新永成茶檔 (東廣場) (已結業)

一般般，這次的飯不怎麽好吃。肉醬還可以，只有一片番茄。通過ooenrice外賣自取，有便宜。這個價格只有這種質量的餐點，還是差了點。之前，有吃過其他的，還可以，不知道是不是因為便宜，所以質數差了

第一次使用openrice自取外賣都幾方便使用 餐點清晰易睇點了兩個常餐:生炸雞翼和秘制豬扒配公仔麵生炸雞翼全翼來的 有兩隻 非常惹味 又脆又嫩配上炒滑蛋加奶油豬滑蛋炒得幾滑 奶油豬就麻麻 烘得一般公仔麵無加錢轉出前一丁 麵質都可以至於秘制豬扒就舊式醃製味道肉質唔鞋口 整體不錯 下次可以試飯飯

東廣場真係好多好野食，今日lunch time就去左試依間茶檔，我和同事點左:1. 辣肉碎香茅豬扒煎蛋飯 ($48)份量大，好多飯，豬扒剛剛炸起，滲出陣陣香茅味，好香，食落肉質都嫩，醃得入味，煎荷包蛋個蛋黃係流心㗎，辣肉碎味道唔錯，有少少麻辣味，但份量就比較少，同埋偏油膩。2. 咖哩新鮮牛肉飯($44)牛肉片新鮮，切得比較薄，質感嫩滑，咖哩汁嘅椰汁味剛剛好，辣度適中。凍飲加三蚊，整體來說，以這個價錢，算係抵食。

東廣埸愈開愈多野食，但不得不推介呢一間 “新永成茶檔”每次去觀塘，都會忍唔住去呢間食個靚Tea ，永遠淨係鍾情於佢個 “生炸雞翼，加厚切西多士” HK$36 無錯，係2隻生炸雞全翼，即叫即炸，所以需要等一陣。 配上佢個厚切蜜糖西多士，真係無得輸。 生炸雞全翼，用南乳去整，雖然南乳味無咩，但勝在用生炸去做，十分之加分。厚切蜜糖西多士，厚度好夠，入面係花生醬，配上蜜糖，滿足感十足。最後配上一杯凍檸茶。 呢個下午茶過得好圓滿

新永成茶檔早排同屋企人下午茶時間去咗觀塘搵食，行行下入咗去東廣場，睇下有冇乜輕食，經過咗一間叫新永成茶檔，有唔少人坐咗喺度，大部份人都叫咗件厚西多食，我當然照樣跟風啦！叫咗個厚西多再配杯熱咖啡。厚西多賣相幾吸引，食落都幾好味，但係價錢就感覺偏貴； 而家啡就比較（鞋）唔係咁好味。

逢星期六日成日要去新屋清潔所以係新屋附近搵食揸車見到呢個商場特別多野食一終入去睇下有咩食入到去原來有多細細間既食肆咁啱經過有間餐廳好多人食緊西多士再行近睇見到好大份幾厚下睇見都流口水引唔住拉我老公即時坐低試叫左一份西多士同老公share呢個係下午茶set $32蚊只係等左5分幾鐘就送到效率好高送到嚟見到起碼有5吋咁厚熱辣辣仲要係即叫即整而且咬落去好多花生醬好足料好有口感 仲做到外脆內暖正呀下次再嚟一定再會叫西多士

今日去開觀塘APM嗰頭，突然想食奶油豬同炒蛋，就諗起隔離東廣場新永成茶檔。望望下午茶餐menu無SeeFood 閨想食嘅配搭，都係嗌返可以滿足晒兩個願望嘅常餐啦！常餐有幾款可以揀（一律$43，凍飲加$3），平時一定會嗌佢嘅招牌生炸雞全翼，配意粉。因為隻雞翼係分開上，無生粉都炸到雞皮脆卜卜，唔使驚食到成口粉。但呢排熱氣，唯有揀叉燒意，下次有機會再影雞翼畀大家睇。好彩叉燒意都無令SeeFood 閨失望😄 四大舊半肥瘦嘅叉燒好厚身，食落好濃蜜汁味，叉燒邊望落有少少燒到燶，但食落又唔會有燶味，而且唔會又乾又硬。而意粉嘅軟硬度一如既往咁啱啱好。平時出面啲奶油豬，就算個邊脆，中間都係淋嘅，一係就成舊硬到石頭咁。但呢度嘅奶油豬，除咗烘到少少焦邊之外，連最中心處咬落去都會發出「索索」聲。留意，唔係硬屈屈嗰隻「確」，係鬆脆嗰隻「索」。至於炒蛋都係一貫咁滑、咁熱辣辣。不過杯熱檸茶就有少少苦澀，要落多兩匙白糖先啱口味。美味指數：4⃣/5抵食指數：5⃣/5再食機率：100%

諗住快食早餐，所以係呢間鋪頭叫左外賣自取，甘早餐時段餐廳人唔算好多，見到冇咩人索性坐低食埋先走。咁我叫左“抵食”常餐，4號餐包括一碗自稱新鮮沙嗲牛肉米粉，炒滑蛋同香脆奶油豬仔包。甘我加3蚊飲罐芬達，另外再加5蚊幫果滑蛋加黑松露啦！先講果滑蛋先，真心好彩有加黑松露，好食好多，滑蛋都唔錯，未至於好滑但都唔係實淨果種，所以幾好食既，味道適中，唔會太咸太淡。至於果豬仔包，都夠脆，同埋上面茶左啲煉奶同牛油，但又唔算茶太多，食落唔會覺得好漏。其實兩樣伴菜我都好滿意既，但最慘係果主食出事。首先佢自稱係新鮮沙嗲牛肉啦…啲牛肉一啲都唔鮮，明顯係一般茶記食到落哂鬆肉粉再撈啲沙嗲醬遮味既牛肉黎，然後米粉冇問題既，但最慘係果湯好似水甘，唔好睇顏色幾深，食落係完全冇味，懷疑煮既時候忘記左落鹽，清水煮米粉會想像到幾唔好食下，真心水準差左啲，一般茶記都好難煮到甘難食。

本身諗住返屋企但時間尚早，天陰陰又落雨。行行吓又覺得有啲肚餓，本身諗住買餸返屋企煮飯食，行過東廣場，見係下午茶時間，想話食少少輕食等一陣既晚飯。行過見到呢度牌面幾是正，見到有牛油果沙律以為係比較新派既餐茶廳決定一試，點知牛油果就見唔到，番茄就一大堆，發兩句牢騷就比人大大聲兇返頭，「係咪唔滿意？唔滿意可以幫你cut左佢！點？係咪唔滿意？」唔知咩態度，亦唔想浪費，lala臨食完算數。喜歡茶餐廳惡劣態度嘅朋友可以試吓。

話説今天在此店叫外賣，由12點40分落單，到1點35分也還未來，打電話去問，一位女士只回應負責外賣員工已出去。再問對方能否打去外賣員工到哪裡，電話女士只重複外賣員工已外出，完全沒有誠意為顧客解決問題，問可否取消，因我lunch time快過，但電話女士依舊不斷重複外賣員工已出去，像錄音帶播放一樣，最後外賣13點41才到......食物質素一般，豬扒很削，飯被油浸得十分沒有咬口而且十分油膩，不建議光顧！

朋友介紹這裏的炸雞翼, 之前試過不過不失, 今日叫 左一個焗豬扒飯, 差到你唔相信 相畀大家樂嗰啲人哋大家樂起碼超班幾倍 ,首先講講個汁, 完全冇味道得個鹹字, 係嗰啲好平好cheap嘅 芡汁, 豬扒冇香味, 好似烚熟咁樣, 焗豬扒飯居然係白飯底唔係炒飯底, 嗰個白飯仲要係好濕好爛, 食咗三分一真係食唔落去， 真係唔明點解而家啲餐廳 咁樣都可以開檔， 真係好垃圾， 睇嗰個飯就知道 ，完全冇心思， 普通食下炸雞翼， 叉燒麵都還可以， 價錢都唔係平 ，有得選擇絕對唔會揀

觀塘東廣場覓食咯~~~黎到茶檔 鋪仔細細,裝修復古幾特別焗芝士漢堡扒煎蛋飯 煎蛋係太陽蛋🤤可以整穿佢撈飯😆漢堡排係手打,肉質鬆化,加入黑椒調味👍🏻排既大細係足夠送飯💪🏻

星期日放假懶洋洋Hea 到3、4點先出街覓食🤭🤭最成日蒲既「紅茶」愈來愈多人去 感覺食物誠意下降了 所以發掘下新熱點游到東廣場 老公話行個圈 Let s go一開頭見到間小cafe 幾唔錯 仲有間鹽水雞台式都幾吸引 眼闊肚窄 下次先試佢地啦好 揀左呢間茶記裝修的小店 （見到幾滿座）下午茶好多選擇呢雞全翼呀 西多呀 奶醬多呀 😋😋😋😋😋好餓呀！因爲好快食晚餐 所以兩人點了個 芫茜豬潤麵， 奶醬多 先講豬潤麵，湯很熱 很不錯呢 加了芫茜令湯頭添加一分鮮甜，不錯 下次早餐再來encore !奶醬多 味道剛好 好味！ 一人半份 過下口癮支持小店！ 好快再見！ 🤩😎🤓

有次早晨路過見。店舖坐位不多，只放了幾張枱。坐位算是不太擠迫，但始終坐得不舒適。餐牌上既野唔多。早餐沙爹牛肉麵，雙炒蛋多士。堂食！奇怪全部用外賣膠碗碟及外賣用膠餐具。感覺好似好求其....多士不夠脆，多士咬落有點堅韌。炒蛋太老，不夠嫩滑。而且都唔熱！沙嗲牛肉麵的牛肉只是暖的.應該說冷肉放熱麵上....湯底再混入沙嗲醬，味道還好，而是冷的牛肉當然扣分。麵條比較林，而牛肉則沒有什麼味道咖啡尚算可以吧！但唸唸下。都唔知是否別人打電話話外賣自取但又無來取，成份比我堂食呢⋯⋯價錢都算略高！如果咁既環境及食物質素！我會行多兩步！！！

🥢觀塘食極邪惡蔥油撈面🥢最近發現東廣場有間新茶檔專食蔥油飯蔥油撈麵，生炸豬扒雞奕，聽個名都覺得好想食啦，一於試試🥢招牌生炸雞全翼煎蛋撈公仔麵$48 🥢秘制生炸豬扒煎蛋撈公仔麵 $44🥢公仔麵：蔥油撈公仔麵，撈公仔麵好爽口，如果即烚即撈應該會糊掉，又或者煮完擺得太耐無變得乾硬，店家應該經過一啲工序處理過先會咁爽，有彈性，口感一流🥢煎蛋：用上兩隻煎荷包蛋，不要睇少煎荷包蛋，要煎到流心燶邊，蛋白軟滑係一件好巧手功時間嘅事，呢隻蛋完全合乎我要求🥢豬扒雞翼： 雖然是生炸，但是沒有醃過調料，所以是無味的，扣分🥢茶： 茶檔級好飲，夠濃夠香不苦澀🥢新永成茶檔地址: 觀塘成業街7號東廣場地下G52號舖