新泰東南亞餐廳

營業中

休息中

路經加拿分道，見到裝修非常別緻的泰國餐廳，於是入內用膳。佈置用心設計，座位寬敞舒適。餐牌中英對照，圖文並茂。點了一客泰式炒金邊粉。大廚以蛋漿做了一個外殼包裹着金邊粉，是個有趣的設計。金邊粉口感煙韌，味道調得濃淡得宜，用料十足，泰式蝦有夠大隻，啖啖肉一流滋味。香芒軟殼蟹米紙卷共有八件，方便分享。米紙軟綿口感和香脆的軟殼蟹，形成強烈對比，加上各款爽口蔬菜和芒果，令人一試難忘。吃泰國菜的話，當然要來一個泰國椰青，天然清新，清甜可口。

餐廳位於尖沙咀K11 Art Mall旁，地理位置非常方便，門面充滿泰國特色而內部簡約嘅泰式裝修營造出舒服嘅空間，沒有過多浮誇點綴！泰國街邊豬肉串Thai Style Grilled Pork Skewers $68即叫即燒既燒烤種類好多，廚師推介既豬肉串係必試，梅頭部位肉質細膩帶點爽口口感，燒至微焦超級惹味，蘸上特調串燒醬，酸酸甜甜中透出淡淡泰式香料的味道，令人回味無窮🤤泰式燒春雞釀香茅黃飯Lemongrass Rice Stuffed in Grilled Spring Chicken $188這道菜比較適合2個人share，因為春雞size都唔算細，表皮燒至金黃色，非常吸眼，而肉質濕嫩程度剛好，香茅黃飯味道偏淡，加入醬汁更佳😛配有泰式沙律，用料新鮮，酸甜又清新醒胃，有助減低油膩感👍🏻

收工後相約朋友黎尖沙咀覓食，經過K11 Art mall見到對面餐廳好有格調，好正宗既泰國菜館feel，所以就黎左呢間新泰東南亞泰國餐廳試試。我們點了多款菜式，其中最令人印象深刻既係鴨肉生菜包。這款鴨肉餡以新鮮既鴨肉和脆生菜包裹而成，配上特製的調味醬汁，香氣四溢，味道香濃。鴨肉經過鹽、胡椒、醋、生薑和蒜頭等調料的醃制，散發出濃郁的香氣，再經過炒製，鴨肉表面煎至金黃色，更加香脆好味。泰式生蝦也非常出色，鮮嫩的生蝦配上酸辣的醬汁，突出了泰式菜品的鮮明特色，非常開胃，我個人去親泰國菜館都一定會點，呢間餐廳既生蝦都不負所望！泰式柚子蝦沙律顧名思義汁調為酸甜泰式風格，沙律裏加入了清甜紅柚子，口感清爽，蝦和魷魚也食得出非常新鮮，整道菜非常醒胃，很適合春夏天當作頭盤。紅咖哩鴨係一道充滿椰香既主菜，鴨肉表皮經烤過更加香，放入甜而帶微辣的咖哩醬汁，整道菜十分濃郁，配飯一流。蕉葉烤鱸魚係一道非常特別既菜式，經過火槍微燒焦蕉葉表面，再巧妙地用上蕉葉蓉蓋上鱸魚身上，再包住塞滿香茅既鱸魚去燒，魚肉更濃郁入味，整道菜食落香濃既不會掩去魚的鮮嫩多汁。最後是番石榴沙冰，口感清爽，回到青澀既初夏一樣，非常適合夏天解暑。

尖沙咀的新泰泰國餐館。已經嚟咗呢度好多次，呢度食物水平穩定，而且有幾間VIP房，好啱一家大細嚟。🦐生蝦刺身，這道菜色鮮美可口，生蝦新鮮，口感爽脆，搭配上辣醬料更是美味。🦆🥗鴨肉生菜包，這道菜色有點像中式的生菜包，但是泰國風味更為突出，鴨肉鮮嫩多汁，搭配上各種香料和醬料，讓人一口接一口。🐟香蕉葉燒鱸魚 ，非常特別的菜色，燒得魚肉微微焦香，搭配上香蕉的甜味和大量嘅香料和香矛在魚身同埋魚肚上，十分風味。🦆紅咖喱鴨，這道菜色是我們點菜中最喜歡的一道，鴨肉煮得剛好入味，咖喱醬汁濃郁香辣 🥗大蝦魷魚柚子沙律，這道菜色是我們點菜中最清爽健康的一道，柚子的酸味和蝦、魷魚的鮮味相互襯托，讓人感受到了泰國飲食中健康的一面。每次嚟到都有驚喜，不論食物質素同埋服務態度。💁🏻‍♀️🫃🏻都有一種賓至如歸嘅感覺，會一試再試！

今日同老公去咗尖沙咀食泰國嘢，非常有驚喜！餐廳位於加拿分道，地鐵站N 2出口行一分鐘就到！門面好闊落，好有泰式風味，用餐區位於地庫，非常寬敞！餐廳座位闊落，裝修清雅，感覺十分舒服！侍應大多係泰藉，但廣東話落單絕對冇問題，仲見到有機械人上餐，因為香港比較少見，所以覺得十分有趣！我哋點了以下食物：焗奶油大蝦伊麵泰式炒雜菜這個是lunch set ，但份量一D都唔少，蝦身大隻，而且蝦頭焗到好香脆，奶油味濃，配上伊麵，一流的味道！炒雜菜雖然細細碟（配餐價），但菜款非常多，炒得好有鑊氣，口感爽脆，好味😋泰式菠蘿炒飯炒飯一啲都唔油，好乾身，而且炒到粒粒分明，配料多，有大蝦、肉鬆、菜粒、腰果、仲有勁多臘腸粒，非常美味!老公仲話係食過最好味嘅菠蘿炒飯，值得推介大家試吓！小拼盤蝦餅和魚餅，兩款食物都好香脆，尤其蝦餅，外脆內軟，熱辣辣，爽口又彈牙，必吃之一紅豆冰泰國椰青椰青又清甜又多水而且十分大個，爽呀！整體來說，餐廳格局舒服，職員又親切友善，價錢親民，值得推薦的好地方！由於吃得太飽，沒有叫甜品，下次一定會再來吃

食物質素係唔錯食到中途後面有枱客尖叫原來有老鼠出沒跑過我同朋友們見到勁驚，嗱嗱臨食完就走，飲品都唔敢叫。個Fd係咁望天花，驚會跌一隻落嚟😂😂我都知做食肆地方有機會有小強、老鼠。但唔好食緊係你面前出現，真係好有陰影！返屋企唔肚痛都執到。

🔥泰國街邊豬肉串 ($68)超級推薦🌟比起一般串燒起黎真係好啖啖肉！選用半肥瘦豬肉，嫩滑多汁，口味微甜，配上開胃泰式醬汁超級好吃。🔥越式燒春雞釀香茅黃飯 ($188)原隻燒春雞上碟，不過不用擔心要自己拆骨，因為基本都拆了。春雞肉質嫩，加上裏面釀入薑黃飯，充滿東南亞風味，很有特色。🔥咖哩蝦 ($188)椰香味濃郁的黃咖哩配上脆炸大蝦，充滿蛋白質又下飯/配上薄餅也很不錯。🔥泰式甜品小拼盤 ($88)選擇困難症之選🤣四款各兩件的椰汁甜品，還有煙韌椰絲糕。位於尖沙嘴地鐵站K11 Art Mall對面的新泰地點方便，食過幾日，每次用餐體驗都好好。食物樣樣高質。充滿泰國風味。場地亦很大，有不少大檯。不過比較多人，晚餐的話建議預約哦（打電話餐廳電話後會有message比link再預約）。

尖沙咀區中午放飯時間搵食幾實都係一件煩惱事，容易有位既餐廳一般都要差不多百幾二百蚊找數，少數怕長計，如果午餐平均$150一日，一個月午餐費就成三仟大洋；仲未計早餐、下午茶、happy hour和晚上偶爾同朋友gathering 既使用。嘩！真係要精打細算。如果又唔想日日食隔夜飯餸（帶飯），尖沙咀區一百元以下既餐廳也是有的，但是除非你一早訂位，否則放飯時間閒閒地最少要等十幾分鐘，一小時lunch hour就咁去左一截。今天本來打算去K11午餐，路經此餐廳門口突然記起這間餐廳有很多好評，自己多年前也和朋友來過晚餐，看到餐廳仍然屹立不倒，証明真係有實力既。即時改變主意決定進入此餐廳午餐，餐廳門面仍然保持以往的東南亞色彩，多年沒有改變。我們通過一條L型樓梯往下直達餐廳地庫的用餐位置；樓梯左右兩邊均是用餐區，左邊是面積較細的一部份（但其實已比一般街舖餐廳大），擺放了大圓餐枱和單邊沙發坐位；右邊直入是一個非常大面積的用餐區， 同樣有大圓桌，另外也有卡座和單邊沙發二人座位， 這裏的大圓桌最適合一班朋友或同事一同用餐，方便談天說地。進入餐廳時間大約下午一時十五分左右，我們二個大人一個B被安排坐在一張可

昨天下午， 經同事介紹第一次黎呢間新泰東南亞餐廳， 點左午餐$75 香茅豬扒湯河+ $28 小食春卷+$3 凍檸茶。春卷二條開二， 正常口味， 個醬少怪但可接受， 食左一舊。之後食河粉， 食咗兩啖， 係個口入面撩到一個咬唔口既物體， 一舊透明物體。 打開佢， 原來係受熱卷埋既膠， 疑似口罩套殘骸。 叫左經理黎， 佢話煮個碗比我， 我話仲食呀？ 跟上佢快快收左個碗， 留下一句「咁比個甜品你」。 過左一陣， 我朋友食完， 諗住走。 我叫過經理黎， 問佢點？ 佢話「甜品未黎咩？」轉手去廚房拎個椰汁糕黎， 放低又立即走，我當然無食。 叫個待應埋單。 佢取消左我個粉， 呢個正常， 但就將個餐飲由$3轉去正價$33， 杯檸檬茶由發現到走都無再飲過， 收正價真係完全想像唔到。 跟住火氣叫個經理返黎， 佢話下午忙， 處理唔到我問題， 同你取消返個凍飲， 小食照計錢， 我同行既朋友正常收錢。 呢間咁既垃圾舖頭， 大家忙中有錯， 完全明， 無人想， 但咁既處理客人食左垃圾落口既問題， 咁既冷待手法， 衰都無人有。

今日去一間地道泰國菜食中午，閒日都好多人，lunch set $75，尖沙咀價。餐廳都冇啲街客同放飯客。餐廳好大間，位於加拿芬道一地庫。入到去好多泰國地道裝修，燈光有點暗，幾有氣氛既。叫左泰國蝦醬炒飯+凍奶茶（泰國奶茶冇套餐，要正價）同辣豬頸肉炒河+ $8椰汁冰。泰國蝦醬炒飯有啲花生碎同肉鬆，撈埋蝦醬炒飯一齊食會香好多，炒飯勁多蛋絲，都幾足料既！👍🏻至於辣豬頸肉炒河粉，勁多豬頸肉，豬頸肉都整得好淋，唔會好韌或好鞋，足料👍🏻河粉有啲多，食到一半都好飽，炒粉有少少痴埋左一舊！椰汁冰好濃郁，勁香椰汁味，冇溝水，好足本！👍🏻午餐可以每人加$28 加多個小食，我地加左炸蝦餅同泰國馬拉盞炒通菜。炒通菜都有好多蒜蓉同馬泰盞，整得好食既，係泰國既味道！😋至於蝦餅一開二，有4件，件件都勁大舊勁多肉！餐廳可能比較多人，坐底45分鐘就開始執枱叫你埋單。

之前食過這家泰國菜，晚上必要訂位，否則要等好久才能吃，質素也不錯。所以放假在附近約了朋友試一試這間泰國餐廳的午餐。過往都有訂位吃晚餐，今次沒有訂位，不過在泰國餐廳開門就已經進去，可能是12點未有太多客人，所以不用訂位。不過這次的用膳感受實在太差了，上菜等太久，吃了沒多久又會被人趕。於12點10分下單，我的朋友點了一個海南雞飯，而我點了一份泰式金邊粉，我的朋友大約等了5分鐘就上菜，而我的金邊粉足足等了25分鐘，食了約20分鐘，剛剛好吃完，服務員就好像要趕我走一樣，然而用餐時間一個小時，便立刻給予我賬單，我連餐飲也未飲完。我不是奢望坐很久，畢竟都是午飯時間及旺嘅地段，但用餐也只有30分鐘，實在太差。建議食得比較慢，客人不要光顧，食物只是不錯，稱不上好食，又不是太便宜，價格指是正常。

今日我哋一行四人第一次試呢一間喺尖沙咀嘅泰菜😘都幾有驚喜喎😍首先最值得一讚嘅係明爐烏頭魚🐟熱辣辣上嚟夠晒好味❤️之後生菜包炒通菜同埋冬陰功都一定要叫😋😋😋紅咖喱鴨同埋生蝦都唔錯🤤🤤🤤炒花甲同鳳爪就一般 正正常常🤣不過個米紙卷就差咗少少 得菜冇其他餡🤣另外都想讚吓個紅柚啤酒 甜甜地淡淡地嘅酒味❤️埋單要$1400幾 不過我哋叫咗好多嘢食 所以個價錢都算公道嘅😙係可以有下一次嘅餐廳😊😊😊

簡直是超級中伏，趕時間入來想隨後吃個泰餐，想當然應該比較快脆午市寫是12：50前買單9折然而12點落單40分鐘都不上菜西餐廳速度都無你甘慢硬生生同你拖時間既然不想打折就唔好寫出來，簡直是又當又立服務員態度又勁差，催著幾次都隨便答復味道差強人意，個焗飯上面的帶子淨是得兩舊，完全無味道，同焗飯的味道分開曬，醬汁味道調得尚可，但是整體無太出彩趕時間真是唔好食哩間也，食完一肚子氣，不會有下次的，免得來揾氣受

一頓飯吃了將近兩個小時，一直在等上菜催促服務員就一直說快好了快好了，周圍座位的食客也在一直抱怨，最後是轉了菜品才給我們把菜上齊的，真的是非常不愉快的用餐體驗，不會再來

今日收工諗唔到食咩好，咁啱見到呢間泰國菜都幾多人排隊，於是就入去試吓🤣！餐廳裝修好有「泰」chill 風格，好似返咗泰國咁😎嘢食選擇都好多，仲要樣樣都熱辣辣即刻送上嚟！值得一讚🥰泰式濕炒海鮮河 $88濕炒河份量都好多，鍾意佢個芡汁煮得偏杰身，令到河粉好掛汁😋海鮮有蝦仁、魷魚等等，份量好有誠意👍🏻👍🏻推介越式蟹肉炒粉絲 $98炒粉絲偏冧身，吸晒啲芡汁，好入味好好食🤤夾埋唔同嘅蔬菜配料一齊炒，又會令到口感更加豐富！主蟹肉份量亦好多😆性價比幾高👍🏻串燒沙嗲 6串 $88串燒沙嗲可以揀牛、雞、豬各兩串。因為同行朋友唔食牛，所以我哋就叫咗豬同埋雞肉各3串👍🏻豬肉同雞肉都好嫩滑，食得出用唔同嘅泰式醃料醃製過，好入味🤤🤤正整體來講，裝修環境好有feel😍食物質素同埋份量都唔錯，！幾啱同朋友一齊嚟吹吓水，感受下泰國風情!