新之食 (已結業)

開頭新開張果陣好新鮮，好多配搭，味道幾好架，尤其個茄蛋牛肉面，面同送配合得好好，好中意食，但慢慢d水準愈妮愈差，成日d蛋同肉同面唔成比例，搞到好難食。不過因為真係幾平既關係，我有時都會幫襯下，d油菜真係幾好既問心，但係而家去多數都係食d穩陣d既野食，好似鹵牛肉面呀，油豆腐面等等。不得不讚既一定係佢個豬扒飯，$20大大碟，兩塊大豬扒，炸得鬆鬆脆脆，好好味，真係抵食。另外，間野比人既感覺唔係咁乾淨，成日污煙障氣，所以我次次都takeaway咁滯，不過佢效率好低，好慢，希望佢既水準回復剛開業咁就好嚕。