影片
營業時間
今日營業
17:00 - 00:00
星期一至日
17:00 - 00:00
以上資料只供參考, 請與餐廳確認詳情
相關文章
對於鍾意打邊爐嘅大滾友嚟講，呢間火鍋店絕對唔陌生！店内環境唔大，人與人之間比較貼近，不過氣氛好好，店員態度亦都好好有講有笑~ 呢個價錢食到咁多野真係好抵食，而且食材保持到水準！😋 麻辣雞煲 ~ 雞肉好夠嫩滑，而且炒得好香，好惹味，越食越辣，越食越上癮！😋 海鮮盛宴 ~ 食咗兩轉雞煲之後，重點海鮮嚟啦！一大盤咁上好 IGable 😍😍 有鮑魚、蟶子、扇貝、蝦、蜆、龍躉，每款海鮮都好新鮮！仲有索晒海鮮精華嘅讚崎烏冬，夠晒滋味！不過留意返呢個海鮮拼盤係計人頭上，唔係任食的~😋 象拔蚌刺身 ~ 即場加咗份象拔蚌，肉質爽口彈牙，非常鮮甜！😋 烏雞養生燉湯 ~ 個湯好滋補好好飲，飲咗幾碗先正式開始打邊爐！丸類同蔬菜類等等都係喺出面雪櫃拎，肉類就要另外 order，今晚食咗好多碟手切牛頸脊都已經回本 😋😋食飽飽之後仲每人一碗椰汁雪燕，食完鹹野食返碗糖水真係大滿足！
繼續閱讀
香港人一年四季都鐘意打邊爐，呢間仲要有得任食雞煲，見佢價錢又唔算貴，平日都係200 幾蚊，梗係要試下啦! 因為平日都好多人，大家最好預早book 定位。一入到去首先就係食雞煲，可以自己揀咩辣，因為我唔係好食到辣所以叫左最少果隻辣，雞肉幾嫩，少少辣又幾惹味忍唔住encore 多次。食完雞煲之後就可以同職員講，佢地會準備蒸好嘅海鮮比大家打卡影靚相放社交平台海鮮就唔係任食嘅，個人黎講覺得普普通通，有部份貝殼類仲有少少沙，不過200幾蚊都唔好要求咁高喇，有得食算係咁。食完海鮮之後就揀湯底準備打邊爐，我揀左+$38椰子雞湯，好甜好好飲強烈推薦大家試下。雖然係任食不過佢d 牛肉都唔錯，唔係好瘦好難咬個d，其他配料就係出面自己拎，種類唔算多，不過都已經好夠食。
繼續閱讀
今日山長水遠去到西環試雞煲，出左地鐵站行小小斜路就到喇，平日都坐滿哂人，好嘈幾有氣氛，座位都幾逼既一黎就上左個雞煲先，揀左小辣，4個人食d雞既份量都比得幾多，炒得好香好入味之後就上左個好打卡-able既蒸海鮮拼盤，蒜蓉蒸出黎好香，5種海鮮按人頭上，非常滿足，但最正既其實係索哂海鮮味既烏冬金菇呀🤤之後就上燉湯火鍋喇，但可惜我地諗住試下佢既椰子雞煲湯底，但原來要book枱果陣留左先會有，如果唔係賣哂就冇嚕，下次一定要再試下餐廳即場like 社交平台會送手切牛食，質素幾好
繼續閱讀
難得同事喺外國嚟香港做嘢，所以就同啲同事一齊打邊爐，又知道呢度可以一次過有三個願，就係食雞煲、食蒸海鮮同埋打邊爐。我可以話斗滾呢個價錢食到咁多嘢係非常抵，因為之前都食過佐敦店好幾次，但係發覺西環店呢度嘅服務態度係最差。唔知呢到既店員係唔想幫手呀定係唔夠人手？就好似叫啲店員加水打邊爐，一個好高好瘦嘅男店員，叫咗佢好多次，佢都係冇反應，然後當佢聽到嘅時候，就話等陣先，當佢話等陣先既途中我哋已經叫咗第二個店員幫手。但係西環店嘅女店員會比較好啲。唔知點解西環店個風氣係，但佐敦店啲店員係會好主動幫手加嘢，所以如果你哋覺得呢度係抵食，而且質素好，我好建議大家去佐敦店食。
繼續閱讀
兩小口情人節去左食，之前同一個舖位都係打邊爐，而家換左舖再去試好味！😄叫左bb辣雞煲麻得過癮😋😋😋蒸海鮮夠新鮮👍🏻👍🏻👍🏻打邊爐唔錯，多款料任食！一次過滿足晒三個願望，good😉CP值高！！！一定會再幫襯😋
繼續閱讀