文記車仔麵 (福榮街)

營業中

休息中

文記車仔麵都食左好幾次，不過都係外買，我就搵左平日係堂食，而每次我必定都叫韭菜餃食，但我個人覺得外買食既韭菜餃係好食過係堂食，豬皮同豬紅都好有水準，真係冇得頂。我會再叫啲朋友一齊再食過好好味其實車仔麵係好多唔同地區開左好多店，我自己亦食過唔少店，但好多時食完唔會覺得番轉頭再食衣間店，因為湯底唔夠味，啲送唔夠多，材質麻麻地….。但文記車仔麵會令你有種掛住既感覺，記算排隊條龍有幾長，都要去排…….🥰

[ #caloriefoodie深水埗 ]• 文 記 車 仔 麵 •🐿卡里有個朋友好鐘意食文記車仔麵 今次俾佢拉咗去食究竟一碗車仔麵有咩咁特別 值得佢牽腸掛肚呢當日係weekend4點幾去食 難得唔洗排隊就可以食٩(˃̶͈̀௰˂̶͈́)و-🍜自選車仔麵 💰$47有超過60款配料 嗌幾多就俾幾多 最低消費$30今次試咗......🍗瑞士雞中翼 💰$14食完之後會明白點解普普通通既車仔麵會有人排隊食雞翼醃得好入味 瑞士汁味好濃 但雞肉依然嫩滑🥟自制韮菜餃 💰$12雖然的確係大大粒 但我覺得食落唔夠韮菜味 較普通🥕清甜蘿蔔 💰$10蘿蔔份量都多 索哂湯底既味道 覺得係車仔麵必叫麵底—烏冬 💰$11仲有三款湯底︰腩汁、瑞士汁、清湯 仲可以揀走湯同埋四款調味醬料︰秘制辣汁、咖哩汁、沙嗲汁同麻辣汁今次揀咗瑞士汁同沙嗲汁微辣 覺得湯底既瑞士汁有啲淡而沙嗲汁即使微辣 對我黎講都仲係好辣 同埋沙嗲味欠奉整體而言 瑞士雞中翼的確出色 的確會想再去食多一次-📍深水埗福榮街121號地下-#caloriefoodie

今日去到深水埗食車仔麵，去了一間好出名的文記. 一間文記一條街有四間，大家要在最傳統那間叫嘢食，職員會再安排座位不要擅自走進其他店。佢嘅主打小食係豬腸，螺肉，蘿蔔，瑞士雞翼。睇叫餐嘅時候你會見到佢即時製作，建議叫三餸咁可以嘗試到唔同嘢食，價錢又便宜。我叫咗中辣螺肉蘿蔔同豬大腸，螺肉本身有葉汁加上本身的中辣湯底簡直是一百分，豬腸10分肥美而蘿蔔本身也入味，每樣餸的份量也不少一碗已經足夠。令一碗食小食笑了蘿蔔瑞士雞翼和韭菜餃。可能因為沒有醃料的螺肉，所以味道冇那麼重，但也是很出色的。

黎到深水埗區搵嘢食,其中一個選擇就係<文記車仔麵>佢有幾間分店 主要係想分散下人流因為平時都會有好多人喺店外面排隊!! 呢一日嘅晏晝,我就嚟左<文記車仔麵>到食,我叫咗花膠，豬大腸，墨魚卷，蘿蔔配米線!另外，仲嗌左一疊瑞士雞翼 !!!米線我覺得好好食 每次嚟到我都會加埋花椒油同菜譜落去 令成碗米線更好食☺️蘿蔔好甜係一個好值得嗌嘅餸, 豬大腸都幾好食,花膠有一大舊😌😌墨魚卷下次唔會叫 冇咩特別瑞士雞翼我平時都會嗌,覺得個瑞士汁好好味😋所以今次我嗌左一碟自己慢慢食😂

文記車仔麵 (福榮街121號) (深水埗)好多香港人喜歡食車仔麵，小編也不例外😋 見到這間車仔麵店門外已排滿了食客，忍不住也排隊光顧～雖然人多但不會覺得等太耐，因為在排隊時要諗下揀選那幾款餸菜、麵底、飲品🙈🙈 小編有選擇困難症，最後揀了：花膠$13紅腸$8白蘿蔔$9油麵、咖喱汁 、牛腩汁湯底$9蜂蜜菊花茶 $9 （跟餐價）意想不到$13可以食到花膠🥰 而且都幾厚身，吸收湯底的腩汁，惹味👍🏻 紅腸有4片，白蘿蔔好清甜，好足料～ 咖喱汁都幾辣，所以飲枝麵面自家製的凍蜂蜜菊花茶，可以解辣和潤喉～ 不會太甜，不錯～麵條亦不會浸淋，每次食車仔麵都會揀油麵🙈

而家好多車仔麵店都只係浸熱一堆雪藏垃圾擺入一個好鹹但冇味嘅湯再加好多辣油/醬. 完全唔想食.行過呢間文記見到竟然有米芝蓮加持? 好, 試吓, 最多畀你呃幾十蚊. 點知竟然有驚喜 !叫咗淨三餸 花膠 柚皮 墨魚角 $39$13 一件花膠 同 $13 一件柚皮 就算佢用塑膠同化學調味做到咁嘅 texture 同味道 我都覺得超值. 墨魚角亦都似係用真墨魚做, 正! 個湯同辣醬就普普通通, OK. 但好耐未試過食車仔麵食得噉開心.冇入鏡嘅鹹檸七只賣$11亦非常超值. 仲有一列你想要乜味都有嘅調味料唔用都覺得過癮. 仲有呢度嘅 service 都出奇地好到冇人有, 懒寫嘞, 總之畀呢幾十蚊畀得好開心.一定會再去!

每次經開深水埗總會見到文記出面排長龍今次再去，又見佢開多2間舖做食堂唔洗排咁耐隊了(總店依然有條人龍，天氣熱我唔排了）舖內好似日本拉麵店咁，座位一排過嘅前面放咗餐具，醬料同辣菜舖喺孭離點餐俾錢之後就過嚟搵位坐之後姐姐會送餐過嚟，跟單號派餐凍鴛鴦同凍檸茶，正常無特別第一碗油麵，八爪魚卷，豬腸，牛筋，大辣首先，湯偏鹹，無乜辣味加咗辣菜莆都唔係好辣食得辣嘅話，可以放心嗌特辣豬腸同牛筋好入味，唔錯八爪魚卷唔好食，揀其它餸好過另一碗油麵，魷魚，豬紅，油渣，小辣魷魚好食，入味豬紅都好，唔會一夾就散慢渣反而麻麻哋，食落頗油整體嚟講都合格嘅不過未係排隊都要食或者搵次試下總店比較下先

沒有吃過文記車仔麵，不要說自己來過深水埗，沒錯，就是這麼誇張！車仔麵的精粹在於面、配料和秘製辣醬，而他們都做得十分出色🧡粗面：豬大腸、韭菜餃豬大腸清潔得好乾淨，而且非常腍，一啲都唔覺得難咬，滷水汁好入味；韭菜餃飽滿大隻，皮薄餡靚；另外加咗腩汁，粗麵比較適合喜歡面質偏硬的人 💛油面：螺肉、冬菇、豬油渣螺肉非常辣，大大粒好有嚼口;冬菇雖然細細粒，但每一粒都吸晒啲蠔油味；豬油渣炸得非常脆，份量都好多；油面正常 💙油面：豬大腸、韭菜餃、瑞士雞翼瑞士雞翼非常香濃，大隻結實又肥美 ！❤️秘製辣醬、菜譜喜歡吃辣的千萬不能不加他們自家製的辣醬和菜譜，回味無窮

文記車仔麵一放工來買都已經好多人排隊買,排左15mins就已經有得買好lucky次次都中意食佢既小花菇因為真係好入味同埋好似食極都仲有, 食到尾都仲會食到幾粒>v<好濃蠔油味好鮮甜的feel! 愛了愛了!仲食左酸齋, 佢比左2大舊, 真係好好味, 個酸度岩岩好, 唔會打冷震又唔會太甜最後仲食左個菠菜餃,好好味菠菜好鮮甜, 好足料好大粒!平時我會加腩汁但今天唔記得左講只加左辣汁同埋菜po!!! 好好味~仲叫左個瑞士汁雞翼勁入味, 同埋好中意佢d汁好濃同埋杰食一口, 點一口d汁, 好正<3

〔 自選車仔麵 〕 .銀針粉/通菜/雞中翼/自家製韭菜餃, 銀針粉唔係出邊到都有佢哋嘅銀針粉容易入口, 通菜的菜不會太老, 雞中翼醃製得好入味, 最出色就係佢哋嘅自家製韭菜餃, 皮薄多餡, 餡入邊已經好入味, 韭菜餃真係值得一試👍🏻.(好味指數: 9.5/10)

每次食文記都一定會嗌豬油渣，真係無得頂🙊🙊份量好足，豬油渣唔會浸到冧晒。湯底一如既往好正，蘿蔔都好入味😋😋本來想試吓佢嘅白菜餃，但今日無哂😭😭😭下次再試😋😋

文記越開越多，但條隊依然咁長，不過因為疫症人流少咗唔駛等好耐就有得食，喺總店嗌完餸，職員再分流幫你拎碗麵去有位嘅分店。除咗落秘製辣汁，仲有好多其他配料可以落，推介要唧幾下麻油，湯底甜甜辣辣之外會更香口，重口味愛好者最愛。😋餸都係一如既往嘅水準(不過價錢就越加越貴，三個餸加嘢飲都五六十蚊🥲)，玻璃魷魚爽口，蘿蔔清甜冇渣，自家製韭菜餃餡料足。唔知文記個湯底落咗啲咩，次次食完之後成個身同頭髮都係文記浸味。😂

今日早左收工 喺深水埗等緊朋友期間見到呢間文記車仔麵 ✌🏻✌🏻✌🏻✌🏻其實呢間車仔麵我次次經過都見到佢大排長龍佢係兩間店舖拼埋一齊佢哋嘅座位都算多㗎啦但係永遠你都會見到人排隊咁由於我都有時間所以就排隊啦我諗大概等咗20分鐘左右就有位佢哋嘅車仔麵嘅餸有好多選擇❤️❤️❤️我就揀咗佢哋嘅招牌魷魚 雞翼 同埋酸齋係我嘅角度車仔麵係一定要落辣㗎😋😋😋唔落一啲都唔好食😋😋 今次我就揀咗中辣同埋面底我揀咗米粉 果然第一啖食落去已經辣得好過癮😋😋😋真係好好好好好好食❤️❤️❤️就算排咁耐隊都係值得㗎食完啱啱好就去搵朋友👍🏻👍🏻👍🏻

香港好食車仔麵買少見少，大多數不敵租金加幅，令出品大幅下降。路過深水埗，有朋友向我推介文記車仔麵是滄海遺珠，值得一試。去到呢條街，見到人龍已經知道邊間係車仔麵。但係其他店舖係未有人龍，但係我估計呢四間間都係同一間店，所以隨意撞入咗其中一間。餐牌都幾多選擇，我老友話揀十大推介嗰啲包冇死。店舖提供多款醬料比客人加料，有好多我食都未食過，當然碗麵夠味就唔洗加了。牛腩湯底好重味，唔似平時坊間店舖淡而無味、只得色澤。魚片頭彈牙、有口感！牛腩切得好完整，好入味，份量都幾多。魷魚鬚係原條上，唔會令客人咀嚼麻煩。價錢都幾公道，接近$50，係差杯嘢飲姐。

儘管成條福榮街已經有好多間文記車仔麵🤣但想尼食碗麵點都要排少少隊嘅😂✨瑞士雞中翼✨ $14勁入味‼️甜甜地幾好食😋✨玻璃辣魷魚✨ 🦑 $14真係幾辣😌但幾惹味✨上湯花膠✨ $13無野好挑剔😂呢個價錢食到仲要唔細塊✨蠔皇小花菇✨ $13 🍄一粒真係5毫子咁大粒🤣但好入味又係甜甜地咁✨清甜蘿蔔✨ $10呢個fail😩勁硬未煮透有渣無乜味 因為好生😟😟😟✨✨✨✨✨✨✨✨✨✨✨今次湯底叫左腩汁加沙嗲汁🌶唔知點解都係好辣🤣🤣辣到嘴唇都痺😂😂general個湯係有d鹹😰剩係食到辣味🌶🌶唔係好食到有沙嗲味🙈