新泰東南亞餐廳 (太子集團中心) (已結業)

雖然疫情未完全退去，但好難得可以同朋友兩人一齊聚餐！餐廳環境很不錯，燈光暗暗地，放工後去食飯覺得好relax，waiters都算好友善熱情❤️貴妃苗煮得啱啱好，幾新鮮👍🏼咖哩麵包蟹第一次食，其實覺得個Combination幾奇怪，不過見餐廳推介就試一試，果然有驚喜！估唔到咖哩+軟殼蟹+麵包又幾夾，最後兩個女仔差不多KO晒全份！最後係明爐蒜蓉鱸魚，魚幾新鮮，蒜蓉同汁嘅調味啱啱好，加埋辣椒好野味👍🏼整體非常滿意，下次可以多D人聚餐一定要再去，試唔同嘢食。

今日好想食泰國嘢，所以就同兩個朋友去咗尖沙咀食一間都幾出名嘅泰國菜。有個朋友未到，所以我哋就叫咗個菜食住先。呢個馬拉盞通菜佢煮得勁惹味，完全唔鹹，而且炒得好香。呢個越式蟹肉炒粉絲嘅蟹肉都幾多，粉絲都好爽口嘅，而且佢有好多蔬菜拌住一齊食，我就係鍾意佢清清地而且有d鮮味，唔錯唔錯。個牛油雞翼啲雞翼勁大隻，佢都炸得好爽口好脆，不過牛油味可以再重d。呢個蔓越莓汁好有summer情調，佢加埋把遮差d以為自己去左夏威夷。呢個麵包焗咖喱軟殼蟹個咖喱汁好重椰味而且唔算太辣，岩曬我呢d唔係好食得辣嘅人。啲軟殼蟹都幾多而且幾大隻，配個麵包同咖喱汁真係一流。佢呢個奶油大蝦椰子味都幾重，而且啲蝦都幾大隻蝦肉好實好彈牙證明佢幾新鮮。我哋最後叫咗個芒果糯米飯做甜品，佢啲芒果勁甜勁新鮮，d黑糯米煮得好軟熟，啲椰漿同芒果撈埋啲飯食真係好夾好幸福！

青咖喱豬肉:青咖喱很香，香葉味非常濃郁，辣中帶一點甜，就算不吃得辣也不會覺得很辣，豬肉軟熟，蔬菜有南瓜和泰式茄子，非常新鮮，爽甜好吃。蒜蓉包:蒜蓉包是後加的，因為青咖喱太好吃，所以加了蒜蓉包想用來點咖喱，但蒜蓉包也是一個重點的好吃，蒜蓉包很脆，但一點也不硬，有但很香蒜蓉味。意想不到地，蒜蓉配青咖喱都很好吃，味道更加香濃豐富。印度薄餅:薄餅是用來點咖喱的，薄餅很香很軟，很容易咬開，咬上來也感到軟綿綿炸蝦餅:外皮很脆，但肉質很軟熟彈牙，配了這個泰式辣醬很野味。叻沙蝦米線喇湯很香甜，有蝦頭的鮮甜味，椰子味亦很香而且量剛剛好不會搶蝦味，帶一點辣，湯底會令你很想喝完整碗。蝦的肉飽滿，又很鮮甜爽口。米線彈牙幼身，不會吸湯變軟，品質很好。

已經有一陣子沒有食泰菜，所以今晚嚟左呢間泰式餐廳食晚飯，呢度位置都幾方便，尖沙咀地鐵站🚇行過嚟北京道都好快趣就到。餐廳面積唔算係好大，不過就用左好多木製傢俬做裝飾，好有泰國氣氛。坐低之後叫左個鐵板蠔仔🦪炒蛋($98)同埋酥炸香茅魚配青芒果沙律🥗($168)。蠔仔🦪炒蛋熱辣辣上枱，見到有好多漲卜卜嘅蠔仔，都幾吸睛，同埋好在佢用鐵板上，咁我可以慢慢食都唔怕個菜凍晒。香茅炸魚成條魚起肉炸，啲魚肉又多又粗，好似係薯條咁嘅樣，好攪笑，侍應上菜時教我要將啲炸好嘅香茅絲連埋炸魚肉放落沙律🥗度一齊食就會好好食，開頭我都冇理佢，炸魚肉連炸香茅就咁放入口食，冇乜味道，原來佢哋特別冇放調味料喺魚度，原汁原味呀！

（1）奶油大蝦🍤 168原本想重尋在沙巴食奶油蝦的感覺🐵 但在香港暫時都未搵到。新泰嘅奶油蝦微信有好濃烈嘅奶油味道，但醬汁非常出色。我以後係食完再撈飯嘅級數。（2）蒜蓉越南牛油雞翼如果你期望會喺肯德基牛油炸雞嘅味道，咁應該會有啲失望。外表好香脆，蒜蓉嘅味道都足夠，但是就沒有牛油味～（3）炸軟殼蟹麵包🥯如果叫咗呢道菜、大概都唔需要特別食其他碳水化合物嘅嘢食。一大個農夫包，夠三個人食飽。咖喱中椰汁味10分香濃，惹味可口😍 記得要搜尋清楚，打撈沉咗底嘅蟹腳蟹肉！（4）越式蟹肉炒粉絲 98比起想像中，粉絲更加容易咬開、爽口，不算黐牙。配料10分足夠，蟹肉雖然似係罐頭開出嚟🙃 但係最緊要足料😍 三色嘅份量多，夠晒纖維（5）芒果糯米飯 68輕輕一提，其實已經冇晒雪糕版本嘅糯米飯🥺 芒果糯米飯暖笠笠，翻開之後裏面將會冒出水蒸氣😍 夠哂溫度。芒果唔酸、夠甜！（6）香芒軟殼蟹米紙卷 88算係好咁多間食過嘅泰國餐廳之中，值一得推薦嘅級數。米紙卷真係好薄之餘，吾散，吾黐牙或太「un」最尾爭住食嘅餸（7）蔓越苺汁味道有少少似利賓納，但有更加香嘅苺味。非常之精緻，分量不大唔多，200ml左右。

今日出開尖沙咀I square, 喺附近搵吓有咩好食先，最好不過梗係上OpenRice睇吓先。呢間泰國菜好多野食，而且價錢合理。好彩嚟得早可以順利入座，當時餐廳都有七八成坐滿。餐廳佈置裝飾好有泰國東南亞嘅色彩，依家冇得去旅行，今餐當自己喺當地食㗎啦。蒜蓉炒貴妃苗 $75賣相同餐牌一模一樣，食材新鮮簡簡單單調味已經好出色麵包焗咖喱軟殼蟹$208賣相好吸睛，麵包入邊裝滿左好香濃、多種香料製成嘅咖喱，味道好有層次，麵包索曬咖喱嘅味道，好惹味。裏面放咗好多件軟殻蟹，脆卜卜好正。青檸蒸鱸魚$168上枱嗰陣條魚熱辣辣，鱸魚蒸到啱啱好，肉質嫩滑，泰式蒸煮味道清新健康又惹味。今餐食得好開心，食到地道嘅風味，食材優質、價格合理，一定會再返黎。

早就吃過了新泰的尖沙咀加拿分道分店，感覺不錯，正宗泰菜和裝潢甚有泰國風情，所以今天再來北京到這家分店呢！不出所料，我最喜歡是店內的上牆巨型大象裝飾❤️越式蟹肉炒粉絲材料豐富，有鮮味蟹肉、香芹、蘿蔔絲和扎肉等！必點，很有口感又健康，而且份量多，性價比很高！醃無骨鳳爪沙律這沙律配上香檸、蕃茄和其他泰式香料，很是惹味！鳳爪很入味，還要是無骨，吃下時很爽！燒原隻魷魚老公特別要求的！上次在分店吃過，覺得師傅燒得很香口，今次師傅的水準一樣維持👍🏼👍🏼魷魚煙煙銀銀，配上醬汁，正！下次會再點：）芒果糯米飯同我在泰國吃的很似呢！芒果甜甜的，配上大量椰汁，加上糯米飯配上黃豆粒粒，軟綿綿，而且還配有紫糯米飯，雙重享受！

難得和朋友見面，當然要選擇一間坐得舒服、食物又好味的餐廳吧！試過新泰後，仍然印象深刻，食物質素不錯！所以今次便再來越式蝦米紙卷這道米紙卷擺盤非常有氣勢！打卡必點！蝦的擺放，可見很足料，米紙煙煙銀銀，配上青瓜絲和粉絲等等，再沾上醬料，非常清新又健康：）蒜蓉炒貴妃苗我很喜歡這道菜，因為貴妃苗新鮮爽脆，份量很多，炒起來不會感覺熱氣，配上蒜蓉香氣，確實值得一點！越式蟹肉炒粉絲這粉絲非常健康！蟹肉和扎肉原來也很搭配，配上香芹和蘿蔔絲後，增加口感之餘，令菜式也豐富了😽❤️千層糕千層糕軟軟糯糯，一層椰汁糕配上一層班蘭糕，我喜歡班蘭的香氣，加上糕點軟綿綿，美味喔❤️

好耐冇約朋友食飯，今日趁同朋友咁岩都係尖沙咀，就黎太子集團中心搵飯食!朋友話想食泰菜，帶左我黎呢間試下，一上到去見門面已經好有泰國FEEL，入到去燈光微黃，環境幾舒服，因疫情稍為緩和，今日見差唔多坐無虛席，超誇張!打開MENU睇睇，好似每樣野都好正咁，但同朋友得兩個人，少少地叫左3樣野試下。香芒腰果炒雞丁香芒、腰果、雞丁都係我鍾意既食物，所以一見呢個組合就即刻要叫，黎到第一個感覺係覺得比想像中賣相更靚，雞丁唔係切到一粒粒，都幾大舊，應該叫雞件先岩~份量絕不欺場!成碟都好惹味，雞件可能係先炸後炒，所以外面都幾脆，入面亦唔乾。腰果好食到停唔到口，正!泰式蝦炒金邊粉對比下泰式蝦炒金邊粉既味道雖然冇咁驚喜，但賣相都好靚仔!金邊粉上面鋪上一層網狀蛋皮，又好睇又好食，放一旁既花生碎同金邊粉撈埋一齊食又好味又有咬口，見差唔多每檯都會叫黎食!芒果糯米飯另一款每檯都會叫既甜品，食得泰菜都必點既芒果糯米飯。本身見MENU有雪糕芒果糯米飯揀，但今晚冇雪糕，只好退而求其次叫芒果糯米飯。好彩都冇失望，糯米飯係黑白兩色，黑糯米味道較淡但比較硬身，白糯米較黏，椰漿更能掛係上面因此較甜，兩者告有告好食之處。而芒果唔好

燒牛肉沙律燒牛肉量多而且大大塊，食落牛肉味濃又唔會韌，配合埋其他生菜，夾埋一齊食好滋味同埋令胃口大增!咖哩軟殼蟹農夫包呢個真係好有份量同埋勁香。農夫包有5-6塊烘到脆哂既可以直接dip嚟食，咖哩味濃同埋都有蛋香，食落好有風味。軟殼蟹亦都炸到好脆同埋完全冇雪味，爽口再加上咖哩醬一齊好夾!香芒腰果炒雞呢個好惹味同埋醬汁突出，加上芒果同埋腰果令到炒出嚟香味十足，但又唔會太咸所以就咁食都OK!芒果糯米飯芒果好甜同埋加上有黑糯米同白糯米，食落口感好特別再加上椰奶亦夠濃，好值得嗌!

環境寬敞舒適， 天花板掛上泰式吊燈及播放著悅耳泰國歌曲， 洋溢著泰式風情。飛天通菜$75飛天通菜火候控制剛好，好有鑊氣，通菜翠綠爽甜， 散發出陣陣蒜香，十分惹味， 帶微辣 ，拌飯一流。香芒軟殼蟹米紙卷$88用大米製成的米卷， 好薄身，晶瑩通透， 煙煙韌韌富彈性， 包著炸到金黃香脆的軟殼蟹、新鮮芒果條及大量蔬菜， 賣相吸引， 口感豐富， 加埋特製醬汁， 酸酸甜甜， 感覺清新和開胃，一點也不覺油膩， 越食越滋味。椰汁西米糕$55西米糕用班蘭葉接成小方盒盛載， 增添芳香， 造型十分別緻， 每口是 幼滑細緻嘅西米及爽甜粟米粒 ，散發著啖啖誘人椰香， 充滿泰式風味的甜品。菠蘿沙冰$38菠蘿沙冰， 冰爽蜜甜， 菠蘿汁迷人細膩，甜度適中， 炎炎夏日，消暑解渴不二之選。

放工後想去舒適的餐廳慢活一下，<新泰>位於尖沙咀的樓上舖，主打高質泰式菜，牆上的大象頭裝飾雅緻，藤製座椅散發泰式風情。空間感寬闊，卡位私隱度高，坐在玻璃窗旁的卡位，可俯覧鬧市的熙來攘往，是適合朋友相聚的好地方。泰式炸蝦餅 $88蝦餅炸到金黃香脆，厚身大件，賣相誘人。質感爽彈，入口脹卜卜，吃到啖啖蝦肉，沾上泰式酸辣醬，惹味得一吃再吃。芒果沙冰 $38沙冰冰爽涼快，吃完熱辣辣的炸物，再呷一口冰沙，消渴解膩。經過舌尖而慢慢溶化，沁出芒果甜香，如果能更入煙韌椰果，口感更豐富。泰式乾炒牛河 $88乾炒牛河即叫即炒，充滿鑊氣，傳來陣陣濃香。牛肉大片、份量多，質感軟嫩，肉味濃郁。河粉入口爽滑彈牙，每條粉都掛滿油潤醬油香，邪惡好味，配上清甜紅蘿蔔片和菜心，感覺更健康，香濃而不膩 。芒果糯米飯 $68在糯米飯淋上蜜甜的椰漿，入口冰涼誘人，啖啖窩心。黑白雙配的糯米飯最為經典，口感煙煙韌韌，吸收了濃稠的椰漿，十分甜美，再把一塊鮮甜多汁的芒果肉，在輕柔的椰漿中反覆翻滾，甜中帶滑，感覺甜思思。

今日好友突然打比我，話要去尖沙咀買嘢，所以就約我食飯，買完嘢佢就帶我去左一間泰國餐廳。呢間餐廳係都幾有氣氛，燈光暗暗，裡面乾淨整齊，職員安排我哋坐窗口位置，可以望到街景同埋小海景，不錯。打開餐牌，見到張相已經好吸引，所以就叫左麵包焗咖哩軟殼蟹。黎到嘅時候就已經覺得佢同張相係一模一樣，份量好多，軟殼蟹又多又大隻，食落口香脆，仲係熱熱地，咖哩汁甜而不辣，麵包脆口，用嚟點咖哩汁食，一流。串燒係我嘅至愛，我點左豬牛雞各兩串。串燒燒得好香，食落口每款都好軟熟，亦唔會燒到乾爭爭，帶點肉汁。沙爹醬有椰香味同花生醬味道，無論配邊款肉一齊食都係好好食，正。食泰國嘢點可以無椰青，緊係要點返個飲吓。椰青清甜，無混濁嘅味道。飲完仲可以食埋椰青肉，滿足晒兩個願望。

一出𨋢已經見到充滿泰式風情嘅裝修， 開始期待泰式美食！！無論燈飾還是設置都有泰國令人relax嘅設計在內！！難得嘅，係咁啱安排咗一個可以望到海景嘅卡位畀我，lucky!! 睇返餐牌嘅價錢，完全喺合理範圍！！諗起泰國，就當然諗起thai tea啦！！ 明顯調教過個甜度，迎合返香港人嘅口味， 但茶味依然香濃，真係非常貼心！！馬拉盞炒通菜($75)～ 通菜惹味，炒得夠曬香口，味道恰到好處！！巴東牛肉($88)~ 汁醬上放上香濃嘅椰漿，令到味道更加突出，牛肉份量係估唔到咁多！基本上無任何配料，由面到底都係牛肉！！而且牛嘅質素極佳！！呢個價錢真係超值！！識食梗係叫埋白飯/包去食埋啲汁喇！yummy!!!!

✨地道泰菜🥳📎 新泰東南亞餐廳✿ ⊹ ✿ ⊹ ✿原來新泰東南亞餐廳大廚來自泰國，具多年入廚經驗。難怪男朋友推介給我🥰🥰🥰餐廳裝修 浪漫有情調，😝燈光柔和廳佈置充滿泰國風情，面積很大空間感十足😇泰式明爐冬陰功魚 $228🐟🐟🌶選用傳統火鍋爐 賣相吸引鱸魚熟度剛剛好而且已經去掉骨頭肉質鮮甜嫩滑 冬陰功湯 酸酸甜甜好開胃 而且不太辣喜歡吃辣的朋友要叫加辣燒西冷牛扒$118🥩🥩🥩木板奉上原塊切片燒西冷牛扒牛扒燒得好香 肉質不會乾配旁邊的香辣青檸汁更加惹味旁邊亦有泰式沙律菜 降低油膩感泰式炒鷄肉河粉$78 🍲鷄肉有大約十塊 味道偏淡 重點是吃下去完全不油膩🤣🤣🤣闊河粉亦滑 
男朋友很滿意😌😌很乾 相當夠鑊氣飲品方面點了芒果沙冰$38冰粒幼細，芒果味好香濃甜度適中 感覺像芒果蓉打磨至糊狀 而且有解辣功能😋✿ ⊹ ✿ ⊹ ✿. 𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝﹕💃🏼💃🏼💃🏼💃🏼/𝟻𝙿𝚛𝚒𝚌𝚎﹕ $300/𝚑𝚎𝚊𝚍.˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞