新泰東南亞餐廳

營業中

休息中

最近冬天太寒冷，成個12月幾乎帶着頸巾出門，所以想食啲熱辣辣嘅食物，好讓肚子可以暖返啲嚟到尖沙咀加拿分道，門面好泰國嘅「新泰」，零舍有風味入面嘅裝修好有泰國旅行feel款式選擇齊備，樣樣都係啱我食嘅口味，普羅大眾都好鍾意呢一度係炒通菜已經聞到一陣陣嘅香味，平時送飯都係一流，加上醬料配埋青菜度更加有家的感覺！好食到停唔到口冬陰功海鮮湯唔會特別辣酸酸甜甜嘅感覺，令到成個肚暖笠笠海鮮都特別多！南瓜海鮮焗飯更加係我嘅心頭好，平時菠蘿炒飯見得多，估唔到用南瓜整嘅時候，入邊嘅南瓜蓉真係好好味而且每一啖都食得出有海鮮同南瓜醬汁嘅混合甜品拼盤入邊嘅款式都好多，有椰汁糕、椰子糕、椰皇糕、豆花糕，樣樣都係我最鍾意食嘅！椰子味好重好香濃最後當然唔少得三色冰，必點嘅選擇所以話嚟到尖沙咀，選擇實在太多，最緊要揀一間啱自己口味嘅，好好享受一餐！

一陣間去尖沙咀飲晚宴，我們決定先吃少少做小食，唔使等一陣間9:00開席咁肚餓。行過附近，見到有一間泰國菜排晒隊，門口很多人，所以我們決定入去食下少少泰國小食。一入到去，原來都坐得唔錯，又有卡位，地方又大。我哋次次去親泰國餐廳，都會叫豬頸肉，因為豬頸肉的醬汁零舍惹味，這裏都不例外，豬頸肉醬汁是比較上香辣，而且豬頸肉外皮燒得脆脆地，有攤銷的香味入面就做到粉嫩的顏色，而且又不會太厚太實，反而比較上鬆化。另一個我們要的是蝦餅和魚餅小拼盤，剛剛炸出來的特別好味，它不會炸得10分過火，反而入面蝦餅和魚肉都10分彈牙，而且這一個酸辣醬不會很辣， 10分有泰式風味。因為我們只是食少少嘢，但係又想試吓海鮮，我們就決定叫這個青口小食，青口焗得10分入味，上面的醬汁很有葡國風味，下面的青口脹卜卜，很肥美。

晚上7點來到等左15分鐘左右入座兩條友 叫左6條串燒 炒通菜 焗海鮮咖喱 同碗飯點知等左半個鐘 一樣野都未黎到 第一次催單結果5分鐘後淨係黎左6條串燒😅然後串燒都食晒 都係冇野食黎 第二次催單 幾分鐘後終於上左碟通菜 碗白飯仲要5分鐘後先上諗住等埋個咖喱先食 點知total等左45分鐘都仲未有 第三次催單 個呀姐仲要反問返我地：「乜佢地冇同你講焗海鮮要等耐D咩？」喂大佬 我冇諗過要等成9個字喎！然後就黎等左55分鐘我最後一次催單 個呀姐同我講等多兩分鐘就有！最後我比多兩分鐘佢 Total等左一個鐘 依然都係見唔到個焗咖喱海鮮 最後索性Cancel左佢算數🤷‍♂️然後同我地講兩分鐘個個姐姐係我地埋單前走埋黎問多句：「下個咖喱仲未到啊？」我話唔洗啦Cancel左🤷‍♂️唔講以為今日初一十五食齋 得碟通菜送飯 自問冇耐性等一個鐘食一個咖喱 如果大家等得既就來食啦

呢間泰國嘢係尖沙咀算係出名既舖頭，因為樓面面積大，啱晒一班人食飯架啦。卜位卜左6點半，但我哋遲到，7點埋去都安排到位比我哋。我哋叫咗10幾樣嘢，每人一杯野飲。蕉葉焗盲曹 4/5火喉啱啱好，肉質鮮嫩，伴隨淡淡泰式香料味，但我覺得唔夠咸。冬蔭功 3.5/5有個蠟燭仔係底會保持溫度，辣味一般，奶香味濃厚，可能要符合香港人味道，但配料多元化，如海蝦，青口，雜菇等。泰國街邊豬肉串 5/5估唔到燒得香口又有咁多肉汁，炭燒味配上豚肉位，絕對比乾柴烈火更好食，加上酸辣汁，刺激味蕾。泰式甜品大拼盆 5/5上菜擺盤都呃到好多相架啦，經典東南亞甜品大混戰，有千層糕、糯米糕、芋頭糕、芒果糯米飯，樣樣野都正常發揮，唔會太甜太浠，好食。地點:尖沙咀要行返河內道先搵到門口入去，附近多野行，唔驚無下場。環境:泰式建築風格，地方大，坐得舒服又安心。價錢:250蚊一個人，晚餐來講算係咁，想平去九龍城食。服務:正常，我哋原本得90分鐘食，都無趕我哋走，上甜品又有甜品碟。

尖沙咀泰菜推介！新泰東南亞餐廳 (尖沙咀)尖沙咀加拿分道25-31號國際商業信貸銀行大廈地下1A舖及地庫今日同朋友去尖沙咀行街，行到午飯時間有啲肚餓，喺K11附近對開經過見到依間叫新泰東南亞餐廳，見到門面嘅光線裝修唔錯，舖頭亦都有唔少泰國嘅擺設，咁啱聽到門口兩位服務員都係用泰文溝通，好似好正宗咁，感覺上好似唔使出國都能感受泰式美食，於是就同朋友入去試一試。原來餐廳做緊午市優惠， 12:45之前離座就有九折優惠，不過我今日係入去嘅時候已經係12:30 ，冇辦法享用呢個優惠啦！朋友好想食蔗蝦，於是我哋嗌咗一客越式烤蔗蝦，一客$78有三條，炸蝦新鮮熱辣，超級好味，啲蔗仲好鮮甜添啊，真係好少食到！另外我哋仲叫咗兩客升級午市套餐，其中一客是喇沙米線，喇沙湯底超濃郁，米線配料豐富，有蝦、魚片、雞蛋、芽菜、豆卜等等，魚片厚身有魚味，值得一食！另外我哋加咗$28要一客蒜蓉炒貴妃苗，貴妃苗鮮嫩香甜，食落口唔會有渣，健康有益之選！另外一客我哋叫咗巴東牛腩配白飯，加$28要咗一客絲綢炸春卷，炸春卷的外層係米紙，好有東南亞特色，值得一食呀！ $28就有四塊，仲有生菜🥬可以包住嚟食減低炸物的油膩感！巴東牛腩嘅牛

約朋友尖沙咀食晚飯，食泰國菜最出名都數一數二係呢間～環境大，4個人有卡位坐得舒服！先黎椰青冬陰功湯：唔算好辣，岩番香港人口味，都岩哂我！帶椰香～酸辣平衡，仲有各種海鮮、菇類，一路保持溫度熱辣辣～香芒軟殼蟹米紙卷： 芒果夠甜，配合埋酥脆軟殼蟹、粉絲、香葉、青瓜配料⋯好味好有層次！勁開胃！必食推介！炸蠔餅：剛炸好，脆卜卜唔油膩！好多蠔仔串燒沙嗲：有雞、豬、牛串燒：燒得好香，醃料都已經幾入味，但我好欣賞個汁，帶酸酸地、好惹味，中和番糯米飯同串燒既油膩/滯口！生菜包： 偏辣，但肉碎同配料炒得好香整體來講：泰國菜食物水準都幾高！ 環境都算舒服，位置又方便！難怪咁旺場！

昨晚7點幾與男朋友到訪這間餐廳，要排隊等位，等了約20分鐘可以入座。我哋當時都好肚餓了，坐低咗10分鐘就落餐，叫咗一個「飛天通菜」、「馬沙文咖喱牛腩」、「印度酥餅」、「叻沙蝦米線」。但係等咗30分鐘仍然未有嘢食到😟，我哋便向店員查問，最後終於上咗一碟「飛天通菜」俾我哋食住先。但係我哋食完碟菜，其他食物仍然未到☹️☹️。我哋再俾多少少耐性等吓，但真係冇嘢食黎。於是我哋再催促店員跟下張單，再過多一陣先至上埋「馬沙文咖喱牛腩」及「印度酥餅」俾我地😭😭😭。我同我男朋友真心肚餓。😫😫😫之後再繼續等咗20分鐘，仍然未有個主食「叻沙蝦米線」😥😥😥。於是我男朋友走埋去一個好似店長嘅男人親自查問，全程係非常禮貌表達我哋真係等咗接近一小時了，點解可以一碗米線都煮唔起呢😭😭😭。男店長表示：唔好意思唔好意思。但之後仲補左句：你應該七個字就好追啦。我聽到之後真心著火！😡😡😡😡😡😡😡😡😡同佢講：我哋追咗三次了！我真心嬲，點解可以將個責任擺番落顧客到，明明係顧客點咗嘢食但係等極都冇，點解仲要賴我追得遲呢？咩事？？？😣😣😣我知呢間餐廳真係好多人幫襯，小我哋一張單都唔緊要，但係咁樣的服務態度真的不合格吧！😓😓😓好好的一個周

呢間人氣高企泰菜館就近K11，平日7點晚市開始見有人等緊位，店員都講流利泰文，要等齊人先准入，行入餐廳門口放左架tuk-tuk車好有泰國特色，裝潢走傳統泰國風，打卡岩曬走落地庫座位夠大好舒服，適合一班人朋友/家庭聚會，見已然座無虛席，感覺置身泰國咁sa-wa-di-cup!越式蝦米紙卷 $68米紙卷皮薄，喜愛淡淡泰式香草加上米粉、蝦肉、生菜，蘸上酸甜汁，好清新有口感冬蔭功 (小) $78湯頭偏酸，有大頭蝦配料好足，香辣暖胃，一碗夠兩個人飲用醃無骨鳳爪沙律 $68鳳爪加上酸辣汁非常醒胃， 酸辣惹味泰式肉碎生菜包 $72我地揀左豬肉碎生菜包，泰式香料味較重，炒得夠香辣正宗，配爽脆生菜食岩哂加柸冰凍青檸梳打 $38 解辣一流哈

相約朋友晚飯聚舊，揀咗間舒服闊落嘅泰國餐廳慢慢話當年。新泰位置相當方便，一出尖東站行一兩分鐘就到，對於我呢啲路痴嚟講就啱曬啦。我哋好在有book位，七點半左右去到都要等三四枱先可以入座。不過餐廳大門口有個相當闊落嘅等候區，可以俾食客一邊舒服等位一邊閒客家常，喜歡打卡嘅朋友都可以同架督督車打下卡落一層樓梯之後入到餐廳內堂，分為左右兩邊，左邊主要係大枱同包廂，右邊係相對細嘅枱，兩邊都好有泰國特色，一班人定三五知己嚟聚餐都適合。冬陰功首先嚟個冬陰功開下胃先，酸辣適中唔會太搶喉，朋友表示隻大蝦都好鮮甜好好食，如果多隻蝦我會更開心泰式生蝦食泰國嘢點可以唔食泰式生蝦呢，大大隻生蝦配上地道泰式醬汁，鮮甜爽彈。飛天通菜純粹因為個名太型所以叫咗呢個菜，食完都唔知咩叫飛天個菜係好食嘅，唔太油菜夠爽脆，啱餸飯。越式春雞釀香茅黃飯燒春雞釀飯可以一次滿足你三個願望，黃飯吸收咗春雞精華，啖啖雞油香，雞肉唔會過火而變柴，雞髀位置肉質嫩滑。沙律幾清新，如果個走豆苗我哋會更開心珍多冰&咸檸梳打珍多冰味道正常，咸檸梳打略嫌個大咸檸唔夠咸同酸，如可加粒多青檸應該會出眾啲。

每次行過都好多人排隊，今次終於有機會試吓，進餐限時90分鐘～接待處嘅裝飾都好有泰國feel，餐廳地方好大，成個地庫嘅面積，非常旺場👍🏻👍🏻裝修幾靚，有卡位，有包廂，啱晒一大班朋友一齊嚟泰式生蝦($98)呢款生蝦肉質比較軟淋一啲，食落味道不錯，一般生蝦水準泰式青咖喱雞($88) 蒜蓉包($32)青咖哩揀咗雞肉，配菜有泰式茄子、豆角、南瓜等等，食泰式青咖哩當然要配蒜蓉包啦，蒜蓉包香脆，點青咖哩汁一流👍🏻👍🏻馬拉盞通菜($75)份量足夠，蝦乾好大隻，醬汁惹味，送飯都幾正～冬陰功($78)推介冬陰功，唔會太酸食唔到其他味，香茅、南薑香味突出，叫細份2個人可以飲得晒成兜😆越式蟹肉炒粉絲($98)蟹肉味唔算太濃，略嫌調味有點清淡，粉絲炒得唔太乾還算可以珍多冰($38) 芒果沙冰($38)芒果沙冰正常水準，推介珍多冰，非常好飲～甜度適中，椰奶好香～

疫情咁耐，我諗大家都好耐冇去旅行，好彩喺香港地度搵第二啲菜系都容易。 而新泰應該算係喺香港最出名嘅泰國菜， 無論係員工， 菜式， 同泰國食嘅基本上都差唔多。🥰而新泰有幾間分店，我今次食嘢係佢尖沙咀嘅總店， 總店有兩層， 地面嗰習時主要負責接待， 而地下嗰層， 先至係餐廳最主要嘅範圍， 入面個地方好大，有卡位有圓枱， 任君選擇。我係嚟食佢嘅午市套餐，除咗主食之外，仲可以加少少錢升級佢嘅小食。而且，職員講如果下午茶時間，仲可以有8折優惠。講返咗食方面， 我哋叫咗三個主食， 分別係海南雞，黃咖哩雞同埋奶油大蝦伊麵🤤🤤海南雞裝盤有專登分開，有兩隻醬料，分別係薑蓉同埋豆瓣醬， 而且仲有例湯， 分量都幾大。而黃咖哩雞有跟到白飯， 咖哩味道好好食， 喺呢度食泰國嘢唔會令你失望。仲有大蝦伊麵， 比較特別呢個係甜嘅菜式， 啲蝦都算大隻， 伊麵比奶油包住， 食落真係好邪惡🤣我哋都叫咗佢呢度係特色飲品， 紅豆冰龍眼冰等等全部都幾正常👍

今日同另一半收早，係尖沙咀行左陣街見到呢間餐廳門口企左唔少人唔執輸嘅我梗係八卦睇吓有咩好食，價錢喺尖沙咀黎講算幾抵食，所以就決定試下佢餐廳裝潢都幾靚，座位都算寬躺幾好坐泰式生蝦蝦肉新鮮爽彈，配埋綠色泰式酸辣汁真係食唔停冬陰功湯（細）食泰國野，一定要飲冬陰功湯呢度嘅冬陰功湯調味做得唔錯，酸辣度平均，又有香茅香草味而湯入面既材料都幾足，有一隻開邊大頭蝦同好多雜菇青咖喱雞青咖喱有淡淡椰奶味，雞肉都嫩滑，大約有6-7件雞蒜蓉多士蒜香味唔選濃但多士焗得香脆，拎嚟點青咖喱醬食真係好好味馬拉盞炒通菜通菜份量多，馬拉盞有香濃蝦味同咸香味，係最近食話最惹味既菜越南蟹肉炒粉絲蟹肉是鋪滿碟面，材料有扎肉、芹菜，三色椒，芽菜等十分足料珍多冰香濃椰奶味，甜度適中芒果沙冰有淡淡芒果香味，沙冰細滑

呢間新泰已經幫襯過好多次，今日同男朋友一齊嚟回訪，呢度環境好大好闊落，坐得好舒服😌睇佢個Menu都有好多唔同嘅食物選擇，見到燒烤類都覺得好吸引～首先我哋叫咗一個必食嘅肉碎生菜包 ($72)，我哋唔食芫荽所以走晒青🤪呢個肉碎係偏濕，有好香嘅青檸味，同時我都好欣賞佢啲生菜細細塊好容易食，呢個味道都唔錯😋另一個叫咗燒豬頸肉 ($78)，啲豬頸肉都唔少，而且外邊香脆，入面仲保留肉汁，點埋佢個微辣嘅汁我覺得幾好食😌之後就叫咗醃無骨鳳爪沙律 ($68)，鳳爪爽口，酸辣汁非常開胃，而且仲有好多配料例如洋蔥香芹等等，口感好豐富👍🏻之後仲叫咗個蒜茸越南牛油雞翼 ($78)，一嚟到已經見到滿滿嘅蒜包圍住啲雞翼，蒜香味濃，仲好脆添，絕對係邪惡之選🤣之後就叫咗個泰式甜品小拼盤 ($88)，呢個一共有四款唔同嘅糕點，我覺得最特別嘅係木薯糕，外表有少少似蛋糕但其實食落就比較似年糕，加上裡面仲有啲椰絲，口感非常好～另外我都鍾意呢個龍眼糕，唔會太甜，但亦有龍眼淡淡清香😽當然我哋都有叫到飲品啦，我哋叫咗一個椰青沙冰 ($58)，佢係用完個椰青裝住啲沙冰，裡面仲有啲打碎咗嘅椰子肉，椰汁味濃，亦都好有咬口～今次回訪亦都冇令

新泰東南亞餐廳地址: 尖沙咀加拿分道25-31號國際商業信貸銀行大廈地下1A舖及地庫#yauyau_尖沙咀喺OpenRice見到熱門，我哋六點去到已經係啱啱好最尾兩張有位，如果大家平時上嚟食可以預先book位，唔係嘅話就有排等㗎。🍗🍗串燒沙嗲 (雞,牛,豬) $88呢度有串燒可能燒定，上菜嘅時候除咗牛肉之外冇咁熱，但係依然香氣十足好大浸燒烤沙嗲味，而且熟度掌握得好好，肉唔會過熟，冇令到佢好韌。佢嘅沙嗲醬香味濃郁而且有啲辣辣地，非常開胃，美中不足嘅係佢嘅沙嗲汁花生比較少。🥬🥬泰珍珠椰菜苗炒炒香菇 $85椰菜苗炒得好好，冇老咗，保留到菜苗嘅幼嫩質感，而且唔會太熟，好有咬口，菜苗可以食到索索聲，再加埋佢用咗蒜頭爆香，食落好香口。🍲🥘冬陰功海鮮金邊粉 $78呢個係湯粉嚟，初初我都誤會咗佢係炒粉。佢嘅冬陰功湯非常香，落咗唔少泰國香料喺入邊，但係可能有啲痴牙。佢哋海鮮都非常足料有魚片青口魷魚蝦，仲有啲菇菌添。佢嘅湯比較辣，食唔到辣嘅朋友可能就唔好揀呢個啦。啲金邊粉好吸冬陰功湯，一路食就好似飲緊冬陰功湯咁但係又可以咬到佢咁。味道: 4.2/5服務: 4.2/5環境: 4/5番兜: 4.5/5#尖沙咀

尖沙嘴出名既泰嘢要數都係新泰，今日終於有機會嚟拜訪下！係K11對面，門口大大個招牌，十分易搵，落樓梯就見到勁大個場，但係都係瞬間爆滿，大家都要早啲嚟攞位喇！第一客小食我地先叫咗一個「小拼盤」（$108），有四塊魚餅、四塊蝦餅，魚餅有好rich既香料味，肉質鬆化，比較惹味；蝦餅就有咬勁，蝦味都好濃郁！然後我地叫咗一個「馬沙拉咖喱」（$88），咖喱可以配雞、牛、豬都得，我地就配咗雞，睇返menu，馬沙拉應該係近馬來西亞口味既咖喱，味道偏甜，好醒胃，唔會覺得辣，食完一啖又一啖！我地另外叫咗一客「印度酥餅」（$32），配埋咖喱就一流！酥餅邊皮係脆既，而整體則較軟糯，食落有唔同口感，加埋咖喱真係會令人上癮！之後就叫咗一個「日本南瓜焗海鮮飯」（$118），嚟到個南瓜雖然唔係好大，但真係好足料呀！海鮮有八爪魚、青口、蝦肉等等，而飯就真係裝滿咗成個南瓜，瓜邊仲有少少南瓜蓉，可以撈埋飯食，超級滿足！加上佢係芝士焗既，有埋芝士，味道再昇華咗一個層次！餐飲我地叫咗一杯「泰式凍咖啡」（$38）、一杯「三色冰」（$38），泰式咖啡應該係用煉奶沖調，十分濃滑，可以解膩；三色冰用椰奶做底，加上唔同顏色既配料，食落質