新泰東南亞餐廳

營業中

休息中

🥢🇹🇭🥣服務好好，滋味泰菜▫️午市套餐$75，可優惠價$28加配小食▫️環境幾靚，適合傾偈🆗馬拉肉骨茶配飯 （午市套餐）- $75骨有4條，算多，其他餐廳一般得2條，d肉好淋，好容易就骨肉分離，配料仲有豆卜同冬菇。個湯用玻璃碗上，好快凍，湯底都好飲，雖然唔算好重藥材味，但對我黎講剛好。☑️椰汁冰 - $8 （午市套餐加配價）好濃椰汁味，好好飲，但真係好多冰。☑️冬陰功（細）-$78細嘅係2小碗份量，用一個大碗上菜，即時有職員替你分好2小碗，再收走埋個大碗。酸甜開胃，飲到最尾會有啲辣，但好好味😋入面有好多香茅，仲有芫荽，一隻開邊大蝦，菇菌，都好足料。☑️ 泰式明爐魚 - $188可以選鱸魚，或者烏頭，我地選了鱸魚。魚肉好多，吾腥亦吾算多骨，仲有好多配料，例如大量肉醉、椰菜、菇、蔥等。上菜後同樣會有人幫你淋d湯上面，個湯酸酸地都好味道，我飲左好多。魚肉如果點埋附送嘅泰式酸辣醬，別有一番風味。

食物一般，服務奇差！又唔係全世界得你一間泰國菜，憑咩人地未飲完嘢，全程只係食唔一個鐘就叫人走，食完傾兩句嘢飲啖水都唔得?!不如唔好定用餐時間個半鐘，限定食完就走！

新泰東南亞餐廳🍽️-▫️員工態度較差▫️環境寬闊，可以容納多人▫️裝修有泰國feel🇹🇭-🔹越式蝦米紙卷 $68呢款比較清淡嘅前菜，配搭返酸辣醬都幾清新。但搭配咗幾條生嘅豆芽，就即刻有陣草青味。好味：2/5-🔹Pad Thai $108好正宗嘅味道，搭配青檸加花生碎。👍🏻蛋皮比較厚更加食得出個口感，每條金邊粉都有酸酸甜甜味道。好味：4/5😋-🔹泰式烏頭 $188原本叫青檸蒸烏頭，但係廚房整錯咗，又無謂再等就照試泰式烏頭。一上枱都好香噴噴，有一碗湯可以淋上面。底下會有火座熱，但一開始食上面嘅魚肉就只係暖暖地，唔係太熱。而個底都擺咗好多椰菜，索曬魚香同湯汁🤤條烏頭唔會腥，而且啖啖肉冇咩骨。好味：4/5😋-🔹芒果糯米飯 $68食泰國菜點可以唔叫招牌甜品😂個人覺得黑糯米比較好食，糯米太黏太韌。芒果唔當造有小小酸，但配搭番甜嘅椰漿中和返。好味：3/5-食物整體嚟講都唔錯👍🏻唯獨餐廳員工嘅態度就比較差小小，一邊食都會有一種一定要準時交枱嘅感覺。上菜速度唔算特別快，都等咗差唔多5個字先上菜。大約淨返十五分鐘要交枱嘅時候，員工都會拿拿聲擺低帳單提我地差唔多，而且員工唔多執枱，導致成枱都係嘢。如果員工態度nic

聽咗好多次新泰，今晚終於可以同friend一齊齊腳去食啦🥳門口已經有架toktok 等我哋，原來落咗樓梯仲靚呀!!超有泰國風味啲裝修👍🏼而且員工全部都係著住泰國民族衫，好似我真係去咗旅行嘅一樣😝椰青 $45啲椰青水多到滿瀉🤣好清甜好飲，啱哂配食辣野！👍🏼麵包焗咖喱軟殼蟹 $208好啱打卡😍入面都有成隻軟殼蟹，點咗咖喱食一流！咖喱入面仲有青椒紅椒洋蔥，令成個咖喱多咗一份甜味!所以都唔算好辣！麵包一開頭以為係法包個種好硬，唔太好咬個種，點知係脆得黎又軟軟地，好好食！配咖喱啱哂呀！！印度酥餅 $32為咗可以點咖喱汁，我哋自己再加點咗酥餅，都幾多！佢剪開咗細細塊，啱哂一下就浸落去咖喱入面🤭馬拉盞通菜 $75香香辣辣👍🏼用比較深綠色細條啲嘅通菜，唔係普通係屋企食大大條個隻，索哂馬拉盞嘅味道😚👍🏼好正！不過size略略覺得唔夠食菠蘿炒飯 $ 118成個菠蘿上，好香好型，好啱打卡!!有肉鬆，菠蘿肉，提子乾，仲有臘腸，好香！好夠芒果糯米飯 $68正呀!!上嘅時候熱辣辣，有黑糯米同白糯米!照顧細鍾意唔同口感嘅人，鍾意食硬米嘅人呢就會鍾意食黑糯米，而我就鍾意食白糯米，煙煙韌韌好好食🤤仲要勁多椰漿，每一啖都

冇咩胃口，可以食下甜甜酸酸既野 （應該會開胃d）✨青咖喱雞青咖哩有淡淡椰奶味，雞肉嫩滑 配白飯🍚絕配👍🏻✨泰式蝦炒金邊粉賣相相當美麗，有個蛋網包住 味道甜甜酸酸好開胃環境方面：很大 很舒服 當日去好少人 好free 態度方面：都好好態度與客人點餐#hkig#foodiehk#foodiegram#hkfoodblogger#foodiegraphy#foodloves#foodstagram#happysharing#hkfood#foodie#香港美食#吃貨#手機食先#相機食先#foodoftheday#foodphotography#followme#likeoflikes#hkeats#hkrestaurant#followback#美味#hkfoodie #newtownplaza #尖沙咀 #尖沙咀美食

最鍾意食泰國菜， 喺香港 ，有好多泰國餐廳， 價錢大眾化🥰， 鍾意佢酸酸辣辣嘅味道 🌶，有特式小食， 有咖哩🧄， 仲有冬陰功。 最鍾意嘅小食係蔗蝦🦐 。今日 行開尖沙咀， 又見到一間grand grand嘅泰國餐廳， 喺開飯網見到佢係🥳🥳最優秀東南亞菜熱店之一💥💥 ，於是又試一試 。餐廳開喺地庫， 地方好大， 裝飾特色精致， 牆上掛左泰國美女圖， 玲瓏浮凸 ，包有眼核。👀 牆上同吊燈的裝飾都好有泰國味道， 好似特別的圖騰， 非常有欣賞價值。 中午時分 ，人客都唔少。 我哋追求平靚正， 當然係點 lunch set 。一個海南雞套餐 ，另一個 肉骨茶出前一丁套餐， 75蚊 一個lunch set 抵到爛 ，大食的我們又加了兩個小食 ，一個蔗蝦 。開始我哋豐富嘅一餐午餐， 兩個lunch set都好大份 ，海南雞套餐包括 ，無骨海南雞一份， 油飯一大碗 ，炒雜菜 ，冬瓜湯， 當然仲有啲好好味嘅醬料 ，仲包一杯飲品 。肉骨茶公仔麵🍜淨係包一杯飲品。 我哋加嘅小食係 精緻紙米卷 ，馬拉盞炒靚靚通菜 ，仲有一碟蔗蝦。 兩個人食得不亦樂乎🤗😋， 闊落嘅餐廳坐得舒服， 食得開心 。我哋嗌到一枱都

聖誕節正日去左尖沙咀搵食先，見呢間泰國餐廳評價幾好，位置又方便，環境又唔錯，價錢相宜就試下個場好大，裝修又靚，座位又夠哂闊落，坐得好舒服。配埋精緻既聖誕裝飾真係好似去左泰國過聖誕咁樣串燒沙嗲$88牛，豬，雞各兩串燒得好香，肉質都好嫩口，配埋佢個沙嗲汁真係一流。佢個汁食到有花生醬味，好香，仲好似有d 碎nuts,好好咬口豬肉碎生菜包$72一般啦，有d 麻辣既感覺。之後怕辣既我直接將串燒個沙嗲汁點落d 肉碎一齊食，結果係好好食🤤(我有叫staff 比多份吵嗲汁我）馬拉盞通菜$75必點，可能係我食過最好食既通菜個汁炒到好香，有d 蝦醬味但又好味過蝦醬。欣賞蝦米係好軟身，完全唔會硬。連埋蝦米送入口更有一番鮮味日本南瓜焗海鮮飯$118點左個有d 新意既飯。好靚呀又吸睛，入面有南瓜粒，都有魷魚有蝦有青口。撈埋個椰汁一齊食，個椰汁好香，好正。美中不足既係個飯太硬CP 值高，環境又舒服，價錢向呢個地段黎講又相宜，係傾計食飯既好地方

因為之前打過電話去想book枱，但兩人只可以walk-in 🥲Boxing Day去食預左多人，6點去拎飛7點幾入座。聽講因為個日少左個廚所以交枱慢啲，不過樓面人手都係唔多夠嫁啦🫠-沙嗲串醬汁好食😋我地唔食牛，所以得雞同豬肉串雞肉串比較好，肉質嫩，冇烤過頭既乾感👍豬肉串冇咁香醃料香味，肉方面都多油啲-馬拉盞炒通菜冇乜太大特別正常發揮，味道香濃，冇偷工減料-菠蘿炒飯🍍菠蘿鮮香味清香，啖飯撈埋粒粒菠蘿食😋冇太多其他香料味，菠蘿香已經完美-燒豬頸肉肉質依然軟，同樣冇太乾燒過頭，控制得幾好🫶🏼最中意個汁！西檸味濃，但冇遮蓋辣味🫶🏼又辣又清新感，冇感油膩感覺

大門一入去好有泰國FEEL 門口部篤篤打卡一流餐廳係地庫要行落一層,空間感足夠,台與台隔得都開,唔洗迫埋一堆人整個裝修格局泰式風格環境幾好,背景音樂都係泰國歌目測侍應水吧都係泰國人,著埋芭堤雅渡假風制服,可以當去咗轉泰國旅行野食方面焗奶油大蝦伊麵個汁食落似龍蝦汁大蝦似係燒過再焗 燒得黑左小小 小小敗筆蝦都唔算大隻不過味道ok份量較小 走精品泰式品線新泰東南亞餐廳地址 :尖沙咀加拿分道25-31號國際商業信貸銀行大廈地下1A舖及地庫電話號碼:21177003營業時間:星期一至日12:00 - 23:00

I happened to have a meeting in the neighbourhood last week and dropped by this beautifully decorated restaurant. I ordered the set lunch and it was served quickly and the food was still very hot when it was served. It was a bonus especially when it has been so cold recently and many other restaurants cannot manage to serve very hot food. It has overall been a nice dining experience.

是日天氣降溫，想同男朋友一齊食d熱辣辣嘅野，男朋友鍾意酸味味，於是就問到尼間餐廳，點左個泰式明爐烏頭。美味需時等候，等左差唔多40mins 鍾意上菜。條魚嘅配料超級足，好惹味，係我地鍾意嘅酸味，魚肉好新鮮，唔腥，好多肉，一定可以encore。跟住點左個mini版椰菜，男朋友好鍾意食，爽脆，好有鑊氣，鍾意鑊氣嘅朋友可以試一試。但我就麻麻地，因為食落有些小苦，唔鍾意食苦味嘅野，所以冇食好多，全部男朋友包。

今天天氣寒冷，最適合就是食泰國菜，我們鍾意佢夠熱辣辣，而且菜式係燒烤出來的比較多。所以今次我不會叫生蝦，沙律，會叫啲熱野必要的是串燒沙嗲，我喜歡食串燒，又有牛又有豬又有雞。我通常第一支就不會點任何醬汁，試吓它調出來的原味，這裏的調味料10分不錯，就算不用點綴，都會10分有泰式風味，有一陣陣的香茅味同香料味飄出來。另一支我就會點來試吓個沙嗲醬，沙嗲醬不辣，適合唔食辣的人食，亦不會太過濃味，奪去本身肉質的鮮味。由於怕熱氣，我們每次食泰國菜都會叫椰青，這裏的椰青不會很甜， 10分清新，而且真材實料，裏面真的很多椰青水。平時叫來叫去都係菠蘿炒飯或者金邊粉，我見到今次佢個Menu有啲新嘅特色，所以就試吓這個南瓜焗海鮮飯。結果真的很有驚喜，這個吃起上嚟比較健康，有南瓜粒，有魷魚有青口有蝦，而且焗飯有陣陣的椰奶味，配合返泰國菜風味。

今日中午來到哩間餐廳食午餐 老實講真係比佢個門口吸引住門口真係好有特色 相片就唔提供喇 等大家去睇下 唔食打個卡都一流叫左個泰式海南雞飯 午餐來到熱辣辣 雞個度嫩滑 都有雞味 油飯就正常操作如果湯係好似泰國咁雞湯就好喇 因為而家係中湯就好似有d搞笑 貼地返香港？整體來講正常操作 座得都舒服 有機會就真食返餐試試佢 因為真係好有氣氛所以話食好嘅泰國菜唔一定去九龍城嘅 好多泰國餐廳都好出色 臥虎藏龍 往往都好好味道同好有氣氛特色  分分鐘有驚喜 好小中伏   

6點鐘左右嚟到，入座前都已經被告知個半鐘交枱，其實咁都無咩問題都正常。一坐低都即刻叫野食，叫左四樣野食，一碟燒雞飯，一個薄餅，一個咖哩牛，一個冬陰公湯。第一樣野食都等左半個鐘個湯先到，6點9仲有隻雞未到，追左一次，到等到過7點個雞都仲未有，舉手搵侍應再追，今次係同個白衫男侍應講，話取消唔等，點知我一講完，佢就咩都無講即刻轉身走左，再秒扔左碟雞畀我話畀左你先，係扔，完全無理過我話取消，就係嗰種我而家畀左你唔好再嘈嘅態度。頭先講左話個半鐘交枱，間餐廳呢樣就好守時，唔理佢哋幾點上齊餸亦都唔理你食完未就收野，埋單，未夠個半鐘已經清晒你場。嗰時仲有15分鐘先到個半鐘佢已經係隔離單打同個同事講啲人唔走。講真野食係正常，有啲都好食，但咁嘅態度我就真係食唔落，無下次。🥲🥲🥲

🔺食物 🔸 冬蔭功海鮮金邊粉 $75一上枱已經一陣陣香噴噴冬蔭公味湯底勁濃香 金邊粉質地軟硬適中🤪 好食🙌配料方面有 蝦、魚片、魷魚、蟹柳棒、菇粒一啲都冇手軟😍 幾足料bo.🔸 越式蟹肉炒粉絲 $75好大碟 粉絲上有好大堆蟹肉 肉質軟熟 冇調味 先食到原汁原鮮味 粉絲炒到好有鑊氣😍.➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌕🌕🌕🌕🌕自私評論：是日去左食個靚lunch set😚 環境優美 😍 氣氛幾好 晚市有得散叫，但平日午時做套餐都幾抵食架❤️➖➖ ➖➖ ➖➖ ➖➖ ➖➖ ➖➖ ➖➖ ➖