新泰東南亞餐廳 (太子集團中心) (已結業)

雖然疫情未完全退去，但好難得可以同朋友兩人一齊聚餐！餐廳環境很不錯，燈光暗暗地，放工後去食飯覺得好relax，waiters都算好友善熱情❤️貴妃苗煮得啱啱好，幾新鮮👍🏼咖哩麵包蟹第一次食，其實覺得個Combination幾奇怪，不過見餐廳推介就試一試，果然有驚喜！估唔到咖哩+軟殼蟹+麵包又幾夾，最後兩個女仔差不多KO晒全份！最後係明爐蒜蓉鱸魚，魚幾新鮮，蒜蓉同汁嘅調味啱啱好，加埋辣椒好野味👍🏼整體非常滿意，下次可以多D人聚餐一定要再去，試唔同嘢食。