新泰東南亞餐廳 (太子集團中心) (已結業)

今日同朋友見面，想食好久沒吃的泰國菜。我和這位朋第一次旅行就是去泰國，雖然現在未能再一齊去影相遊玩，但總有方法回味昔日味道啦! 新泰東南亞餐廳，是間好好食的泰國菜餐廳。由於近我辨工地點，所以我不時和同時吃午餐。因為質素佳的關係，今晚我們又來吃晚餐啦。 上了年紀比較愛吃蔬菜，所以我們都點了不少素食，想在大餐時也能健康一下。泰式蝦米紙卷 $68 除了泰國菜，餐廳都有提供其他東南亞菜。率先上桌的蝦米紙卷，造型不錯，半透明的米紙煙靭，包著大蝦和多種蔬菜，好清爽。 咸魚炒芥蘭 $75 很久沒吃咸魚炒芥蘭，一道惹味又鹹鮮的菜式。芥蘭色澤翠綠，爽脆清甜，可能是因為冬天快到了吧。加上咸魚炒，好惹味。 麵包焗咖哩軟殼蟹 $208 這份麵包焗咖哩軟殼蟹超級大，幸好聰明的我們沒柯打其他澱粉，不然一定會吃不完。麵包好鬆軟，配甜甜的咖喱，吃著吃著，我們竟然全部消滅了！真的好好食，大家一定要試！

冇得去旅行但係又想食泰國嘢可以點做?緊係去搵啲高質嘅泰國餐廳食下。趁疫情放緩，一行四人好耐冇見就決定搵個地方坐低慢慢吹下水。新泰東南亞餐廳位於北京道，好近地鐵站，樓上店既好處係，有幸坐在窗邊位置的話是可以飽覽尖沙咀的美麗夜景。餐廳座位非常闊落，座位與座位間有足夠的空間，喺疫情下可以話係食得非常之放心。椒鹽軟殼蟹，香脆可口，不油，份量都幾夠!原隻燒魷魚，肉幾爽，同醬汁好MATCH!豬牛雞串燒，肉質又鮮嫩，醬汁惹味，非常之抵食!cp值好高!小拼盤就有炸蝦餅同炸魚餅，我個人鍾意食炸蝦餅多啲，因為比較爽口，食得出用料十足，魚餅嘅調味就比較濃。馬拉盞炒通菜，夠惹味，唔油!泰式蝦炒金邊粉，好少見到啲餐廳會用一個咁靚嘅蛋網將啲金邊粉包住，淨係視覺上都100分啦!而且用料都好足夠，蝦爽口彈牙，金邊粉炒得條條分明!芒果糯米飯簡係必嗌㗎喇，分量剛剛好，椰汁夠香，糯米飯夠軟熟，雖然係甜品但唔會過甜，芒果食得出新鮮高質!原隻椰青沙冰真的非常少見!份量非常十足，冰凍清甜，沒有過假過甜，非常解渴!特別值得稱讚的是侍應專業的態度，落單非常專業，反應又夠快，將MENU上的所有細項都記得非常清楚，又會自動問甜品需唔需要

位於尖沙咀的新泰東南亞餐廳，在香港有五間分店，是間有水準有質素的優質泰國菜館。每間分店的佔地都過千尺，環境寬敞舒適，適合一大班朋友聚餐唷。 聽聞新泰前身為泰屋，在香港有二十多年經營經驗。廚房由泰藉廚師主理，設計出乎合香港人口味的泰國菜。當天光顧北京道分店，大部份店員匀為泰國人，甚有致身海外的氣氛呀! 環境裝修有強烈殷的東南亞氣氛，大大隻的大笨象、佛像、木製和竹製的餐桌，令人有有泰國旅行的感覺。設有多人聚餐的大圓桌，兩人至四人的卡位，坐得舒服又舒適。 麵包焗咖喱軟殼蟹 $208 來到泰國菜餐廳，當然不少得吃泰式咖喱啦! 賣相誇張的咖喱蟹，呈上時非常引人注目，好多客人都忍不住往我那邊看呢。像一個大太陽的咖喱包，放滿香甜濃郁的濃稠咖喱 和 炸至香脆的軟殼蟹，令人食指大動! 麵包烤熱後，質感軟熟，沾上醬後味道一流，我把整份都吃光光了。 串燒 $88/6串 同樣高質的菜式多不勝數，這份串燒也是美味佳餚。串燒一共6串，牛、豬、雞各2串，肉質彈牙，燒至剛剛好，味道濃香，調味適中，沾上沙爹醬後更加好吃呀。 芒果糯米飯 $68最後的芒果糯米飯也沒令我們失望! 散發著香甜氣味的熱辣辣甜品，賣相造型可觀。黑

朋友之前食過這間覺得不錯，所以推介我們食。推介得不錯！環境格調雅致，檯與檯之間的距離也寬敞，幾適合三五知己坐低食飯。店員對餐點非常熟悉。我們只是說餐號碼，他已經像電腦一樣自動分析出是甚麼菜，例如：佢聽到個號碼就知道是甜品，主動會問我們即上，抑或後上。很專業！而且餐廳的食物都值返佢個價位，肉類和菜做得尤其出色。烤肉串全部都煮得恰到好處，有嚼口，卻又完全不韌。我們最快清了的是炒通菜。炒得香口，加上醬更是畫龍點睛。比起魚餅，我們更喜歡小食拼盤的蝦餅。炸得夠香脆。醬汁也很夾口味。炒金邊粉也煮得出色又開胃，每條粉也炒得入味。椒鹽軟殼蟹炸得OK脆。芒果糯米飯做得不錯。滿滿的椰汁澆在香軟的糯米飯上。芒果也算甜。幾好。總括來說，食物的確做得幾好食。可以考慮得閒再幫襯。

去年自己一個吃過加拿芬道的分店，最近疫情放緩可以和朋友聚一聚，商量後發現大家都吃過這間的分店，決定揀這間。因為是樓上店，可以居高臨下俯瞰尖沙咀街景。預計有排傾，叫飲品潤下喉先。原隻椰青，汁多到用水的表面張力維持不漏出來。喝一喝很清甜，尤其欣賞他把蓋打開一部分，可以刮鮮嫩的椰肉來吃。上菜都很快，超多超豐富！小食的蝦餅魚餅拼盤，蝦餅彈牙爽口，魚餅沒拍到，但香料味很濃郁，我較喜歡魚餅。點埋泰式醬汁更加惹味。椒鹽軟殼蟹，很香口，椒鹽味也調校得剛好。好味菜式陸續有來，原隻燒魷魚。這家的燒烤食物真的不錯，魷魚烤得表面香脆，內裡保留滑溜的海鮮口感。醬汁酸甜香辣，質素絕對比薩X亞的高出很多。朋友是讀營養學和護理的，當然有均衡飲食的習慣，點都會叫D青翠的蔬菜。馬拉盞炒通菜很入味，又不會過鹹。不要說女仔，現在就連男仔都減少食飯，這個味道剛好可以直接吃也不怕重味。串燒拼盤，性價比特別高，街邊食一串都要十幾蚊，這裡88蚊就6串了。而且烤得有燒烤香味，裡面肉質又保持鮮嫩多汁。配上有花生粒口感的醬汁，口感味道都無得輸了。還有甜品，泰國甜品當然選芒果糯米飯，芒果新鮮，椰醬清新解膩，吃了這麼多餸菜，也不會太滯。另外就

泰式明爐魚 $188+依個爐魚凍凍地食真係一流😋一邊滾住食一邊加湯～個魚慢慢索哂啲湯汁～夾埋啲蔬菜同菇食真係食多多都得✨條魚係無魚腥味架！！處理得好好👍🏻如果係冬陰功湯一定仲開心啲🤣馬拉盞通菜 $75+超惹味😍😍～馬拉盞同通菜根本係perfect match!! 鹹香鹹香～通菜唔老炒完仲係青BB咁既色架😍～不過唔食得辣既可能就唔好叫啦～因爲都偏辣架>_<麵包焗咖哩軟殻蟹 $208+個咖哩味超惹味😭😭係重椰奶味既咖哩👍🏻個麵包焗到好香脆～食一啖包點一次咖哩汁真係正😭軟殼蟹炸完都好有鮮味～再配埋咖哩汁同個包一齊食真係會想encore無限次！！！🤤個人認為係黎依度一定要叫既！👍🏻椰青 $45+新鮮大大個既椰青～最鐘意刨埋入面啲椰青肉一齊食✨解膩一流👀鹹檸檬梳打, 珍多冰 $38+都係必叫之選😋

同行3人一齊去尖沙咀食泰國菜😆貪佢地點夠方面地鐵站一出行5分鐘都唔洗就到👍🏻環境好令人relax，我地都覺得坐得好舒服～又好企理👍🏻好有高級泰國菜既感覺～TOTAL叫左6樣野😍全部性價比都好高～好想再返去食🤤如果星期五六日就建議book左位先啊～因爲好易FULL!!蒜茸越南牛油雞翼 $78+無諗過係泰國餐廳都食到越南野😂超香超香牛油味&蒜味😋唔洗見到牛油兩個字就驚架～無想像中咁油膩👍🏻啲蒜炸得夠香口～雞翼亦都炸得岩岩好～juicy得黎又好嫩😍.燒原隻魷魚 $98+魷魚燒完都好飽滿多汁～新鮮野先做到依個效果架👍🏻👍🏻點埋佢地自己調製既辣汁真係超好食😚提鮮一流👍🏻份量仲要超多～大大條😚個人認為燒得燶口少少會再正啲～泰式生蝦 $98+唔洗多講啦～泰國餐廳必食之選👍🏻👍🏻隻蝦大大隻又厚肉～最緊要係夠新鮮～又無蝦腸🥺🥺感動～配埋蒜片同辣汁一齊食～真係好好食😍

尖沙咀I square 附近有棟食野既地方，有好多層好多野食，我地幾個女仔7點去到已經人山人海，要等位先有得入去，好彩都吾係等好耐，建議想去既上網book定位！入到去，環境同燈光都好暗好有feel, 座位好大，坐得好舒服😌岩哂傾計🎊吾會比人趕走入面食既係傳統泰菜，我叫左最愛既魚，生蝦，燒魷魚🦑，軟殻蟹面包等等！全部都好好食，好香口！生蝦有5隻，隻隻都好大好新鮮，好爽甜🥰燒魷魚好入味，甜甜地好香，好岩送酒🙈🙈最推介既一定係邪惡既軟殻蟹面包，面包烘到干干地，點濕濕地既醬黎食，真係舌頭上既高潮😍如果叫左哩個吾使叫飯都得，會好飽肚，所以好抵食！侍應既服務態度都好好，fill水換碟都有做齊哂，下次會再黎🎉🎉

今日同3位好知己去尖沙咀依間泰國餐廳食飯。朋友話之所以選依間餐廳，除左因為食物好食之外，仲因為佢哋坐位闊落，坐得舒服。我地一行人好快就點好嘢食。椒鹽軟殼蟹：軟穀蟹既椒鹽味好濃厚，而且軟殼蟹炸完好爽脆，唔使脫殼，啖啖都係肉，好正。燒原隻魷魚：隻魷魚燒得好好食，魷魚肉好爽嫩，一D都唔韌，點埋佢配送既酸辣汁，帶出哂魷魚既鮮味，真係好好食。馬拉肉骨茶：依個肉骨茶一放上台已經聞到好重既藥材味，可見佢個湯好足料。個湯飲入口有少少藥材苦澀味，但唔算重，飲完個口有少少回甘。馬拉盞通藥：依個通菜真心要推介。通菜炒得好爽脆，而且佢個通菜放左D好細既蝦乾去炒，份外野味。泰式蝦炒金邊粉：依個金邊粉真係好靚。成個飯比蛋網包住，而且金邊粉既用料都好足，蝦肉都幾大隻，好好食。小拼盤：小拼盤有炸蝦餅同魚餅。魚餅濃味D，而蝦餅就爽口D。串燒：串燒可以自己選肉類。可以選哂三種或只選一種。我哋當然叫哂三種肉（豬牛雞）。牛串燒得好正，唔會過熟變韌。雞串就好嫩滑。豬串就幾juice,唔會乾。芒果糯米飯：芒果糯米飯既飯有紅糯米加白糯米飯。紅糯米較硬但味更香濃。白糯米就較軟綿。作為飯後甜品真係唔錯。椰青沙冰：椰青沙冰既沙冰份量十重

呢間餐廳感覺都幾高級，好有情調， 暗暗哋咁，座位幾寬敞， 如果坐靠近窗邊嘅位置仲有落地大玻璃。 嗰度好多職員都係泰國人， 識講廣東話英文， 態度好殷勤親切友善， 好主動幫你， 例如見到我食嘢污糟咗會比濕紙巾我。我嗰日係去食晚餐， 我首先點咗一個南瓜海鮮飯， 超級好味 ， 微辣，入邊係咖哩汁飯， 海鮮非常豐富， 有魷魚， 有好大隻嘅青口， 仲有好多蔬果切粒， 個飯好creamy， 好好食， 而且側邊個南瓜盅都好多南瓜肉。另外嗌咗一個香蕉葉烤鱸魚， 條魚望落去好新鮮， 係原條烤， 魚肚塞滿了咗紫蘇葉同埋香茅同埋蒜頭， 條魚用一大塊香蕉葉包住， 滿滿嘅原始風味。 條魚肉好新鮮， 亦都好甜美， 份量亦都好大 (不過如果本身食魚唔係好叻嘅話， 或者今次係你同人約會， 可能考慮叫其他海鮮會好少少， 因為食呢條烤鱸魚嘅難度都高， 都有唔少好細的骨係入面， 你要食得好小心好小心好小心， 如果你貪快， 或者唔識得點樣食魚， 食嗰陣時就可能有啲難度。) 餐牌都仲有好多其他海鮮可以選擇。 我都唔係一個食魚嘅高手， 所以我特登上咗網度睇下點樣可以食魚牙肉唔插魚骨， 原來夾起魚肉後，係要用門牙同埋個咀輕吮前端先

同朋友夜晚食飯，諗著搵個舒服啲嘅位坐下傾下計，就揀左呢間泰國菜。我地7點到，唔駛等位就即入去坐。餐廳環境都幾乾淨同舒服。菜單有好多款泰國菜，我地兩個人就叫左個柚子蝦沙律，青咖哩雞，一個印度餅同埋一個燒牛肉。柚子蝦沙律好好食，個醬酸酸甜甜，而且柚子量都多，個蝦都好爽，食完好開胃。青咖哩唔會好辣，有啲椰香味，幾滑雞肉煮得都淋，個印度餅點個醬都好襯。個燒牛肉份量好大，不過就麻麻地好食。可能啲牛個質量麻麻，食落去無牛味，一定要點下醬先ok，不過佢都煮得淋，唔會咬唔郁😄

食泰國菜好多時都會去九龍城，其實而家好多區都有得食，尖沙咀亦有唔少，有一間新泰東南亞餐廳味道令我一試難忘，食物水準唔錯、地方又夠闊落。今日放工又同朋友去食啦！鹽焗鱸魚（另有烏頭選擇），即叫即做，上枱時熱辣辣香噴噴，魚大條厚肉，用鹽焗方法煮,保留原汁原味, 比蒸或煎更有新鮮感, 而且魚肉Keep到juicy結實, 肉質鮮嫩入味，相當不錯.泰式乾炒豬肉河，炒得好夠鑊氣，用闊身的泰國河粉好有口感，大大片的豬肉鮮嫩吾鞋口，還有爽口的蔬菜，好味道！泰國啤酒味道夠濃，特別好飲！

自從發生疫情限聚令，我已經一段時間冇同朋友食飯，今日咁啱在尖沙咀見到好朋友，一於去食餐飯聚一聚，朋友喜歡食泰國菜，我哋就去咗北京道的新泰東南亞餐廳。餐廳位於樓上舖，近窗位置可以望到街境，裝修雅致，地方整潔。冬陰功：泰式冬蔭功湯，吃泰國菜必點的。味道酸酸辣辣，非常開胃，湯夠濃又足料，有獨特的泰式香味，十分美味！泰式去骨海南雞：半隻份量都好多，雞已經去骨啖啖肉，雞皮爽口肉質嫩滑，配泰式酸辣醬或薑蓉都很好味！喇沙蝦米線：湯底濃稠的南洋麵食，濃郁的香味撲鼻而來，材料亦好豐富，蝦和魚片新鮮好爽口，豆卜吸收左湯汁非常惹味！

新泰東南亞餐廳以往在灣仔都食過，品質唔錯，服務態度亦好，呢個係我最深刻嘅。尋晚同朋友去咗尖沙咀，行完街見到北京道有一間，細細地嘅商業大廈上8樓。地方寬闊，三五知己傾偈敘舊一流，餐牌習泰國、越南、新加坡、馬來西亞美食於一身，選擇多多。　燒鱔Grill Eel $128/4串，將鱔切到好似魚蛋咁闊咁厚身，外面燒得焦香，肉質爽彈，魚肉夾習魚油，一邊食一邊忍唔住要發出讚嘆嘅聲音，如果嫌油膩， 可點用新泰配製醬汁，酸酸辣辣可以化油膩。越式蟹肉炒粉絲 Vietnamese Style Fried Glass noodle with Crab Meat $98，比我想像中清淡，雖然見到蟹肉好多，扎肉切條連同一齊炒，但係青椒同埋黃椒味過重，變相做咗主角，值得一讚係粉絲炒得好乾身，一啲都唔油冧冧👍🏼椰青Thai Young Coconut $45

好耐冇出去同朋友仔搵食，咁今晚就同朋友仔去咗尖沙咀一間泰國菜餐廳食飯。我哋今日三人行，不過有一個朋友仔未嚟嘅時候我哋個肚已經餓到扁左。咁所以我哋就叫住等，首先叫咗一個馬拉盞通菜。咁呢個馬拉盞通菜佢入面有蝦醬，然後又唔會炒得好油，所以真係超好食。喺朋友來之前我哋已經食曬成碟通菜啦。然後呢我哋都有唔叫咗唔同嘅嘢食我自己好鍾意食rice paper roll所以叫咗呢個，軟殼蟹米紙卷。佢入面都好足料然後又有得畀我哋點幾開胃幾好食。呢個炒粉絲好大，就算係菜同埋粉絲都有好多所以鍾意食菜嘅朋友呢個就會好適合你啦。呢個係咖哩軟殼蟹包(唔係好記得正確既名係乜嘢), 咁但係呢佢都係好好食嘅，咖哩唔會太辣。然後包嘅份量都好多軟殼蟹都好多所以呢就都好鍾意食呀。仲有呢個龍蝦，唔想剝野既我交左比朋友做呢個task最後我哋叫咗個熱飲其實都幾得意係呀因為係平時比較少人到嘅係啦同埋佢個裝飾都好正。其他相就自己再睇下！！