新泰東南亞餐廳 (太子集團中心) (已結業)

其實之前都已經食過灣仔嘅分店食完覺得呢間野水準唔錯咁啱去到尖沙咀，就上咗嚟試吓尖沙咀分店既然第二次嚟，梗係貪新鮮試之前冇食過嘅嘢首先係巴東牛肉，味道都唔錯，牛肉質地就普通啦，都唔會期望佢俾啲好好嘅部位，份量都夠嘅我哋同事叫咗印度薄餅，都唔會差得去邊㗎啦，自在當正餐，點巴東牛肉既汁，味道OK另外我哋仲叫咗個濕炒海鮮河味道其實都OK，但係我麻麻地佢嘅質感，生粉落太多，同埋都係啲急凍嘅海鮮，整體就普普通通，唔會特別推介我會比呢間餐廳嘅comment係：大部份野食都有一定水準，冇咩伏位，隔一排再食都可以

同埋個同事去食晏，由於有個好朋友同事唔做喇~ 所以一於今日食得好啲，揀間泰國菜食泰式串燒: 串燒嘅燒汁入哂味，所以食每一串串燒都有鹹香味，串燒一定要有沙嗲醬個搭配，咁先夠完美，沙嗲醬有好香濃嘅花生味，仲有少少花生粒粒，好正，有佢之後食幾多串燒都無問題，食極都唔會覺得膩。炸蝦餅: 蝦餅炸到好香脆，蝦肉好紮實又彈牙，唔會好似食空氣咁，蝦味好香，點埋泰式辣醬食就VERY GOOD~炸魚餅: 魚餅炸到金黃色好乾身，就咁睇都好似好正，食落香茅味好重，非常滋味，好下飯，記得果時我係泰國都成日點黎食，可以話係必點架馬拉盞通菜: 食落有少少香辣味，好有鑊氣而且惹味十足，蒜香味都幾夠，通菜好嫩一啲都唔老，炒得好爽好香，而且唔會變紫色，好好食~食得好開心但諗到同同事分開就唔捨得，希望同事有個更好嘅未來啦~

疫情無咁嚴重果時同朋友去左食泰國菜，兩個人邊食邊傾計真係好開心，記得我地之前仲約左一齊去泰國旅行，不過而家遙遙無期，於是就係到食下泰菜頂住癮先豬肉串燒黎到已經見到啲串燒好JUICY，仲配左醬汁，好好味。麵包焗咖哩軟殼蟹麵包內面放左咖哩軟殼蟹，咖哩煮得好香好濃郁，而軟殼蟹就岩岩炸好，食落熱辣辣仲好脆，沾上咖哩一齊食，簡直係無可挑剔，啖啖肉，麵包亦都黐滿咖哩汁，一邊食咖哩軟殼蟹一邊食麵包，好有飽足感。芒果糯米飯食左咁多鹹食，最後當然要食款甜品中和一下~芒果好甜好多汁，一啲都唔酸，而糯米飯就分左有白糯米同黑糯米，黑糯米口感比較煙韌有咬口，加埋椰汁一齊食，甜而不膩，好有夏日嘅FEEL~而家睇番啲相都好想再去食多次，但疫情期間都係留係屋企唔好周圍去比較好，到疫情過後我地再去食多次~

近期大家都好熱鬧咁討論移民，我同屋企人今日都係聽完講座之後周圍搵野食，知道第時喺外國未必會好似香港咁有咁多好野食，所以今次就黎左新泰東南亞餐廳食。我哋三個人叫左一個四人餐，頭盤係蝦餅魚餅拼盤同燒豬頸肉沙律，小食就有豬牛雞沙爹串燒，主菜就有咖哩蝦配蒜蓉包同泰式炒金邊粉，菜就係泰式炒什菜。咁樣嘅沙律我都係第一次食，幾特別，豬頸肉份量好多，配上微辣嘅沙律菜，夠晒開胃。魚餅蝦餅拼盤肉質彈牙，味道唔錯。豬牛雞串燒醃得幾入味，而且沙爹汁非常惹味。 咖哩蝦咖哩唔算太辣岩晒唔太食得辣嘅我，美中不足嘅係蒜蓉包可以再脆d 就好。泰式炒什菜味道幾好，而且菜嘅比例分配都幾平均，唔會某一類菜特別多。泰式炒金邊粉嘅蛋網係我食過咁多間整得最靚，而除咗好睇，味道亦都唔錯。大合照不過跟餐只送兩杯飲品，但係呢個明明係四人餐，所以令我有點兒摸不著頭腦。

位於尖沙咀北京道太子集團中心嘅新泰東南亞餐廳裝修充滿着泰國風味，當中有唔少泰式嘅吊燈，而且餐廳非常闊落，遲吓等武漢肺炎冇咁緊張嘅時候就可以同一班朋友一齊嚟聚下舊今日就同朋友嚟食呢個四人餐，先叫咗兩杯飲品，左手邊嘅係綠豆沙冰，呢款沙冰真係比較少見，一般都係見到紅豆冰、珍多冰等等，而佢嘅綠豆沙味好重，非常足料，而右邊白色嘅就係椰汁冰一開始就嚟咗碟炒雜菜，入邊有草菇、西芹、黃芽白、椰菜花、蘿蔔等等跟住仲有個泰式嘅豬頸肉沙律，話明泰式就梗係有啲辣㗎喇，所以食唔到辣嘅朋友要注意啦，食食吓都覺得佢真係幾辣，連埋啲蕃茄、洋蔥一齊食，感覺非常刺激小食方面仲有炸蝦餅拼魚餅，一共切咗八件，大家可以開心share一齊食串燒一共有六串雞牛豬，每款各兩樣，沙嗲醬充滿着花生味道，非常正宗，好似去咗泰國一樣呢個炒金邊粉賣相精緻，鮮蝦同金邊粉好似俾一個網包住咁，師傅嘅功力果然利害四人餐仲有個咖喱蝦配蒜蓉包，黃咖喱配蒜蓉包簡直係絕配最後我哋仲加咗碟椰汁糕添

琴晚和同事去了尖沙咀的新泰東南亞餐廳食泰菜；之前幫襯全場滿座的，但由於逆症關係所以客人少了。醃無骨鳳爪沙律：價錢好抵食，辣度可以由客人選擇小或大辣；由於本人吾食得太辣既關係，就揀左小辣啊！無骨鳳爪好爽口，味道夠辣又帶少少酸，令整個胃口大增。當中配合埋沙律，例如蕃茄，蘿蔔絲等等，味道更加fresh！日本南瓜焗海鮮飯：這個飯是由同事所order的，起初我有點兒抗拒的，因為本人不太討好南瓜，結果反而令我也大讚！焗海鮮飯包有青口，蝦，墨魚；當中既飯充滿左椰香味，令整個飯甜甜地幾好食，而南瓜粒可食用，味道很香口。芒果糯米飯：糯米飯為黑與白的，口感軟熟，不會太難消代；而芒果也帶甜甜的味道。

較早前到了加拿芬的新泰分店，覺得好味道，不過都想轉轉場，試下第二間分店有什麼分別，就來了太子集團新泰分店。太子集團新泰分店位於北京道，所以位置都十分方便，雖然是樓上店，但如果剛巧坐在窗邊位置，更可飽覽尖沙咀的美景。餐廳通過落地玻璃的透光，令餐廳更光猛明亮，而座位亦坐得相當舒適。椰青沙冰 - $58來到新泰當然要叫椰青沙冰，那冰凍清甜的感覺，真的令人在這炎炎夏日中得到喘息。巴東牛展 - $88軟腍入味的牛展已切得細細粒方便進食，而且配上香濃的咖哩汁味道更是無得頂。蒜蓉包 - $32有咖哩汁當然有其好拍擋蒜蓉包啦！蒜蓉包塗上蒜蓉已香氣撲鼻，加上香甜惹味的咖哩醬汁，更是錦上添花。燒焗蒜蓉帶子 - $88鮮味厚身的帶子加上蒜蓉、芝士燒焗，味道香濃鮮味；真是不用添上任何醬料，已味道一流。燒半殼蠔 - $98半殼蠔又點似剛剛的蒜蓉帶子，都是添上蒜蓉、芝士燒焗，但其口感截然不同。那飽滿肥美的燒蠔，吃起來香口惹味，雖添加了芝士、蒜蓉，但仍掩蓋不了其濃郁的蠔香。總搭來說，新泰東南亞的海鮮絕不遜色：咖哩、冬陰功菜式，下次來到必然再點。

星期五約了好姊妹食飯談心她介紹我去新泰東南亞餐廳用膳。餐廳的環境優雅，卡座寬敞舒適。點了以下:小食點了蒜蓉越南牛油雞翼。雞翼充滿蒜香和濃郁的牛油香味。愛食香口野的我再點了椒鹽軟殼蟹。On Diet的她點了青檸蒸魚。嫩嫩的魚肉酸酸微辣的青檸香草香味。大愛這裡的奄列海鮮炒飯。薄薄的蛋皮包住香香的炒飯。裡面有不少大蝦球，海鮮很多。蔬菜點了馬拉盞通菜。微辣惹味的通菜，我們都很喜歡。飲品我們都點了蔓越莓汁。酸酸甜甜有點似微甜的利賓納的味道，夏天飲很解渴。🎀新泰東南亞餐廳 (尖沙咀)尖沙咀北京道12A號太子集團中心8樓

在炎熱鬱悶的夏天，總想吃些酸酸辣辣、清爽又開胃的，東南亞菜就最適合不過！燒焗蒜蓉帶子(2隻) ($88)帶子大顆厚身，彈牙鮮甜，蒜蓉味道香濃，甚為惹味！燒半殼蠔 ($98)滿滿的芝士下隱藏了飽滿的蠔肉。蠔肉體積大，入口creamy，蠔味濃郁。巴東牛展 ($88)肉質軟腍，細嫩多汁入味，膠質豐富，口感極佳。蒜蓉包 ($32)蒜蓉包夠厚身，金黃香脆，外脆內軟，蒜香十足。椰青沙冰 ($58)原殼椰青沙冰賣相吸引，味道清新香甜，夏日炎炎喝一個既透心涼又醒胃。

去唔到泰國旅行，又係時候搵返間泰國餐廳， 當做返下鄉下 ，當然，仲係為左振興本地 餐廳食肆啦。泰式柚子蝦沙律98夏天到熱辣辣，一入到泰國餐廳，當然想要返一碗半碗泰式柚子蝦沙律，開開胃消消暑。清甜的柚子， 沒有苦澀味 ，加上大大隻爽口彈牙的鮮蝦， 而且仲有脆卜卜的腰果及炸蒜炸蔥 ，再配酸甜的醬汁，開胃好味！蝦醬炒飯88配料超多，青豆角同蝦食落好爽口，再加埋泰式 臘腸 ，加上用蝦膏炒出來的飯香氣逼人，全部配料和炒飯拌在一起，所以吃起來不單調，而且仲呈現出地道泰國風味。巴東牛展88新泰除咗有泰國菜，亦都有印尼菜及馬來西亞菜。 今次就叫咗印尼菜巴東牛展， 當牛展一上到聞一聞啲咖哩， 印尼咖哩夠濃郁，見到香料都要磨得碎碎的怪不得炒出來又香又濃。巴東醬與香煎的牛展一齊慢煮，牛展吸收晒椰奶濃縮及香料的味道， 但又唔會太柴，而且份量都好多，呢道菜超好味。芒果沙冰夏天熱辣辣當然要叫番杯沙冰涼一涼快， 芒果沙冰 即叫即製，飲落 甜甜酸酸，超爽的。

星期六的中午，想找一個寧靜又舒服的環境與朋友吃午餐，於是就想到北京到的這間東南亞餐廳，每個午餐都是$75，食物高質，而且環境高檔，窗外還可見到尖沙咀繁忙的街道，絕對是悠閒的午餐！星州喇沙蝦米線 - 湯底做得好正宗，少少辣又帶點椰香，令人回味無窮，材料有鮮蝦、豆卜、雞蛋、芽菜等等，而且米線比一般的更有粘性，過癮！.巴東牛腩配香配白飯有好多牛腩，咖喱煮得好香滑，一整碗白伴汁食好易食晒！.另外加$28可以配前菜，我們選了無骨鳳爪沙律及蒜蓉炒貴妃苗。.每個午餐附送飲品，港式奶茶大大杯，還可以選擇加$8轉椰汁冰，更加有東南亞風味！

一路都聽過呢間嘅泰國菜非常正宗 但又唔會太偏離香港人口味 難得今日happy friday就同舊同事過嚟試下！未到食飯時間餐廳已經人頭湧湧 好彩唔算排咗好耐終於有得入座！餐廳嘅佈置都非常有東南亞特色 有種置身於泰國嘅感覺😂馬拉盞通菜通菜加入咗蝦米同埋肉碎 味道鹹鮮惹味 而且通菜好新鮮 嫩綠爽口 味道微辣啱啱好!青檸蒸鱸魚店員好細心咁會預備多一碗湯 湯汁就嚟煮完嘅時候可以再加入 湯汁酸酸甜甜得來又唔會味道單調 重點係好開胃啱晒送飯 魚肉嫩滑 而且冇乜骨 啱曬唔鍾意挑骨嘅懶人食🤣蒜蓉牛油雞翼蒜蓉味突出 外皮金黃薄脆 不帶粉感 雞翼大隻多汁 肉質嫩滑唔鞋口🥰椒鹽炸軟殼蟹軟殼蟹炸得微黃酥脆 而且因為可能用咗好多唔同嘅泰式香料去炸 味道香口帶點微辣 而軟殼蟹入口鬆軟又肥美 好食到令人停唔到口😋

見近排冇乜食泰國菜，同埋天氣都比較熱，所以都諗起食泰國嘢比較開胃，就去咗尖沙咀新泰東南亞餐廳，我哋叫咗個日本南瓜焗海鮮飯、燒原隻魷魚 、麵包焗咖哩軟殼蟹、同埋一杯芒果沙冰。今次第一次食日本南瓜焗海鮮飯，d飯釀係個南瓜入面有濃濃嘅南瓜味，入面d南瓜肉都可以拔出嚟食，都焗到好冧好香，南瓜味加埋海鮮嘅味滲曬入飯度食，加上表面有好多芝士醬，呢個係必食之選。而原隻魷魚就燒得好香，點酸辣汁食好開胃。而最後個麵包軟殼蟹又係十分好味，始終覺得新泰嘅咖哩好好味，d麵包索咗啲咖哩汁食超惹味，軟殼蟹又多又香脆，點埋個咖哩汁食又係啖啖鮮味。而最後個芒果沙冰就最啱夏天飲又解渴，食完曬嘢飲返杯芒果沙冰，好似都幫助容易都消化。

尖沙咀的太子集團大廈有很多美食，入到去就選了這間東南亞的美食環境幽雅高檔，我們坐近窗邊，由於到了下午茶時間所以顧客不是太多寧靜舒服⭐️焗麵包咖喱軟殼蟹焗麵包軟殼蟹是我最喜歡的東南亞菜式，雖然午餐沒有優惠但是我還是選了。賣相十分精緻，中間的農夫包圓形周圍放着切好了的麵包粒，就好似一個太陽般。而且醬汁足夠，切開少少咖喱汁就似火山爆發的湧出來，咖喱調味得宜，沾上麵包食十分好食！而且有完整一個軟殼蟹，炸到十分香脆，加上咖喱汁令人回味無窮呢。.午餐也有優惠價的套餐，我朋友就吃星洲喇沙蝦米線，我下次也想試呢。

第一次去新泰，係灣仔 W Square 分店，感覺非常震撼，地方大，氣氛好，大型泰國裝飾好有霸氣，食物好食、份量足，午餐價錢仲好抵添！之後再去過灣仔盧押道分店，地方細一點，印象依然好，中午超多人等位。今次到尖沙咀分店，卻令我有點失望。☹🔸️環境 : 🌕🌕第一個感覺係 : 點解咁細嘅？說好了的氣氛呢？唯一優點，係我地被安排坐喺落地玻璃嘅窗口位，觀景不錯。🔸️食物 :星期六，依舊有午市優惠套餐，價錢抵，大概只是60-80蚊，我哋今次散叫。🥗 柚子蝦沙律 ~ 係我食過泰式沙律中最好味嘅一次😋，柚子新鮮爽甜，重點係比平常嘅凍，喺炎夏作為前菜真係一流，推介！👍🍡串燒 ~ 味道好，唔夠熱，雞串比牛、豬串好🍤 蝦餅 ~ 賣相吸引，熱辣辣，可惜係熱粉團🐷 豬頸肉 ~ 一般，燒得不夠香🍜 湯底 OK，整體可以 🔸️服務 : 一般，你不舉手，侍應不會主動過來，正面D睇，可以話係不打擾。冇限時，可以傾夠先走 🌕🌕🌕🔹️總結 : 食物份量多，價錢平，一分錢，一分貨，灣仔分店各方面更勝一籌。