新泰東南亞餐廳 (太子集團中心) (已結業)

12月25日相約了6位朋友飯局同影燈飾，就揀了附近這間泰式餐廳，環境都可以，坐位也很舒適，就点了蒜茸越南牛油雞翼、串燒(雞、牛、豬)、串燒羊肉、泰式蝦炒金邊粉、泰式菠蘿炒飯、冰鎮翡翠螺、蒜茸炒貴妃苗、但最特別係麵包焗咖哩軟殻蟹麵包點上咖哩汁放進入口，又食到軟殻蟹味道，加埋杯冰凍茫果沙冰，簡直正到冇得頂，但重點要比個讚👍，因為我朋友不小心倒了大半杯茫果汁在地上，不知點算好，服務員立刻上前清理乾淨，還給我們纸巾，最後還補回一杯茫果沙冰給我朋友，當時我們開心都來不及反應

嘩，真係好耐無寫食評，好耐無一間令我有動力寫突然心血來潮好想食泰國菜，朋友介紹之下黎左呢間。果然係不錯，好岩我呢種重口味的人先叫每次食泰國嘢都會叫嘅馬拉盞通菜，正，呢度呢個菜超惹味，夠咸香，又帶辣，伴飯食一流，雖然份量一般，不過還好嘅。另外再叫了一份青咖哩，要了雞肉，雞肉就不見太多，不過幾香嘅咖哩味，唔會太辣，點印度薄餅食好夾，反意印度薄餅不知不覺地我食得最多肥死一定，香香地又唔會太油，不錯不錯。嘢飲朋友話一定要試呢度嘅椰青沙冰，真係無得輸，超清新，冬天飲就凍左點，我相信夏天一定會仲正，解渴，爽，椰肉加冰打做，幾口就俾我ko了呢度冷氣好夠凍，凍到我坐唔得耐下次再見

第一次光顧，感覺唔錯唯獨二人不接受訂枱，要walk in,好在當日唔算太fullservice 都好好，坐到收舖最後一枱，連staff 都開始食宵夜都冇話搞d 小動作趕我地走咖哩軟殼蟹，非常出色，個汁係杰身有蛋花果d送飯或者送薄餅一流～ 不過本身跟左個麵包。staff 姐姐就建議我地唔好再叫薄餅驚食唔哂蜜糖燒肋骨肋骨燒到脆邊但係仍然juicy,蜜糖比例剛剛好，唔會過甜。豬肉生菜包因為本人唔係咁鍾意食到肥肉，所以好喜歡佢既肉碎偏瘦，小小辣，味道較得好好，食落好惹味連生菜都好新鮮每次食泰國野都先check 下有冇生蝦供應，因為係必食item好可惜，呢間既生蝦冇鮮味，又唔爽口，好失望。。馬拉盞炒通菜，個味係ok 嘅，不過d 菜老過老豆蹝哂～芒果糯米飯，用嘅芒果好靚，好香甜一D 都唔酸唔錯唔錯！

依間泰國餐廳算薄有名氣，每晚幫襯既人都會好多，特別係星期六日一定要等位。好少可叫個馬拉肉骨茶黎飲，估唔到個肉骨茶味道咁香濃，味道濃郁有層次，原來滯留係獨創秘方平衡香料與藥材，加醬青調味，肉質鬆軟肥厚又不油膩，幾好食肉獸嘅我叫左個蜜糖燒肋骨，放係枱上已經聞到香氣，入口啖啖肉冇肥膩感，蜜糖甜的燒汁，極之開胃個飯非常出色👍🏻越式燒春雞讓香茅黃飯，估唔到係全隻雞，雞燒得香口皮脆，雞肉仍然滑，連雞胸也不“鞋”，好入味，香茅黃飯非常東南亞，而香茅味道獨特，呢個飯一定要一食再食，最近喜愛之一

這裏的裝修挺漂亮，而且景觀開揚，令人用餐時的心情更好。我們點了不少菜，我最喜歡的是燒黃鱔，外皮微帶焦香，肉嫩味鮮；燒生蠔上的蒜泥讓肥美的生蠔更鮮甜。芒果沙拉、活蝦刺身、冬陰功湯粉都很地道，跟在泰國吃的一樣

今曰去尖沙咀海港城行街,行到攰攰地就諗住去附近坐低醫肚啦😃就揀左e間泰國野食!!我同男朋友兩個人食,連埋甜品叫左total4樣野 !!所有黎既菜式賣相一流，但味道卻強差人意😑😑首先講個泰式炒金邊粉先 完全唔入味!!其次係椒鹽軟穀蟹味道偏咸炸田雞賣相一流 但全碟都搵唔到肉食 得d骨仲要極少田雞俾你 最多就係蒜頭 薑 ...88蚊完全唔值lo😤😤😤😤😤成餐飯最好莫過於杯野飲:椰汁沙冰 大個又抵飲最後到個甜品 南瓜布甸 最令我期待的 但味道都係麻麻地 南瓜蒸得夠 但布甸味道偏甜而且唔夠滑 失望總括黎講食過一次就夠了 冇下次😑😑

這幾個月，工作很辛苦。於是相約朋友聚聚，美食、朋友，總可以令我放鬆心情。好友知我最愛泰菜，便book 了這家人氣泰菜店。餐廳果然極具人氣，甫到餐廳，人頭湧，雖已訂枱，但也稍等了一陣子，才能入座。雖然要等，但尚算值得，餐廳裝修雅緻，座位寬敞舒適，我們還被安排至窗邊位置，可看見維多利亞港，景致一流。先來冬蔭功海鮮金邊粉，酸酸辣辣，認真醒胃。再來泰國青芒果沙律，新鮮野味。我的最愛，泰式生蝦，爽滑清甜。馬沙拉咖喱微辣，配香脆蒜蓉包，頂級享受。泰珍珠椰菜苗炒香菇，爽脆清甜。不得不提燒黃鱔，外脆內嫰，油脂豐盈，正！燒生蠔也是另一種較有特色的菜式，大大隻，蠔味濃，可以一試！特飲：青檸梳打和芒果沙冰，邊吃邊喝，認真愜意。芒果糯米飯作最後點綴，為這晚餐畫上完美句號。這家餐廳為我們帶來了輕鬆愉快的一晚，very nice!

之前喺尖沙咀太子集團食過西餐，發現還有別的餐廳，例如有川菜泰菜火鍋，非常吸引，所以再次來訪選擇了泰國菜。入內裝修感覺時尚與泰國風情融合，非常舒適，平日晚上滿坐，我們等了一會才有位置享用晚餐，卡位有落地玻璃，望住街景食飯感覺非常良好，這天喉嚨不舒服需要飲大量熱水，店員在繁忙的情況下不厭其煩為我安排，感到十分不好意思，姐姐態度很好😊泰式生蝦（$98）生蝦入口確是爽口肥美，連同辣椒及蒜片一同享用，再沾上泰式酸辣醬，更錦上添花了。越式燒春雞讓香茅黃飯($168)原隻燒春雞賣相不失色，春雞皮脆肉滑，連雞胸也滑溜，雞味較濃不會太膩，清新簡單帶出雞的肉味，配菜同樣出色，酸酸甜甜十分開胃，沒想到把它全部吃光，香茅黃飯散發着香茅與椰漿香氣，好食得不得了。蒜蓉炒貴妃苗($82)價格不平宜，不過貴妃苗翠綠幼嫩，帶蒜蓉香味，而且份量十足。望住街景浪漫地享受了一頓豐富驚喜的晚餐。

突然好掛住泰國既美食，心血來潮之下，決定去食返餐泰國野先。放工經過商業大廈，裡面食肆林立。好快店員就安排了座位，座位都坐滿左9成，裝修好有泰國風味。食物種類繁多，諗左好耐都決定唔到。最後店員推薦了幾款食物。馬拉盞通菜：$72菜好嫩唔會老，好惹味，份量不算大。豬肉碎生菜包：$68依個肉碎不得了，勁好味，好夠味。不過都幾辣。好重既香料味。之前從來未食過依種味。值得推薦！泰式明爐魚烏頭：$188好大條，另有一碗湯俾你一路煮一路加，好細心。有好多配菜，酸酸辣辣甘，令人停不下來。

一出lift，好有泰國feel，午餐時間唔算多人，坐位坐得好舒服，不過午餐時段，有幾張卡位，會比太陽光照射到，有食客要轉枱，因為太晒！！怕曬嘅你就未必啱餐牌二人餐，四人餐 餐牌喇沙湯底濃，豆卜，蝦🦐，牙菜，非常配合有兩款醬，好味，雞尚算滑，湯清甜，飯夠香，飯唔油膩唔算太辣，好惹味，份量可能只夠女士食唔算太野味，好多汁，配料尚算多加＄28蒜蓉清炒菜苗，好清甜，唔肥膩！龍眼冰，紅豆冰，鹹檸檬七喜，青檸梳打午餐付送甜品一客

老實講，食物環境唔係差，但訂位時講明1個半鐘交枱，未食夠一個鐘就俾人趕走！收晒枱面d野，叫我地早d埋單。知道佢地好多人等枱，但講明1個半鐘，點解未夠一個鐘就俾人趕？無同佢地理論，但真心受氣，絕對無下次。想同朋友聚餐，絕對唔會考慮呢到。

同朋友行完尖咀睇野，想食啲粉麵頂肚，朋友帶我上左間樓上泰國餐廳。 餐廳裝修好有泰國feel，最搶眼係牆上掛住個大象頭雕像。由於我想食粉麵，即時睇下menu有乜選擇，竟然比我在泰國餐廳，搵到越式肥牛湯河，即時order ，另加左蒜蓉包同埋杯鹹檸梳打，可能個friend仲好掛住上個月泰國旅行時啲野食，佢order泰式特飲同甜品，椰青沙冰同埋椰汁木薯。食越式肥牛湯河，多數喺越南餐廳食，第一次喺泰國餐廳食，但令我好驚喜。 深啡色湯底味道清甜，牛味香濃，配料有薄荷葉、九層塔、炸蒜、香草、洋葱。 肥牛分量十足，幼細薄身嘅金邊粉，幼滑而有米香，分量幾大夠飽肚。我真係覺得幾好味！ 杯鹹檸檬梳打，鹹檸不太鹹，梳打水夠氣，我最怕無氣糖水，好多餐廳會用鹹檸檬茸，呢度用成隻泰國鹹檸檬，覺得好清爽，仲好飲過青檸梳打！個friend嘅椰青沙冰，將椰青水同椰奶，打成香滑嘅沙冰，再放番落個椰青入面， 賣相已經贏曬啦。軟綿綿嘅沙冰，同埋用匙羹刮出呢啲椰青肉一齊食，正到呢。奶黃色嘅木薯，本身有少少的甜味，淋上椰奶，即成泰國知名甜品椰汁木薯。作為甜品，份量算大，有成十幾塊，木薯口感黏軟鬆化，非常美味。但木薯芯纖維較粗要先除

前排行開尖沙咀突然間好想食泰國野, 諗起之前有食過一間幾好食, 但又吾記得咩名, 所以就用openrice揾下啦, 點知真係比我地揾得番咁今次我地就叫左個名爐烤魚, 店員知我地吾係好識nur骨, 佢就推介左我地食烏頭, 的確無介紹錯, 啖啖肉, 魚油好香好鮮味, 加上用泰國香料上湯沉煮, 淡淡的香茅加青檸味, 十分清新之後叫了一個蟹肉炒粉絲, 事實上有少許失望, 萬萬想不到蟹肉跟粉絲是分開的, 但幸好蟹肉是新鮮拆肉的, 炒粉絲本來也很惹味最後十分推介的是一綠豆沙冰, 味道十分濃郁, 好香綠豆味, 最岩就係食熱氣野

到了十一月底，又是跟朋友相聚的時候。今天來到這家餐廳吃泰國菜，看到門外等位者眾，便知道水準肯定不錯。這裡的裝修挺漂亮，而且景觀開揚，令人用餐時的心情更好。我們點了不少菜，我最喜歡的是燒黄鳝，外皮微带焦香，肉嫩味鲜；燒生蠔上的蒜茸讓肥美的生蠔更鮮甜。芒果沙律、活蝦刺身、冬蔭功湯粉都很地道，跟在泰國吃的一樣；馬沙拉咖喱雞味道濃厚，雞肉香滑，再蘸上蒜茸包一齊吃，真的適口充腸。吃過多道美道香濃的佳餚，我们再點個珍珠椰菜苗炒香菇一清味蕾，最後再吃個甜點，為今天的晚飯寫上完美的句號。

叫左個炒通菜，味道不過不失，但價錢較貴，以餐的環境和價錢應該有更高的水準。另一個炒金邊粉，令人有點失望，味道偏淡，用雞蛋絲包住火邊粉是特別的，但是味道卻一般般。生菜包就正正常常，份量都算多，亦不是一個特別考功夫的食物。冬蔭功湯就正正常常，但溫暖唔夠熱，味道都係偏淡，可能我鐘意食比較重味少少既食物。甜品芒果糯米飯令人非常驚喜，芒果味道鮮甜，糯米有白色和紫米兩款，食過番尋味呀！😚