新永成茶檔 (東廣場) (已結業)

觀塘人有好多好野食可以揀，皆因真係好多餐廳都選址觀塘，好多商業大廈，所以客源十足，加上工業大廈舖租都平，就算我唔係觀塘人，都知呢頭好多野食，今次就去左東廣場，我就形容佢為專食野既商場，就好似一個Food Court咁。小店內外東廣場間左好多間餐廳，座位放左都係出面，行左一個圈，最後決定幫襯下呢間，佢係仿舊式茶餐廳果種路線，想試下做唔做到高質！食物選擇原來係一間玩新式菜式既茶餐廳，依家好多冰室都會食啲冇咁死板既野，呢到就有菠蘿包夾唔同餡。下午茶E餐(包熱飲) 　$32菠蘿包夾餡已經興左好耐，可能係華嫂冰室帶起呢股潮流，但呢到唔止夾蕃茄同蛋係菠蘿包入面，連蜜汁叉燒都放埋入去！呢啲咁邪惡既配搭緊係要試下佢！呢個餐有幾款特色菠蘿包可以揀，好似厚切餐肉雞蛋菠蘿包、芝士火腿菠蘿包等等，咁我就緊係試最誘人既蜜汁叉燒煎蛋菠蘿包，等左唔係好耐就有，包身唔算好脆，但估唔到都有塗牛油同烘過，呢點有加分，以為小店實會hea做，又唔係wor~~而入面配上蜜汁叉燒同蕃茄，入口偏甜，中意食甜既朋友就一定岩，太陽蛋煎得老左少少同偏乾，但係夠濃邊，個配搭我覺得都ok，而味道就正正常常，菠蘿要做得再脆啲。熱飲----熱鴛

第一 :所有的餐具完全是即棄 ,包括盛載湯飯的塑膠盒。 第二:已經千叮萬囑那位女服務員食物不要鹹 ,但來到的芫茜鮮牛肉湯飯和芫茜豬潤米粉都鹹得不得了, 所以吃過一口後便立即離開

由於觀塘東廣場是本人的其中一個飯堂，每次到去到都會行一圈，邊行邊想想吃什麼醫肚。新永成檔裝修很有舊香港的特式，而食物都當然是地道的香港茶檔食物。而每次都經過都會被厚切午餐肉炒蛋菠蘿包吸引著，因為太肚餓，所以平時只好選擇其他份量較多為一份正餐。今日下午茶時段有點餓，想起這個比較特式的菠蘿包，所以便過來試試。厚切午餐肉炒蛋菠蘿包應該是即叫即整吧，所以需要等候大約15鐘。熱辣辣的菠蘿上枱了，賣相還可以，份量都很足，餐肉夠厚，炒蛋份量亦很合理。菠蘿包的皮一點也不脆，似放了已久的包再焗熱，口感太淋，同時由於餐肉過油，菠蘿包吸引了這些油份後令水口感更差! 且外，餐肉味道過，雖然有一塊蕃茄，但餐肉的咸完全搶了菠蘿包的包甜味。整個的體驗一般，食物也不可以貌相，不會再吃這個餐蛋菠蘿包了~

晚上到此，簡單方便便宜要一餐，揀了這𥚃。雖然很喜歡义燒，便夜晚又怎會有新鮮的貨色？於是点了香茅豬扒辣肉醬飯。那女店員很客氣，晚上仍提供「午餐」，即送熱飲一杯。首先，非常新鮮（可能人少）。豬扒剛炸出來，亦隱隱透著香茅味。荷包蛋也是我最喜歡的流心蛋黃。辣肉醬非常好味，略帶黑椒和少許麻辣味。50元不到的價錢，真的是喜出望外超水準！翻看食評，大部分叫了义燒的都是彈多過讃。我就不知是好彩還是有直覺叫了豬扒。下次找一次來考証一下义燒.....待續。

今晚食叉燒煎蛋飯+什果賓治🙁(極度失望!)平時食開呢個飯都無整得咁差今次既叉燒全部都是凍的😡好似喺雪櫃拎出黎食第1舊叉燒凍的第2舊都是凍的。。其他都是凍的叉燒竟然我食左就費事換喇😡煎蛋好求其，暖的唔夠熱白飯太淋，我食左幾啖飯無食蔥油要叫2次至俾我杯什果賓治成半杯都係碎冰什果就只係罐頭菠蘿粒🤔

東廣場內食肆林立，應有盡有，今日試下這間新永成茶檔。豬扒蛋飯——好食！豬扒醃得入味，好像有少許咖哩粉，不辣的，反而帶出了一點點香味，也不油膩，肉質鮮嫩，一碟有幾件非常滿足！ 豉油飯也好味微甜又配上葱油，送飯實在一流！雞蛋煎得也很靚，大大一隻半生熟，在葱油飯上再加配蛋汁，更加好味！飯質柔軟，似是珍珠米👍🏼還有一款叉燒煎雙蛋飯下次會再試！唯一失色是餐具，堂食也用即棄碗筷，能用瓦碟上會更好，可能地方問題吧🤷🏻‍♀️🤷🏼‍♂️

其實都幫襯過新永成茶檔好幾次，食物嘅質素係靠得住嘅，食過早餐，下午茶，晚餐，所有嘢食都唔錯。今日order咗豬扒煎蛋飯配凍檸茶，合共45蚊，豬扒好味，最正係兩粒蛋，有流心蛋汁，加上豉油，送白飯一流。但係略嫌食物分量較少，食完唔會有飽嘅感覺。 另一推介係炸雞翼，雞翼炸得外皮鬆脆，內里嫩滑，南乳味，鹹鹹地，好好食。但係呢度裝修極度簡陋，抽風系統好差，食完一餐飯，成陣油煙味，好臭。而且所有餐具都是用即棄的， 用完全部掉晒， 其實好唔環保

今晚食叉燒煎雙蛋撈公仔麵+凍鴛鴦😍每次黎呢度都會食叉燒煎雙蛋今晚佢可能用錯外賣盒裝俾我因為我點菜時同一時間叫埋外賣唔駛等好耐就有得食👍我好喜歡佢地既煎蛋同叉燒有我至愛既荷包蛋😍今晚仲吃到脆邊的，正!配上蔥油撈埋啲公仔麵黎食好好味平時我食飯既話一定會叫佢俾多啲蔥油我撈飯食的平時我好少飲凍鴛鴦所以嗌左一杯試下味道真的唔錯很好味而且回家沒有肚痾👍因為我每次在茶記飲奶茶鴛鴦凡是有奶的飲品都會肚痾今次吃飽飽真的很滿足😍

明明點左一碟$32蚊既香茅豬扒意粉，職員下單的時候自己下錯了，給了一碟$46蚊既辣肉碎香茅豬扒意粉我食，一個第一次幫襯的客人，我點知道自己食左較貴的餐？餐牌上有一道叫辣肉碎香茅豬扒意粉我也完全不知道，因為很趕時間，求其點，但埋單時發現貴左，問職員為何貴左甘多，下單的職員發現自己下錯單，很慌張，叫了另一個態度極度差的女職員過來，一句道歉的說話都沒有，就即時話因爲我已經食完，意粉都冇加我錢，冇得改。第一，是餐廳職員自己下錯單，第二，我是第一次幫襯，係吾知情的情況下食左一碟我以爲係香茅豬扒意粉，但原來食緊辣肉碎香茅豬扒意粉，多了一點兒辣肉碎就完全是另一道菜式，試問第一次幫襯點會分別到？職員係沒有認錯自己不小心下錯單的情況下，我被屈食左一碟較貴的意粉，如果知道，我一定吾會食。老實講，如果那個女職員好聲好氣同我解釋，我一定會照單$46全付，因為人總有錯，但比人屈食完先黎講落錯單，將責任推晒食客身上，因為我趕時間，沒有跟女職員辯論下去，最後好像錯的是自己的情況下給了$46蚊。我想講，$46我不是比吾起，但過程中，一間食肆如此態度差對待客人，令我上open rice第一次出post投訴都是第一次。以

從來未有一間餐廳可以令我如此賓至如歸，非出post不可...話說小弟今日同朋友去食午飯，我叫左碟咖哩牛腩飯，朋友則叫左香茅豬意粉，咁說實話，個飯太爛，我唔鍾意，不過我朋友就話個意粉幾好，咁食完之後埋單啦，對一對價錢發覺個意粉貴左十蚊。之後我地叫職員埋黎問點解同餐牌唔同，之後職員埋去商量完就有個身形比較龐大既女職員走埋黎，指責我地食完先話錯order，小弟真係一頭煙，無啦啦店員用上極好態度，手叉腰向住我咁講。之後我重申一次，剛才的香茅豬扒意我其實唔係話錯order，只係埋單發現貴左想問點解，之後女職員突然講句你轉意粉我都未加你錢，其實係米我表達有問題？點解佢答案咁難理解？之後我再重申話我地第一次黎食唔知你個香茅豬扒意係點，我只係見貴左想問點解，之後女職員好似聽唔到，佢重覆講你地食完先話錯冇計架啦，你轉意粉我都冇加你錢！咁因為一來小弟趕時間，二來我發覺女職員好似開始想打架咁，雙眼目露兇光，小弟唯有算數，好坦白講，價錢只相差十蚊不是什麼大數目，我不知道原來在餐牌內多了幾粒肉碎及一隻雞蛋便是另一款美食，因此貴了十蚊，其實只是十蚊真的少事，你解釋我聽不就可以嗎？你多給我的雞蛋及肉碎我朋友是沒有吃

上次lunch偷食過同事碟飯一舊叉燒 覺得都唔錯丫。特登同友人黎食晚餐 想獨享碟叉燒飯。結果 是賣剩嗎？還是晚市不應點叉燒？翻看食評 原來都有人評論過貴店叉燒 賣相都好過我的😑😑我的叉燒飯嘗試告訴店員我吃過的不是這樣 問店員可否換點叉燒 女店員說叉燒總有頭尾 不可能換 另外給兩塊中間的我結果（左碟中的一塊/圈內）真的感謝了我忍不住表達 很少在其他地方會全碟都是這樣的叉燒碎 女店員則建議我可以選擇 其 他 食 物 無語了**那麼我都這樣建議大家**我與友人都不太想食下去 好在友人分享她的豬扒俾我食 我才不致於食淨飯下去🤧我下次會去番東廣場另一邊巷果間叉燒煎蛋飯 ~^^

第一次食完都已經一肚氣!小人不記大人過，今日再比多次機會佢做生意，服務態度依然極差，星期六，12:00 得兩枱客， 都唔比人哋坐入面， 十問九唔應， 唔識尊重人嘅餐廳唔會再幫襯!!

説實話，有點失望的早餐。餐具用外賣的也沒關係，味道好就好。可惜點的是鮮沙嗲牛肉麵，牛肉只是冰凍貨式，而且啤水太過，都白透了，牛肉味欠奉更似肉片多一點。沙嗲味也不夠，麵煮得太淋，我只感可惜，浪費了一次用餐機會。其他的多士很好，香脆熱辣，炒蛋滑是滑，可惜太多碎屑，煎鍋未清乾淨吧。肚子滿了，可惜大概不會再來。

星期日既觀塘好多餐廳都休息，菠蘿包癮起，華嫂又冇開，於是去東廣場食住個翻版先啦。下午茶時間諗住快食個茶記再去食雞蛋仔 點知落左單 一等就等左20分鐘，初初以為漏單，店員話焗緊 咁一心期待熱辣辣新鮮出爐既菠蘿包啦 點知等到既係我破碎既心。。有睇開dorfoodie既朋友都知我有幾迷戀出爐菠蘿包架啦，食到個唔新鮮既菠蘿包真係會傷心一日，更慘係搞到我趕唔切食恆發😫厚切午餐肉炒蛋菠蘿包 $29 😋: 2/10價錢係唔貴既 但味道真係完全唔成正比。等左20分鐘，個菠蘿包一攞到黎我已經好想喊出黎個包究竟放左幾多個鐘先焗返熱？睇下菠蘿皮 腍到。。。菠蘿包個皮喊脆係死罪黎架嘛 而且午餐肉同炒蛋都太油 成個包索哂油濕哂咁，食完成手都係油！1. 午餐肉真係厚切2. 炒蛋份量都唔少所以有2分😑呢排運氣都唔太好 成日都中伏🤦🏽‍♀️

一個人，隨便吃些東西填肚就可。沒有甚麼idea，隨便走進東廣場的一間小店內，食一碟碟頭飯....簡簡單單點一味叉蛋飯，淋上豉油，再洒上一些蔥油，就這樣....餸多飯多，食完一定夠飽。蛋一定要夠生有黃，用叉一咭讓蛋汁流滿周圍，再將之混進飯及豉油去吃才是王道....但可惜的是，叉燒又瘦又硬崩崩味如嚼蠟，絕對是近來吃過最差勁的....唯一可取之處，便是自製的蔥油，蔥色水綠油油又大粒，油水充足之外調味又不太鹹，用來伴飯，剛啱好....若當它是蔥油荷包蛋飯的話，是可以的....