新泰東南亞餐廳

營業中

休息中

呢間新泰泰國菜環境充滿泰國風味，大部份嘅侍應姐姐都係泰國人，服裝仲係好熱情嘅度假亞熱帶風，餐廳地方非常寬躺，而且裝修得好靚，好似去咗泰國食泰國菜一樣🤣事不宜遲，介紹吓食咗啲咩越南烤蔗蝦（$78）見到佢幾有特色，竟然有蔗裏面，特登要叫黎吓，原來佢係用咗蔗做蟹棒位置，細心試會食到淡淡的蔗香，而佢嘅蟹肉好彈牙，炸得剛剛好，非常唔錯泰國街邊豬肉串（$68）見到佢話係街邊豬肉串，諗住係啲泰國特色嘢所以都想試吓。正常烤肉串味道，都幾有風味嘅鴨肉生菜包 （$78）平時食嘅生菜包都係豬肉偏多，今次見到用鴨肉，都想試一試😛。原來食落同豬肉都差唔多🤣不過佢加咗好多香料，所以食落非常泰風味，而佢嘅生菜每塊都好新鮮，包住食爽脆又好味😋麵包焗咖喱軟殻蟹 （$208）今晚主角，份量非常巨大，喺面已經有四大嚿麵包，俾你可以配咖喱汁食，啲咖喱汁真係多到滿瀉🤣味道好香，軟殼蟹一d都唔少，建議超過四人以上叫比較好🤣馬拉盞通菜（$75）泰國菜一定叫，哩個通菜夠晒惹味，唔會話太鹹，城市人記得食返啲菜！椰青（$45）都幾大個，椰汁非常清甜，仲可以刮啲椰肉嚟食，我地食到清曬，當係飯後甜品🤣必點項目

平日8:30 來到尖沙咀呢間餐廳, 估唔到都人頭湧湧好多人。我地兩人嗌左呢間鋪既siganture 焗海鮮 $148 - 睇個樣已經流哂口水, 佢D海鮮都幾多, 而且個pumkin 本身都好甜, 食哂都好飽!另外就係蟹肉炒粉絲 $98, 不得不說佢D配料都算幾多, 粉絲有汁, 彈牙, 仲有札肉, 正燒西冷牛 $118, 絕對唔欺場, 雖然係西冷但咬落口都唔硬, 燒得岩岩好, 配埋D汁好有風味!等既時間有啲耐唔駛加一，都算抵食！

街坊系列 – 新泰東南亞餐廳 💚香港人講廣東話就非一日半日既事🤔由被祖國割讓之前已經擁有既文化🧐但竟然被某高官形容廣東話係惡魔🙄小編百思不得其解🤥難度佢真係唔講------------------------------環境: 地方非常闊落🤗座位又多又闊仲有幾間房🥳食客仲可以包廂搞活動慶祝成個埸都好乾淨企理👍🏻仲有唔少泰式裝飾可能位於地庫入面😅電話訊號就收就比較差------------------------------食物: 香芒軟殼蟹米紙卷 ($88) 🦀芒果新鮮🥭味道酸酸甜甜,係非常好既開胃前菜米紙卷食落輕盈舒服🤗加大量蔬菜更顯清新軟殼蟹炸得好香好脆😍蟹身位咬落仲有爆汁燒豬頸肉 ($78) 🐷燒得好香🔥份量又大,呢個價錢真係夠哂CP值高雖然有點肥,但切得好薄😈入口時油脂感唔會太重仲可以點埋秘制醬汁🌶️微微既辣味更顯美味可口泰國街邊豬肉串 ($68) 🐷燒得好香🤤一上枱都已經不斷衝擊緊小編個味蕾入口好嫰滑😋仲有保持到有肉汁,醬汁香甜夠惹味蝦醬炒飯 ($88) 🍛份量真係又係非常大🥰可以夠哂2-3人一齊分享蝦醬鹹香濃郁🤤臘腸肥美多汁,同炒飯可算係絕配仲要大大隻鮮蝦🦐呢個飯既CP值又

以前行過呢間泰菜都覺得幾有東南亞feel，今晚終於黎試下。整體性價比高，d野食好大份，味道都唔錯。.呢到生菜包有得選豬/雞/鴨，都幾特別。我地選左雞肉，小小辣加香口，唔錯。.另一個係南瓜海鮮茄喱，一上枱個樣好震撼，超大。入面都有好多材料：蝦、魷魚、魚柳…，茄喱係有蛋汁個種，好味呀！.呢條炸魚係我地見隔離枱食，個樣好吸引。百零蚊，咁大條魚，起哂肉再炸埋，好抵食。側邊個青芒果沙律，酸酸甜甜都好開胃。.仲有個炒通菜都好大碟。.再叫埋個芒果糯米糍，有兩球黑白糯米！

▫️新 • 泰東南亞餐廳尖沙咀加拿分道25-31號國際商業信貸銀行大廈地下1A舖及地庫正宗泰菜之夜🍽泰式生蝦炎炎夏日，一口一啖新鮮的冰凍生蝦，是人間樂事。🍽馬拉盞通菜通菜非常有鑊氣，份量也很多，配上蝦米和洋蔥等配料，很有泰式風味。🍽鐵板蠔仔炒蛋金黃色的炒蛋，炸得脆卜卜，賣相非常吸引！餡料內的蠔仔很多，口感非常豐富。🍽燒豬頸肉肉質很有𡁻口，肉汁豐富，肉邊有點燒焦味，配上正宗的泰式醬料令人回味無窮。

當天同朋友一行九人，入座時有九杯水已準備好，期間我們點了九杯飲品，食飯中途大家都口渴，所以叫侍應加水，侍應稱等等後便不了了之，如是者，我們又再叫加水，結果回覆及結果都一樣。當晚餐享用了個半鐘以上，大家的飲品同水喝清光了，我們忍不住自己拿了兩個水壺自助替自己斟水，豈料侍應這時衝進來，大聲呼喝：「你哋唔可以咁樣拎啲水壺，你哋拎晒我用咩」但原因根本是沒有人協助，我們才需要這樣做。然後到晚飯差不多結束，我們再叫同一位侍應加水，她說：「又加水！？加第三輪了！」 加水途中，她又就：「究竟你地係飲水飽定食嘢飽？」首先，我地叫左唔少餸菜，加上每人都有另外叫一杯飲品；其次，作為客人，我有權飲水，除非餐廳寫名不能加水。結論，這間餐廳服務奇差，泰國菜餐廳有很多選擇，不要選這間！

好耐冇食泰國嘢，嗰日同朋友喺尖沙咀行街，見到呢間餐廳門口好有泰國風就入咗去食。我哋叫咗一個二人套餐，飲品分別點咗特飲龍眼冰同椰汁冰。兩杯飲品都好開胃，龍眼冰入面好多粒龍眼，椰汁冰都唔算好甜。越式蝦米紙卷表面米紙煮得好軟生，卷入邊啲蔬菜就好新鮮，再加埋蝦以及面頭嘅脆脆，食落好有質感。泰式青咖哩雞泰式青咖喱非常大兜，青咖喱充滿香濃嘅椰香，雞肉肉質鮮嫩，咬落去好滑。配料包括青豆、南瓜等等，全部都帶住青咖喱香味。馬拉盞炒通菜馬拉盞唔算好辣好油，通菜煮得恰到好處，算正常發揮。印度烤餅烤餅烤得香脆，外面金黃，用嚟點青咖喱食一流。芒果糯米飯糯米飯有兩種，黑糯米飯同白糯米飯，兩種都煮到熱辣辣而且軟身，飯本身帶甜，點埋表面嘅椰汁食好有泰國風味，唯一美中不足係芒果唔夠甜。總括而言，餐廳菜式帶有濃厚嘅泰國風味，好多侍應都係泰國人，內裏裝修充滿東南亞風情，置身其中真係好似去咗泰國。

泰式菜四圍都有，有小泰國之稱既九龍城更加一條街都幾間泰式餐廳，之但係多少比較平民化。呢間新泰就好唔同，食埋過舒適環境，好似去左間酒店一樣。一行人兩位，去到六點左右，仲未要等位，不過卡位已經給人訂晒座。坐左係兩人排座，環境超好，不會好糟吵，燈光微昏微喑，好適合幾個人吹下水。依呢個環境，今餐真係好抵食。呢間d碗碗碟碟都好靚，令人好有食野既心情。今晚食左泰式炒花蛤，燒原隻魷魚，一客燒焗蒜蓉帶子，一碟馬拉盞通菜，加埋碗叻沙蝦米線。全部都係店家既信心推介。老實講，佢d信心推薦都好食，花蛤肉鮮美。原隻魷魚好靚，咬落好煙韌。帶子肉好甜，如果大隻d更吸引。通菜一定要讚，炒得爽口之餘，仲份量好足，無偷懶。至於碗叻沙，無得彈，有蝦有魚片，份量用料足，兩個人啱啱好。環境食物都理想。真心推薦給大家。

之前經過門口見到架duk duk 已經覺得佢哋嘅野食會好地道。今日終於去試啦！越式蟹肉炒粉絲$98 炒粉絲入面有三色椒、扎肉、蟹粉、芽菜同埋蔥。廚師炒得夠乾身，食落去蟹嘅鮮味同精華痴住粉絲，啖啖都好味。鴨肉肉碎生菜包$78 好小有啲生菜包係用鴨肉，平時嗰啲都只係雞、豬同牛。係真係食到鴨嘅香味，有埋啲豆同香菜碎。有口感之餘又有咬感。不過要提一提大家，佢係真係辣嘅。唔係好食得辣嘅朋友，就叫定杯野飲坐陣啦。泰式燒春雞釀香茅黃飯$188 睇餐牌嘅時候一見到依個就已經想叫啦。到左之後見到隻雞燒得好靚，切開之後見到啲飯好多，好香香茅味。隻雞食得好輕鬆，冇骨、皮脆、好入味。梛汁冰$38 有佢係到食鴨肉生菜包好好多。梛汁冰夠甜，食到辣即刻飲返幾啖。梛青$45梛青好受歡迎，見到其他台啲食客都有叫。可能因為咁，想叫嘅朋友一坐低就叫定先啦

夜晚6點半到餐廳坐低，叫左個4個餐點，味道尚可，但侯餐時間實在太久，其中一個餐點等到7點半即成個鐘都未到！總結餐廳環境乾淨，味道尚可，唯一需要跟進改善的是出餐時間🥱🥱

朋友生日選了這間泰國餐廳，環境很好而且舒服，好像去了泰國一樣，坐位之間闊落，我們坐梳化卡位，是一間不錯來慶祝或與朋友傾計之選。這裡的海鮮冬陰公湯令我印象深刻，濃濃的甜甜的海鮮味而且不會很辣的，喜歡濃味的你應該會覺得很好喝👍🏻，生蝦刺身好新鮮，沾上綠色酸酸的泰式汁很清新美味，另外還有我喜歡的炸蝦餅，是必吃的小食，一如既往都會叫的生菜包、今次竟然看到有3款不同肉選的生菜包，我們點了鴨肉生菜包，辣辣的夠惹味😋

冬陰功湯唔太辣，味道一般!其他菜式維持日本泰國菜的水準，環境舒適，服務態度好！麵包蟹的咖喱沒有想像一般的好吃，辣度不夠。芒果糯米飯同肉碎包菜走喺日本泰國菜的水準味道正常以人均消費$250來來好似不太值。

態度惡劣恃應睇到扮睇唔到拒絕落單拒絕取消13:00食飯下單後等了差不多一個鐘都未上Lunch time完結都未有飯食同一碟飯上隔黎枱先以後不會再來 態度差衰過野食難食

身邊好多朋友都唔係泰菜嘅愛好者，所以唔係經常可以食到泰式嘅料理。但有一日睇IG見到炒金邊粉同埋咖喱蟹，就燃起我想食泰式食物嘅意志。所以即刻約咗朋友嚟呢一間都幾多人推介嘅新泰東南亞餐廳，之前已經喺其他分店食過，所以對佢嘅食物好有信心。超級推介椰青，因為又大又清甜！用嚟解渴一流👍🏻同埋喺其他餐廳食椰青，入邊啲椰子肉係好難挖到出嚟，但係呢一間嘅椰肉唔知點解可以好輕易就整到出嚟，唔知係咪因為大個啲就容易啲🤔除此之外，呢度嘅金邊粉、沙嗲串燒、炸軟殼蟹咖喱麵包同埋炸蝦餅都好推介，抵食又好味😋軟殼蟹咖喱麵包嘅麵包仲有啲煙韌嘅感覺，係高質嘅麵包👍🏻不過因為支持同行嘅朋友覺得最近食得有啲熱氣，所以就冇叫到炸蝦餅。如果唔怕熱氣，絕對係必點之一！

成幢三層樓高 新泰裏面每一個位置 每一個corner都有野睇———-睇啲咩？泰壁畫 泰雕塑 擺設 雕像拼圖 色彩豐富 花紋有特色主要調係泰國文化餐具 餐枱 枱櫈 餐牌 餐碟 樓梯 洗手間每個細節看得出設計上花咗唔少心思細枱到大枱 長方形 大圓形⭕️皆有配合到唔同單位 唔同人士 場合嘅需要員工制服幾正 似係去咗芭堤雅沙灘🏖️令到成間餐廳真係由頭到尾充滿泰國味道嘢食高質 款式多好多餐廳鋪面裝修係幾好 不過廁所就求其依家整體比我印象都係高分之作洗手間乾淨衛生 獨立 絕對唔係hea你燒西冷牛扒 $128——呢隻先係西冷牛扒 燒得香 肉實而厚 好食！——一分錢一分貨 你咁睇128好似好貴——食落去就知龍與鳳 呃唔到人——係咪濫竽充數 食物質素高下立見冬蔭功海鮮金邊粉 $78——材料真係多 開邊蝦肉爽口彈牙——兩隻大青口 食落去唔會有腥味——冬陰功湯幾好飲🤓干層糕 $55——熱辣辣叮出嚟 表面有一層椰汁蓉—— 55元有四件個人認為有點點貴——不過係好食既青檸梳打