斗滾 (適安大廈)

營業中

休息中

朋友推介既，但都幾full所以佢幫手提早左幾個禮拜book台，一行6人平日夜晚黎既準時去到等左大概15分鐘左右啦就有得入喇，呢到就半自助啦，有D火鍋料、野飲同醬料係出面自己拎，首先一埋位就緊係落左個BB辣雞煲先再慢慢去拎野飲啦！坐左一陣就上雞煲喇，個員工會擺低埋個鐘仔教你幾耐要搞一搞佢，大概再等左幾分鐘就食得，個雞煲D雞都好滑，個味都好香，既然咁好食，就當然要再添啦！無錯，呢到既雞煲係可以再添嫁！！！之後重覆左食雞煲既流程，食到7788就叫佢上下一round - 海鮮! 因為都全店滿坐，幾位員工都做到唔停手，只好坐一陣等上海鮮，佢既海鮮係人頭數既，有蚌呀、鮑魚呀、扇貝呀、蝦等等。都好入味好鮮甜! 之後又食到7788又叫佢上下一round - 燉湯! 個湯好足料，有烏雞呀蟲草花呢D，都好清甜，冬天食呢D簡直一流呀! 最後個湯會用埋黎做邊爐湯底既，呢個諗法都幾好，又唔會浪費，又可以帶埋D鮮甜味去打邊爐，轉個頭佢就上埋D牛喇，份量夠多，差D食唔哂，仲要係新鮮靚牛，好高質。最後佢仲有埋甜品，咁多樣野都係around $300位，好surprised，朋友果然冇介紹錯!但因為佢有咁多round，

為同一舖位的不同時期食肆撰寫食評，第一次是小弟「出道之作」，位於高街的中菜小店 (今日的高街已不可同日而語)。當日初心是不忍見用心的小店門可羅雀，至今舖面已不知轉換過多少遍。而我，多年下來，「產量」時多時少之下，如今成就了一個小小的開飯角落。這回執筆的對象，由超過十年前的「煲皇」，至今經歷兩番易手，仍是經營火鍋店。上回與「倫哥」緣慳一面，那麼今趟又是甚麼理由，叫我倆一聽聞就立即「滾」來呢？真相，永遠只得一個：手切，牛頸脊，任食，不限時，三舊水！(平日更只需$268) 食材價格飛升、機啤肥牛任食也買少見少的今天，竟有人敢做手切放題？而且，是不限時 - 訂位時，店員說只要訂枱不緊張，基本上可以坐到打烊。(當然，如今「事件曝光」，加上火鍋旺季已至，想不緊張也很難！)這小店，不單位處斜路上，而且店面較隱蔽，即使已有了西港島線，出站後還要餓著肚子撑上半條山道，立地條件比較輸蝕。而店面小，擺滿也不過十張，連同旁邊地庫舖位，再怎麼說也不是具規模。但也許因為「小」，才夠膽 (也有需要突圍) 擺出這個 value proposition；而對於小店，維持牛肉供貨是更容易還是更難？這天致電訂位，店員已告知

性價比高。唔使$300一位任你食。食個飽。雖然地方有啲窄，但係都可以接受，坐低上雞煲，即時去雪櫃攞鵝腸掉落去，正啊。淨係鵝腸都值返錢😂飲品方面都有好多任君選擇。食完雞煲就上海鮮。其實係俾個海鮮中間有烏冬吸引。但係食落烏冬又冇乜味，建議可以加多少少味道喺烏冬上面。其他海鮮都好味👍🏻之後再來烏雞燉湯，飲咗一碗先至再打邊爐，飲落幾好味，但係講真食完之後覺得真係比較口渴。社交平台讚好就可以任食牛。未試過嘅可以值得一試。

朋友介紹，一行9人第一次幫襯，坐低先食雞煲，有分大中小辣，試大丶小辣各一。雞煲上檯，待應教每兩分鐘揭蓋炒一次，要炒四次先食得，我試大辣，炒時辣椒很攻鼻，不過食落都ok，有麻有辣，唔會辣到食唔到，雞煲仲可以無限添食。之後就上蒸海鮮，一盤過上，「做型」能令人「哇」一聲，有鮑魚丶扇貝丶蟶子丶開邊蝦、蚌、龍躉肉，仲有烏冬薦底，新鮮好味。再嚟一個烏雞雪梨湯，先飲湯，清甜潤喉！繼續打邊爐，同一般任食火鍋差不多，丸、菜丶麵食等等，不過呢度嘅牛頸脊就係任食，無錯係牛頸脊，質素好有牛味，讚！飲品方面有幾款汽水丶茶類，但唔包酒，另外買。幫襯當日係閑日，每人$268加一，無其他收費。呢個價錢真係抵食！

同事話西環有間打邊爐唔錯，找緊凍嘅天氣，一行四人去(斗滾)滾一趟坐低先嚟一個雞煲，因為有同事怕辣，我哋只選擇少少辣，雞煲惹味仲可以冇限添食。之後食完雞煲就通知服務員上蒜蓉蒸海鮮，海鮮係跟人頭計的，分別有聖子，扇貝，鮑魚，蜆，海蝦和龍躉一件，而且中間還有勝瓜，粟米和烏冬，一大碟上枱，非常吸精，海鮮也很鮮甜。食左海鮮後就會上一煲蟲草花燉竹絲雞湯，喝後感到湯很清甜兼足料，接下來便可以開始打邊爐喇！呢個手切嘅牛頸脊，口感軟腍，只要Fb專頁更可以冇限添食，我哋食完一碟再一碟，真係停唔到其他款式嘅配料同埋飲品就放左係出面兩個大雪櫃內，自助形式任君選擇。最後仲有每人一碗椰汁雪燕糖水

一次上錯車的意外，由金鐘坐咗去西環。眼見天色已黑，就急忙在香港大學站附近隨機覓食，結果搵到呢間今年至開業嘅斗滾。斗滾主打不限時養生湯火鍋放題，以三部曲滿足食客的味蕾，不限時火鍋放題亦確保食客們可以大快朵頤，空肚來捧住肚腩走。1. 雞煲推薦：⭐️⭐️⭐️⭐️雞煲是頭炮，頭一次上菜份量頗多，且可以無限任添。上菜時店員會比一個時計，要自己計時炒。味道方面我們叫了中辣，大約有譚仔小辣左右，且帶有小麻，惹味過癮。雞肉口感不會霉不會嚡口，而且帶有小小雞味，對比街外雞煲都有中等偏上水平。2. 海鮮盛宴推薦：⭐️⭐️⭐️⭐️海鮮盛宴有鮑魚、蟶子、扇貝、蜆、蝦、龍躉片，以及中間要來填肚的烏冬。味道方面以蔥和金銀蒜調味為主，部分海鮮加上粉絲清蒸，十分家常。味道上較為突出的有鮑魚和扇貝，食得出十分新鮮；中間的烏冬爽口彈牙。而蝦和龍躉片的表現較一般。3. 邊爐推薦：⭐️⭐️⭐️✨有三款湯式可以選擇，分別是蟲草花竹絲雞、芫茜皮蛋，以及番茄薯仔花甲湯。由於兩人叫蟲草花竹絲雞要加錢，所以我們選擇了芫茜皮蛋湯。湯底方面比較清淡，至於比較精彩的是免費任食牛頸脊（要FOLLOW並讚好店家的社交平台）。其他火鍋配料都是中規中矩，鴨血同手打滑可以

📍斗滾Crazy fair for value all you can eat 3 course spot!Was attracted to try this new spot by fellow foodie’s introduction. And oh my, it is super high in CP value. First, you are served with a big chicken pot. You can choose the spiciness and you just simply need to cook it for 8 mins. You can choose to add or not add cilantro if you don’t like it. The flavor was good. I actually don’t like chicken pot as it is often too salty but this one is just right. The chicken was good quality as well! You

雞煲火鍋都唔係新奇事；不過，一次過食齊：雞煲+蒸海鮮+燉湯火鍋，仲要不限時，任飲任食。真係一口氣講唔曬! 收費都係三百元左右，唔試真係對唔住自己!一坐低先煮雞煲，冇聽錯，係要自己煮。店員哥哥比埋計時器你，每兩分鐘兜吓佢，總共煮八分鐘就食得。雞煲可辣可唔辣，BB辣、中辣，大辣你話事，唔夠可以再來!第二步曲蒜蓉蒸海鮮，以人頭計：每人有聖子、扇貝、鮑魚、花蜆、龍躉各一件、海蝦兩隻，仲有勝瓜、粟米及烏冬。第三步曲：先飲湯再火鍋，足料燉湯三人以上可免費享用，三人以下須補$38。另外有提供芫荽皮蛋鍋，蕃茄薯仔鍋，兩款都不加收費。不過養生燉湯值得一試，真係足料好飲!任食火鍋料種類很多，食物質量很有水準，任飲10餘款非酒精飲品，酒精飲品須另收費。牛肉選用手切牛頸脊，新鮮肉味濃，絕對優質!店舖新開業，裝修擺設都係簡約舒適路線。不過，咁超值嘅雞煲+火鍋就必定受歡迎。想試最好預先訂座!

今晚約左另一半來朝聖，由於6點未夠，店內得兩檯客，正正可以參觀下店内環境 講返雪柜內食物飲料種類都多，標示清楚擺放企理 食物系顺序上，先用鷄煲，我地嗌左小辣，檯上有計時器，每隔兩分鐘分四轉開蓋自己炒鷄件，又幾得意 然後上左碟蒸海鮮，份量吾算多但勝左種類廣有蝦聖子扇貝蚌龍躉，海鮮底下舖上大大塊荷葉，盡吸天地靈氣 主角黎啦 就系無限refill手切牛頸脊我地成晚食左4碟，值回票價啦喂，肉質嫩加上富有口感，吾會好似有d食肆甘第一碟就正，之後每况愈下甘 完美的一餐一定要有甜品就系椰汁雪燕，食完真系潤一潤感覺連加一 300左右系超值既

早前見到社交平台 某專頁介紹慕名前來的一餐，間舖有地面同隔離地庫，我哋一行4人被安排坐喺隔離地庫那邊，一入到店感覺都唔錯而且地方都乾淨。首先係上左個雞煲，有幾種辣度俾你選擇，我哋就選擇左BB辣，平心而論個雞煲係幾好味，雞煲係可以無限添食的。如果你覺得已經食夠雞煲可以叫店員上蒸海鮮拼盤，海鮮拼盤有聖子 鮑魚 蝦 勝瓜 帶子同烏冬。食完海鮮可以通知店子上邊爐。今晚我哋係「蟲草花烏雞湯」可以飲左湯之後用嚟打邊爐。一開始店員會上左2碟牛肉先，點知一開始打邊爐打算出去拎配料。一打開雪櫃發現絕對絕對唔係專面介紹有30種配料，我見得一、兩款菜、有菇、鵝腸、出前一丁、韓國即食麵、墨魚膠、響鈴，已經見唔到其他配料，而且墨魚膠同鵝腸新鮮程度好一般，最後我哋嘅只係食左牛肉就叫店員上甜品。值得一提係….因為我哋被安排坐喺地庫，我見長期得一名店員顧店面，所以每次你需要叫店員幫忙的時候，你都需要等一段時間或者叫好多好多次才會來幫忙…. 所以絕對係冇服務可言。其實我都明白店員但難處，但當你每次要添食雞煲、上海鮮拼盤、轉打邊爐、添食牛肉，你都叫很多很多次才會有店員來幫忙，最後係已經冇心機再食。總括：唔會再有下一次🙅🏻

就系廣告🪧令我認識「你」同吸引左我但系遲遲唔去食就只會因越黎越多人識「你」而越黎越難食到「你」所以真系要坐言起行，行動喇🏃🏻‍♀️Book 8:30,早左少少到,眼見都好full🈵好快就安排左張2人檯比我地🪑餐具企理乾淨唔會油淋淋出去拎枝五花茶飲下先可以改善地方唔系味道,系樽身😅成個樽都立痴痴,真系好難頂先黎個中辣雞煲🥘好香好攻鼻但系食落中辣都唔系好辣不過就好惹味,豆卜入晒味唔好貪心,食一轉好喇..好戲在後頭食完雞煲到蒸海鮮🦐🐟🌽🧄即刻蒸熱辣辣,好多蒜好香鮑魚已經處理好內臟,非常方便食開邊蝦唔會好霉,有6邊每人隻半蟶子同扇貝都唔會過火唔會un 唯獨系烏冬唔入味,如果全部粉絲就仲好牛魔王🐮既我地最期待都系手切牛🤤❗️❗️記得左社交平台先可以任食牛❗️❗️牛味重肉質嫩唔系一碟就夠掛事關我地2人行,冇得嗌燉湯,如果要都可以加錢轉所以我地就嗌左個皮蛋芫茜湯,清清地都唔錯👍🏽出面可以拎配料,有丸有腸魚皮餃果啲麵類都唔hea咖,有讚歧烏冬/一丁/韓麵而我就覺得出面既配料最正系鴨血同手打滑不過主打都系食牛…但系嗌左第2轉牛之後上牛既速度相對地慢左甜品❗️椰汁雪燕❗️份量非常少🤏🏽但系食到咁飽,少少點綴下ok既椰汁

食物質素很好 😋😋雞煲可以追加👍🏻👍🏻海鮮盛宴有鮑魚，聖子，花蜆，扇貝,，龍躉，海蝦很新鮮很鮮甜再加上讚岐烏冬令到烏冬吸入海鮮精華 👍🏻👍🏻養生燉湯有雞湯很好味再加上打邊爐材料都很新鮮 仲有手切牛頸脊都好好味 亦可以追加 牛丸 墨魚滑很爽口 😋😋仲有甜品 椰汁雪燕好好味 仲有很多款飲品可以選擇👍🏻👍🏻👍🏻職員服務態度十分好 👍🏻👍🏻本人漏了東西職員馬上追出來 謝謝你🙏🏻🙏🏻

朋友見到係屋企附近新開左呢間打邊爐，仲要係任食，我哋立刻book位，好好彩俾我地book到8.30個場！訂位個個姐姐好好，盡量安排位俾我，我來回咗幾次電話😅⋯⋯當日會有WhatsApp 俾我確認，同再三提醒🔔只收現金！去到等咗陣就有位，一去到就問我地雞煲要乜辣度，我個fd 唔食辣所以要咗原味！之後俾咗個計時⌛️我地2分鐘後打開兜吓佢，重覆呢個動作4次就可以食！重有一大碟芫茜😍正到暈！食完之後就上海鮮，有幾款。。。蒜蓉蒸蝦，鮑魚，扇貝等等等，自己睇相😂每種海鮮都有粉絲墊住喺面，中間有烏冬不過我同個朋友實在太細食啦！所以如果下次我再去嘅話我就會叫佢少啲烏冬無謂浪費！之後食飽就上湯，我哋要咗番茄薯仔花甲湯，無要到養生湯因為打邊爐我鍾意用番普通d嘅湯！首先，佢會俾豬同牛肉不過我拒絕❌咗豬因爲我至愛食牛。。。出面嘢飲都唔錯，有鴻福堂低糖菊花茶，烏龍茶，荔枝烏龍茶，台灣嘅涼粉乜乜，台灣嘅冬瓜茶可惜已經冇晒我冇飲過🙈除咗嘢飲，有d丸，菜同一般打邊爐嘅火鍋食物佢地都有，係雪櫃隔離有醬料，炸魚皮同埋響鈴。特別一提係蝦滑同墨魚滑超好味！一定要食！牛就好正唔洗多講！基本上牛你叫佢都俾你，最後，我地都叫咗豬肉，

今日早放工～與三位同事去呢間位於香港大學站行上少少就到的店舖，十分方便 ！我們吃六點， 沒有人等位，因為仲未係放工時間， 所以坐得好舒服！ 聽聞這間店舖很難book位 ，平日都全場滿座～ 所以今日能夠食到多麼幸福！今日是星期五，所以價錢貴少少， 首先來一個bb辣的雞煲 ！ 店鋪很貼心，畀埋個計時器我們計時！ 每分鐘炒一次共炒四次雞煲， 啲雞十分嫩滑！🐔🐔🐔跟住來一盒蒜茸蒸海鮮！🐚🐚🐚🐚 我們四個人每人一隻蟶子皇丶 一隻鮑魚丶 兩隻 蒸蝦丶 一隻大蜆 ～中間有少許蒜蓉蒸烏冬！十分彈牙及超級好味 最後來一個烏雞燉湯！首先我飲了兩碗湯好清！然後用這湯嚟打邊爐 ，外面有雪櫃任攞食物來打邊爐，菜類十分新鮮及很多食物品種選擇～例如：鴨血丶牛柏葉丶年藕丶雜丸類丶墨魚膠丶炸魚皮等全都係任食，不過一定要讚既係牛肩脊 ，十分有牛味啲牛非常新鮮！ 如果like佢哋這店舖更可以無添加! 最後每人送一碗椰汁燕窩糖水! 今晚的晚餐簡直豐富到爆炸!!!! 期待下次再book位去吃

秋風起，打邊爐。全店只有一款養生湯火鍋放題套餐，星期一至四每位268蚊，星期五至日、紅日及前夕每位298蚊，好食過市區差唔多價位甚至更貴嘅任食火鍋店，仲要無限時，連平日都座無虛席，記得要訂位。打響頭炮嘅係招牌大亂斗雞煲，揀咗小辣，落埋芫茜爆炒，麻辣味香而不嗆，雞肉唔會太肥，幾彈牙，唔鞋又無雪味，唔夠食仲可以任添。跟住出場嘅係海鮮盛宴，有鮑魚、花蜆、扇貝、蟶子、海蝦、龍躉，簡單用蔥蒜蒸熟，扇貝、龍躉最出色，非常鮮甜，中間嘅讚岐烏冬蒸得太腍。之後就到打邊爐時間，湯底係鮮淮山蟲草花燉竹絲雞，足料清甜，足足飲咗三碗，然後開始打邊爐，焦點係任食手切牛頸脊，油花靚，牛味濃，口感軟腍，食完一碟又一碟。出面雪櫃仲有多款配料同飲品任拎，黑椒牛丸彈牙多汁，墨汁墨魚滑夠香甜，墨魚膠混入大量墨魚粒，口感豐富。最後整返碗椰汁雪燕，椰香十足，冰涼清潤。📍斗滾西環山道54-66號適安大廈地舖