料理処:森 (已結業)

朋友知道我愛吃日本菜，特意為我推薦這間以地道日式料理作賣點的餐廳，今天一試，食物和環境都屬優質。茶碗蒸是一道日式的蒸蛋料理,把海鮮-蝦和蟹柳,冬菇等的食材和蛋一起蒸熟,蛋味香濃蟹柳,冬菇等的味道也滲至蛋中,令整個變得更有層次。左口魚裙邊部份油分豐富有嚼勁。咬落既爽口鮮甜,甘甜魚油緩緩滲出,層次豐富,濃郁甘香,壽司飯不會太大舊,酸味也調節得宜。鯛魚肉質堅實,嚼勁十足啖啖鮮味令人回味無窮,握成壽司更能感受到其鮮甜美味。此時，我點了一份森·特製丼，以吞拿魚作主題。邊等著食物邊看著師傅在我眼前製作料理，可以留意到師傅的手勢以及製作過程，感覺更放心。吞拿魚滿滿的在整個魚生飯的表面,在份量上也令我感驚喜。有呈粉紅色的赤身（即是吞拿魚背肉）,油脂較少但魚味十足的中拖羅和霜降油脂芳香入口即化的大拖羅。香蔥碎吞拿魚是赤身和魚腹剁成碎後,再拼成球狀,魚肉細幼香滑,口感綿軟加上脂香,在香蔥的加持下伴以米食,味道變得突出。位於吞拿魚背的赤身肉油脂較少,味道雖較單調,但卻可以確實地吃到魚肉的香味。而中拖羅的油脂比例程度,在肌肉組織赤身以及脂肪豐富的大拖羅之間。除了保留赤身那確實的美味以外,也可品嚐到恰到好處的鮪

放假同男朋友諗住落街食lunch...上openrice見到呢間日本野好似幾吸引...甘岩又係屋企附近...一於去試試Set lunch選擇都比較多，不過我地兩個想食魚生飯，所以不約而同揀左呢個北海丼,師傅係即場係壽司吧到整俾我地黎到果然冇令我地失望呀，淨係睇賣相已經好吸引，魚生亦都好新鮮，而且面頭加左唔知乜野醬汁，酸酸甜甜好開胃美中不足GE係隻甜蝦太細隻，如果可以大隻d就好啦🤣🤣總括而言，味道同價錢都係成正比，下次會去試下set lunch😬😬

今日同男朋友去荃灣覓食因為男朋友尋晚已經想食日本野所以今日既目標都係日本野😂openrice見到呢個名感覺好日本野一於就試下先有午餐menu我點了個櫻花丼男朋友沒有點午餐點了一個特上的壽司盛櫻花丼係午餐所以有湯有前菜加$10 有波子汽水沙律幾新鮮個味噌湯有少少鹹不過都還可以的主食有2片3文魚，3片赤身我喜歡把吞拿魚碎混和飯一齊食刺身都幾新鮮男朋友的外表好靚呀好豐富望落去好似唔錯男朋友話魚生係新鮮既不過飯就麻麻地唔係特別好正價錢唔算平，中等價位我哋食左3百幾蚊ok 喇

首先要讚賞餐廳服務生，佢哋幾留意客人需要。佢啲食物質素唔錯，餐廳樓底高，環境舒適，鍾意食日本野一定要去試。螢光魷魚，味道醃得很到位燒左口魚壽司，入口即溶卷物，豐富有層次赤貝，新鮮燒牛舌，保留原有嘅肉汁一間值得推介嘅餐廳。

有時候，連鎖食肆去多了也會想去小店試試廚師的手勢。 這個晚上走上了荃灣的後街，做個低頭族邊逛邊滑手機，恰巧在荃灣群組裏讀到有谷友介紹的這間日式食肆 ... 咦咦 ... 我們只有一個街口的距離，那麼便走去看看吧 ! 這間日式食肆正正藏身在車房堆裏，稍有不留心便會遺漏掉。 切記，小心車輛 ~讀過門前的精選餐牌，有由日本市場直送的魚鮮，售價亦不算貴呢 !進入食肆後，眼前是師傅的開放式廚房，客人均是沿著廚房邊的吧位坐著，心想：難道會有 omakase 供應，可是翻遍餐牌都沒有看見。那麼便點一些好吃的、有新意的日本料理吧 !燒牛舌 $ 48 兩串燒牛舌，每串有三件厚牛舌，完全是牛舌心的位置，燒烤時撒上黑椒，份外惹味 ! 三文魚他他 配 火炙醬油漬帆立貝 $ 58 看擺盤，看份量，這個價錢真是抵吃。 面頭是原隻經炙燒過及有醬油醃漬的北海道刺身級帆立貝，肉質緊致有彈性，炙燒過的香氣 及 醬油醃漬之味讓帆立貝濃郁鮮甜；下層的三文魚他他，油脂旺盛，師傅把它混入白芝麻碎，另有三文魚子，有海草墊底，味道頓時多了層次。松露芝士千層 $ 78 單看名字是不能估到這個是甚麼樣的食物，它帶有松露的香氣，吃著是

※本文以用餐當日的環境、服務和食物質素為準，口味亦因人而異，文章只作參考之用。-是晚去左呢間頗為隱閉的料理処:森食晚餐，係就係荃灣廣場附近，但相隔一兩條街後既享和街最多車房、寵物店同獸醫，小妹就覺得餐廳應該係以口碑相傳，做熟客生意多。都係咁岩上次去食「秘」先見佢地，仲一路以為係新餐廳黎，原來已開業一段時間。餐廳設樓上雅座，樓下都係吧枱位，好似食師傅發辦咁，可以一面欣賞師傅的製作。白板上有寫是日供應邊款新鮮魚和推介。餐牌上款式多，有刺身、壽，手卷、卷物、小食、沙律、天婦羅、炸物、燒物、鍋物、一品料理和丼飯，仲有供應食日本料理不能缺少的各款清酒。森之香腸 $28一客兩條，咬落頗似台灣腸質感，味道甜甜的，幾好食！松露芝士千層 $78本身想叫明太子千層，可惜賣晒就轉黑松露口味的。一碟有四件，有兩款不同既配搭，另一款係面頭加多左片紫蘇葉同蟹子。食落外層係香脆既吉列炸皮，裡頭係滿滿的松露芝士，芝士仲拉到牽絲架，香得黎味道都不錯。燒宮崎和牛150g $228叫左碟燒和牛，仲有得揀熟成度，要左五成熟。將宮崎和牛切成薄片，見到中間仲係粉紅色的。入口有微微炭燒香，肉質食落相當嫩滑無筋，牛味濃郁；每片牛肉中

料理処:森 - 位於荃灣享和街，就在荃灣廣場附近，荃灣西鐵站步行五分鐘昂達。坐吧檯位置能觀賞壽司吧檯中師傅的功藝，賞心•悅目。三文魚腩壽司($14/件) & 蔥吞拿魚卷($56): 吃三文魚必須點魚腩位置，油香感更重更香。吞拿魚卷味道okay，但略微欠缺油脂香。火龍卷($36): 即吉列炸蝦卷，內裡夾著香脆炸蝦，其餘便是蟹子、紫菜，比加州卷更香口。北海丼($118): 包括三文魚腩三切、帶子三切、刺身、海膽二切及魚籽(貨源問題，以蟹籽代替)。刺身整體相當新鮮，鮮味十足，款款都好吃，無須一一細數! 燒牛舌($48): 一客牛舌共有兩串，非常爽口彈牙，牛味香濃，簡單以鹽燒處理便已不錯。雜錦天婦羅($78): 天婦羅炸粉夠薄，香脆鬆軟，含吉列蝦、茄子、南瓜、青椒等，一點也不油膩。

三星期前，發現這隱蔽的日本料理。欣賞剌身魚新鮮，壽司用料手勢貿素好，環境清幽。之後連續三個星期六外出用膳也來這享受一下。但今晚發生的事情令我們非常失望，就此不會再來，也希望大家不會食完一肚氣。光顧他們有印花計，上次剩了兩個位，今次我們有九個印，他們蓋完上次那卡兩印，應再有新卡給我們，我們見冇，就問下是否有另一張？我們坐樓上，那侍應走下去問另一位長髮女侍應，她說，話明優惠，冇就冇架啦，使乜解釋？她再問，佢地俾左錢未？這幾句話，沒禮貌，趕客，非常不好受。我們只是想問是否有另一張印花卡？上次是有，你們沒說停我們也不知道。我們也不是貪那些$50，也不會因這不付款，但這種態度這種回答，足以破壞我們美好的拍拖夜，我們原本來享受，現在來受氣。美食好境，也要有普通的服務態度，不是追求五星級服務，但絕不是如此無禮。人均消費五百，也落得如此服務。永遠不再再來。。大家也小心。

今晚放工陪爸爸去荃灣享和街拎返岩岩整好既私家車, 順便係附近食埋DINNER先返屋企。呢條街車房多, 而且跟港鐵站有一段距離, 所以如果唔係因為拎車, 都唔會行到呢個位~ 竟然係呢條街比我發現左呢間隱世日本料理餐廳, 喜歡日本菜既我, 除左會食連鎖式既日本料理, 其實對日本料理小店都深感興趣, 於是我同爸爸就入去嘆返餐日本料理。店內設有吧檯, 可以一邊食, 一邊欣賞師傅既壽司製作過程。 呢度既刺身料理, 相比連鎖式日本餐廳既款式為多。 刺身、壽司、手卷、日式小火鍋、丼飯、燒身、炸物、清酒等等都有提供。 【三文魚腩刺身】HK$32平時必定要經火炙先可以食到豐富既魚油, 但呢度既三文魚腩厚厚地, 入口魚油味已經很足, 正啊!! 【軟殼蟹手卷】HK$26即叫即整, 軟殼蟹即炸, 一包即食, 紫菜入口還是脆的。 軟殼蟹有半隻之多, 同樣是脆脆的, SIZE跟壽司飯成正比。 【炸蝦天婦羅】HK$88炸後表面帶金黃, 而且不會油膩, 隻蝦都幾大隻, 炸皮薄, 而且很鬆脆, 入面隻蝦仲幾爽tim! 【一口芝士】HK$38外表炸得金黃香脆, 一咬之下, 入面既香濃芝士係口中慢慢散發, 軟滑芝士口感,

和同事到荃灣工廈見客後路經這間被車房包圍的日式餐廳，即使是平日中午亦座無虛客，lunch set 價錢合理不收加一，大部分set$100以下就可埋單，另外可以優惠價加購各種小吃。^餐廳樓底頗高有空間感，設有上下兩層，樓下坐吧台可以看著師傅處理料理。^所有set都會先上兩個前菜和熱茶。^前菜是沙律及青瓜拌牛舌漬物，味道有驚喜，清爽開胃，牛舌有彈性和咬勁。👍🏻^加$9便可加購兩大片厚切三文魚刺身，味道略帶甘香。上菜啦~^定食包含五件壽司三件太卷和一碗烏冬(吃了一件蟹柳壽司才記起要拍照)。附有腌姜片可以讓食客「重置味蕾」，清掉上一口的味道再吃下一件壽司，就不會影響品嘗。壽司食材質素一般，但$58來說算是物超所值又有飽足感，太卷亦有點鬆散。^烏冬平平無奇，質素和家中自己煮的差不多，湯底就像是平時湯粉沖的......^帆立貝刺身味道鮮甜但質感太腍、沒有彈性、顏色偏白。吞拿魚刺身表面看有光澤，可惜入口味道有點腥，油脂亦較少。而帶頭甜蝦刺身還算甘甜。總括而言，雖刺身均不太新鮮味道偏腥，但未有出現刺身解凍不好有雪味之類的問題，性價比算是還好。^是日最愛！👍🏻如刺身定食配普通醋飯感覺太寡，所以非常喜歡這

最近在網路上看到很多人介紹的日本餐廳，雖然地點不太便利，但勝在價錢便宜，決定相約朋友去吃吃看。北海丼裡面有三文魚、帶子、牡丹蝦、海膳、三文魚籽，材料滿新鮮，帶子肉質肥美，牡丹蝦味道鮮甜，口感十足。鵝肝帶子卷帶子鋪在上層，份量十足，有一點點蔥作調味，鵝肝夾在飯的中間，整件吃下去都會有鵝肝的味道，配合得不錯。燒鰻魚最近愛上吃鰻魚，這份口感不會太過軟身，醬汁配上鰻魚最佳拍擋。松露芝士千層芝士味道較松露突出，外脆內軟，這種做法蠻有驚喜。埋單後更有雪米糍送

其實福來邨後的車房街道有不少不錯的食店，不過願不願意花時間去挖掘就是自己對吃的追求程度去到哪裡。在白宮附近，最近開了料理処森這日本餐廳，儘管附近的車房比較混濁，不過料理処森卻光亮整齊，與外面形成強烈對比。我與媽媽都非常滿意餐廳衛生程度，因為每當廚師完成一道食材的工序，都立刻洗手，保持衛生，無形中加強食客對餐廳的信心。另外，每位店員的服務態度都超好，我對食材上的問題對能用心，有耐性解答。吃日本菜當然不少得刺身凍食，所以我與媽媽先吃刺身丼飯，壽司等，吃完後再吃熱食。近日不少日式食店以爆丼作為招來，但是個人覺得份量多固然是好，但是最重要都是食材的質素。北海道丼無論在價錢還是刺身款式都值得一讚，118元已包括三文魚，帶子，牡丹蝦，海膽及三文魚籽，好不豐富。三文魚籽粒粒分明不死鹹，咬下去啵啵作響的口感，蠻出色的。帶子很柔軟，滋味鮮醇，鮮味久久不散，印象深刻。三文魚肉質軟嫩很不錯，魚鮮十足，油脂充沛，滋味醇美，甚至回甘。新鮮的牡丹蝦相當有彈性，甜度比預期更甜。海膽味道濃郁，色澤漂亮，形狀分明，入口濃厚鮮甜。媽媽吃鰻魚壽司大讚鰻魚處理得好，一口咬下沒有討厭的魚刺，鰻魚的軟嫩還有醬燒的香氣，搭配壽司飯

很久之前就在網上群組聽過料理処:森這間餐廳質素不錯，所以這天在荃灣晚飯我就順理成章提議來這兒試試。我坐地下一層，圍住師傳工作枱，可以近距離看到師傳處理食材。當日亦有不少日本直送到港的魚類，例如伊佐目，金線鯛等。我們貪款式多，點了特壽司盛（$238）。壽司拼盤有9款壽司，包括：甜蝦、劍魚、鯛魚、三文魚、帆立貝、油甘魚、鰻魚、魷魚和紫蘇葉卷，每款都十分新鮮。特別喜歡劍魚，紋理均勻，放入口中，魚油香滲岀，令人滿足。帆立貝亦肥厚多肉，肉質柔軟甜美。紫蘇葉卷帶有紫蘇葉的芬芳，也十分討好。松露芝士千層($78)見到菜名如此有趣，就點了一客試試，想不到竟然是炸物！雖然十分邪惡，但我還是被黑松露撲鼻的香氣所吸引。「炸筒」內放滿松露芝士，芝士鹹香十足，更能輕易製造拉絲效果，有兩筒上面更堆滿蟹籽，令口感更為豐富。金龍卷($36)加洲卷舖滿橙紅色的蟹籽，四件拼在一起真有點像一條金龍呢！加洲卷內不是夾青瓜蟹柳，每件都夾有炸蝦，香脆可口，頗有驚喜。海膽三文魚親子丼($108)親子丼材料有海膽、三文魚和三文魚籽，全都是我最愛。三文魚切成正方粒狀，份量很多，吃的時候也特別有口感。三文魚籽晶瑩剔透，來貨新鮮，一咬鮮果

之前有個識食嘅朋友介紹我荃灣有間日本餐廳「料理処:森」，食材大部份都係日本貨， 而且價錢仲唔貴，所以一直放在心上， 等有機會去試試。今日約咗朋友喺荃灣食飯，終於有機會嘗試到呢間餐廳。餐廳樓高兩層，空間感充足，環境開揚，裝修以摩登嘅黑白灰色調為主。侍應安排我哋坐咗喺樓下，樓下大約有九個位，坐位都係圍住開放式廚房坐。侍應推介我哋啱啱新鮮到港嘅伊佐目。客人可以欣賞廚師嘅刀工，廚師將伊佐目切成片。伊佐目 $268侍應教我哋將一片伊佐目刺身，包住柚子皮，再點酸汁食。 伊佐目刺身白裏透紅，口感軟身，酸汁酸酸地，更加帶出魚嘅鮮甜，加埋柚子皮令鮮味提升。伊佐目骨湯 +$20食完刺身，魚骨仲可以拎去煮湯，+$20就有4人份量。自家製餃子 $58餃子係自家製，入面多汁，外面香口卜卜脆，最特別係連醬汁都係自家製。自家製雞肉棒 $58雞肉棒同樣係自家製，係用雞軟骨整成， 口感豐富。侍應教我哋整爛隻生雞蛋點黎食，蛋汁令雞肉棒食落更滑有蛋香。野菜天婦羅 $68 , 雜錦天婦羅 $78炸物一啲都唔油膩，脆漿非常薄而且脆身，香脆可口。鵝肝帶子卷 $78入口滿滿鵝肝嘅油香，鵝肝嫩滑，帶子鮮甜。大愛~~金龍卷 $36包住

淘小姐經常周圍去，荃灣嘅好嘢我都食唔少架！有次行過呢條街，見到有間好有格調嘅日本菜，樓底好高！心諗如果我有一日可以喺度試吓佢哋嘅野就好啦！今日朋友約我喺荃灣食飯，比左個名同地址我，我黎到先知原來就係呢間咁有日本色彩既餐廳！上次喺外面行過嘅時候，仲以為佢食鐵板燒嘅添～我哋坐喺地下果一層，圍住師傅工作枱，大概有8至10個位。第一次咁近距離望住師傅切魚生，我地都睇到目不轉睛！職員介紹我哋食係日本新鮮空運到港嘅新鮮魚刺身。由於我地只得兩個人係食生野，所以都叫師傅介紹一條份量細少少嘅魚俾我哋。師傅就推介左呢一條依左目，味道就會比較濃。依左目$268師傅一刀一刀切落去，工架十足！師傅仲用好多配菜去裝飾，鯉躍龍門、栩栩如生！魚片大約有十幾片～賣相十分吸引～職員遞上枱面，教我地可以將薑同蔥加入酸汁入面，然後夾起魚生片同柚子皮，醮一醮酸汁。柚子皮嘅甘香，並冇蓋過魚既鮮味之餘，仲帶出同提升咗魚嘅鮮味！原來醬汁係師傅自己調味，唔怪得咁特別啦！醮左醬汁既魚真係畫龍點睛呀！魚湯$20條魚嘅骨仲可以去煮食魚湯，價錢只需加＄20，大概30分鐘之後就煮好飲得啦！另外我哋仲叫咗好多熟食！黑毛和牛紙火鍋$138 加烏冬$