新永成茶檔 (東廣場) (已結業)

東廣場開了很多食肆， 新永成是其中一間新開嘅。餐牌嘅相中有一個很厚的西多， 我就被它吸引了。這個三寸蜂蜜西多士， 賣相吸引，食落同普通西多士味道一樣， 算是厚啲，有特色。這間茶檔賣的東西算是迎合附近返工嘅office lady， 餐牌都整得靚。

一早有聽聞東廣場這裏新開了很多食肆，卻一直未有時間去試，今天終於來到。因為中午時段，所以很多店都滿位，剛好發現路過新永成，女店員超級熱情地招攬生意，我就不作多想。我叫了秘製豬扒蛋蔥油撈面豬扒的份量挺多的 有三塊 肉厚蔥油醬汁ok朋友叫了咖哩炸蝦餅撈面十分香 而且蝦餅也是大大份 料足因為女店員情熱推介 所以又叫了紅豆沙紅豆甜 但不夠軟對於我這種不特別喜歡紅豆沙的人來說就一般整體來說不錯的店員也有禮貌 挺熱情的環境比較狹小 但在商場裏有冷氣 不怕熱

喺觀塘行街，買完野見有啲肚餓，就去東廣場睇吓有咩食，因為東廣場開咗唔少特色美食嘅點號，見到呢間茶餐廳都坐滿幾多人，係羊群心理嘅狀態之下就坐低左食下午茶，餐牌上面食物款式都算多，而且價錢正常，於是我就叫咗炸雞翼配西多。食物一上枱竟然咁大份，成兩隻雞全翼同埋半多份好厚既西多， ＄34都真係幾抵，雞翼味道正常，不過可能全翼有啲難炸，食到中間有啲血水唔係太熟，只係其中一隻唔熟另外一隻都炸得OK ,西多士好厚，不過同一般西多士嘅味道冇乜分別，整體來講味道正正常常啦，價錢都合理，不過唔會有特別嘅驚喜。

觀塘東廣場的食肆愈開愈多，平民化或中等價錢均有，要突圍而出並不容易。呢間開左唔耐的新永成茶檔，奇貌不揚，但聽朋友講話佢既豬扒唔錯，這天經過便去試吓。叫了一個辣肉醬豬扒飯，又整得幾惹味喎。豬扒是加上香茅去煎，較一般茶記的同類產品多了一份香味，肉亦不太乾，尚有少許肉汁。辣肉醬其實唔太辣，但又真係幾佐飯，最欣賞呢度仲加埋隻流心荷包蛋，篤穿它來拌飯一流。平心而論，雖然碟飯油膩了少許，對最近要減磅練跑的我不太適合，但純計味道真係幾好食。

東廣場篇，不經不覺成個東廣提地下原來已經租滿左。曾經我有想過鴻圖大計的，但往往只有想囉，從未實行。現在的夢又成為另人嘅夢。今次試了一間似是茶餐廳的，裝修似舊式茶餐廳，連貼在柱的餐牌都另有一番風味。餐廳的食品以快餐為主，一般嘅叉燒炒蛋飯，肉醬意粉，常餐又或者豬扒飯，呢啲快餐都有供應。呢度最出名嘅就係肉醬香茅豬扒飯，今次就叫左一個呢個飯，佢嘅肉醬有啲川式嘅風味，香茅豬扒就經咖喱同埋香茅醃過，然後攞去炸，上面仲會有啲蔥油喺度，仲有一隻煎蛋，三件豬扒。味都唔錯，豬扒夠味，肉質有口感。價錢如果＄40來講都OK。除咗呢一個著名飯之外，比較多人拉嘅就係豬扒煎蛋飯。呢個豬扒同香茅豬扒嘅味道唔同，呢隻豬扒係冇醃到，所以個味道唔係好夠。但係呢個蛋都仲要有兩隻，價錢都係＄40，但相比下香矛豬扒飯較優勝。呢度比較特別嘅仲有香茜豬膶湯飯，另外仲可以揀通粉或者米粉，今次我就揀咗個湯飯。佢啲豬膶食落去都幾爽，大概有六至八九件，材料都足。個湯飯嘅湯味道夠濃，唔似味精湯，似有用材料熬過，仲有好香嘅香茜味，幾正。飯餸來講都OK，價錢一般由30幾蚊到40幾蚊不等，飯嘅份量同個餸嘅份量都夠大，但缺點我就覺得係個飲品，熱飲一般