新泰東南亞餐廳 (太子集團中心) (已結業)

閒來無事，同女朋友黎到尖沙咀搵食。在北京道發現有間樓上泰國菜，就上去睇睇。估唔到個招牌就老派D，但內部裝潢顯具心思，燈光調控適度，氣氛唔錯。見到餐牌上既示範圖，我地兩個人不自覺咁點左多款菜色。雖然都好飽，但絕無失望。首先上黎既係椰青沙冰，就係將椰青水拎出黎整完沙冰再番落去。平時較少見到用椰青盛既沙冰，只係個樣已經好誘人。飲落椰青味十足，同沙冰非常夾，連平時唔太飲椰青既女朋友都飲左好多。軟殻蟹米紙卷，軟殻蟹肉多皮脆，無偷工減料。最重要係個米紙卷個皮夠乾身，又煙韌又好嚼口。個串燒又係平時食既好食好多。肉多厚實而嫩，炭燒味適中，沙嗲醬香濃味美。依個炒椰菜仔又係好出色，又入味又爽口。但炒菜黎講，依到既菜都好貴。炒金邊粉佢都炒到好靚，又夠乾身，蝦夠大隻。冬蔭功係好飲既，但唔算太特別。整體黎講，依間泰國菜館食物質素高，款式亦多。但價錢絕對唔平，每碟亦唔算好大碟，抵唔抵食就見人見智。

星期日同朋友行完街即興諗住一齊食飯所以冇訂位襯時間早6點幾就黎呢到睇下有冇位第一次食 環境唔算好大裝修都唔太特別食物種類就好多先叫左生蝦用左保鮮紙包住左個碟蝦就放上面 連醬料都係唔知衛唔衛生香芒牛油果軟殼蟹卷芒果幾甜 入面好多配料馬拉盞通菜大冬陰公湯呢個唔太辣 酸酸地 有幾隻大蝦青咖哩雞 呢個普通 冇咩咖哩味雞唔夠滑 賣相都唔吸引蜜糖燒肋骨幾重蜜糖味 既然係肋骨肉就當然少啲整體來說就比較普通 未必再來了

今日同男朋友係尖沙咀行完街 大家都突然好想食泰國菜 平時食泰國菜都係去九龍城食 唔係好熟依頭既我地就上網搵 發現左依間泰式餐廳睇相望落好似幾唔錯咁 好多人推介 於是就黎左試一試餐廳裝修充滿泰式風情 環境衛生晚飯時段黎到已經坐滿晒人 相當受歡迎餐點選擇非常多 樣樣都想試 哈哈最後揀左三樣 兩個人叫太多會食唔晒泰式明爐烏頭係每次去泰式餐廳都會想點既明爐魚呀湯底酸酸辣辣 等湯底淆夠兜d湯汁配魚肉一啖食 特別好味道 仲配有我最鍾意既泰式辣汁呀 正辣椒膏炒花蛤花蛤新鮮 足料大大兜配以紅椒、青椒同洋蔥等炒得好香 陣陣香辣食完一隻又一隻 唔覺唔覺就食晒參岩炒羊角豆羊角豆即係秋葵 第一次係泰式餐廳食秋葵好鍾意羊角豆隻口感 而且仲好健康加上蒜蓉、紅椒同洋蔥炒過既秋葵好香 好味道

以往吃泰國菜多數都在九龍城或是旺角等等的地方，這些地區的泰國餐廳比較集中，數量也較多。由於很久沒有吃泰國菜 ，所以突然間很想吃，不過對於尖沙咀的泰國餐廳並不太熟悉，不知道哪一間的味道比較正宗和好吃，詢問朋友的意見後她向我介紹了這間位於樓上的泰國餐廳。餐廳的空間很大，座位設置和分布十分闊落，令人感到很舒適，而環境也較寧靜，是個適合聊天和用餐的好地方。🍤《泰式炸蝦餅》$78蝦餅炸得十分香脆可口，口感彈牙😋也能吃出濃濃的蝦味，不錯👍🏻值得一讚的是蝦餅份量很多，而且很大塊，性價比很高🙂👍🏻🍢《串燒》$88選了豬、牛、雞各兩串，燒得十分惹味，能夠嚐到炭燒的味道😋個人認為這點並不是很多泰國餐廳能做到的。另外，三款肉類肉質夠淋易咬，也不會乾和孩，沙嗲醬亦不會太過濃味而蓋過了肉味🧡🐣《冬陰公雞煲》$168冬陰公味道香濃，很正宗，而且辣度剛好，怕辣的人也能吃☺️喝完湯後並沒有口乾、口渴的感覺，應該沒有加味噌👍🏻雞件的份量很多，雞肉也頗嫩滑，不過略嫌有點淡。建議盡快吃完雞肉，因為持續的烹煮令雞肉變老，變得孩口。🦐《泰式蝦炒金邊粉》$98金邊粉的外型設計十分美麗，能看出廚師的用心😍👍🏻蝦肉很大塊，吃下去爽口彈

尖沙咀太子集團中心多了很多新餐廳選擇新泰東南亞餐廳就係其中一間唔錯又抵食既泰菜餐廳裝潢企理，環境有格調，坐到沙發架位，感覺舒適餐牌選擇多樣化，由小食、燒烤、海鮮、飯麵、沙律等等------------------------------泰式明爐魚(烏頭)$188用上帶少少酸甜的湯去用明爐蒸烏頭魚魚帶鮮甜又多肉，只是小心多骨，但好食青咖哩雞($78)青咖哩椰味香濃，帶少許辣用來醮蒜蓉包食一流肉碎生菜包豬($68)用上很新鮮生菜，肉碎料比較辣包起來很新鮮又惹味，不過偏辣泰式菠蘿炒飯($108)用上新鮮的菠蘿炒這個飯菠蘿很鮮甜，加上肉鬆，口感很好

今日想食泰國菜回味下去旅行的味道， 行過尖沙咀就選擇了新泰呢間餐廳。一踏入餐廳就感受到濃厚既泰國風味，全餐廳都係以木為主調，另外等位的位置放了一些泰國特色的裝飾品， 有象、 有燈籠等等， 如果要等位都可以睇下d裝飾品打發下時間。店員都係泰國人， 態度親切，而且上菜速度十分快。今日，我地2個人食，叫左3餸一飯一甜品，食完飽到上心口。 我地分別叫左炭燒豬頸肉、馬拉盞通菜、牛油雞翼、 南瓜焗海鮮飯同食泰國菜一定唔小得既芒果糯米飯。 豬頸肉肉質不錯，而且都幾大碟，有炭燒的香味，醬汁一唔會太濃味蓋過炭燒嘅香味。牛油雞翼，十分香牛油味，而且件數都合理，有6 件，配料都好香。 馬拉盞通菜相對起上嚟冇乜特別，最後呢一定要講下南瓜焗海鮮飯，呢個南瓜焗海鮮飯用原個南瓜殼去焗的，十分之香，而且好美觀，口感好好十分creamy，真係色香味俱全。 食完成餐飯梗係要食個芒果糯米飯㗎啦，佢個芒果糯米飯呢係熱嘅，plating 好靚，佢將個糯米飯返成一個心形🧡，椰漿味濃郁，一個甜品都夠兩個人食。整體來講，呢間泰國菜都算幾有泰國味道。

食物：食物種類幾多，有飯麵、燒烤、海鮮、肉類、咖哩等，但個餐牌好helpful,會寫低廚師推介同往年最多人喊既頭三項菜式，令有選擇困難既我都好易點菜。叫左三樣野食，三樣菜式賣相都好靚，份量又適中。青咖哩羊架 $108係廚師推介既菜式，果然無令人失望 XD 呢個羊架真心好食， 青咖哩好惹味得黎又吾會蓋左個羊肉，羊肉煮得岩岩好，鐘意食羊肉既人一定要叫。😋日本南瓜焗海鮮飯 $108都係廚師推介既菜式，尋晚食飯都見到幾多人叫左。呢個南瓜海鮮飯真係幾有有特色，尤其係個汁，有芝士有蕃茄香同少少辣，食落有口感又好食。個飯都幾足料，食到好多海鮮同南瓜粒，再黎應該都會encore!😍😍泰珍珠椰菜苗粉香菇 $82個菜炒得好青綠但又吾會太油膩，但食得比較清淡既我就略嫌炒少少咸，但我朋友就話岩岩好，所以真係取決大家的口味。環境：環境真係好好， 佈置得好有泰國餐廳氣息，燈光又夠氣氛，座位坐得舒適。服務：服務都要讚一讚，上菜迅速不得此，仲會好細心留意洗吾洗加水，好貼心呀！👍🏻😄地理位置：好近尖沙咀或者尖東地鐵站，都係行大概5分鐘就到，都幾方便。但間餐廳係一間大廈8樓，上落要等lift,大家要預鬆d時間。

自從朋友生日慶祝 好耐無黎食過地點好方便 超近地鐵站 強烈建議一定要預早訂桌 地方唔算大 桌唔算多 唔會太逼 燈光比較暗 幾有情調7點30後開始好多人等位 唔想等又想食要booking餐牌好多選擇 基本上都有齊泰國菜式 今次2個人食叫左 冬陰功炒飯 有得簡辣度 叫左小辣 好岩我呢d唔食得辣又想食既煩人炒飯好開胃 有冬陰功個種酸酸地 加 微辣感 每一啖都令人越食越想食既感覺份量都好夠2個人share仲叫左2個小食 泰式炸魚餅同蛹蝦炸魚餅一碟有六大件 兩個人食勁飽 炸得黎岩岩好又唔會太油同太老 加埋泰式辣醬一流另外個背蝦有別於平時食開既蛹蝦 好大舊好鬆化 一碟有五大舊 唔錯!野似叫左杯芒果沙冰 係用新鮮芒果整 好鮮甜 唔會好假其實兩個人食以上既野已經好足夠 飽到連甜品都食唔落了同一大班人黎食會試到更多既野 兩個人太少QUOTA了

我個人好少食泰菜，了解不多，今次有朋友約我食下新野，我梗係跟上去，等佢發板介紹D正野俾我。呢間餐廳係尖沙咀，位置就腳，隔離就有個大商場可以行街，食飽飯之後即刻有娛樂~我地一行4人，叫左個小食拼盤、燒黃鱔、馬拉盞通菜、雞牛豬串燒、蒜茸雞翼同菠蘿炒飯，我叫左杯芒果沙冰，有個朋友叫左個椰青。芒果沙冰嘅芒果味好濃，但唔人工，沙冰好滑，啜一啖凍冰冰嘅沙冰，望一眼尖沙咀街景，覺得心情舒暢。椰青水好清甜，椰肉好軟好甜，粒椰青個口開得好靚又夠大，我同朋友係咁刮D椰肉食。呢個小食拼盤好澎湃，大大碟，有春卷、蝦餅、肉碎生菜包、魚餅，咩都有得試下，我最鍾意個春卷，夠香脆，個2種醬汁都好正，紅色係正常好味嘅泰式酸辣醬，黃色係帶有檸檬柚子香酸酸甜甜嘅醬，兩款都好味、襯到D小食。肉碎生菜包嘅肉碎香辣惹味，都唔錯。燒黃鱔係成餐飯入面最正嘅一味菜，唔好睇佢其貌不揚，但其實燒得好好，邊邊嘅魚皮有小小焦脆，內裡嘅魚肉香軟，面嘅魚皮柔軔，配合附在魚上甜甜嘅醬汁，我地食完係想encore!蒜茸雞翼不過不失，有滿滿嘅蒜茸，連埋乾蔥蒜同洋蔥好香口，雞翼都入味。雞牛豬串燒入面我最鍾意豬肉串燒，微甜嘅調味，有彈性唔鞋口嘅肉片又有D厚

之前去親尖沙咀都係食海港城果間泰國菜, 不過價錢就偏貴, 今次搵到呢間係IAQUARE附近既泰菜, 估唔到幾有驚喜! 首先個地點已經好冷門, 但係上到去又好多客喎, 見到咁多人食姐係有保證啦!餐廳既店員似乎都係泰國人, 態度好好, 加水速度好快, 收碟都好快手! 裝修都幾有泰國FEEL, 仲有隻大笨象HAHA!! 今次一行二人叫左唔係好多野, 不過都食到飽飽!食泰國野都鐘意叫個炒河, 而濕同乾炒河我就比較喜歡後者, 因為濕炒真係好多汁, 油淋淋咁! 呢個乾炒河係用上泰式河粉, 一片片果隻, 口感彈牙, 而且唔太油, 特別係d牛肉! 大件得黎仲1d都唔un!另外叫左蜜味豬肋骨, 1碟都有6大件, 每件都燒到好香脆, 同平時既ribs唔同, 佢係帶有香矛味, 配合埋蜜糖真係好好食!想食個菜, 天氣凍就廢是食沙律啦. 餐廳仲有好多熱炒既選擇, 呢個咸魚炒芥蘭都幾惹味, 咸魚同我地中式既有d唔同, 無咁咸, 芥蘭炒得岩岩好!最後就食唔落甜品啦, 不過就叫左個椰青, 好甜呀!!平時就好怕食完泰菜之後口乾勁耐. 不過呢間既食物味道做得好好, 唔會太咸, 食完都唔太口乾

同朋友聚會既一餐飯。一早揀左試依間泰式餐廳，不過冇book位，去到餐廳好多人，所以要令飛排隊，等左大約二十分鐘入得。椰汁冰。原本以為係一隻杯一杯裝既普通沙冰，送到既時候眼前一亮，估唔到佢係成個椰青咁裝住黎，好香的椰汁味，細碎既冰沙，裝係椰青入面咁飲好特別蝦餅好味，好大件同比想像中份量多，炸既程度剛好，口感唔會好乾擺盤好靚既泰式炒金邊粉，整體而言，都好大碟（對兩個人而言），味道平穩，唔算好驚喜（典型的泰式金邊粉味魷魚唔會韌，咬落口感好好，但最大敗筆係佢個汁⋯⋯莞茜味既汁，搞到成舊都係莞茜味，鍾意莞茜既人先接受到，唔鍾意既真是😢😢⋯⋯

泰抵食@新泰東南亞餐廳 尖沙咀北京道12A號太子集團中心8樓 要同朋友仔慶祝33歲生日，33不盡66無窮，因為想食串燒satay, 搵間近友人工作點的泰國餐廳,簡單食完再轉場食甜品切下蛋糕點品。$88 6串是抵食價，有牛豬雞，每款是2串。除開一串才十來元，街邊串燒都要呢間價啦！啖啖肉好嚼勁，好味呀。$78 鴨肉生菜包，鴨肉比較特別小有呀，粒粒肉碎包在爽口生菜上，一大口塞入，好香呀！$72 炒雜菜一定要點，菜肉均衡，雜菜吸收纖維，就會對腸道好啦。菜式選擇豐富又多，宜好抵食，怪不得在尖沙咀已經有3間啦。

近排去左旅行食左好多西餐，一番到黎就想食東南亞菜。朋友想行下SOGO THANKFUL WEEK，咁一於放工就去尖沙咀食泰國野啦！之前同同事食過呢間，所以都帶埋朋友黎食，貪佢地點方便，約人食飯易好多餐廳係響大廈入面既8樓，一打開LIFT門就好有泰式風情門口放左泰妹木像等等而我就好鐘意呢種波波燈，好有格調我地2個人叫左4樣野，包括有蒜蓉炒貴妃苗、泰式明爐烏頭、泰式乾炒雞肉河同燒西冷牛扒另外仲叫左一杯餐牌推介既綠豆沙冰share，好正呀，綠豆味好濃，鐘意綠豆既朋友唔可以錯過！蒜蓉炒貴妃苗本身我地都唔知係咩菜黎，好彩menu有圖，見到好似好好味就叫左黎試下個菜好新鮮好嫰，清清地用蒜蓉炒就唔會蓋過左本身既fresh，而且唔會好油! 身邊朋友都like!泰式乾炒河（雞肉）我幾鐘意呢到既野食做得好好，唔會好似出面既泰菜咁重口味幾適合口味清淡既朋友或者女孩子呢蝶河粉既配料除左雞肉仲有甘荀、芥蘭等等，份量都唔少而且食到尾尾都好熱，好夠鑊氣！泰式燒西冷牛扒最鐘意佢自家製既醬汁，酸酸辣辣咁令到份肉無咁漏另外碟上仲有醃羅白，都可以中和番肉類既肥膩感重頭戲泰式明爐魚到喇！我同朋友都超鐘意食明爐魚，去到邊都要試

2018.11.15（星期四）放工約埋朋友食泰國野～吹下水！上次食過加拿芬道間新泰，環境舒適，食物好吃！於是今次encore北京道呢間分店！雖然呢間樓上舖無加拿芬道個間咁大～但依然係好旺場，好多人排隊～先叫左客蒜蓉牛油雞翼$68，蒜香味極濃，整得整為香脆！食到尾連一粒蒜粒都不想錯過前菜叫左客泰式拼盤 $198～ 魚餅，蝦餅同春卷炸得好夠脆！魚餅同蝦餅整得好彈滑！好正！肉碎生菜包都整得好惹味，又夠fresh, 辣辣地都夠過隱馬拉盞通菜$72係每次必點的菜，因為真係好惹味，炒得好翠嫩例牌都要來客串燒$88先似食泰國野！牛豬雞各點兩串！全部燒得好惹味，但一致認為豬串最好食！個醬汁都係出色的！朋友推薦呢碟燒黃鱔$118真係食完一試難忘。燒得好香好入味，一碟有四大串。下次來一定要再encore!泰式菠蘿炒飯$108，炒得好香，足料好味！飲品點左椰青，夠清甜，可以解膩！朋友們點的芒果沙冰都好正，好香芒果味，質地好幼滑！次次一唸起食泰菜都會想起新泰！因為食物質素環境真的好！

話說有其中一個朋友食過另一間新泰，今次聚舊佢都係強烈推薦叫大家食一次，所以帶左我地去北京道呢間佢未去過。由於我地都係一般食辣比較廢嘅程度，今次都係集中叫大路野而且唔太辣嘅食物。首先上碟嘅係大拼盤，有新鮮香炸嘅蝦餅魚餅春卷同肉碎生菜包，好快肉餅都俾人掃晒，係肉碎比較辣得我食到多少少，其實呢隻辣我又覺得正宗泰國餐都係去到呢個程度。連同拼盤仲有蒜香牛油雞翼都非常唔錯。另外菠蘿炒飯同串燒都我想像之中。重點黎啦！就係我朋友話必食要叫個燒黃鱔，開頭諗黃鱔有咁好食架咩？咁我地都係原有份量之外加左order。一上檯，一串串黃鱔近在眼前，食落口果種感覺好似衝出宇宙好似薛家燕食神咁！！呢個感覺對上一次已經係講緊第一次食拖羅和牛果種開竅感覺！我要同大家推薦要吹奏呢個係必必必食！飲野方面個椰青都幾新鮮而且上得好快，正好消除左食熱氣野果種油脂感，幾fresh.總括黎講價位唔算貴，個份量相對好充足。如果2-3個人食會叫唔到太多好快會飽，4-5人就岩岩好叫到5-6味又唔會太飽。最後離開左間餐廳我都係對個燒黃鱔一直念念不忘。。。