斗滾 (適安大廈)

營業中

休息中

早前同男朋友去西環食Cafe個陣，見到山道附近開左間新店，新開張期間仲可以Like 社交平台任食手切牛頸脊添。-一坐低，店員就介紹斗滾既食法。先食麻辣雞煲、蒜蓉蒸海鮮，後飲養生燉湯，再用養生湯做湯底，落料打邊爐。-麻辣雞煲可自選大中小辣，炒完一開煲蓋，麻味超香～～～～～雞件非常入味，而且斬得夠細件，唔會食到成嘴都係醬，食得辣既建議叫中辣以上，會再過癮啲。同埋可以任添，好抵食～～～-等蒸海鮮既期間可以去自助區攞定火鍋配料，自助區以丸類、蔬菜類同麵類為主，亦有鵝腸、豬皮、牛百葉、水魷魚、皮蛋等等。-自助飲品區大約有10款飲品，比較特別既係有自家製涼茶飲！涼茶唔會太甜，好有屋企既味道。-蒜蓉粉絲蒸海鮮有龍躉件、花甲、蟶子、扇貝、鮑魚仔、粟米仔同烏冬。海鮮配以荷葉同蒜蓉蒸，帶荷葉香之餘，鮮味十足，連烏冬都好好食，完美咁索哂海鮮既鮮甜味！-蟲草花花膠燉竹絲雞非常清甜，蟲草花香氣濃，竹絲雞啖啖肉，入口即化，足足飲左半煲先肯停手。-之後就正式打邊爐啦，鵝腸新鮮爽脆，蘿蔔、粟米同娃娃菜配清甜既養生湯岩岩好，令蔬菜更甜。不過最推薦嘅都係手切牛頸脊，入口軟腍爽彈，牛肉味非常濃，但又不失其油脂香，超級推薦。

朋友住西營盤，探完佢之後佢就帶我去食好野啦！佢話無限時養生湯放題超抵食，我地食完雞煲有超新鮮既蒸海鮮，之後仲有超足料烏雞燉湯飲完就靚牛任叫任食打邊爐！食完曬邊爐之後仲有送椰汁雪燕糖水，個放題火鍋餐抵食既程度係百分之百，怪唔之得咁多人排隊😂放題餐第一款就係可以自選辣度既雞煲，我要左中辣，其實都算辣，由於我朋友好食得辣對佢黎講係無感～個雞煲要炒4次，愈炒愈香，食落新鮮又惹味，個雞煲份量真係好大，我地未食完職員就話可以無限♾️添加，我地表示夠了😂好食都食唔到咁多第二款就係蒸海鮮啦，我諗係食完濃味雞煲就上番個蒸海鮮平衡下油膩嘅感覺，蒸海鮮係用超大塊荷葉包住黎蒸，鎖住海鮮既水份，亦都令到粉絲同烏冬吸到海鮮既鮮味！海鮮有超大隻帶子同蟶子，仲帶蒸節瓜，粟米，鮮蝦，烏冬，超滑既魚，鮑魚同蜆～講真估唔到任食餐仲要有咁大盤新鮮高質海鮮！海鮮就唔係放題黎，純粹個餐包蒸海鮮第三款就係養生靚湯啦，成煲湯大大煲有大大隻烏雞同埋好多藥材，仲有瘦肉魚肚等，職員話煲湯煲咗3-4個鐘，可以直接飲，超好飲，中意飲湯既我飲左2杯先去拎料打邊爐，其實佢有好多野食架，不過我地已經好飽啦😃所以食佢個任食靚牛肩隻同食多小小丸同菜就夠啦

呢間位於西環超近地鐵站嘅餐廳，有得無限時任食養生湯火鍋，仲要係蟲草花花膠燉竹絲雞。食之前仲有雞煲，在包埋海鮮拼盤等等，真係講極都講唔晒。首先一入到餐廳就已經有一排嘅飲品同埋醬料俾你任攞，亦都有唔同嘅丸類、蔬菜等等，真係應有盡有。佢仲送埋蒜蓉粉絲蒸蟶子，蒜蓉味好香，而且啲聖子都好大條好新鮮。$300都唔使有晒咁多樣嘢真係好抵食！睇吓佢哋社交平台 like左之後，就會直接可以任食牛肩瘠，佢每一塊都好厚身，食得出好新鮮，就算煮完之後都仲係咁有光澤！而佢嘅海鮮拼盤亦都有大大隻嘅鮑魚、龍躉、扇貝、蜆等等，放入去養生湯底入面再加埋啲花膠一齊食，真係好滿足。

位置有點隔涉，座落香港大學站旁，雖然說是2分鐘路程，但這大斜路卻非常考驗腳力環境：就一般的火鍋店，算是乾淨的店服務：女侍應很落力，值得一提食物：頭輪首先吃雞煲，雞煲的雞肉在中辣的煎熬下非常惹味，軟稔入味的雞肉跟豆卜也很香，越吃越好吃！除了雞煲外，最抵是中間轉場的海鮮拼盤，份量大又帶鮮味，當中有蒜蓉蒸1.帶子2.蟶子3.鮑魚4.大蜆5.勝瓜6.烏冬7.粟米調味夠濃郁，部分帶粉絲跟蒜蓉，海鮮本身鮮味也不俗，正！隨後換成火鍋：火鍋的手切牛頸脊帶點厚度，不易煮得過熟，肉味濃郁很是不錯！鵝腸很彈牙又肥美，一淥就吃得！菜的鮮度也不錯，讚蝦滑跟墨魚滑

斗滾地址: 西環石塘咀山道54-66號適安大廈地下A號舖及1樓AB號舖電話: 54042994===================辛苦做野賺錢，約朋友食野吹水，舒緩一下生活同工作壓力，辛苦搵來志在食嘛。2 人餐海鮮拼盤令人嘩一聲，蜆，扇具，蟶子，鮑魚，蝦大亂兜手切肥牛也是任食，平時抵邊爐一碟同樣已經要$200-$300了，手切口感特別有嚼勁，厚身架滋味任食每位$298，我岩食海鮮，覺得只食盤海鮮已值回碼價了。而且仲有好多邊爐配料都任食架，放曬係雪櫃彌時取，又有得混醬。是晚食到超級飽呀！

雞煲就食得多了， 但有老火湯又有新鮮海鮮食的地方就見得比較少。 雞煲的味道好濃又正， 雞又大件！ 仲點係冇限時任食火鍋， 第一樣海鮮食物， 就揀了蒜蓉粉絲蒸蟶子， 蟶子很大隻，味道鮮甜。 這裡的火鍋配料和飲品都是以自助形式進行， 有將近30種配料可以選擇。 由於新開張的關係， 依家like 社交平台 更可有任食牛頸脊。 我當日都食的，牛的脂肪分佈都平均， 唔會好肥， 食落好有牛味而且唔會有梅的味道 除此之外還有海鮮盤在內， 款式多樣， 一次過滿足曬多重感受

同啲friend一齊reu，梗係要搵一間冇限時任食嘅地方啦！而家間餐廳除咗有蒜蓉粉絲蒸海鮮之外，亦都有雞煲、養生燉湯、海鮮盤等等，真係你想食嘅嘢呢度乜都包哂。呢度服務又好，啲店員都好客氣。一開始就梗係食雞煲先啦，呢度有得揀唔同㗎辣度，我唔食得辣所以嗌咗BB辣都食到。啲雞全部都好滑身，味道好濃。之後就梗係要食返佢主打嘅蟲草花花膠燉竹絲雞，佢嘅蟲草花味好香，啲花膠都好多，以佢嘅竹絲雞有成半隻咁多，雞肉好嫩滑，連啲雞皮都可以食埋咖！除咗雞煲同竹絲雞之外，呢度主打嘅就梗係佢嘅牛頸脊，厚身得來而且牛味好重，啲脂肪比例啱啱好！亦都有都可以揀豬，食四五碟都唔過份啦！除咗送蒜蓉粉絲蒸海鮮之外，亦都有海鮮拼盤，佢嘅脆鯇魚同龍躉特別好食，食得出好新鮮！最後仲有得送椰汁雪耳糖水，完全唔會死甜。

一年一度生日搵好西食ge時候又到喇！咁岩社交平台成日見到個post講e間火鍋放題，非常吸引！於是就係openrice訂座啦！餐廳就係香港大學站地鐵出口隔離，非常方便去呀！係有小小斜路行上去，但都好快就到達。坐低之後就好快問你雞煲想食咩辣度，我就揀左小辣，雞煲到枱會教你每2分鐘炒一次，炒4次就可以熄火食得架喇！2人份的雞煲份量任食黎講都唔少，而且味道非常濃，係好食推介👍🏻食完雞煲就上一大盤蒜蓉蒸海鮮，嘩嘩嘩！一上菜好大盆😆食完海鮮就到養生鍋，建議係先飲湯再打邊爐，湯底味道濃，但略為鹹左啲！手切牛頸脊任食，任食呀最後太飽都冇咩拎過配料打邊爐🍲，然後就送埋個椰汁糖水就完喇！而家睇返先發現當晚冇左個海鮮盆打邊爐，可能當晚侍應都太忙唔夠人手招呼，又或者係冇左海鮮都唔出奇，下次再去就問清楚先😆😆

有日同朋友就喺石塘咀山道附近食過冇限時嘅雞煲, 再打邊爐, 都係268蚊一位任食, 性價比非常之高!!先食個雞煲, 又香又麻又辣, 共冶一爐, 最緊要雞件非常之多, 又夠嫩滑, 好滋味 之後就食過養生燉湯, 有幾款湯料畀我哋揀, 我哋就揀咗松草花膠燉烏雞, 非常的足料, 大大個燉雞, 湯頭非常之清甜, 仲要冇味精, 足足飲左三大碗飲完湯之後, , 就食過海鮮盤, 有蟶子, 元貝, 鮑魚, 蝦, 花甲, 脆肉鯇, 同埋龍躉, 甲殼類嘅海鮮非常啲新鮮, 另外佢嘅話脆肉鯇非常q彈, 龍躉入口即溶感覺非常之正, 牛頸脊都係任食, 非常之抵, 手工切功, 非常之精湛, 浸一陣, 616嚟食, 口感細緻, 一啲都唔黐牙牛味非常之濃

斗滾 (西環)西環石塘咀山道54-66號適安大廈地下A號舖及1樓AB號舖未食過性價比咁高嘅無限時養生湯放題火鍋，有以下咁多嘢食，只需$268！🤯🤯🤯🔹招牌大亂斗先來個辣辣地嘅開胃冷盤，係涼拌麻辣汁蓮藕、木耳，非常爽脆。🔹蒜蓉粉絲蒸蟶子蟶子呢啲嘢，如果落落去打邊爐就真係嘥，但係佢呢度用蒜蓉蒸俾你，蟶子原始嗰種鮮甜味即刻出晒嚟！🔹麻辣雞煲雞切到細細舊，非常容易入口，而且都夠淋，唔會硬堀掘、好乾，叫咗小辣，唔太食得辣嘅人都冇問題！🔹湯底:蟲草花花膠燉竹絲雞重頭戲終於來了，今日嘅湯底係蟲草花花膠燉竹絲雞，先來飲咗啖湯，非常清甜，好足料，成隻竹絲雞淥落去，好似唔使本咁！🔹海鮮拼盤呢個又係冇得頂，有成七款海鮮，包括扇貝同埋鮑魚，而且絕對新鮮，啲蝦係海蝦，好鮮甜。🔹手切牛頸脊呢個真係喊出嚟，勁大碟，仲可以仼食，油脂分布好平均，入口油香十足，牛控天堂！🔹甜品: 椰奶官燕無花無假，真係成樽官燕倒出嚟咁滯，啖啖都食到！勁正#food #foodie #hkfood #hkfoodie #foodporn #foodstagram #hkfoodblogger #foodblogger #foodlover

#西環美食 #小蓮星呑食西環🔻 斗滾 西環石塘咀山道54-66號適安大廈地下A號舖及1樓AB號舖/🥘無限時養生湯放題火鍋 $268呢個價錢，雞煲、養生足料湯底、任食牛頸脊、新鮮海鮮拼盤、仲有官燕做甜品，真係要瘋狂嚟食先得！🥰🥰/🧃蒜蓉粉絲蒸蟶子2大隻，好鮮甜！蟶子貴嘢嚟🥺/🧃招牌大亂斗麻辣木耳連藕，麻辣有層次，唔會好油，開胃一流！/🧃麻辣雞煲叫左小辣，唔太夠辣，食得辣可以叫大辣！雞件鮮甜嫩滑！/🧃蟲草花花膠燉竹絲雞每日唔同足料靚湯底！今日係呢款！原隻竹絲雞，好清甜足料！/🧃海鮮盤每日供應海鮮唔同，今日有超大隻貝、鮑魚、龍躉、帶子、蝦等等，好豐富！蝦係新鮮海蝦，彈牙爽甜，好正呀！/🧃手切牛頸脊痴線！咁大盤！仲係仼食的！見到都知靚，牛香油香十足！/ 🧃火鍋配料超過30種，見佢力推手打蝦滑、墨魚滑，的確無令人失望，蝦滑仲有大大粒蝦肉，彈牙足料！/🧃椰奶官燕本身諗住走，竟然仲有甜品食😭😭勁多官燕，透心涼！//#food #foodie #hkfood #hkfoodie #foodporn #foodstagram #hkfoodblogger #foodblogger #foodlover

早排跑步行經山道發現斜路X哥個鋪位易咗手，新店叫斗滾，最吸引我望既就係話手切牛頸脊都係任食！對我來講，打邊爐冇得任食牛不如唔好食，或者要另外加錢都令人食得好唔爽。見有得任食牛，我就一於俾個機會佢，由於女友唔食得海鮮，今日可以自由活動，約咗個老友食。加上係任食，同仔食會特別爽，食兩輪都冇難度啊。星期日六點幾去到都已經有唔少人食緊，平日收費268一位，但假日就多30，可接受。其實價錢唔係問題，最緊要係佢俾你無．限．時．食！有時食到咁上下，想出去呼吸下，再食過，但如果限食90分鐘果啲根本廁所都冇時間去。先食雞煲，雞煲好鬼大兜喎，店員仲話可以任食，真係啱晒大胃王。原本嗌左小辣，但一食就覺得唔夠喉，同阿店員哥仔講，佢即刻拎入廚房搵師傅幫我哋加辣，大概去到中辣程度就最正。個汁咁惹味，好有encore嘅衝動，來碗白飯吖唔該！但食食吓又有其他野準備上枱。即係咁我知有海鮮食，但我以為係供打邊爐用嘅海鮮拼盤，點知原來係海鮮大雜會，以蒜蓉蒸嘅方式登場。真心講，齋計呢板野，佢賣三嚿水都唔過份囉。雖則啲海鮮唔算好大隻，但以鮮味取勝。我自己最鍾意開邊蝦，未食但聞住已經覺得好香。食完海鮮令到本身想再戰雞煲嘅我哋都放

在山道這間斗滾火鍋店，8月份做緊無限時養生放題火鍋，已經包含圖中既6項項目，都真係非常抵食，仲要任飲！性價比極高既火鍋店，當然質數食完後都覺得好正！蒜蓉粉絲蒸聖子，蒜蓉濃郁入味，有粉絲，金菇伴住，口感豐富，聖子肉質夠鮮，好入味！招牌大亂斗雞煲，香料味夠香濃醬汁好正，超惹味，雞件到坊間既唔同，真係特別嫩滑！湯底為松茸花膠圓肉燉雞，堅係足料，花膠夠綿密細緻又夠滑！好滋潤既感覺，湯頭入味！烏雞大大隻。先飲湯，後火鍋！海鮮盤非常豐富，鮑魚Q彈柔嫩，而且帶鮮味，海蝦亦新鮮彈牙，肉質細嫩！其他海鮮都係幾高質，牛頸瘠開邊，色澤紅潤又夠光澤！肉質好嫩又夠牛味香濃，大大份相當有質數。還有其他火鍋配料可以任食，呢個價錢食到咁既質量，絕對唔會失望。最後仲有甜品椰汁雪耳糖水，清新唔死甜！店員服務仲係好好，夠哂客氣又有禮。非常欣賞！

食肉獸福音，惹味雞煲任你食～～～最近屋企裝修，為咗慳錢我同大嚿決定自己做自己的裝修佬😁。今日係Day 1，剷灰剷咗一日已經令我哋攰到投降。夜晚即刻去搵返間放題食一食。～～～我哋嚟咗屋企附近嘅呢一間放題火鍋，佢哋有得先食雞煲之後再打邊爐，完全可以滿足晒我哋兩個咁攰嘅人。～～～首先上嘅係雞煲，大大兜雞煲非常惹味，雞肉滑溜，可以無限次添加，簡直係大胃王嘅福音。😆～～～食完雞煲之後就可以換湯打邊爐，我哋就叫咗養生湯，養生湯入邊又有原隻靚雞，食完雞飲完湯之後，就可以正式開始我哋嘅打邊爐。養生湯非常濃郁，而且飲落去感覺冇味精，用嚟打邊爐好健康。🥢～～～養生湯飲完之後我哋嘅海鮮盤就嚟啦，海鮮盤裏面有多種海鮮，當中我就最鍾意非常彈牙嘅鮑魚，而其他海鮮幾新鮮。～～～肉類方面佢哋嘅豬肉牛肉都幾出色，但我就更加鍾意佢哋嘅牛肉，牛味好重，而且肥瘦均勻。～～～除咗呢啲佢哋送上嘅材料之外，喺出面嘅自助區仲，有大量嘅食材可以比大家自己攞，自助區裏面我最鍾意嘅就係我心愛嘅辛辣麵，加一包辛辣麵落養生湯底成件事健康又美味，仲有佢哋自家製嘅手打墨魚滑裏面真係有粒粒墨魚，非常新鮮彈牙。🦑～～～整體來講服務員態度都好好，裏面仲

山道嘅斜波上開了這間無限時養生湯放題火鍋。去完hku搵朋友之後，走下山的路上，正好給我們遇上。.B仔一向喜愛吃火鍋，但限時火鍋次次總是吃得非常趕急，根本沒有時間和朋友慢慢吃。看到這間是無限時的，又可以吃火鍋，又可以和朋友慢慢聊天，所以我們便選擇了它作為晚餐落腳點。.一坐下一會，店家就為我們送上蒜蓉粉絲蒸蟶子，蟶子新鮮爽口，蒜蓉粉絲蒸嘅味道亦都調配得啱啱好，好食。.接着而來是任吃的雞煲，裡面嘅材料有洋蔥、辣椒、芫荽、豆腐干同雞肉等等，雞肉滑身醬汁濃郁，而索汁的豆腐乾更是令人吃不停口。食完雞煲，就可以order打邊爐。他們的打邊爐湯底是養生湯，並不是一般食雞煲店的食完雞煲加水打邊爐，所以湯底非常清澈健康。.我們的湯底是松茸花膠圓肉燉雞，大大隻雞件，雞有雞味，唔輸雞煲嘅雞肉，湯底裡面有大量嘅材料，圓肉紅棗等，飲完之後令人感到溫暖舒服。.以養生湯來煮海鮮盤裡的海鮮（鮑魚 帶子 蝦 蟶子皇 大蜆 同龍躉片等等），令海鮮更顯鮮甜，肉柱肥厚嘅帶子同彈牙新鮮嘅龍躉片食完都令人意猶未盡。.自助區方面，飲品推介大家試吓佢哋嘅自家製五花茶，清熱得黎唔會太甜，而新鮮即炸嘅炸魚皮亦都非常香脆誘人。仲有低卡芋絲，