放下素 (已結業)

Very discriminating seat plan. ONE BIG TABLE IS EMPTY while eaters are crowded in another big table. Your shoulders almost touch the one next to you. 😔😣What a waste of spaceFood is actually quite good. Value for money in CWB. I probably won’t come back.

之前因爲食過無肉食，以為呢間同無肉食差唔多style! 喺銅鑼灣區咁方便所以就去食lunch!1:10到達，店員同我講未入得因為係分時段，要等到1:30清場再入座，都唔知係咩安排，睇見大把位，無肉食係無呢d咁既安排，一個價錢，食70分鐘，但呢度係分時段唔同價錢，食既時間都唔同，算數，我等到1:30入座，入到去，伏已中。。。。食物種類非常小，無論係熱食定沙律吧，熱食選擇少，而且經常比人攞曬，refill得好慢好慢。食物無味而且質素一般，不值這價格，我選擇食素但不代表要食劣食！結果食咗20分鐘就走，不會再來！2但人連加一$188, 我食麥當勞好過！請都唔會再來！～完～

今晚同朋友去咗依間素食自助食野。其實平日有食開素食自助，不過媒體上見到依間嘅報導，所以想試一試個味道。素食餐廳大門係啡色嘅木製大門，寫咗放下素三隻大字，有兩隻大燈籠🏮掛咗出面，估係想營造日式嘅感覺。入到去位置都幾多，而且都幾闊落，而枱面上已經擺好餐具。.坐低之後就可以拎野食了，係限時食的。有一樣野，佢係同其他素食餐廳唔同，其他嘅係先付款先，之後再食，而這間係食完後先付款。不過同有地佢地注重環保，所以餐具只得一套，夾完野食後再重複用啲餐具。.店員仲有一點溫馨提示，因為佢地係社會企業，有請殘疾人士，所以啲店員可能會有時聽唔到客人要求，不過我好支持社業嘅理念。👍🏻.因為太多種類食物，揀咗幾樣都大家分享下。自選沙律🥗有個自選沙律bar，有好多種類嘅沙律菜同水果。啲木瓜幾爽脆，車厘茄好新鮮，紅蘿蔔都幾脆口。水果乾平時都有食開水果乾，所以都有試下佢嘅蘋果同燈乾，而且都幾好味，不過感覺風乾得唔夠脆。炸物有好多種天婦羅，好似南瓜丶茄子秋葵同香蕉🍌。啲炸物都幾脆，炸粉唔多，不過味道較清淡。湯水同糖水分別飲咗香芋西米露同紅菜頭雜菜湯。兩者味道都好清淡，無味濃烈嘅味道。素蕃茄pizza 蕃茄味好濃烈，而pi

出去食飯遇到最大問題係唔夠健康，唔夠菜。同屋企人出街有時想食得清淡啲，選擇唔係咁多。行完銅鑼灣之後，有朋友推介我嚟呢間放下素，話食得健康之餘，屋企人實like。餐廳6點鐘就開放俾人入去，每次時段只有一個鐘左右。本身朋友推介嘅時候擔心會唔會食好多用素扮嘅肉，好多油。不過朋友同我講呢間嘢食好多都好健康。我一入去見到個沙律吧就放心哂。最欣賞佢哋係服務態度，好有禮貌、心機去講解，個個都笑容滿面。食物質素合理，keep住都有食物不斷refill，下次去銅鑼灣想食清淡啲，不妨考慮下呢度。

朋友是一位素食者，佢生日大日子當然要找一間素菜館同佢慶祝賀一賀。放下素喺銅鑼灣中心地帶，係一間吃自助餐嘅素菜館，我們之前已經在OpenRice 預約。去到餐廳好多人，全部都要訂位，原來walk in是沒有位的。餐廳原來是一間社企公司，安排座位上好有秩序，值得加許。餐廳提供中西式多款美食。沙律吧新鮮，西式有意大利粉、pizza、漢堡飽、特別的風乾水果。中式有更多選擇，有炒什菜，炒辣線、甜酸排骨、薑醋，款式甚多，多到記不起名稱，我最喜歡佢嗰蘿蔔雜豆湯，熱騰騰好好味。最特別可以自費果茶飲，都係$25，好抵。昨天是蘋果橙和雪梨茶，夠滋潤。喉嚨當堂舒服晒。這間餐廳是一間社企，即刻推介幫襯， 價錢又不貴，都是百幾蚊一個人。昨晚充滿歡欣喜悅。

其實本身我都唔好食菜，但有個愛食素嘅友人，知道銅鑼灣新開左間素食放題。晚上嘅7點半，在附近下班嘅客人都算多。每位就$128 而我地食嘅時段係19:15 -20:30每人桌上都會有套餐具，店家表示因響應環保，拎野食就係用手上嘅餐具喇沙律bar、各式各樣嘅素菜。呢道供應嘅素菜比較似日常家常小菜，還有炸物。仲有西式薄餅、薯餅同凱撒沙律。薄餅似margarita 果種，薄而脆勁香芝士蕃茄味。辣嘅薄餅卷入面嘅餡料都幾惹味，主要就係小蕃茄、茄醬同辣粉。烘乾原味果乾原味果乾都幾好味，將橙、蘋果原有嘅味濃縮左，店家建議食法係加上麥皮食。最後發現有紅豆糯米糍出場，紅豆餡料都幾多，但個糯米皮比較厚，所以都幾飽肚。

之前食過第二度既素食放題，哩間第一次試，喺永光中心3樓，見朋友食過話唔錯就黎左食！分幾輪入座，我地book左7:15果輪，我地早10分鐘上到黎要等陣，原來係準時7:15先入座。.7:15有職員按訂座先後次序入座，好快坐低後就去拎野食喇，用餐限時75分鐘，初初都擔心會唔夠時間，但其實我地1個鐘就已經食到好飽埋單走人。菜式以中式素菜為主，都有西式salad bar，仲有幾款新鮮生果，岩晒女士們。炒飯炒麵少油健康，調味岩岩好，夠鑊氣，好味！素菜當然有多款時令蔬菜食到，好健康呀，平時出去食多數係多肉少菜，今餐食咁多菜感覺良好，而且蔬菜好清甜。除了熱食，亦有不少涼伴菜式選擇，哩味青瓜雲耳係涼盆黎，口感清新，好爽口。覺得哩度既炸物好好味，食左炸南瓜同炸茄子都好林好甜，而且係即炸，金黃色熱辣辣又脆口。拎到一盆滿大滿足的，哩度提倡一套餐具食到尾，係會有d唔慣，但當環保吧。合掌瓜湯好清甜，冇咩調味，飲到原汁原味。哩個素漢堡好受歡迎，我第二轉先拎到，炸得好脆，不錯的！

難得公司附近開佐間素食自助餐，滿心歡喜同friend約來一齊食11:45分果輪，結果去到發現原來選擇非常有限，而且並唔精緻，淨係求求其其炒幾個蔬菜就作罷。全場得個素叉燒同Pizza比較吸睛，令我地一班人都好失望。如果餐廳可以在菜式選擇同賣相上多下功夫，相信會吸引更多人一試茹素滋味。老實講之前某社交媒體上見到佢哋share呢間餐廳真係覺得佢會好正，來到。。。唉。食物上雖唔如意，但餐廳環境裝修都唔錯。希望佢哋可以午餐時間可以減免加一服務費（因為實在無服務可言，水都要自己斟）

放下素係登龍街的一棟食廈內新開的餐廳，係素食自助餐！新張期內價錢頗吸引，素食人士又多一個好選擇😃餐廳面積頗大，摩登中式風格，我今次來食7:15時段，坐下不久便幾乎全場爆滿了！有不少中年人士，也有扶老攜幼的，估唔到嘅係都幾多男士食素。自助餐區有沙律bar，提供超多款沙律選擇，很喜歡它有提供不同水果，呢晚有菠蘿、香蕉、紅蘋果、青蘋果等，也有多款豆類，凱撒沙律個醬甜甜地也不錯吃。沙律bar旁邊除了有烘麵包機，更有一部風乾機，即時在風乾蔬果，很特別呢！平時出面買一包仔都好貴，我第一次見自助餐有呢啲嘢，當中我最喜歡蕃茄乾和冬菇乾！然後就是西式素區，有素漢堡扒，可以自製素漢堡呢！也有意粉，薄餅，但我最喜歡的是這個墨西哥辣餅！！！除了賣相吸引，仲非常惹味，超辣的很過癮！之後一個L型就是中式素區，選擇頗豐，由涼菜、到天婦羅、炆素菜類、菜蔬類、飯麵粥麥皮、連炸香蕉、苦瓜蛋、薑醋蛋都有！！ 要食晒都好唔容易，我幾喜歡呢度的素菜味道自然，唔濃味，沒有用過多調味汁醬，有點家常味道，感覺非常健康。最後一區，有粥有湯有甜品。總括而言，我覺得這裡的素食選擇頗豐，雖然沒有較貴價的食材，但已在一般蔬果中製作出中西選擇、

之前都有去過素食餐廳食, 果陣既感覺係 "原來冇肉都可以好好味''不過今次真心有D失望我地揀左比較平既時段 (11:45-12:30 – 45分鐘), 每人$68 (趕住食，冇影相）正常lunch hour既話就~$90 (另外有加一)食物種類/款式 真係好少!!一開始睇相覺得都好似OK有pizza (西式), 又有天婦羅 (日式)點知西式既選擇原來就真係得pizza (食落正常, 未算得上好好味), 另外都有仲有青醬意粉同南瓜湯既, 不過個湯又唔係creamy口感果種, 的確係有D寡至於日式方面, 其實果D都唔可以叫天婦羅, 因為果隻炸法完全唔係日式, 只係平時街邊煎釀三寶, 仲要炸到好油…. 食左2舊已經頂唔順真係好有進步空間, 其實佢可以跟返日式天婦羅既炸法, 最好有埋麵豉湯, 冷素麵, 冷豆腐等呢d 簡單又好味既食物西式方面, 整返個蕃茄醬意粉都好呀?! 整體而言, 大部分都只係清炒既野, 個感覺好中式, 準確黎講應該係好家庭式先岩印象比較深刻只有素叉燒係整得好味, 其他真係好好好普通, 好有工廠canteen feel, 唔enjoy, 只為充飢雖然佢收得唔係貴, 但以呢個質

這天換媽媽帶我去吃素食自助餐！ 沒想過登龍街有主打健康飲食的素菜，任食自助餐而且價錢還很划算。餐廳奉行環保主義，每人一套餐具用來盛食物。 首先就被色彩繽紛的沙律和水果吧吸引了！旁邊的是新鮮製作的蔬菜水果乾和麵包。看到素漢堡非常吸引，店員就非常友善的推存製作一個素漢堡包。 加入爽口高水份生菜和蜜瓜木瓜等生果，少許的沙律醬和烘熱了的麵包。真的有吃真漢堡包的口感，但又很清新的感覺 哈哈！接著就要試試熱食了，林林種種的菜式應該有多過三十四十款！ 有飽肚澱粉質為主的蕃茄意粉、炒米粉、炒腸粉、炒飯、紅薯粉。 有蔬菜為主的青瓜、蘿蔔、勝瓜、南瓜、涼瓜等等。還有各樣用豆腐和素根做的菜式。喜歡煎炸類的我幾乎每樣天婦羅都試了，最特別是天婦羅香蕉，超好吃的！特別喜歡這個用豆類和青紅蘿蔔做的素菜湯，味道清甜又健康，我們都喝了兩大碗才收手呢 哈哈！各款素食都很入味又惹味，個人推介婆婆煮豆腐和爺爺燒玉子！最後就是甜品環節啦！非常難得吃到糖蕃薯和反沙芋頭，外脆內軟忍不住吃了好多塊！ 接著再來一碗喳咋和一盤生果，超滿足！

今晚我哋係一共四人用餐，每個人的感覺都是一樣，食物溫度非常低。同埋勁口渴，我以為會有提供多款飲料，點知只得水。還有我不欣賞餐具的擺位，把所有的茶具疊埋一齊好咩？每人消費140港幣係平但係我無咩食野。。。因為好凍啲嘢食小提議: 1. 將所有的揭嘢食個蓋換掉，因為好多倒汗水💦2. 希望野食既次序可以更新下3. 所以既食物都應該要烘熱，真係好凍4. 卡位個枱底好多垃圾，希望可以加強清潔(因為我地比蚊咬)同埋希望距多啲嘢飲，好多野食既指示唔清楚👎

呢排出街成日大魚大肉，食到有啲膩，想食返多啲素菜，咁啱路過有人派傳單，$98任食70分鐘都幾抵食，就同fiancé上去試下。上到去未夠6點都已經擠滿人，重要卜好位唔係黎排隊架喎！呢度提倡環保，每人有一套餐具，有一大一細既碟、碗、匙更同筷子，食完再拎返自己個套碗碟出去夾野食，水都係自助斟，呢個idea幾好！一開始我就去沙律吧先，都好多選擇，我就最鍾意青蘋果夠爽，粟米仔夠甜！重有好多醬汁俾你揀！如果唔鍾意自己mix,有撈好晒既凱撒沙律俾你揀。隔離有部風乾機，拎第一轉野食時重未有得食，食完第一轉就有喇！🤣雖然風乾得唔夠耐，食落唔脆，但都幾好味。風乾機隔離有個爐上面放滿包，俾你烘熱自制素burger，不過驚食完個包會好飽，只係就咁食左塊素漢堡，我覺得味淡左啲，反而咖哩薯餅有驚喜！好香咖哩味，食落啖啖薯肉，夾包應該唔錯！ 熱盤都有十幾款，亦有涼伴萵筍同涼拌紅薯粉，前者爽脆得來帶陣陣既香味，後者辣辣地，兩樣都好食。豆沙煎堆炸得非常脆，但略嫌太油，可以隔緊啲油先會更好。pizza有茄醬同芝士加啲九層塔，非常香口，食落好脆好似餅乾咁，食多兩塊都唔會好飽。煎蘿蔔糕好好食，飽都忍唔住要encore！好重蘿

去完睇戲後，朋友話見這一輪很多的素食放題大行其道，所以想一試，我就上openrice見到附近有一間放下素，帶了她去食素。上到去門口大排長龍，原來是分時段入座，幸好都有位，等夠鐘就放人入去開餐。食物方面唔算很多，主要是粥粉麵飯，都佔了六至八款，另外還有自製漢堡包，可惜每次出去漢堡都沽清，最後都試唔到。其他都是蔬菜類、羅漢齋、天婦羅蔬菜及豆腐產物，全部都無添加味精，而且又唔會落太多調味鹽，所以味道偏淡，適合喜清淡人士。反而沙律吧款式就比較多，還有些新鮮生果及即製乾果。甜品就出了兩次都不同款，有糯米糍及煎堆。不知不覺都食了不少，即時覺得自己健康了一點。

這幾食得太多肉，身體積了太多的毒素，所以去食這間在銅鑼灣新開不久的素食餐廳。餐廳是食素而不是食齋，所以會有些奶類製品供應，限時素食放題約一個小時十分鐘，每位約百元，時間上都好足夠。食物方面有沙律吧，蔬菜、粟米、番茄、豆等等都十分齊全，有點似酒店的沙律吧。熱薰主要都是菜及粉麵為主，特色食物不多，只有pizza，咕嚕豆腐，而漢堡扒一出就比搶清，基本上成餐都未見其真身，所有食物的味道都比較淡，而且少油，十分健康。還有部乾果機，不過我就唔鍾意食乾果，所以無試。甜品有豆沙煎堆，糯米糍及糖水等。