新泰東南亞餐廳 (太子集團中心) (已結業)

平日難得放假專登出咗尖沙咀搵朋友食飯！因為好想食泰菜，所以朋友就揀左新泰！去到侍應即刻俾咗個卡位我地坐窗口位，可以望住街景食飯😍一打開個menu勁多野想食我地就揀左生蝦，青木瓜沙律，鮮蝦紙米卷同冬陰公炒飯！冬陰公炒飯(高度推介)！唔洗一陣就上菜，熱辣辣 ，入面啲茹切到細細粒 ，加埋啲香料炒，勁”野” 味，又唔辣，真係好好好食！之後黎咗青木瓜沙律賣相已經好吸引！啲木瓜好入味！啲汁酸酸甜甜又辣，超級開胃！我覺得呢個木瓜沙律好正宗，辣得好過癮！我同朋友都食到標哂眼水都要繼續食😂生蝦每一隻真係都好新鮮同彈牙，唔似啲解凍冰蝦。個汁都好ok再加埋啲生蒜片，錦上添花！鮮蝦紙米卷好足料！蔬菜嘅爽同彈牙嘅蝦包埋一齊食，口感正！再點好多嘅醬汁，啲醬汁索晒入米粉度，又係食唔停口！食泰國餐點可以唔叫泰式奶茶同埋泰式咖啡！杯泰式奶茶唔太甜，有淡淡地嘅茶味👌🏻杯咖啡唔會勁甜，係微甜，咖啡味都幾香！總括嚟講，新泰啲嘢食真係比得上九龍城泰國餐廳！

今日又同我個Thai-holic 嘅frd 一齊食泰菜nah😘~~ 呢一間係我特登揀嘅，因為之前係YouTube 到睇過一個YouTuber 介紹過，🤔評價亦都唔低，所以我就想試下了。😝呢間泰菜館有好幾間分店，要就大家嘅location嘅關係，我地今次就去左北京道呢一間。😗🥃上到去燈光比較暗，同朋友傾計都幾舒服，裝修方面就好有泰國風，木枱木椅。🏝⭐️泰式生蝦🦐生蝦好新鮮，🤤處理得好乾淨唔會有啲蝦腸留喺度👍🏼⭐️泰式蝦炒金邊粉呢個係我哋嘅至愛，吵得幾好乾濕度控制得好，分量多，😋唯獨是調味唔係好夠。⭐️麵包焗咖喱軟殼蟹🦀麵包焗得外脆內軟，咖喱唔錯，軟殼蟹數量都幾多。😍⭐️芒果沙冰都幾大杯⭐️椰青🏝好大個，好好飲。佢仲會俾個匙羹你刮啲椰果肉出嚟食。😋

同一班朋友聚會一定要搵間多大枱同可以坐得耐既餐廳。今次試下新泰見多人叫呢個炒金邊粉，於是試試。撈埋少少蛋食，味道唔錯。咸左少少，份量都ok。咖喱🍛有辣有唔辣，撈飯/點包食一流蠔仔煎蛋蛋唔會熟到硬，蠔較少。呢個拼盆可以試哂幾樣野，都幾好。粉絲夠味，唔會炒到斷哂。蟹都唔細隻不過味道偏咸。菠蘿炒飯，正正常。烏頭，幾好肉食泰菜少見呢種串燒。<整體，味道偏咸，價錢中等>

放工約左個朋友去尖沙咀食飯聚舊，呢d時間周圍老好多人，朋友話中、西、意、日餐廳平時都食到悶悶地，今次食下泰國菜！朋友之前食過「新泰」水準唔錯，而且價錢合理，即刻走去北京道太子集團8樓食新野😆環境裝修雅致，好有泰國feel，木枱同滕椅顏色好襯，令人舒適！今次由朋友發板，點左4款美食😋椒鹽軟殼蟹🦀（$78）、鹽焗烏頭🐟（$128）、泰式柚子沙律🥗（$98），同埋冬陰公海鮮金邊粉🍜（$75）！椒鹽軟殼蟹——大大隻軟殼蟹，入口一啲都唔油膩，煩得夠乾身又脆口，陣陣椒鹽味，簡直色香味美😋泰式柚子沙律——有四至五隻蝦，柚子酸酸甜甜，簡直食慾大增冬陰公金邊粉——用料豐富，滿滿嘅海鮮，而且冬陰公有點酸亦唔會太辣，食完碗金邊粉連個湯都可以飲埋😆鹽焗烏頭——揭開魚皮魚肉鮮嫩，食落鹹鹹地但又唔會搶咗魚味，配埋泰式醬汁帶點辣味更加好食兩個人加埋食咗三百幾蚊簡直抵到爛！絕對要介紹身邊朋友嚟食👍🏻

星期一食好啲，心思思想食泰菜但又唔想去九龍城，所以上網搵佐伊間新泰試下。一上到去見個場都幾大，坐得相當寬敞，亦都有人氣，只係燈光暗啲。今日兩個人，叫佐三個餸。豬肉生菜包，落單後唔駛十五分鐘就送到。生菜好新鮮爽脆，豬肉碎酸辣度適中，而家份量適中，推介。牛油果軟殼蟹卷，睇相可能無乜特別，其實舊卷好大舊，不過大部份都係菜，就算蘸埋汁都係好淡，唔啱我食。泰式金邊粉，一睇個樣以為好掂，點知有啲失望。成個菜都唔夠熱同鑊氣，食落去又唔夠調味。雖然上碟幾大份，但其實要九十幾蚊。餐廳最大特色係就腳同坐得舒服，但如果要食泰菜，都係九龍城最正。

第一次食呢間位於尖沙咀既東南亞新泰，一入門口已經有些人在等位，幸好我食7點3比較早都好快可以安排入坐。餐廳環境氣氛不錯很有格調，不說還以爲是在食西餐呢！香芒牛油果軟殼蟹卷份量比想像的多，軟殼蟹炸得香口鬆脆，配塔香芒同牛油果🥑口感清新，配上甜酸汁食非常開胃必點豬肉生菜包這間餐廳除了有豬肉生菜包外，還有鴨肉同雞肉生菜包的選擇。不過我還是點了我最喜歡最常食的豬肉生菜包，果然無令我失望！豬肉調味調得出色，不會過辣酸度也剛好，生菜新鮮爽口，真係好好食！泰色蝦球金邊粉賣相香味不錯，份量亦相當大，蝦球爽口彈牙，不過金邊粉味道略嫌淡了一點，如果可以再濃味d 味道就更豐富。特別的是這裡還有cocktail飲（無酒精的）我點了這個荔枝mojito，味道是荔枝疏打配上清香的薄荷葉🍸甜甜地好好飲簡單來說這裡的服務和餐廳環境也值得讚賞會再來的

好多人食泰菜都會選擇去九龍城, 覺得夠正宗朋友同小妹講原來唔洗去到九龍城都食到正宗泰菜仲要係係尖沙咀, 夠哂方便 間餐廳係北京道, 上到8 樓, 一開門就比佢既泰色擺設吸引仲有成間餐廳都係泰國人既待應好似去左泰國 睇餐牌有好多野食, 常見既泰菜都一定會搵到 最後小妹揀左以下幾樣:生菜包(豬) $ 68:  味道係偏辣, 仲好夠香, 加埋洋蔥莞茜, 份量比例幾好, 肉碎好juice , 生菜都爽口新鮮青咖哩雞 + 薄餅 ($78 + $30) : 青咖哩唔算辣,  上枱係熱騰騰, 咖哩既濃度岩岩好! 雞肉都嫩滑, 沾薄餅, 薄餅鬆脆 , 完美既配合 鹽焗烏頭$128: 小妹一向好怕係街食魚, 因為好怕腥, 今次呢碟鹽焗烏頭令小妹好滿意 條魚既肉質好嫩滑，魚入面釀左好多香料, 經過鹽焗再加上醬汁, 同條魚好夾, 酸酸甜甜 芒果糯米飯 $62: 最後小妹仲encore左碟芒果糯米飯 , 有黑糯米同白糯米, 芒果甜 , 滿足哂兩種口感  下次小妹會約多幾個朋友, 食多幾款"泰"正宗既泰菜!

突然掛住泰國的菜色，就相約朋友係尖沙咀食泰國菜，最後選擇咗呢間我們都未試過的新泰。一出lift 就見到好有泰國風格的裝潢，好似真係去左泰國咁😊店內都充滿泰國味😍😍😍由於我同朋友都食了下午茶，所以不太餓，打開餐牌就點了有推介的，咁岩我想食生菜包，平時的餐廳都係豬肉的，但呢度有魚肉，就一於試下啦，另外再點了日本南瓜焗海鮮飯。大概等了15分鐘，上菜了🤩原來魚肉生菜包係成條魚咁，非常有誠意，係切粒既魚爆左加醬料了一齊炒，酸酸甜甜，好開胃又唔熱氣，呢味菜我係其他餐廳未試過，我同朋友都停不了口，真係好好味，除左切粒外，食到最尾仲有d魚肉係可以自己起埋出來食埋去，我們太中意食，成條魚清唒。另一味菜係日本南瓜海鮮飯，呢個都好有驚喜，整個南瓜上，中間係好多南瓜，有多種不同的海鮮（魷魚，青口，蝦...)，個汁好好味，不會好濟，好足料。我們只點了两個菜，好足料，份量也頗大，好滿足的一晚下次會再約多d朋友，想試更多菜式，一定會再次光臨。

好耐冇食泰國菜，今晚去咗新泰食飯。餐廳位於亞太中心，裝修好有情調，係舒服嘅感覺。其中一塊牆有個大象頭，好有東南亞特色。餐牌有好多選擇，小食、沙律、BBQ、飯麵、肉類、海鮮、咖哩、甜品，真係乜都有，仲有好多廚師推介同埋最多人點嘅菜色，實在有太多菜色想揀😍👉🏼蒜茸越南牛油雞翼雖然個碟唔算大，但都有6-7隻雞翼，份量令人滿意。隻雞翼好入味，皮仲有少少脆，雞翼上面有好多蒜同埋蔥，好香好有越南嘅味道，非常惹味，好想食多碟😋😋😋👉🏼蜜糖燒肋骨燒肋骨雖然舊骨好大，冇乜肉食，但其實燒得幾好味。👉🏼日本南瓜焗海鮮飯呢個南瓜好大個，賣相超靚超吸引。上面擺滿海鮮，有蝦、尤魚等等，醬汁少少辣，但好惹味，係越食越想食嘅味道。食咗上面嘅海鮮，見到下面係滿滿嘅飯，呢個飯堅抵食又好食。食完啲飯，我仲食埋啲南瓜肉，好甜好好味😋👉🏼原個椰青大菜糕又到甜品時間，平時飲椰青飲得多，今日試吓呢個椰青大菜糕。個外表其實係椰青，但內裡係好似啫哩咁嘅椰青大菜糕。食落係清甜嘅椰青味，好似食啫哩咁，好得意。整體呢餐好食而且份量剛剛好，係令人滿意嘅一餐，一定會再食其他菜色！👍🏼👍🏼😋😋

放咗工約咗朋友去呢一間泰國餐廳食飯，原先諗住應該唔會好多人，所以冇特別book位，點知去到先發覺原來好多已經畀人book咗枱，等咗大約半個鐘先可以入座， 所以如果諗住去呢間餐廳食嘢嘅朋友，記得要去book枱喇。 首先講下我哋叫咗嘅菜先，叫咗一個馬拉盞通菜 ，一個南瓜海鮮焗飯 ，一個泰式拼盤 。基本上，兩個人可以食到好飽 ，感覺上個泰式拼盤都好足料每樣都有四件，兩個人食真係有d多得滯， 最鍾意佢個炸蝦餅炸得好彈牙同埋蝦香味好夠, 炒通菜就不過不失唔特別話好食, 值得推薦係個南瓜焗飯裏面好足料有好多海鮮。而且南瓜用咗日本南瓜香味好足, 南瓜好甜。南瓜肉再配海鮮上面有芝士汁，焗得剛剛好 口感一流。 係唯獨是飲品方面差咗少少，總體嚟講性價比一般。 環境方面嗰度太擠迫，如果想傾計嗰度太嘈。

由於早咗幾日訂枱，同埋我哋六點半就到。所以霸到窗口卡位坐，仲見到少少海景添。今晚我哋叫咗炸蝦餅，南瓜焗飯，馬拉盞通菜 同埋 生菜魚肉包。今次係有雙冠軍， 最好食既分別係炸蝦餅同埋生菜魚肉包。炸蝦餅好食因為炸得夠脆然後加咗啲泰式香料，所以咬落去特別有身處喺泰國嘅feel。特別要介紹既係生菜魚肉包，完全係我哋意料之外，同埋唔見有咩人有介紹過。魚肉係原條魚起咗肉，切一粒粒再拎去炸，最後撈埋啲好似大樹菠蘿定係薑嘅物體同埋酸酸甜甜嘅汁，再上碟連生菜一齊食。爽脆既生菜配香口既魚同埋嗰汁，出奇地夾。我地異口同聲話第一次見咁既煮法，超好味。南瓜焗飯同馬拉盞通菜就不過不失啦 冇太大嘅驚喜 ，都係好食嘅。個人認為，南瓜焗飯落得太多cream，所以啲飯好濕，無咩咬口。 個南瓜盅入面 仲有好多南瓜肉 可以食， 千祈唔好浪費要食埋佢呀

環境尚算舒適，有卡位或圓檯。整體食物味道只是一般。椰青雖然大，但是不夠清甜。無骨鳳爪沙律既洋蔥絲超辣，鳳爪不多。生蝦刺身大大隻，份量較少，味道不過不失。大冬蔭功湯可分5-7小碗，偏辣，味道不錯，可惜大蝦不夠新鮮，肉質有d霉炒金邊粉既粉很靭，要咀嚼好耐咸魚炒芥蘭既咸魚味不夠濃，芥蘭尚算爽脆新鮮。燒豬頸肉同串燒最好味青檸爐魚酸酸地好開胃。甜品拼盤咩都有d，最好食都係椰汁黑白糯米配芒果，暖暖地既熱度岩岩好，芒果件亦甜甜的。

1.泰式生蝦，蝦肉鮮爽😋😋😋，推介👍🏼2.麵包焗咖喱軟殼蟹，麵包軟身，伴咖喱軟殼蟹吃，好味😋😋😋，推介👍🏼3.炸蝦餅😋😋，算彈牙，但有點油，如炸得乾身一點更好4.燒春雞釀香茅黃薑飯，雞內藏有黃薑飯，飯連雞肉連沙律齊吃😋😋，挺好的5.南瓜布甸😋😋，瓜甜布甸滑6.蒜蓉越南牛油雞翼，外皮不脆，且弄得油膩，失望😟餐廳地方不大，常許多人光顧，故需預早訂位很多時分兩個時段用餐，晚上6點或8點，假日更是；就算預訂時間到達，也可能需要等候入座

我又食泰國菜啦😂😂😂隔一段時間就想食個青咖喱，今次去咗新泰食，好耐之前已經嚟過一次今次食青咖喱雞配薄餅，以前成日覺得咖哩一定要撈飯先好食，今次第一次試吓薄餅！係肥d，不過確實係惹味好多！呢度嘅青咖喱都幾辣，如果唔識得辣，記得要先點小辣！入邊有無花果，幾特別！平時唔會食無花果，但其實咖喱味都蓋過左佢嘅味道。今次仲叫咗一條鹽焗魚，魚肉好滑但冇乜味，要靠佢嘅酸辣汁。甜品叫咗南瓜布甸，平時都好鍾意食南瓜，但布甸真係第一次食，甜度適中，幾好味！

星期六同女朋友係尖沙咀睇完戲後晚上6點幾，係時候要搵下野食，之前行街經過見到有間裝修不錯既餐廳，當時想試但又冇試到，所以今次就決定食呢間！一入到去，門面已經好靚，裝飾好似泰國既一樣，員店指引我地落落一層，先發現地方好大下，坐得好舒服。由於我地6點幾去到，客人也不是很多，所以我地都可以選坐卡位。先黎支泰啤飲下，另附上一杯凍既酒杯，好體貼。叫左碟生蝦，好新鮮！夠彈牙！不過蝦上既醬料另上會更好。而個泰式煎蠔餅十分好吃，好足料，食落去好鬆口，也唔會感到過老，蠔仔也好新鮮，配埋附上既辣醬，令味道更加突出，如果配埋盤底既芽菜會令口感更豐富。最後係炒金邊粉，麵質彈牙，完全唔會過軟，味道調得剛好，如果加上檸檬汁會更開胃，當中既蝦都好味，夠彈新鮮。