 要落樓梯 一去到就已經有個泰藉嘅員工負責帶位 即刻解除左我嘅猶豫😂 好多泰藉staff 食物質素都相當唔錯 個場好大 更設vip房間 周末晚市幾乎full house 鹽焗鱸魚 $128 ～ 個人鍾意鹽焗多過明爐 烤焗出嚟嘅嘅魚保持到魚肉肉質嫩滑，加埋佢個自家製sauce（雖然有點辣），我一個人不知不覺已經食左大半條魚！肉碎生菜包豬 $72 蒜蓉炒貴妃苗$75 ～ 平時食通菜多。今次見到menu 有貴妃苗覺得好特別就即刻叫左！好幼身好嫩，蒜蓉炒得好香口！蠔仔炒蛋$98～芽菜略嫌淡，如果有調味嘅話會好啲！泰式蝦炒金邊粉$108 椰青$45都幾surprised 響尖沙咀咁優越的地理位置食泰國菜，食物質素高，但價錢非常合理！（同九龍城價位差唔多）。相對果啲被markup好多又唔知好唔好食嘅fusion泰菜，呢到正宗泰菜真係好抵食👍🏻值得再光顧。

約咗朋友去尖沙咀想坐得舒服啲但係有想食泰菜朋友推介咗呢間餐廳又真係幾OK喎一入到門口就有㗎篤篤好搞笑 等咗10分鐘左右就入得我哋早嚟到有得坐梳化位夠闊落又舒服價錢就同九龍城差唔多尖沙咀黎講 都幾合理我地叫咗個大拼盤（$218）大大份熱辣辣味道唔錯㗎！收貨泰式串燒都好食最緊要夠熱沙嗲汁都係惹味比上不足比下有餘呢個泰式炒金邊粉超級大份！！好抵食，蝦都有四隻！雖然佢味道就淡咗少少性價比都夠晒啦掛！整體來講服務幾好，d泰國姐姐都好有禮貌環境舒適闊落，適合三五知己（不過要注意限時1.5小時）性價比不錯味道就比上不足比下有餘唔輸蝕得過九龍城架叫做樣樣都中上無乜特別既菜式下次出開尖沙咀想食泰國菜我都會黎返呢度

早2日試吓打電話訂位，接電話的姐姐已經有點泰國口音。雖然是有限時的晚餐，我都係訂咗。我哋早到左6:30入席，餐廳未滿的。一行入去，正如OpenRice 的相片見到，枱與枱之間的距離好寬敞，而被安排的座位都係好闊落，唔似其他餐廳咁環境焗促，張枱細到放唔晒啲食物。我地點咗4餸1湯，樣樣都好味😋燒春雞釀香茅黃飯，呢個好有特色。好入味。我哋比較細食，4個人食左半隻啫。大併盤，呢個同其他餐廳的冇咩特別，我個人覺得油左啲，但味道係好食的炒椰菜仔，正常椰青冬蔭功，係加左椰青入去煮味道好濃，好正燒鱔，呢個都好出色。味道好好，係有啲辣再加個椰青沙冰，原來可以解到辣架。成餐飯好完美總結：完美的一餐飯，由打電話訂枱已經開始泰風味的旅程啦

朋友介紹黎呢度晚飯，好鐘意呢度地道嘅泰式設計裝橫，滿滿嘅「泰感覺」！落一層到basement, 餐廳地方好大，枱面座位寛敞，坐得好舒服。啱唔我地有卡位坐，有埋cusion 靠背, 食下、傾下、攤唞下一流。餐廳感覺好溫暖、熱情，暖色系燈光、配合地道竹製燈罩、聽住泰國音樂、侍應著住花碌碌嘅夏威夷恤，好relax. 我哋點左呢幾樣食物：春卷：啱啱炸起外面脆卜卜，裏面有啲粉絲配料，係個味道唔錯又有有飽肚感嘅小食。柚子蝦沙律：個source味道比較搶，酸酸辣辣，柚子索埋個汁，食落味道淸新醒胃。我朋友本身唔食辣，就唔太食到。烤豬手：職員溫馨提示話落單後要原隻焗，要等大概半個鐘左右，我哋一邊食住其他嘢一邊等，豬手上枱時好大份，外皮好薄又脆口，仍保留住豬皮嗰種黏口同嚼勁，裡面有層好薄嘅脂肪，怕肥膩嘅我，輕輕一拉整片油脂就可除去。肉質嫩滑juicy, 食到原食材嘅味道。飲品：芒果沙冰，鍾意佢啲冰打得好細，唔會飲落有一粒粒碎冰, 味道清甜。椰子冰：香滑、味道濃郁。今晚食得好開懷，仿如置身泰國一樣，暫時緩解左外出旅遊嘅感覺。

啱啱喺K11附近做完嘢, 搵間餐廳舒舒服服坐低食嘢先。望返過加拿分道，見到有間泰式餐廳，俾門面地道裝橫吸引左，木製家俱飾品，色彩繽紛嘅點綴，綠化佈置，就入去試下先。打開餐牌，見食物種類好多，由小食、沙律、咖喱、燒烤、菜類、肉類、海鮮、甜品等，好多選擇，樣樣都想試下。主食點咗個叻沙蝦米線，叻沙裏面有蝦、魚片、豆卜、芽菜，湯底幾地道，但湯底味道如果豐富啲就更好。另外點咗個馬拉盞通菜，看似好平凡，但係味道啱啱好。菜本身幼嫩、又唔會得個鹹味。另外點左個椰子冰，椰子味香濃，又可解辣，好味！呢度無論環境、食物同服務都唔錯，值得再encore!

呢間平日成日經過，門口擺住架篤篤，真係唔知原來佢內有乾坤😱一去到要行落地牢，好神秘同時好有私隱度🤣環境真係坐得好舒適！有d好似龍椅style嘅卡位，而且大部分staff都係泰國人黎架🤟🏻·🐔泰式海南雞飯 (HKD 75)賣相我會形容係泰國嘅便當🤣雞肉香滑結實，飯粒有油香，軟硬適中。而冬瓜湯好清，飲完好解膩👏🏻最特別係呢個飯竟然有蔬菜，感覺健康d之餘又多d味道層次👍🏼·🍛冬陰公海鮮炒飯 (HKD 75)春天濕度高自然會想去濕去寒，食冬陰公就最好不過！炒飯好惹味，味道微辣唔會太酸，食落好開胃😙仲可以加$8轉特飲，非常抵呀👍🏼餐廳仲主動提供暖水，好窩心～-📍 新泰東南亞餐廳 地址：尖沙咀加拿分道25-31號國際商業信貸銀行大廈地下1A舖及地庫

點評食物質素之前，點評一下送餐速度，今晚8:30入座，坐低叫嘢食先來左沙律，然後到9:30先到主食😓中間有催過，其實明知而家10點就禁堂食，唔介意你啲食物分開幾次到，但要臨尾半個鐘趕頭趕命咁食就有啲唔高興囉🥴以下逐一點評*柚子海鮮沙律🥗蝦肉唔大隻而且全碟只有兩隻🤧調味略嫌太過甜，唔知係咪加咗糖水～青咖喱羊架平時食開青薄荷醬，今次泰式羊架估唔到都好好食，羊肉同青咖喱味好夾👍🏻成晚最好食係呢道馬莎文咖喱牛腩+配蒜蓉包呢個反而冇驚喜🥲同普通茶記冇分別sad青檸蒸烏頭魚冇乜鮮味又唔夠酸肉質一般般 略嫌失色🥴

今日係呢頭放工，即刻call friend 食個飯，話曬係尖沙咀，難得以家可以出去食晚飯，揾間舒服好食餐廳先。上OpenRice 揾到呢間都幾多人好評，環境又唔錯咁。 六點幾入座，還未多人，大把位置選擇。睇睇有咩好食先。好口渴，先叫左個椰青先，正。 新鮮青甜，仲有椰肉可以食，係偏硬咗少少，再淋啲就更正。 先叫個冬陰功先，叫左個細兩個人食，超滿足，唔算太辣，蝦幾新鮮，湯底夠濃味，不錯。 講起泰國，突然想食生蝦，最重要係個汁，點左更加提起佢嘅鮮味，我最愛就係加埋粒蒜頭一齊食，生蝦都幾新鮮，冰凍住，正。 重頭戲，叫左條烏頭，骨比較多，食時要小心，味道買可以。 再叫碟菜，正常，味道夠濃，份量就一般。 係呢度一邊食一邊傾偈，感覺良好，裝修不錯，望上天花，燈都配得幾靚，餐具也算乾淨。

朋友介紹下黎到呢間位於尖沙咀嘅新泰東南亞餐廳餐廳係尖沙咀K11附近，位置非常方便餐廳入邊地方好大，環境同座位都好乾淨舒適，好啱同朋友一齊食飯侍應態度友善，服務又好好，會主動斟水餐牌有好多選擇，今次我同朋友就試左六個菜式香芒軟殼蟹米紙卷軟殼蟹配芒果非常清新，點埋酸酸甜甜嘅醬汁，非常開胃串燒沙嗲串燒一客有六串，CP值高泰式炸蝦餅一份有八件，新鮮炸起非常香口香草肉碎炒飯調味啱啱好，香辣惹味炒通菜份量好多，而且炒得好有鑊氣芒果糯米飯芒果香甜多汁，糯米飯有糯米同黑糯米，兩個都好煙韌同好香椰汁味飲品方面試左椰青同蕃石榴沙冰整體黎講，餐廳環境舒適，服務態度又好，價錢合理，非常推介大家黎試下

服務態度親切的泰國餐廳🙏🏼第一次嚟食呢間餐廳，就覺得呢間餐廳同其他泰國餐廳非常唔同，環境闊落，重點係非常乾淨。而且服務員態度親切，所以非常加分。😍😍會再同朋友一齊嚟聚會！🔥泰式生蝦首先一定要食個生蝦刺身先！呢度嘅生蝦好大隻，啲肉好彈口，好推介大家食！☺️🔥冬陰功冬陰功湯配料非常多，而且個湯底好有椰香味，絕對值得一試！雖然我唔係好食到辣，但係都接受到🤣🔥肉碎生菜包食泰國菜一定要食生菜包豬肉啦，唔使講😉呢度嘅豬肉碎有種好香嘅香菜味🤣好食到停唔到口🔥泰式明爐魚我同我朋友都覺得呢味餸係今日嘅焦點，啲魚好滑，配埋個湯一齊燒，非常過癮😉所以一直keep到魚肉嘅鮮味🔥泰國椰青食辣野，就一定要飲椰青，呢度嘅椰青夠晒冰凍，又可以解渴，又可以解辣🤣必叫🔥芒果糯米飯雖然芒果唔係當做，但我哋都係忍唔住叫咗芒果糯米飯🍚食泰國菜又點少得呢味甜品呢

Happy Friday約了朋友吃美味泰國菜，新泰店面洋溢泰國色彩，藍色的嘟嘟車是必到打卡位，餐廳環境寬闊，配上常綠植物，令人如置身於泰國。日本南瓜焗海鮮飯 $118海鮮飯以原隻南瓜盛上，賣相吸睛，表面舖滿大蝦、青口、魷魚等，是鮮味大集匯。青口圓身、厚肉，大蝦肉質爽彈，米飯口感濕潤，南瓜芳香都滲進米飯之中，入口蜜甜香滑，十分開胃。拌勻醬汁，還有香茅的香氣，魷魚鮮味中帶嚼勁，吸收了海鮮精華，啖啖惹味，配搭吸引。越南烤蔗蝦 $78蝦肉炸至金黃香脆，入口脹卜卜，質感彈牙，吃到啖啖鮮蝦肉，沾上魚露，惹味可口。吃完蝦肉再啃啃蜜甜的甘蔗汁，令人回味。蔗蝦下鋪滿越式米粉，倒入一點魚露，軟嫩蝦肉配上滑順米粉，增添米香風味與飽足感。芒果糯米飯 $68最經典的黑白雙配糯米飯，淋上蜜甜的椰漿，入口香甜、濃稠，糯米飯口感煙煙韌韌，再吃一塊鮮甜多汁的芒果肉，冰涼甜美，把芒果在椰漿中反覆翻滾，口感甜中帶滑，令人甜思思。泰國椰青$45椰青水如水清澈，生津温潤，清甜的味道，是解膩的不二之選。用匙子挖出嫰白椰子肉，沁出輕柔的椰子香，香甜迷人。

餐廳環境闊落，而且地方好乾淨，坐得好舒服，非常適合一家大細或者朋友聚會！🦐泰式生蝦生蝦超級新鮮！而且大大隻，啖啖肉！配埋蒜頭同埋辣椒，味道一流！想一食再食！🥘冬陰功因為今日想試多啲唔同嘅菜式，所以冬陰功只係嗌咗一小碗。但其實份量都好啱兩個人飲！隻大蝦切開咗兩邊，方便食用😇湯底有好香椰青味。🥗肉碎生菜包食泰國嘢又點少得生菜包豬肉！豬肉碎用咗唔同嘅香菜配搭，比其他泰國餐廳嘅味道好似更清新！非常驚喜！好開胃！🐟泰式明爐魚本人極度推介呢味餸！魚肉質非常鮮甜香滑！而且配搭唔同蔬菜，包括酸菜，食到唔停口！同埋咁樣明火燒住食，非常過癮，好啱一班朋友一齊食！🥥泰國椰青好清甜，而且價錢合理。🥭芒果糯米飯食泰國餐廳一定要嗌嘅甜品！糯米飯煮得非常煙仁🥰🥰🥰