更多
2017-06-13
466 瀏覽
男朋友屋企人提早慶祝父親節,antie 話之前食過兩次質素都唔錯,再決定去返呢一間食。上網一睇發現啲人話轉左手冇之前咁好食,不過既然已經book咗枱大家都決定繼續試一試。叫餸呢啲當然長輩話事,我哋一行六人叫咗八個餸:啫啫芥蘭煲,小炒王,菲式蒜香骨,鐵板醬燒釀茄子,容記第一嘴,蒜蓉粉絲蒸扇貝,燒腩仔,齋菜卷。呢度嘅裝修一般,普通大排檔鋪頭格局,我自己就冇乜期望,只係陪佢屋企人食餐飯。先上既係燒腩仔。相當唔錯喎,個皮夠脆夠鬆化,肥瘦相間,肉竟然好淋,唔會死實過鹹,正過酒樓喎!第一嘴係炸墨魚咀,我自己就未見過咁大粒嘅墨魚咀,雖然墨魚味唔濃,不過彈牙,而且炸得又脆又香口,唔錯。鐵板燒茄子配上濃濃嘅燒汁,夾住燒過嘅餡料十分香口,不過只得一條,如果係兩條就認真夠滋味了。其他菜大碟又香口,水準係意料之外嘅好男朋友話整體食物質素其實同未轉手前差唔多,我第一次食就覺得都唔錯,起碼夠新鮮,而且唔會太鹹,三五知己食圍飯嘅首選!
叫餸呢啲當然長輩話事,我哋一行六人叫咗八個餸:啫啫芥蘭煲,小炒王,菲式蒜香骨,鐵板醬燒釀茄子,容記第一嘴,蒜蓉粉絲蒸扇貝,燒腩仔,齋菜卷。
呢度嘅裝修一般,普通大排檔鋪頭格局,我自己就冇乜期望,只係陪佢屋企人食餐飯。
先上既係燒腩仔。相當唔錯喎,個皮夠脆夠鬆化,肥瘦相間,肉竟然好淋,唔會死實過鹹,正過酒樓喎!
第一嘴係炸墨魚咀,我自己就未見過咁大粒嘅墨魚咀,雖然墨魚味唔濃,不過彈牙,而且炸得又脆又香口,唔錯。
鐵板燒茄子配上濃濃嘅燒汁,夾住燒過嘅餡料十分香口,不過只得一條,如果係兩條就認真夠滋味了。
其他菜大碟又香口,水準係意料之外嘅好
男朋友話整體食物質素其實同未轉手前差唔多,我第一次食就覺得都唔錯,起碼夠新鮮,而且唔會太鹹,三五知己食圍飯嘅首選!
張貼