新泰東南亞餐廳

營業中

休息中

新泰東南亞餐廳 尖沙咀之前都介紹過呢間餐廳食物水準好唔錯。嚟到尖沙咀唔知食咩好諗起佢喺尖沙咀都有分店就入咗去。尖沙咀呢間分店裝修好特別，門口有架tuktuk，應該好多人都有經過過😜環境都好闊落，坐得好舒服。店員都係泰國人，會用泰文打招呼，好有去咗泰國嘅feel🥰越式燒春雞釀香茅黃飯 $188見到好多台都嗌左呢個燒春雞釀飯。可能因為係焗嘅關係要等一段時間。嚟到賣相非常吸引，雞燒得啱啱好，表面金黃酥脆，一切開見到入面嘅黃薑飯，飯香好足。呢個必食！超級好食，一啖咬落食到雞同到飯香，大滿足😋😋鐵板蠔仔炒蛋 $98賣相同樣非常吸引，炒蛋好鬆化軟腍，蠔仔份量都唔少，可以加埋辣椒醬一齊食，係我食過最好食嘅蠔仔炒蛋之一😍😍馬拉肉骨茶(小) $78肉骨茶非常足料，有五支骨、豆卜同好多蘑菇，我哋嗌嘅係細份，可以分到2-3碗。青檸梳打 $38青檸梳打大大杯，飲落非常舒服，唔止得青檸，仲有鹹柑桔嘅味道，好潤喉

Sun Thai is a wonderful Thai restaurant that offers an authentic and unique dining experience. From the moment I walked in, I was impressed by the spacious and inviting ambiance that was filled with traditional Thai elements. The friendly and efficient staff, which included both Hong Kong locals and Thai individuals, added to the authenticity of the restaurant.The restaurant's menu had a wide variety of Thai dishes, and I decided to try the Stir-fried Morning Glory with Malaysian Sauce and Stir-

呢間餐廳既門面好新好靚，入到去見到d佈置都好有泰國特色，一於同朋友試下呢間泰國餐廳先😋我地叫咗午市套餐：芝士焗香芋海鮮飯（$75）好足料，有蝦，魷魚，粟米斑塊，海鮮都好新鮮，切粒既芋頭份量都多，芋頭味香味撲鼻，加埋芝士一齊焗味道好夾😍星州喇沙蝦米線（$75）喇沙湯底辣辣地，好開胃，十分惹味，幾隻大蝦好新鮮，魚片頭食落去既彈牙，又有口感，加埋d配菜都好好味👍馬拉盞通菜（+$28）爽脆通菜吸收晒馬拉盞既味道，好惹味，辣辣地，好開胃，套餐正係加$28就有一碟馬拉盞通菜，好抵👍芒果糯米飯（$68）芒果好鮮甜，軟綿綿既糯米煙煙韌韌，好有口感，配埋香滑椰奶，味道好夾👍咸檸檬七喜（+$8）冰凍得黎味道甜中帶咸，好正，食完辣野，再飲返杯咸檸檬七喜就岩晒椰汁冰（+$8）香濃既椰汁冰，甜度適中，正👍

我中午1700到，得幾張枱有客，大把枱都安排我們坐近廁所位，問佢調位，好不滿意咁調比我，其實都係近廁所位，只係遠少少。就算食物再好食，但係，服務吳好，都扣哂分。

人氣泰國菜🇹🇭係九龍城食過好多不同嘅泰菜，最後都係發現呢間最好食😋而且勝在有分店同坐得舒服☺️每逢夜晚都會見到有人等位中門口都見到唔少泰國地道嘅裝飾物🤣入面其實好多位，所以等嘅時間都快💙海鮮類之 泰式炒花甲與🆚傳統大排檔炒嘅有點不同，落多咗金不換嘅香葉，而且味道亦偏泰式惹味少少🤏☺️鴨肉生菜包同樣落咗香葉、洋蔥🧅少量芝麻炒香鴨肉嘅味道好岀😋配搭生菜🥬中和番油脂感傳統馬拉盞炒通菜保持一貫嘅水準，泰式味道👅雖然有少量辣椒🌶️但不太辣燒烤大拼盤燒菠蘿🍍2大塊燒芝士🧀️蒜蓉扇貝2大隻燒芝士🧀️蒜蓉生蠔🦪3大隻燒芝士🧀️蒜蓉虎蝦3大隻🦐都真係幾抵食個size有手掌🖐️咁大

個個都想去泰國，唔通個個都有假去泰國咩🥺冇假嘅咪唯有喺香港食餐好嘅泰國菜頂住癮先囉🥹本身諗住去香港小泰國九龍城食既，朋友仔話不如帶我去間尖沙咀平靚正泰國菜仲好啦餐廳喺地牢位置，地方好闊落，好彩早咗嚟，一坐低冇耐就即刻坐滿晒人泰式嘅沙律就最吸引，我哋就叫咗個泰式柚子蝦沙律。除咗蝦之外都仲有魷魚，而且份量都唔少，柚子好甜，加上個汁酸酸辣辣好開胃，仲加埋我最鍾意食嘅腰果😛食到一半覺得有少少辣先發現我哋唔記得叫嘢飲，朋友仔就叫作杯青檸梳打，而我食泰國嘢就一定要叫冰😍今晚就揀咗珍多冰，最鍾意佢入邊一條條嘅斑斕啫喱雖然係食泰國菜，但見到越南烤蔗蝦到真係忍唔住叫，呢度嘅蔗蝦外型有啲似台灣嘅大腸包小腸，非常之大碌🤣炸得好香脆，而且哈嘅調味唔算太重，好爽口彈牙本身馬拉盞係炒通菜，但係今晚想食椰菜仔，問咗侍應可以轉🙆🏻‍♀️Nice馬拉盞好惹味，除咗椰菜仔之外，仲加咗冬菇紅椒同埋蘿蔔一齊炒，但係唔知點解啲紅椒真係辣嘅🤣所以成個菜其實都幾辣朋友仔力推香草肉碎炒飯，話佢次次食lunch都會叫呢個飯食。果然係炒到好惹味，面頭仲有啲炸咗九層塔，正呀😍炒飯偏濕潤，唔算好鹹，最緊要真係好大碟，同朋友仔差啲食唔晒🤣叫咗咁

很多人等位 應該是一間不錯的餐廳吧 ，大概等了半個小時左右 就成功入座 這裏地方寬敞不會太迫 而且燈光光猛坐得很舒服 衛生情況亦很好 打開 餐單一看 很多泰國 特色小食飲品甜品等 真是花多眼亂 果然沒有令我失望的確很好吃

新泰東南亞餐廳位置極方便，所以中午過咗嚟食午餐午市套餐香辣豬頸肉炒河($75) - 豬頸肉爽口，河粉煙韌唔痴口，配埋墊底嘅生菜食，味道啱啱好午市套餐泰式蝦醬炒飯($75) - 飯炒到粒粒分明，蝦醬味出得嚟唔會太濃，蛋絲、肉鬆同腰果份量都多，好好食馬拉盞通菜(升級優惠$28) - 通菜本身好新鮮，加咗大量洋蔥、蒜、蝦米，椒等嘅配料炒，極好味泰式炸蝦餅(升級優惠$28) - 炸得好脆，蝦餅中間實淨得嚟彈牙，點埋甜甜地嘅泰式辣醬食一流熱咖啡(跟餐$0)及紅豆冰(跟餐加$8) - 咖啡香濃同滑，紅豆冰椰汁好夠，紅豆亦好有咬口，亦唔會太甜芒果糯米飯($68) - 芒果甜，椰漿多，黑白糯米飯都蒸得好夠淋同煙韌，好好咬午市餐牌提供嘅選擇好多，除咗套餐仲有其他主菜沙律小食甜品等等餐廳佈置得好有心思，侍應都係泰國人，令客人有置身泰國嘅感覺，而且又乾淨企理，座位又舒適闊落，食同坐得好舒服

今天到了尖沙咀一趟，要你吃午餐的時候，看見這間餐廳門面非常大，感覺應該食物會不錯的，於是上去吃午餐，感覺是不錯的！一上到餐廳，裡面非常大，亦有很多客人，雖然是星期六，但我們都可以點午餐，我們點了一個星馬咖哩雞配白飯，咖哩不辣的，應該適合大家口胃。另外我們點了一個香草乾炒牛肉河粉，味道不錯，還感覺頗健康！我們還+$28點了一個飛天通菜，辣辣地好開胃！更重要的是，在下午時間到餐廳吃，他們會有8折優惠，非常抵吃！

今日好開心同屋企人去咗尖沙咀附近嘅一間泰國餐廳，呢一間餐廳一試就愛上，而且呢一間好多人幫襯，一定係老字號好有信心嘅保證，咁你到尖沙咀附近嘅朋友，或者住喺附近嘅朋友一定要利是呀，一間餐廳位置喺尖沙咀西鐵站附近，行一至2分鐘，就會搵到呢一間餐廳真係可達到高，好方便呀，好啱一家大細，或者朋友嚟最近嘅地方，呢度嘅食物選擇多好多裏面嘅裝修都好靚，空間好大，有位置多，所以我覺得呢一間餐廳好有私隱，好岩傾偈嘅地方，而且佢哋嘅菠蘿炒飯都係頂呱呱，差唔多見到每一台客人都會叫一啲，仲有佢哋餐廳都有好多特色嘅小食，而且食物都好特別，有一個南瓜焗飯，真係頂呱呱，佢個南瓜可以成個食晒，而且全部嘅飯都係即叫即整，好新鮮，係會好鬧鐘，而且佢哋嘅價錢經濟實惠，係平民價錢，所以我覺得你都一定要試吓

琴日去左尖沙咀呢間食lunch，被安排坐細廳，當時只有我和同事2人，最後成間房都係坐滿人的。坐底唔夠5分鐘已經落左order，時間中午12:45。同事叫左海南雞飯，我叫左炒貴刁。10-15分鐘後同事的餐已到，隨後2杯野飲都到左，但我等到1:20分都未有野食，其間催了2次，都係答我 黎緊嫁啦。然後得知隔離枱同我一樣叫左泰式炒貴刁，另一張枱叫左泰式炒河，佢地都催左幾次。眼見同事已經食完，成間房啲人大部份都遲黎但食完走埋，我都仲未有野食，當時我真係欲哭無淚。對於只有1個鐘既午飯時間，我只係得番10幾分鐘就要番公司，教我如何用10分鐘去食完，真係好離譜。最後好無奈地叫waiters 幫我打包，隔離枱都係叫左打包。其實之前都試過等好耐，係得番15分鐘食，諗住吾會次次都要等咁耐。原來炒野都係要咁耐既？咁落單之前最好通知一下客人，希望貴公司可以正視問題。

朋友生日共7個大人，之前都食過午餐已覺好味又抵食訂咗位於7:00pm，早到入座都可以比位我們。但用餐時間只得90分鐘。我地叫左青芒果沙律1份越式米紙卷1碟牛豬雞串燒1套（各2串）咖哩炸軟殼蟹包1碟豬頸肉1碟酥炸香茅魚1條小食大盤1碟泰式炒菜1碟（無影）甜品拼盤1碟2支泰啤酒（無影）1杯咸檸7（無影）賣單都喺$1400唯一改善未到90分鐘食緊甜品已比單據我地賣單

約朋友去尖沙咀逛街，路經一間泰國餐廳，見到很多食客等候入座，港鐵尖沙咀／尖東站N2出口，步行約1分鐘，交通非常方便。這店地方很大，接待處在地舖上，給人客等候地方也很大，地庫才是主要食堂，地庫面積很大，充滿著泰國風情格調和裝飾，座位清潔寬敞，服務員禮貌招待入座。菜譜非常豐富，全是泰國著名菜餚、小食、咖哩菜、泰式小炒、泰式甜品及泰式特飲，應有盡有，讓客人自由配搭選擇。泰式柚子蝦沙律$98一梳梳鮮甜肥美的泰國柚子鋪滿碟子內，爽甜鮮蝦和鮮魷，口口彈牙，脆脆腰果、香口脆乾蔥片、蒜粒和椰絲，混入泰式酸甜沙律醬汁，惹味又醒胃，是一道最佳的餐前菜。香芒軟殼蟹米紙卷$88卷內餡料豐富，有甘荀絲、生菜絲、粉絲、芒果、脆炸軟殼蟹，米紙皮柔韌軟糯，沾上泰式酸甜辣醬汁，口感非常豐富，美味。香草肉碎炒飯$75炒飯很有鑊氣，碟頭夠份量，飯粒分明乾爽，飯面上鋪滿炸脆金不換葉片，調味適中畧帶微辣，惹味又醒胃。

在香港有3家分店的泰國餐廳 這次試的是位於尖沙咀 長期都見到門口很多人排隊 很好奇味道 所以跟朋友來試試看🤭進出餐廳下一條長樓梯 餐廳內部位置闊落 坐起來也不會很擠迫 職員都是泰國人跟朋友2個人去 看到餐牌真的有很多菜式也想吃🙈 怕吃不下都沒有叫太多 點了小吃幾份加一個飯😎 還加甜點🦐越式蝦米紙卷 68菜料比較多 蝦分量比想像中少 米紙口感煙韌 不錯 🐽燒豬頸肉 78肉很嫩口 多汁 不會太肥 也不會燒得很乾 配合醬汁食酸酸辣辣 開胃 🇹🇭泰式生蝦 98生蝦肉質新鮮 配上生蒜辣椒 點醬吃一流 但有點辣🥵🍚冬蔭海鮮炒飯 88炒飯帶酸辣 冬陰功味不太出 海鮮跟飯一起吃才有味道 可以炒得更入味一點🥭芒果糯米飯 68糯米飯分黑和白兩款 口感煙韌 芒果也很甜 不會酸 配上椰汁吃好吃👍🏻價錢親民 建議如果想試多一點不同的款式 可以多叫幾名朋友去😋

收工之後，忽然好想食泰國菜。咁就去最近嘅新泰食喇！😙其實已經第4次嚟呢間鋪食飯，每次都係晚餐時段去。尖沙咀地段嚟講，佢嘅餐牌定價可以話好相宜，而且呢度勝在地方夠大，次次2個人walk in 都即時有位，啱晒我呢啲為食懶人。😝每次嚟都試唔同菜式，今次最有驚喜係個烤雞釀香茅薑黃飯，又香又糯，香料味引到人流水口，而且份量十足。今次就食埋甜品先走，好滿足咁埋單，2個人4道菜1甜品冇飲嘢$56X，服務員好細心，絕對可以有下次啊！