料理処:森 (已結業)

作為一個食家 (為食家)，知道有好西吃就一定不怕遠。今次食家朋友介紹一間近荃灣西地鐵站的日式餐廳。裝修光鮮，樓底高因為有兩層，播著日本歌曲，氣氛很好。雖則像走高檔路線，但價錢卻很親民。難怪只是星期二晚，人流竟然也不小。今晩帶了我的飯寶寶來，所以我已準備好會吃很多飯 😂。因為太掋食了，所以每人首先點個魚生飯。我要的是北海丼 ($118)，這個價錢我也不會預料份量會大。結果丼真的很足料，三大片厚切三文魚，三片有口感的帶子，鮮甜牡丹蝦，海膽和三文魚籽，絕對超值！寶寶吃的是海膽三文魚親子丼 ($108)，份量也很多呢！海膽十分新鮮，一點腥味也沒有。竟然還有三文魚籽！然後再點了上壽司盛合 ($149)。有三文魚，鯛魚，帶子，赤身，蟹籽，芥辣八爪魚和黃瓜卷。全部魚生也很新鮮鮮甜，而我最喜歡的就是赤身，肉質細嫩，油脂較少，十分高質。我就點了鹽燒雞翼 ($38) 作小食。鹽燒是我最欣賞的烹調串燒的方法，因為只是鹽燒才能吃到食物的原汁原味。雞皮燒得十分香脆，雞肉嫩滑多汁，加了檸檬汁酸酸的十分開胃，還能去油膩。因為我太喜歡三文魚籽了，所以還加了份三文魚籽軍艦 ($30)。魚籽咬在口裡脆卜卜的真是大滿足呀！

<走進荃灣既日本菜 料理処森>喺荃灣享和街 充滿住車房 電器店 但隱約慢慢開得越黎越多食店😋 最估唔到係行到街頭會有一間 日本小店 , 佈滿住日本裝飾 播住日本歌 , 坐位全部單邊 客人可以睇到師傅整壽司同刺身 都真係幾日本feel 🤓🍴極壽司盛合 368 蚊12 貫 ,.小卷😋😋🍣三文魚 海膽 赤身 油甘魚 牡丹蝦 劍魚腩 帶子 三文魚籽 左口魚邊 中吞拿魚腩 鯛魚 鰻魚 紫蘇卷🐟🐠🐚即叫師傅即場表演手掐壽司 製作用心專業👍🏻 每一種壽司都好好味 , 尤其係燒過既鰻魚 同軟林既白飯好襯😋, 油甘魚十分鮮甜， 左口魚邊好肥美 帶子大大隻又夠香甜， 當然地中toro同大toro梗係冇得輸😋🐟. 以328 蚊食到甘新鮮既壽司拼盤 正！🍱🍴明太子芝士千層🧀 68 蚊其實係芝士豚肉卷 🐷, 外皮炸得好香脆 入面係半溶芝士🧀同煙靭既豚肉 再加上紫蘇葉🌿同爽口既魚子🐟 又有口感又好味 😋🍴蟹膏炸豆腐😋 48 蚊用甜醬汁浸住既炸豆腐， 豆腐皮比較薄 豆腐入面又林又熱辣辣 ,🤓上面放滿住生既綠色蟹膏 🦀. 蟹膏既鮮同軟林既豆腐配搭得十分好😋 , 推介！🍴燒安格斯牛柳粒🐂 58 蚊兩串既

喺荃灣返工，之前都有去過呢間餐廳食過午餐同晚餐，不過已經是大半年前嘅事，今日忽然又想去食，咁咪同幾位同事一齊去食囉。一行五人,午市繁忙時間都有位，簡直覺得非常開心，坐低發現餐牌有唔同，以為係我哋太耐無幫襯所以轉咗。因為我同其中兩位同事想share,所以叫咗兩個餐share。叫咗個豆芽牛肉飯同埋泡菜豚肉飯，諗住呢兩樣係最穩陣，點知大家都中伏，牛肉飯都尚可接受，但係果個豚肉飯真係好難食..........泡菜= 酸汁加洋蔥豚肉= 特級肥豬肉薄上，仲有濃郁嘅魚腥味我哋三個女仔各自食完一啖已經好唔想食，但由於啲飯已經被大量強酸味嘅汁浸住咗，我哋就算唔想浪費食物，都無奈要放棄了。之後先發現原來呢間餐廳已經轉咗手啦，怪唔之得啲質素差咗咁多，其實個人認為既然keep唔到個質素，做乜要做衰人哋個招牌真係一次好唔愉快嘅用餐經驗

真正既大滿足係當等緊野食上既時候，有得望住師傅好認真咁握一件件既壽司！呢個師傅技藝精湛，握壽司既時候用兩隻手指，使出陰力一下下咁將壽司成形，成個過程嘆為觀止！佢既認真，令到坐係bar 台既我地都唔敢出聲，停留靜止～另外，又一性價比之選就係北海丼啦！百幾蚊，兩個人食岩岩好食得晒，超飽！最重要係，作為一對poorcouples 想有個好既環境又要平既話，呢間有各樣價錢既選擇，識得揀要食得好都可以好平架！

個餐廳分樓上樓下兩層 比較細 但有廁所 好乾淨 😬😬 最驚冇廁所或個廁所勁污糟🤦🏻‍♀️樓上設有侍應長期駐守👨🏻‍🍳 一叫就會有人 而且仲會好勤力幫你加茶 服務幾好👍🏻👍🏻黎到野食la 都好多選擇 有刺身 壽司 sabu sabu 串燒 天婦羅 烏冬等 .....刺身新鮮 係個籃入面個個最好食 唔記得叫咩名 大家參考下圖吧🖐🏻🖐🏻壽司都算大件 幾好😍個一口芝士 入口即溶 非常鬆化😚烏冬竟然有驚喜😳連個湯都好好味 因為淨叫左一碗 個個搶住食🤣🤣燒物叫左牛舌😋😋水準還可以仲叫左個邊爐仔 佢係用紙去承托左 呃like無難度 不過個爐就較細 侍應話唔可以擺太多野食 如果比較多人 建議一人一個算 因為份量都不是多 廢事搶 哈哈

同一班相識左10多年既舊同事久唔久就會一齊出黎食飯聚會傾下計輕鬆下, 今次就黎左呢間荃灣西鐵附近日式餐廳. 先講講入面，一入去就見到長長bar 枱可以睇住師傅整料理, 正. 其次樓底好高, 空間感大, 坐得舒服.  重有兩層, 不過冇上去, 我地揀左坐bar 枱, 因為氣氛好, 另外廁所係男女分開, 大家都知道有唔少食堂就算有廁所都係男女共用, 今次呢一間係分開男女,  直得比個like. 佢地每日都會有由日本直送新鮮食材, 種類都算幾多, 有D我都係第一次食, 另外服務員很落力介紹佢地食材, 你想睇咩, 佢直頭攞埋出黎比你睇, 呢Ｄ先係服務態度好啦廢話唔講太多, 入正題新鮮到不得了既生豪, 重有大大舊青檸, 唔係其他店, 落左等於冇落, 落幾多自己控制呢D係炸澤蟹, 係隔黎既就係生猛澤蟹, 隻隻都活力十足想走佬, 師傅係當住客人面前攞去炸好多肉汁既腸, 忍唔住要多條黃鯛刺生鮮甜爽口呢D係上面黃鯛骨炸成, 脆卜卜呢條叫魴鮄, 第一次聽呢個名,最鮮甜係佢, 無得頂甜蝦大家就食得多, 禁大隻海老過未呢個唔記得個名, 不過好好食, 外脆內軟聽就聽得多既牛鰍, 第一次食, 又係一絕牛肉他他,

嬲到第一次要寫食評🤧原本係睇咗食評見到話CP值又高又好食先嚟食點知食物完全勁細份😨 細份到作為平時淨係食半碗飯嘅女仔都覺得唔飽極細份！極細份！極細份！(很重要所以要說三次)細份唔係問題，但同食評所講CP值高係完全兩回事😓所以寫俾大家參考下另外魚生味道真係好一般相比之下價錢極貴同樣價錢係尖沙咀好味嘅壽司舖都可以食到好飽🙄我同朋友當晚食完野都覺得食咗等於冇食🤖🤖😱真心寫翻出嚟比大家參考😶我就一定一定一定唔會食第二次😕😕

無意之間，見到這間日本店，感覺有點高尚的，入去看看，樓底好高，有bar枱及入面也有好多座位，仕應請我們坐bar枱！感覺堂皇午餐選擇也有11款，可以分別加錢加小食，加飲品，諗了一陣，有d也幾特別，如鐵火丼係三文魚，大家也以為是牛或豬。我食最代表日本的滑蛋豬扒定食，同事分別食牛肉豆芽，炸雞丼！！環境係有心思的設計牛肉豆芽，好多牛肉，豆芽好多，有些葱花，牛肉夠薄又淋，豆芽爽甜，飯份量也很多的，至少一碗半。同事加左杯櫻花汽水，賣相靚，好多氣泡，好味，甜甜地的我的滑蛋豬扒飯定食，賣相吸引，蛋好香又滑，仲有好多洋葱，洋蔥好甜，葱粒一堆，炸豬扒夠晒多，炸到金黄，脆口，唔會好油，細細件易入口，好好味呀！！！炸雞定食，上面一堆葱絲，賣相吸引，雞炸得乾身又靚，不是好大件，雞肉保持肉汁，外面炸到香脆，一咬那些肉汁彈出來，好味喎，唔油啊，香口，好正！！加錢加了餃子，四隻餃子金黃，好熱又好juicy定食有茄子，小小一件好食，少少炸葱花好香，加埋少少醬汁正！沙律菜有少少醬好味。Fresh

因為媽媽生日又想係返同區食一餐夜晚，媽咪又鍾意食日本野，咁就上網搵下有冇荃灣區食日本野見到佢就訂位試下啦，順便訂埋和牛！當晚我訂左8點半，因為唔係食omakase係冇得坐師傅前面嘅枱嘅！佢地安排左我地上二樓坐！不過如果遇著多人又大聲傾計會比較嘈吵，因為空間不大！不過當晚店內員工每一位都好有（禮貌）（細心）！就連空調溫度亦會主動問我地會唔會太凍，如果覺得凍要同佢地講！加茶亦會自己留意，唔洗我地講佢就會係適當時候黎加！好喇，當晚唔係叫左好多野，因為第一次黎，先試試水溫1.火炙左口魚邊壽司同三文魚腩壽司左口魚邊師傅已調味，魚甜三文魚腩肥美，但味道一般2.吞拿魚腩軍艦魚味香濃3.刺身拼盤刺身幾新鮮，味甘香腩位口感極好吞拿魚有係日本食嘅水準帶子鮮甜4.天婦羅炸漿唔會太厚，調味唔會太濃，食到食材原味白蘿白蓉很夠，落汁後亦可掛在天婦羅上5.宮崎黑毛和牛外脆內香滑軟棉棉，好正！叫左5樣野，埋單$881個人覺得幾抵食，荃灣少有用心做嘅日本料理，服務亦好！不足係上菜時間略慢！（當然我睇到有人話頂手前好好多，我未試過呀！可惜）不過我都會選擇再黎食嘅！

放工後到這裡飲兩杯、吃刺身，最好不過。這裡人不多，適合聊天，環境舒服，店員熱情認真介紹食材。不少產地直送鮮魚刺身選擇，點了目近魚，以為是平目魚之類，師傅說不是平目魚，還給我們看看魚的原型，真好。不過目近魚味道一般，魚皮太厚太韌，魚肉略似橡膠，微腥，下次要試試其他魚。清酒種類真不少，點了「蓮如の白水」，石川縣的清酒，並不是市面大路清酒，比想像中好喝。口味清幽淡麗，香味不強，入口先似爽酒，進入喉嚨清淡柔順，之後與刺身配搭，有薰酒淡淡花香華麗感覺。非常適合白身魚，可惜魚不夠好吃呢！刺身魚剩下的骨架部份肴湯，竟非常鮮甜（比刺身更好），而且不另收費，讚！佐酒小食雞泡魚干、海鮮火鍋中規中舉，明太子露荀串賣光，很想吃／。＼下次會再來＠ｏ＠因為有很多清酒、直送刺身魚。

呢間餐廳有時都會行過，睇佢面門一路都以後好似好貴咁，終於今日行入去試下，原來佢啲價錢都唔算貴，大慨三百蚊左右兩個人埋單，野食真係好食，但係發覺佢地冇乜客人😮不過靜靜地都幾好😁同埋呢度有做飛機魚，價錢都係二百蚊左右，估唔到咁抵食😍下次如果有活動會再選擇黎呢度食👍👍

居住荃灣的朋友介紹這間新開少許隱蔽的日本菜，食材質素新鮮好味，左口魚壽司有驚喜(個人覺得) ，海膽都好味😊 由於太美味，最後只是拍了一張照片😅 （事實點了5，6道菜）原來友人安排提早慶祝我生日，店內員工的超級熱情款待令我感動！好有heart 的食店！大家不防去試試😊 午市套餐亦价錢合理👍🏼👍🏼👍🏼 PS.人生第一個食評 😬

今日同個朋友食生日飯，預先放低左個蛋糕係餐廳，因為我冇訂枱既，店員都好友善同細心咁問所返我需唔需要幫我留枱。8點左右去到，餐廳既裝潢都好舒服，佢既食材都好新鮮！野食都好味！食到一半，經理Gary好主動咁走黎問我地邊位生日，同壽星女講生日快樂，然後幾位同事都黎同壽星女講生日快樂。佢地仲好有心咁播生日歌，試蛋糕，仲幫我地影即影即有送埋俾我地，真係未遇過咁有heart既餐廳！走既時候佢地依然好熱情咁同我地講再見，希望會有多啲人會支持下呢啲小店，重點係食物質素好，仲可以提供5星級既服務，我第一次覺得係值得我係openrice寫食評，一定會介紹朋友去試！