文記車仔麵 (福榮街)

營業中

休息中

知道文記好多人報導過、好出名，於是終於襯係黃金砌機，等緊拎機既時候，有機會試下文記車仔麵一去到福榮街，一望眼見到咁長人龍，就知係傳說中既文記啦，一條街三間鋪都咪話唔威水⋯於是揀條人龍最小既排隊啦⋯⋯玩陣電話，20分鐘左右就入座啦。裝修就唔洗提啦，普通麵店一間，座位就窄同迫既，唔好諗會坐得舒服，唔算熱焗已經好感恩⋯選擇有好多，不過我第一次食，就食店內推介既辣魷魚、蘿蔔、小花菇啦好快就上檯啦，河粉係合格既，不過唔會夠安利果d鬥，其他食物全部整體上係好咸好濃味，不過尚算好食同入味，蘿蔔夠清甜太重口味緣故⋯無飲品係唔掂既，試試佢自稱自家製既龍眼羅漢果水，好似$10左右，細細枝，都幾好飲同維記比，我可能都會傾向食維記多d，因為個人而言文記太重口味，食完兩個鐘後都好口乾，咁高鈉、偶爾食下好了

如果要我喺香港揀間最好食嘅車仔麵其中一間一定會係文記車仔麵除咗地理位置方便之外性價比仲好高所以每一次喺九龍區諗起要食車仔麵都會揀文記去到鋪頭門口之後就會見到有好多人喺門口排緊隊其實就係要你首先買咗嘢食然後再拎返埋位坐低今次我就叫左瀨粉 配 玻璃魷魚 酸齋 通菜記得帶嘢食嘅時候係要叫左面底先再叫餸依度嘅玻璃魷魚好好食 唔同平時嗰啲淨係普通咁樣洽 呢個係再用啲雞翼汁定唔知滷水汁整左先所以同出邊嗰啲好唔同而酸齋就十分開胃 通菜就係因為想食d蔬菜所以叫左除咗面 仲同朋友叫咗份煎釀三寶 入面有兩粒魚蛋一個豆腐同埋一個茄子覺得佢太油所以我有浸下啲湯先食但係啲魚肉非常彈牙下次如果唔係好肚餓但係想食啲小食嘅話都可以試吓呢度嘅煎釀三寶😽

文記車仔麵位於深水埗福榮街，由一間分店開到而家同一條街有三間分店。店內環境比舊式車仔麵舖優勝。食物選擇多樣化，有58款餸，14款麵底，多款調味醬料及湯底選擇。今次叫了一碗四餸車仔麵，有雞中翼、牛腩、韮菜餃和紅腸油麵，選了秘制辣汁微辣及腩汁湯底。瑞士汁雞中翼入味且滑；牛腩入味及爽淋；韮菜餃飽滿，料亦多；紅腸切得厚身，有口感。油麵配上腩汁湯底及秘制辣汁，相當配合。另一碗亦叫了四餸，有雞中翼，魚肉，魚皮餃，豆卜油麵，選了沙嗲汁微辣及瑞士汁湯底。魚肉分量也多且爽滑；魚皮餃煙靭；豆卜吸了湯底精華好味。車仔麵有質素，但價錢略貴。

今日落開深水埗，有機會試下文記車仔麵，原來一條街已經有3間店咁多，仲要每間都有唔少人等位，真係誇張呀。等咗半個鐘有位喇，由於入坐前已可以揀定野食，所以一坐底就可以即刻落單。瑞士雞翼，肉質唔會鞋，個汁香香地、甜甜地，好好味。魷魚爽翠👍🏻，豬腸味道ok，酸齋不會encore，個人喜歡較濃湯底，這個湯底我覺得唔夠濃。我揀左少辣，辣醬不夠香。另一碗，蘿蔔清甜，小香菇夠入味同好香菇味，豬紅及牛肚就一般了。

去開黃金買野，就必然會諗起呢間車仔麵。一條街有三間鋪，呢間車仔麵都好犀利。因為太出名，所以有七八個人等，但係我都堅持等左一陣去食。今次叫咗個四餸麵，有豬手，瑞士雞翼，豬腸同埋魷魚。先講湯底，有點偏鹹 ,但係都有返傳統車仔麵味道。幾個餸最值得讚係瑞士雞翼，雞翼好滑同都好入味。豬手亦都做得好好，好爽口。反而豬腸同魷魚就冇乜特別。唯一美中不足係服務態度，可能因為多人，所以語氣不太好，問佢哋攞辣醬，亦都好似唔係咁願意，拉低左整體分數。不過如果擬車仔麵系統，呢間真係幾好食，怪唔之得有咁多人排隊都要食

短短一條深水埗福榮街，食肆數量幾十間，間間都各有名堂，別樹一格。今日去的是文記車仔麵，這間車仔麵榮登今年米芝連街頭小食推介，實力當然非同凡響。但外國人口中的車仔麵口味，會否和本地口味有出入？現在就讓我為大家掀開答案。今次點的是油麵，腩汁少辣配餸有豬紅、蠔油冬菇、豬腩肉和瑞士雞中翼。先講湯底，柱侯腩汁味濃，但不搶喉，麵質則有彈性，沒有鹼水味。四款配餸之中，必定要推薦蠔油冬菇和瑞士雞中翼，蠔油冬菇size小小，但盡吸蠔油味，粒粒都軟腍，而且數量多，十分抵食，瑞士雞中翼雖然浸在湯裡，但無減瑞士汁味道，肉質方面仍能保持嫩滑，不會韌口。文記確實是一間出色的車仔麵，但要試的朋友可能要有點耐性排隊才行。

行過深水埗這條街，一連有好幾家食舖，見到🚗仔麵舖都話攞米芝蓮奬，簡直唔試就走寶。。入到舖，最吸引我既係由舖頭到尾成排醬料，唔係純觀賞，係可以任用！夠特別！其實menu就無乜特別，車仔麵餸款任點，就係多咗過瑞士汁，所以我亦都即是點咗過瑞士汁米線，配墨丸十牛柏葉：墨丸得兩粒，似乎太少，不過我這次也是點了太少餸，由於趕時間，所以諗住下次要點得再豐富d！醬油陣有一大樽辣蘿蔔，即時試吃！醬油陣，材料豐富今次就講到呢道，不過下次一定會再來這裡食麵，試多幾欵餸先再評過。

今日經過深水埗，即刻想起文記車仔麵。車仔麵我都係中意食傳統的車仔麵配料。粗麵配豬红，蘿蔔，豬皮，軸皮等等。尤其是特別中意炸魚皮，大大件又新鮮趣口，首選必食。車仔麵配埋秘制辣汁，食起黎特別好味。食完碗麵飲杯咸檬七，好滿足啊。

文記車仔麵去開深水埗都知道除左維記之外，大排長龍既重有文記，一條街內一共有3間分店，做到有米芝連推薦食府。享譽車仔麵大皇之稱☺️正宗香港的風味11:30AM去到，不用排隊。大大碗係好足料既。我點左蘿蔔，酸齋，柚皮，豬腸，韮菜花配油麵湯底幾清甜，食完吾會太口渴蘿蔔又甜又淋，無渣👍🏻👍🏻酸齋無咩特別，但係係凍既，要扣分了柚皮好出色。又夠吸湯豬腸吾膻，份量幾多下。幾入味。如果係大腸會更好☺️韮菜花煮既時間太短，重生生地。同埋好多渣。吾建議再叫好可惜個湯底真係吾熱。大減折扣。名過其實。-車仔麵大有名氣，但無想像中咁好食可能出左名之後，太多人食水準低左🤨

去開深水埗整車～一行2人順路食下間咁出名嘅米芝連得獎車仔麵先～今次去新鋪係間舊鋪隔離～雖然唔係食飯時間但係都好多人～足足排咗40分鐘終於到我地開餐啦依到嘅十大必食我地叫咗4款～試下係唔係真心推介先由於鋪仔細細所以冇咩空間感～店員都好忙～醬油、辣椒醬之類自助式依碗三餸：瑞士鷄中翼、玻璃辣魷魚、豬腩肉配油麵～鷄中翼唔會太甜夠色夠入味～玻璃辣魷魚唔辣爽口～不過漂得勁得制冇晒魷魚味～腩肉最難食～水煮白白淨完全冇味另一碗都係3餸：鹵水豬大腸、手打鯪魚肉、炸魚皮配油麵～豬大腸好“淋”好有鹵水味～手打魚肉爽口彈牙重魚味炸魚皮香口又脆～食落唔會成口油～有少許鹽吊下味唔會咸貴價車仔麵有名氣但唔係想像中咁好食

講咗好耐話想食呢間，不過聽人講好多人排隊，所以一直都冇去食，今次有時間就去咗啦🤓排咗大約15分鐘就有位，都唔算話好耐😄上面個料好足，試咗佢嘅雞翼尖先，雞翼尖滷得入味，不過就略嫌有少少咸，如果有返少少甜味就好了✨小編好鍾意食牛筋，而呢個牛筋好有水準。佢煲得夠淋，食落有個種膠質嘅質感真係好正，唔係之前食過個種好難咬嘅牛筋。而且滷水汁都煮得入味。✨💓 試埋個蘿蔔，佢唔會話係鮮甜，不過唔會話係食到有渣嘅，同埋煮得夠淋同d汁係入味，不錯👍🏻 不得不提佢個腩汁湯底應該係秘制，飲落係鮮甜，令人好想再飲第二啖，令成碗麵嘅味道昇華😆係有水準嘅車仔麵，如果有時間會走去再食。

文記車仔麵係深水埗一直都好出名，而且生意好到由最初得一間鋪到依家有三間鋪。生意咁好，我相信味道都一定有翻咁上下。所以專登揾日得閑同朋友去試下。去到要等位就預左，最後等左半個鐘。😖係網上睇佢既瑞士雞翼、魷魚同蘿白有好多人推薦，當然要嗌黎試下。😋😋最後嗌左雞翼魷魚雞翼尖羅白，腩汁再加上秘製辣汁（大辣）🌶1️⃣我個人覺得雞翼尖好食過雞翼，因為比較入味🐥2️⃣羅白雖然唔大舊，不過有好多舊3️⃣魷魚就唔太合我口味🦑雖然排左好耐，不過都係值得既，有機會一定會再食。食完之後都會口渴，不過食車仔麵味精一定有，會口渴就真係預左，所以唔影響我會再黎食既心。👻

2018.4.7唱K前掃街，邊食邊排隊食呢間我的至愛車仔麵。我老公叫左瑞士汁雞翼豬大腸魚片油麵！個瑞士汁超正，大腸不蘇，份量多，夠入味；雞翼亦都超入味；魚片爽彈！老公呢碗配搭好正！我叫左腩汁魚肉酸齌瀨粉，腩汁都好好味！個魚肉好味，夠份量，又夠彈牙！酸齌配上咸蘿蔔好夾好正！瀨粉略嫌，煮得硬左少少！另外，我叫左羅漢果龍眼茶，夠甘潤，正！我妹叫左腩汁蘿蔔牛根銀針粉，個蘿蔔超甜超正，又夠淋！牛根不錯！係個銀針粉太粉太淋！其實文記好多款餸都好好味！所以長期排長龍，但絕對值得排隊食，未等到位仲可以係附近掃街頂肚先！

榮獲米之蓮嘅車仔麵梗係要試下啦！一去到見到門口勁多人排，以為要等好耐原來佢三間分店分左三條隊！所以好快就入得喇👍我就叫左佢必嗌嘅其中三樣分別係滷水雞翼、玻璃辣魷魚同埋蠔皇小花菇油麵，然後再要佢加左辣醬撈！滷水雞翼滷得超級入味，大大隻肉又滑😋🦑玻璃辣魷魚爽脆入味不過要注意因為佢個辣魷魚本身已經有辣汁，如果唔太食得辣嘅朋友就唔好另外再加辣喇~但係最特別嘅就係蠔皇小花菇！好少會喺其他車仔麵食到呢個餸，小花菇炆得好淋又入味！同時小花菇嘅汁會令湯底添加左另一種口味，令成個湯底更加豐富👍

深水埗福榮街真係好多野食， 但受歡迎程度呢間一定無得輸。 一條街有三間店已經贏哂！仲要三間都排長隊。兩個人，叫左兩碗唔同既餸。唯一相同的是蘿蔔，永遠都是這麼的又甜又淋。今次配上瑞士汁湯底帶甜， 原來配車仔麵也是不錯的選擇。豬腸， 牛腩，魷魚， 蘿蔔配河粉。另一碗清些，蘿蔔， 牛筋，墨魚腐皮捲，順帶一提，米粉也滑滑的。 簡單的腐乳通菜都好好味呀！雖然喺街頭等了半小時才食到， 但還是值得的。大概 100 蚊食到捧住個肚離開， 性價比高呀！