文記車仔麵 (福榮街)

營業中

休息中

等左3個字.入到去,真係好逼~但忍.因為呢到真係好出名.主要只想同大家講魚肉,呢到既魚肉真係好好味,,唔淋.彈牙,,不痴牙..呢3個因素已經係令我來親都食既主因~^^另外,,我叫了油面,再加底..坦白講,呢到不平.但如果講質素,的確是好的..在深水埗,也有好多一分錢一分貨的餐廳~~好一間文記~我十分讚賞~

今日帶大家食車仔麵，車仔麵大家就食得多，但又真係好冇味呢？今日試咗呢間，文記車仔麵！平日去照樣要排隊呀，但只係等咗十分鐘就入得，等緊既同時仲可以諗埋食咩添！因為今次係第一次食所以叫咗蘿蔔，瑞士雞翼配米線小辣加洛神花茶識食一定食蘿蔔，點解？可以試到佢有冇心做，點知一食，蘿蔔好入面又夠林最重要係冇渣架！好驚喜！瑞士雞翼夠哂味，不過咸咗小小，但襯返個湯底清清地，一流米線唔多講煮得岩岩好，洛神花茶亦都唔hea!真材實料用心制作，價錢？平民良心價！用心制作車仔麵推介：文記車仔麵

可以得到米芝連的青睞，文記車仔麵必定有其可取之處。今次是我第二次光顧此食店，人流依然是綿綿不斷，果然有功力😆我今次點上蘿蔔，豬大腸，西洋菜餃，豆卜及幼麵，加上特製的辣汁，車仔麵一上檯便飄來陣陣香味。我快速地影完相片便急不及待要大快朵頤。豬大腸洗得很乾淨，肥肥的，好味到不得了；蘿蔔又林又入味，很是清甜；西洋菜餃不知是不是他們自己包的，很香西洋菜味，外皮厚薄適中，完全不會有黏牙的感覺；豆卜新鮮，絕不會帶有酸味；至於幼麵也很彈牙，不會過林；而特製的辣醬亦很香，我叫上中辣但覺得不太辣，下次可試試大辣。我同時也叫了一杯熱檸檬茶，真心，茶雖然不濃，但卻清香，最厲害的是檸檬很新鮮，完全沒有苦味，通常茶餐廳的熱檸茶經檸檬泡浸後，成杯又苦又澀，好難找到例外，今次竟然被我找到了，完全不需加糖飲，正👍🏼埋單合共$54，對車仔麵來說算是貴，但我覺得值得的，份量合理，質素亦高，怪不得入選米芝連推介列，果然名不虛傳😄

一條街三間分店，做車仔麵做到打入米芝連，文記究竟是言過其實厄鬼佬，定還是高手在民間？今日決定一探究竟。先來一碟瑞士雞翼。文記把這本士菜色做得香滑美味。不過考慮到瑞士雞翼本身不難做，大部分餐廳水準相距不遠，未敢讚得太厲害。麵的選擇頗多，粗麵幼麵出前一丁米粉甚至蕃薯粉都有。 來個蘿蔔牛腩麵吧？蘿蔔鮮甜無渣，超級的好吃。柱侯牛腩入味，水準中上。另一個蘿蔔牛筋蕃薯粉也很好，牛筋煮得夠淋，入口即融，香甜的清湯底更是驚喜位。兩個人舊幾水埋單，抵食。期望文記能保持水準之餘，能逃過米芝連的咀咒。

這間車仔麵，由開張食都依家，由一間變3間，本來已經成日排隊，前排上埋車胎人有星後，3間都排隊排到癲。今日見咁早行去睇下使唔使排隊先，去到見唔使排，走入去食碗麵先，是日都係要食素。幼麵 指定動作通菜 唔老蘿蔔 清甜無渣 鮮枝竹 行貨 無乜特別冬菰 又係指定動作 炆得好入味 最鍾意佢細細粒容易食如果唔係食素，我會食佢名物:玻璃魷魚同瑞士雞翼，加埋釀尖椒。由最初食到依家，真係貴咗巧多，車胎人畀咗星後好似又貴咗，預見未來應該會仲貴啲，希望食物質素唔好下降。

久仰大名，夜晚11點幾，都仲係有人排隊買飛，一街三舖都坐滿人真係不得了，本人對車仔麵一向無乜興趣，最主要坊間好食果d都係辣或咖哩而出名，但本人係少少辣都食唔到。呢間米豬蓮車仔麵，d餸既數量選擇真係冠絕全港，佢多之餘仲要係有水準，好多朋友推介蘿蔔同牛腩，但我今次就試左瑞士汁油麵3餸：豬手，豬油渣，瑞士雞翼麵好正常，份量正常，大食者一定唔夠。瑞士汁好掂，唔會甜過龍，同埋最緊要唔會食完好口渴。瑞士雞翼夠入味，唔會硬身鞋肉，唔會太細隻，食完真係想再添食。豬手兩大舊入味，佢一舊等如其他店既兩舊，肉不多，但非常抵食。豬油渣方面一定好過前少少間老字號油渣麵，同埋佢d油渣都幾大條，但個人認為d油渣可以有少少肉會更正(本人係英記粉絲) 。最後加支蔗汁，正常無特別。呢間車仔麵非常適合唔食辣人士，性價比極高，價錢同坊間相若，但餸既味道同選擇已經贏晒所有車仔麵店。唔好期望坐得舒服，因為好多人流量快同埋係搭枱，店員見食晒就好快手收野，食飽就好快d走，唔好阻住食友食好西。😊

食完一次之後每星期幾乎都要食一次，實在係好味。環境窄價錢都比一般車仔麵貴但佢值得。好多餸揀，我最鐘意雞翼，個汁同雞翼好夾，勁入味。仲有手打魚肉，幾滑。今次叫左豬手同魚肉，豬手都好夠味，唔會太淋幾有口感。湯底可以加腩汁或瑞士汁，鐘意食辣既可加秘製沙嗲，小小已經好辣，通常我只食到小小辣。枱面上各樣調味料齊哂，可以按喜好落。雖然係車仔麵，但好飽肚，份量多於足夠。鐘意食小食同菜既可嗌碟淨菜淨食。絕對會繼續幫襯，可惜等位時間越黎越長，太多人。

朋友介紹深水埗文記車仔麵，今日咁岩要去附近買野，一於試下呢間咁出名嘅車仔麵。去到排十個人到，算快了！其實係門口諗下食咩餸已經好快排到喇！我地兩個人食，可以試多幾個餸，我地叫左豬大腸、南乳豬手、牛腩、牛筋、牛肚、酸齋，超開心呀可以試咁多樣！豬大腸牛肚牛筋都好入味呀，豬手老公話都好正，好多骨膠原🤣，酸齋就反而唔夠酸！食車仔麵梗係配枝裝可樂啦，只係加$8咋！之後行完街兩點幾經過目測見到已經排左二十幾人，反而我地一點幾去仲少人，想排少d可以一點幾去食呀！

車仔麵, 一直是米芝蓮街頭小食中的重要一環, 每年也有兩家店子入圍. 這一年, 千色車仔麵繼續上榜, 榮安小食跌出榜外, 而文記車仔麵就是新上榜的名字.在福榮街這個飲食戰場, 要突圍而出不容易. 短短的範圍內, 有維記, 十八座狗仔粉, 泰潮, 以及三哥等等, 但最長人龍的, 一定是文記. 是日我也排了差不多二十分鐘才有得食.瑞士雞翼自制韭菜餃柱候牛腩車仔麵 $42: 8.5分, 今時今日吃車仔麵, 當然不再便宜. 這裡的麵碼由$8-$12不等, 點三個麵碼, 加上麵底, 已經$42, 連汽水就$50.當然, 點選的一定是招牌. 瑞士雞翼相當入味, $12兩隻, 必吃.自制韭菜餃大大隻, 餃皮不太厚, 韭菜餡足料.柱候牛腩是驚喜, 炆得夠稔身, 比起牛腩店子也不輸洩.麵底選了由幼麵, 正正常常的, 就已足夠.來文記車仔麵吃碗麵, 不便宜, 但無論是瑞士雞翼, 自制韭菜餃, 或者柱候牛腩皆有水準, 在米芝蓮街頭小食中入圍, 合情合理.

相信可以稱佢為深水埗車仔麵大皇，每日午飯時間門口總係大排長龍，即使喺隔幾個舖位開多間都仍然係咁多人等，只因佢真係好食，餸料款式選擇多，好可愛咁列晒10樣推介出嚟，價錢唔貴，呢個價錢嚟講我覺得份量算多，麵底又係好多款式，湯底可揀清湯、腩汁、瑞士汁或者唔要湯，仲可以要一款醬汁，有秘製辣汁、咖哩汁同沙嗲汁可揀，佢總好貼心地擺左好多款調味醬汁出嚟俾我地任落。我揀左鹵水豬大腸（$10）、牛肚（$10）、紫菜（$8）配米線（$8），要腩汁底同秘製辣汁。豬大腸同牛肚都好淋好夠味，鍾意叫紫菜因爲索左啲湯汁好正！

開左咁多間分店，我都係第一次食，友人話最舊自己排隊果間係最好味，所以我哋都去左最舊白色招牌果間！依家好少地方有柚皮食，不過$12係超落同細塊😑呢道係金錢肚，但我唔鐘意食呢隻🤭🤣所以我叫左豬手、牛根、柚皮，幼面，但係幼面佢真係拖一拖水，硬到好似鋼線咁，仲係硬身樹得起🙄🤔佢既腩汁係超濃的，加左腩汁後成個湯都變左黑色😂佢既自家制辣醬同菜甫我就覺得麻麻。係最好味都係豬手同豬腸（友人叫了），夠曬淋、夠曬入味👍🏼份量都唔算少👐🏼不過三餸$44，食完好似唔太飽咁🙈

今次黎左呢間米芝蓮推介既車仔麵 好似仲要係全港唯一一間米芝蓮推介既車仔麵店😝我已經急不及待叫左好多餸瑞士雞翼$12玻璃辣魷魚$12秘製牛孖根$12鹵水豬大腸$10清甜蘿蔔$9粗麵$8+瑞士汁 +秘製辣醬(微辣)總共$63好食指數:6/10眼觀四周 應該得我叫到六十幾蚊一碗麵 不過深水埗比較少去 所以多試幾款無壞 下次都唔知幾時再過黎 再者米芝蓮推介喎 幾飽都要試晒佢首先講下湯底 加左瑞士汁 幾特別既選擇 甜甜地唔錯 混入微辣既辣醬 甜中帶辣幾刺激 配粗麵食幾夾我見好多人都叫左瑞士雞翼 顏色鮮豔光澤感重 一定好入味啦 點知咬唔開 筷子亦插唔入😂有無人可以話我知點解會有咁既情況 係咪隻雞翼本身問題？蘿蔔無渣 但唔入味 亦稱唔上清甜魷魚質感爽口 無過韌 但由於已浸湯中 所以一d辣味都無牛孖根係幾好食 炆得幾淋但保留質感豬大腸偏多同大件 清洗得乾淨 無異味 爽口 不過鹵水味淡整體佢係一間唔會hea你既車仔麵店 但係咪米芝蓮推介級數？我覺得唔係囉😂經過都可以試既 唔好太大期望就唔會失望

兜過幾個圈看文記既食客來轉今日係閑日打到下午四點幾嘅時候經過依然係好好好好好多人什至令我不想食人多要排 排隊後來行完一轉 見小人就入左去食叫左辣魷魚👆🏼👆🏼雞翼 魚肉油面 加小小辣真係正🙊湯汁好味 胃口大開 食不停魚肉好彈牙 係細細個食既感覺雞翼不大隻 但味好4x幾蚊食左碗面 🍜不平 但好食好味道嘅餐廳越來越多結果只會令深水埗越來越多日大家到深水埗只好努力排隊食東西😃😃

文記 我諗好多人都聽過 什至食過一條街有成兩間 就知佢有幾多人食啦🤷‍♂️每次晏就夜晚時間 出面都一定有條隊🚶‍♂️🚶🏻‍♀️🚶🏻‍♀️今日都唔例外 但等左15分鐘度就有位入到去 個個啊姐都好忙所以我好快決定左食咩就即刻落單 費時比人鬧🙆‍♂️我嗌左通菜 菠菜餃米粉 同埋要菜餔一黎到好香❤️通菜既份量都唔小 食落去好入味 因為索哂個湯既味再食菠菜餃 真係好好味隻餃既皮好薄 但係裡面既料都好多👍🏻同埋個皮真係有菜味 唔係普通個啲餃 唔錯唔錯😋再食埋米粉 好正 因為一唔食一唔索哂個湯既味 再加埋菜餔 好滿足我好推介個菠菜餃同菜餔 係必食👍🏻

自從文記車仔麵紅左之後，太多人去食都話正！終於忍唔住要食啦😎真心超正呀☺️👉🏿✨自己揀送同麵底 價錢睇番你叫啲咩💸📌個日我叫左河粉，雞翼，豬腸，蘿蔔，全部都超級爆炸咁好食呀✨佢問要唔要辣，我成日覺得問得呢句食唔到辣都要加🤪一定係出名先會問你～我就叫左小辣，真心！湯底超級清甜，撈勻啲辣，又辣又惹味！✋🏿佢既蘿蔔唔算話好林，但勝在入味。豬腸都正正子，比我想像中入味得多，又係林到爆💟雞翼呢個唔洗講，除左入味，真係骨肉分離咁濟，完全係我心目中第一名好食車仔麵❤️冇收錢架😂係真心好食，中意車仔麵必試！一定要加辣同叫雞翼☺️👌🏽✋🏿😋😎