文記車仔麵 (福榮街)

營業中

休息中

嘩，大熱天時，呢間舖都咁多人排隊，因為今日好想食車仔麵，所以熱都排呢間，行開就見得多，食就第一次食。佢哋食物放晒出嚟，真係花多眼亂到一個點，先揀粉麵，除咗粗/幼/河/米呢啲大路嘢，好少見車仔麵有薯粉，所以叫呢個。餸就揀左鳳爪，螺肉，豬油渣。作為一個健康寶寶油渣呢啲嘢有機會梗係叫，佢同隔離專賣油渣麵果間周記啲油渣唔同整法，文記呢啲大舊啲，切開小件再油炸，口感是爽一些，咬落有油花，口感不同，好獨特。佢哋湯底幾好飲，唔會咸到痴線。但咁多人排隊又真係誇張咗少少。

要數香港地道美食, 一定少不了車仔麵。深水埗, 一個香港傳統舊區, 來這裡吃香港地道美食, 更有一番風味。文記位於深水埗心臟地帶, 人流多, 再加上美食當前, 排隊點餸的人更多。排了十五分鐘汗流浹背終於可點餸。食車仔麵始終油麵最正宗美味, 皆因夠爽口彈牙。除了餐牌推薦招牌瑞士雞翼，另外還點了墨魚丸、雞肉腸、鮮蝦腐皮卷、生菜。瑞士雞翼成為招牌菜當之無愧, 雞翼又滑又入豉油味。墨魚丸美味又彈牙。鮮蝦腐皮卷也不錯但稍嫌細條。然而, 最精髓的竟然是枱面最不起眼的花椒油, 朋友介紹不添此油，便吃文記也枉然。添了一勺子, 喝一口湯底, 舌頭即時麻了, 但一點都不覺辣, 感覺很特別。各位去吃一定要添些試試。大家多多支持地道美食啦！

黎呢間車仔麵，首先要忍受戶外排隊。場地就無乜好講，典型車仔麵格局，廚房係門口果種，唯地方整潔，我最怕有些車仔麵店一地滑沰沰又黑，呢度絕對無問題車仔麵既餸間間大同小異，我認為車仔麵成功與否有兩項因素，第一必然是湯底，第二是自家製辣醬，大家想一想有那間出名的是沒有自家製辣醬？呢度的湯底非常鮮味，絕對唔覺味精，車仔麵有無落師傅（加味精）其實好易食得出，濃味得黎食完又口渴十居其九是味精作怪，食得多就食得出味精的味。而自家辣醬亦一流，真係食到口水長流，又唔會辣到你食唔到。今次我揀河粉，是類似金邊粉果種較薄身而滑，配合湯底一齊食真係一流。既然講得稱霸，當然唔簡單喇，餸是關鍵的一環，佢能夠做到樣樣精，不是行貨，樣樣有水準，呢下手真係有難度，今次點了牛根同豬腩肉，牛根絕對唔會靭，半黏半啫呢狀，又入晒味，正！豬腩肉不是淋晒果種，少少硬有𡁻口，肥膏佔得不多，不會令人食一兩舊就有反胃感覺最後反而要提提煎釀三寶，我認為是必試，魚肉唔會甩晒出黎果下好難做到，而且彈牙，豉油又適中不會太鹹，加少少甜醬辣醬一流，唯一要注意的是她不會替你翻炸，我未試過浸湯弄熱是什麼味道，不喜歡冷食物的朋友要注意一下喇

今日終於初嘗文記車仔麵，大熱天時排了大概十五分鐘，食後感就是名過於實。食車仔麵最令人興奮就係唸揀咩揀餸嘅時候，而且呢度係排住隧揀餸，比完錢先坐底，所以排隧時一定要唸定食咩。打算食柚皮同最出名嘅韮菜餃已經賣晒，當時只是中午時段，失望。最後揀咗：豬手：好淋，都ok豬皮：淋同有d咖哩味，比較細磈，見到有d仲有毛喺上面大腸：ok淋但唔算好入味，有d糕喺入面雞翼：甜甜地瑞士汁味，不過又未去到好好食，唔明點解話出名我叫咗幼面, 個面唔彈牙，好鞋口另外個湯我冇加辣，甜甜地，好怪，好深色以為腩汁味，點知好似甜豉油咁味...所以食剩一嚿豬手冇食，因為感覺好「漏」。我老公嗰碗（冇影相）有加辣，不過都係甜。佢揀咗：魚片頭：竟然唔係炸而係白雪雪潮州魚蛋咁，食落口唔彈，仲好勁味精味。出名嘅玻璃尤魚：爽口，正常紅腸：正常冇特別總括黎講唔明點解咁多人排隊，其實真係好一般至麻麻地

深水埗，不只再是維記的天下。福榮街的文記車仔麵出現長長人龍，加上上次在銅鑼灣榮記失望的經歷，我一定要重新找回車仔麵的感覺。行過福榮街，文記卻無人不曉。晚上八點，兩家分店都已經排了很多人。我和男朋友去了舊店過幾個鋪位的新店，裝璜很新，燈光猛。似是剛新開不久吧？這十大推介不知是不是客人選的？就點了其中四款試一試！點餐都十分自助，紙仔也印得不馬虎，彩印令人睇得更舒服。而且價錢有平有貴，如何選擇，適隨尊便。我點了以下的: 瑞士雞翼，手打魚肉，玻璃辣魷魚，蘿蔔，都係十大推介。盛惠四十五元。瑞士雞翼同蘿蔔仲好入味，而且沒有已經浸到好淋的感覺。雞翼依然好結實，甜甜的非常入味！計我話令人驚喜係秘製辣汁湯底，一呷之下感覺好濃郁。加上辣醬有內涵，不會死辣，溶入腩汁後有奇妙的化學作用，加埋辣菜圃就差不多了！魚肉也很好，不過略嫌有點碎，不太吃到！其他都很滿意！不消十五分鐘就食完，加上小店地方不大也不要坐太久，總結就是好食到想加底。正！

今日去到深水埗行吓食吓,通常比我感覺呢D舊區都係有好隱世食店又平又好味,,呢次就試吓文記車仔麵!價錢唔算貴!雞亦尖好入味,好淋……個湯底好濃,正!朋友的.比左D猪大肠我試,同樣好味!不過衛生就一般,同埋都坐得麻麻舒服!

經同學介紹，專程黎食酸辣粉，企喺門口睇定餐牌，排隊去買，然後坐低食，酸辣粉只係25蚊一碗，可以再加其他餸，我加咗菜心同魷魚，加埋43蚊，我比較欣賞嘅係菜心，因為酸辣粉啲辣湯滲入到菜心裡，十分好味，而酸辣粉也是我食過咁多間中最為欣賞及鍾愛嘅，辣味是正宗的川味辣椒，湯汁的味道也很好，酸辣的味道適中，是我在香港食過最正宗嘅酸辣粉!其他嘅實在比唔過呢間，辣味多過酸味，仲要啲薯粉唔入味，有啲過分到用米粉整!總之呢間嘢嘅酸辣粉真系正，有機會會再黎。

食文記一定要夜晚晚打完波去食 別具風味～Yeah Y(^_^)Y去到見門口有十幾個人排隊揀餸是基本⋯⋯條隊都算快，只要⋯你瘋狂諗住啲瑞士雞翼嘅話多數排隊>點完餸>俾錢>坐底P.S. 鄉音呀姐們會好堅持幫你拎碗麵埋位 媽禾有得食喇～～扮健康揀薯粉又幾正我嘅皇牌選擇：必必必食瑞士雞翼－超入味瑞士汁，肥肥的～煮得淋淋吔，正到爆牛筋－OMG 又淋又入味～骨膠原在我口中蔓延開去魚肉－唔腥，勝在呀姐心情好俾勁多，直頭可以開心分享一半俾友人，幫你個朋友子加多個餸加腐乳通菜是必須的，十幾蚊大大碟，食通菜係食佢個種洗唔乾淨渠味(btw玻璃尤魚上次試過 個人覺得無必要encore)提醒:::: 來到文記，一定要加佢秘製麻辣油！！不！得！了！係碗頹麵精華所在！(唔食得辣都建議你要加幾滴試試佢)再叫呀姐幫你加啲 辣菜甫(免費)方為人上人之食法～～～凍檸茶唔簡單，茶有茶味(好重要)！車仔麵係佬食中既典範，我支持文記！

同朋友去深水埗黃金電腦廣場買嘢前見肚餓， 走左去呢間好出名既文記車仔麵食番個午餐先，去到門口排咗非常之多人，我叫咗個河粉、豬手、豬紅、豬油渣、通菜加多杯凍奶茶，個湯底加埋啲牛腩汁非常之好、 河粉係幼條那種非常之滑，連湯一齊食， 豬手煮得好入味同好淋， 骨膠原非常豐富， 豬紅都住得好有味 好滑，通菜非常鮮新鮮同清洗得好乾淨都好爽口好食， 豬油渣炸得好香口，河粉同豬油揸 一齊食都好好食， 凍奶茶走普普通通 茶味同奶味都還可以

今晚在深水埗食左個車仔面，好好味，好多餸可以選擇，而且好地道，鹵水牛展，鹵水豬大腸，生菜，油面，因為實在太多款式可以選擇，所以我選在最愛嘅3款，豬大腸好好味，小小臭臭地，好地道好味好滑有彈牙，生菜好新鮮，無青味，鹵水牛展，鹵水味好濃，牛展有嚼頭，湯底好濃味，正吖

黎到深水步, 通常都搵D地道野食, 通常都係車仔面呢間車仔面 送菜算唔錯雞翼尤其地好食!不過我通常都會點埋加大 因為本人食量都幾大 唔夠飽@@喜歡周圍試車仔面既人 可以試下!

過開來深水埗買野, 因為趕時間所以食碗車仔麵醫肚就算勒, 呢度既配料都幾多選擇又好似好吸引, 平時只叫 2-3 款餸既我今次叫左 5 款餸試試先, 包括有豬大腸, 魚肉青椒, 魚肉茄子, 蝦卷, 瑞士雞翼, 再叫多杯菊花蜜潤一潤先, 先試豬大腸係皮薄裡面有小小肥膏 , 煮得唔夠淋唔夠入味 , 味道一般般可以接受啦，魚肉青椒、魚肉茄子即係煎三寶每樣一件色澤光鮮 , 味道正常 OK ，蝦卷就真係麻麻地勒，味道好一般 , 唔爽口彈牙, 最後係瑞士雞翼好JUICY 應該係鎮店之寶勒, 好入味肉質嫩滑個瑞士汁仲好 SWEET。

落到黎深水埗，有一間車仔麵係唔可以唔試既，就係文記既車仔麵喇。以車仔麵黎講，文記D餸既選擇絕對比一般車仔麵多，除左常見既豬紅、豬腸等等之外，仲有好多你估佢唔到既選擇，例如鳳爪、西洋菜、豬油渣等等，真係你UP得出既佢有，你UP唔出既佢都有呀真係!而且價錢方面都唔算貴，平均三十幾蚊就有一碗，都算係好FAIR既價錢黎。食物方面，我就嗌左豬紅、豬腸、油麵同埋最出名既瑞士雞翼呢個車仔麵既黃金組合，仲加埋些少辣醬，呢個係一定唔可以少既。D豬紅口感非常唔錯，鬆軟得黎又唔會散到一舊舊咁。個豬腸就整得十分之入味，D老水味完全融入哂落D豬腸度，而且咬落完全唔會有豬腥味，一流! 而咁多樣餸入面最令我滿意既當然就係個雞翼啦，個瑞士雞翼係真係甜到你唔會信，個瑞士汁既味道完全由個外皮滲哂落入面D肉度，而且個肉仲好嫩滑，絕對可以話係我食過最好食既瑞士雞翼都不為過。最後加埋個秘制辣醬落個湯底度，辣得黎又帶有小小甜味咁真係好特別，絕對係成碗麵畫龍點晴既地方。

來深水埗，為的是吃台式芋圓。在此以前，總不能不吃正餐吧！深水埗是美食天堂，心中早有一堆候選名單。從D1出口步出，已看到劉森記和文記，見文記人氣不俗，先試試這家人氣車仔麵吧！　　時間尚早的關係，等候的人不多，才七、八人左右。有別於一般車仔麵檔，食客要先輪候選麵食配料，買好後才入座。若然是有選擇困難症的，最好還是先看門前餐牌，不過在餸料面前改變主意的相信也大有人在吧！先選麵食，加了菜底，再選餸料，最後隨喜好加上辣汁，一豌熱騰騰的車仔麵誕生了！這兒的阿姐非常友善，明明是自助取麵的，阿姐堅持要代勞，值得加分！　　　豬油渣/豬大腸/瑞士雞翼通菜油麵($46)食量不少又貪心的我，選了四餸車仔麵！典型車仔麵湯底，味精重味道偏甜，有腩汁的關係香濃惹味，配上稔身油麵很能吸收湯汁，麵底是水準之內吧！瑞士雞翼又嫩又滑，加上甜甜的汁醬十分惹味，只嫌小了點，一客兩隻吃得不過癮。豬油渣絕對少有豈能錯過，切成長條，足有五、六條之多。放心它是不油不膩的，酥香脆口，絕對是人間美味。豬大腸洗得乾淨，滷水夠香、新鮮、彈牙、肥美！腸內連着脂膏，非常香口！通菜下得慷慨，翠綠爽口，正！ 蝦卷/牛腩/雞腎米粉($34)老公點的是三

首先講下湯底，味道十足，加配秘製沙爹醬同辣醬，又香又辣，夠哂惹味呀！配料嘅玻璃魷魚不得了😱，入味之餘，口感亦非常爽脆，而佢嘅豬大腸🐷炆得冧仲保持到煙韌，仲有佢自家製嘅韭菜餃，咬落韭菜嘅香味出哂黎，味道好新鮮，而外皮亦好薄，韭菜豬肉餡仲好厚實添😋。另外鮮蝦腐皮卷，第一次食車仔麵見到😳，外皮有少少脆，裹面口感彈牙，絕對食唔出撈左好多粉，真材實料，仲有啖啖嘅鮮蝦味！