敏華冰廳 (已結業)

早係佢未改名之前係西環果間食過一次，而家原來改左名之外仲越開越多，銅鑼灣都開兩間咁又黎試下啦。今晚自己一個食飯，諗唔到食咩好就黎食唔使排隊。叫左佢最出名既黯然銷魂飯（跟餐），叫佢多汁真係有比我。隻蛋真係一吉就流心，叉燒好出色，首先佢色澤睇落好juicy！而且切既位有肥有瘦（唔係我最憎既瘦叉）咬落係爽既感覺有d似食緊豬頸肉？個汁甜甜地咁唔會死咸。份量一碗我食唔晒，咁既價錢有咁既質素係有驚喜。另外食過佢既常餐都係出色既，咁多間連鎖冰室黎講佢算唔錯同埋有野係signature。