撈得囍．麵檔 (已結業)

朋友住九龍灣, 每次見親大家佢總會帶我去唔同地方食好野。今次佢帶左我去我完全無諗到的地方食好野。我完全無諗到的地方係係樂華邨的冬菇亭, 原來果到主打花膠雞髀麵, 唔怪之得。餐廳環境闊落，枱凳佈置距離唔會太逼, 都坐得舒服。今次試左幾個菜:花膠雞髀麵先講雞脾, 雞髀大大隻啖啖肉真係好正, 而隻鱸魚花膠原塊厚實嫩滑, 個湯頭用新鮮雞每日淆製, 真係忍唔住要好似拉麵湯gam 成碗飲晒佢, 香濃非常, 養顏又滋補。唯一美中不足的是雞髀切得太碎, 要睇住D 碎骨。蝴蝶腩花膠酸辣米線,另外我地又叫左個蝴蝶腩花膠酸辣米線, 蝴蝶腩燜煮得香滑軟腍, 質感似牛腩，爽口又有肉香，入口即溶, 多多筋少少肉啱哂我。而酸辣米線味道適中, 不過酸不過辣. 最重要係食完都唔會口喝。咸蛋黃金炸魚皮新加坡的鹹蛋魚皮非常hit, 但要食咸蛋魚皮其實洗mud 要由新加坡訂購, 餐廳裡面新鮮即炸的咸蛋魚皮充滿鹹香又夠卜卜脆, 而且仲平過新加坡果D tim, 係香港梗係要食地道新鮮野~芥末木耳一道開胃的涼拌菜, 特別係夏天就最啱, 芥末唔會過於攻鼻, 但又有少少刺激, 味覺上會有好多不同的味道層次感, 正~涼伴青瓜涼伴青瓜清甜爽脆, 開胃醒神…查看更多

係google map 見到地鐵行黎要20分鐘，諗住都ok 啦。但係原來真係太睇少呢20分鐘路程啦，大熱天時仲要行斜坡，真係好熱。黎到先知自己蠢咗，原來大部分人都係搭車黎架 😂行到咁鬼熱，梗係即刻叫咗呢到傳統嘅支裝汽水啦! 襯哂呢到大牌檔嘅設計 🥤呢道最出名就係佢地嘅花膠雞脾湯米線! 黎到已經見到好足料，雞脾肉幾嫩滑，花膠都浸得好淋。另外叫咗個酸辣小鍋米線(紅薯粉)，少辣都幾辣架喎，不過酸味差咗啲。紅薯粉幾滑，幾好食，加埋啲牛腩燘得好淋好入味 👍 岩岩好…查看更多

觀塘區內舊式屋邨，近年開展重建計劃，不知道第時會是怎樣的一面呢？今天到訪「樂華邨」，是屬觀塘但又新牛頭角，算是中間的臨介線吧！真係好耐沒有來過了，如果不是到朋友家借東西想必是很少機會路過此地！時間也不早，吃點東西才離開吧...「樂華南北邨近安華樓」個邊有個翻新後的冬菇亭,名叫【撈得囍麵檔】，此麵檔有點熟識，因為之前在某些飲食媒體看到「冬菇亭又有新派麵檔平食花膠雞髀麵」等等既字眼！一問朋友，佢就話...咪就係呢間囉！那有緣相見便要一試...公屋邨既冬菇亭在邨內長大既人都有一種特別既感覺加難以忘卻的味道！:)但今時唔同往日，入面環境感覺沒有那種懷舊味...換來摩登模樣，幸好都是冬菇亭的外表，吸引的地方也存在的。裝潢設計是想將大排檔風味重現。黑白素描唐樓牆紙、紅色的燈罩、一棟棟樽裝可樂箱都有種懷舊感全是老闆手筆！都幾靚！最讚是地方寬敞，間距大，坐得好鬆動。有個員工好友善奉上茶壺倒熱水給我們，再讓我們看看餐牌，慢慢揀...雖也有賣傳統粉麵，卻以限量的花膠雞髀麵作招牌菜，希望讓街坊以平民價錢也能吃到高級食材,就連像餅哥都有埋！真係揀飯揀麵都有排揀...樣樣都想食！落單後食物好快黎到，效率好高！但又唔馬虎呢！花膠雞髀雞湯米線 $48比相像中大碗，賣相唔錯，好像好豐富咁，先飲湯，店員話湯底用咗新鮮雞每日淆製所以雞味十足，夠晒香濃但又不會好油膩，喝上一口，真是暖進心裡去！而雞髀肉厚嫩滑，花膠蠻多的，原塊淡水鱸魚花膠所以好大件，煮得夠腍，口感軟滑，富有膠質。好養顏啊！價錢真係非常好大眾化啊！好味道！！！！！總共點了兩碗啊！枱上有唔同各種配料供客人自行調配，雖然我地冇加到，但自家配方既辣椒粉係好香既！與【肉餅哥】同一間店，所以便想試試肉餅哥的飯類再點了鹹魚蒸肉餅配白飯 $59呢個肉餅毫不馬虎架！薑絲， 鹹魚切成片同粒狀均勻混合，肉餅鹹香美味，蒸既時間剛好因為太耐會變得［鞋］口，但呢碟係冇既！肉餅果然係一道好好拌飯的家常菜！一個地方可以食到兩間餐廳嘅嘢食都幾得意啊！係呢種大排檔風格咁既冬菇亭又怎能不喝汽水呢！點了罐忌廉好爽又解渴，呢種天氣飲番啖真係會好開心好滿足。食完出黎天色都變了，想起在入面聽著的背景音樂，很洗腦，全部都是老歌例如，有許冠傑的《半斤八兩》！哈哈！不過都幾抵食呀真係，食物質素唔錯，員工服務好友善，感受到屋邨人情味！值得稱讚呢！最好既係重建後既冬菇亭有冷氣，坐得舒服而且環境乾淨!絕對會係有驚喜啊！…查看更多

今天終於不再下雨，決定外出覓食，從飲食雜誌得知這間樂華邨的冬菇亭， 地點對我來說有點偏遠，也未曾去過，但上網搜尋路線後，原來也很方便，先到觀塘裕民坊再搭綠色小巴22M樂華站落，一落車行兩分鐘便到達。 店內裝修極具懷舊風，吊燈用了街市紅膠燈， 公雞印刷的瓷器，店內播放香港懷舊金曲，不自覺也跟著唱。小食方面， 點了兩個黃金推介 - 鹹蛋黃金炸薯條$28 & 鹹蛋黃金炸魚皮$38; 招牌站煎釀三寶$12鹹蛋黃系列為近期大熱， 雖極為邪惡， 但難以抗拒， 炸薯條外脆內軟， 炸魚皮脆卜卜，  鹹蛋黃量多且混得均勻， 好惹味。何謂三寶? 三寶有青椒，紅腸及茄子，不過我較喜歡吃茄子， 所以三件我都選了茄子， 茄子釀得飽滿。當然要試試這裡的馳名雞湯米線， 撈得囍花膠雞髀雞湯米線 $48 - 花膠大大件十分有口感， 沒有魚腥味， 原隻雞髀切件，米線滑溜富韌性， 最欣賞雞湯鮮甜而不油膩。另一碗點了麻辣小鍋米線中辣紅薯粉 $28 加配菜 肥牛$9， 蝴蝶腩 $7， 仿鮑片 $7。 麻辣的湯底很刺激， 吃到滿頭大汗， 配有芽菜， 炸醬， 花椒油， 韭菜。這裡的紅薯粉比普遍的較幼， 類似韓式粉絲， 最特別的是蝴蝶腩， 蝴蝶腩原來是豬肉， 但口感似牛腩。支裝忌廉 – 懷舊支裝，夠凍夠汽無冰奶茶 – 原汁原味，茶味濃…查看更多

今晚食蝴蝶腩+雞脾花膠雞湯米線+支裝忌廉+芝士炸薯波($88)出去食我想食既雞脾花膠😍唔知係咪我嗌太多野食花膠無咩味雞脾好淋，但無第1次黎食咁好味🤔雞湯係好味今次第1次食蝴蝶腩口感唔錯芝士炸薯波炸得好香脆，食落有啲芝士幾得意食完已經飽到上心口😂😂😂…查看更多

我對冬菇亭依然懷著一個舊嘅概念， 原來現在新式的冬菇亭已經非常新潮先進， 不是以前的綠色鐵皮屋，而是改建成一個用磚頭興建的屋型餐廳🤭🤭。今日經朋友帶我去樂華南村，嚟食佢平日大愛的“ 撈得囍麵檔”， 食佢哋最出色嘅花膠雞脾雞湯米線😁😁。花膠份量十足，還有雞脾一隻，相當肥美， 雞湯清甜，米線都算彈牙。哇，另外佢哋仲有新鮮脆炸的“鹹蛋炸魚皮 ”，真係邪惡到一個點😈😈😈。熱辣辣，香噴噴😌，新鮮即炸，香脆美味，鹹蛋味濃郁🤤，點算呀～一食即愛上，有掛念的味道啊～我會為你再來，請等我🤣🤣🤣🤣🤣。哎喲我係一名榴槤迷，真係千萬不要錯過呢個“ 榴槤炸彈 ”，超。級。好。味😋😋😋。睇佢外貌平平冇奇，圓滾滾，咬落去榴槤味四處飄散在空中💣💥，真係引死隔離呀😏😏😏。外面是糯米粉炸得好香口，而且非常煙韌，裡面有熱辣辣的榴槤蓉，勁香甜😍😍，認真好正。😎👍🏻👍🏻👍🏻蝴蝶腩都不錯，肉質腍鮮嫩入味，再加上煎釀三寶 有紅腸，青椒及矮瓜，都算不錯的。餐廳裝修得非常懷舊， 牆壁上有很多樂華邨的舊事圖案片段，確實很不錯。🤗🤗🤗…查看更多

今天來到樂華村探朋友，朋友在樂華村住了好多年，我問她這裡有什麼好東西吃，她就帶我來到撈得囍麵檔吃午餐。入到店內，好有懷舊的感覺，店內播住80年代的流行曲，陳百強的父母恩，陳潔靈張國榮的誰令你心痴等經典歌。我們點了麻辣小鍋河粉，自選了三個餸，分別是火辣牛丸，蝴蝶腩和豬腸。火辣牛丸好彈牙，少辣，不算好辣，食到好濃牛味，好香。蝴蝶腩我初初以為是牛腩，食落質感好像牛腩，但其實是豬，連筋帶肉，肉質好稔，這份蝴蝶腩讓我看到豬肉原來有另一番食法，值得一試。豬腸沒有肥膏，好乾淨，沾上麻辣湯味道非常夾。河粉用上幼河粉，除了以上三樣餸，還有芽菜，韮菜，豬肉碎，份量非常大碗，好足料👍👍花膠雞脾湯河粉好足料，整整一隻雞脾，雞肉好嫩滑，用雞湯煮的雞脾，雞味濃郁。花膠份量好多，有5大片，花膠處理得好好，沒有腥味，加上雞湯好滋補，我的大愛，食完皮膚Q彈🤗鹹蛋黃炸魚皮夠大碟，炸魚皮好脆，用鹹蛋黃炒過，味道甘香，$38抵食炸黑魚丸大大粒，外層炸到金黃色好脆，即炸咬落去熱辣辣，好味全店員工，服務態度非常好，離開時每位員工都對我們說多謝，我覺得好受重視，下次會再來。…查看更多

落兩天，濕濕⽴⽴，好易出事，同事就係⼀個不⼩⼼拗咗柴。陪佢去咗觀塘睇跌打敷咗藥，仲送埋佢返屋企，都搞咗⼀⼤輪先甩到⾝，仲⿁咁肚餓。離開佢屋企，就⾏番落去冬菇亭搵⾷。嚟到呢間撈得囍。裝修⼤玩復古，⼗⾜翻版以前嘅樂華邨。幾粒鐘無飲過嘢，即刻⽀裝忌廉先，爽番晒!實在肚餓了，所以要⾷番個⼩鍋⽶線補充體⼒。湯底揀酸辣 (⼩)，餸就點咗魚片頭、墨魚丸，再加埋肥牛和花膠，不太過份吧。小鍋米線超大碗，啲餸多到滿瀉咁滯。魚片頭細細粒，一口食啱晒，爽口。墨魚丸足料，有墨魚粒粒。花膠都好大塊，正呀!肥牛就嫌細片咗啲，食得唔係暢快。有個驚喜就係，佢個湯底有好多酸菜、芽菜和炸醬肉碎，酸酸辣辣好惹味，好嘢食原來係隱藏在屋邨裡面。…查看更多

就嚟到中秋啦， 每逢佳節倍思親， 因工作關係要外出 公幹，所以係中午時間約左好耐冇見嘅表姐，因佢住係樂华邨，就約係佢屋企樓下間撈得囍，食番個午餐，順便俾埋盒月餅佢，去到嘅時候已見到佢坐係到等我，我話因為要轉車，所以耐左，跟住同佢講呢歺我嘅，任佢叫，唔使睇歺牌，佢已叫咗招牌菜，撈得囍花膠雞髀雞湯米線，一個炸墨魚丸，煎釀三寶，炸魚旦，我要左一支可樂，佢話飲水就得，好快個撈得囍花膠雞髀雞湯米線已到，因太大碗，所以兩份食都得，花膠超大，又冧，好有口感，湯超好味，炸墨魚丸都好脆口，煎釀三宝都好大舊，抵食，因為見到個天想下雨，就送咗表姐番上樓我先返屋企， 臨走時約佢下次出去食飯再聚。…查看更多

小小一間麵檔，令人大大的滿足，除左食物優質，仲要服務親切。懷舊的環境，經典的老歌，配合這座大冬菇，還原那些年，此情此景，充滿著古早味。麵店面積不算大，但布置有特色且整潔。我地揀左招牌花膠雞髀雞湯米線，另外再加配料。令人驚喜的是雞髀真的非常非常好味，沙姜味系由外至內滲透入雞肉，十分夠味，雞髀嫩滑。侍應仲主動送上雞湯，比我地補下湯底，服務態度一極棒呢！除左各式各樣的雞湯米線同配料之外仲有肉餅哥小食。榴槤炸彈：榴槤咁食好特別，濃濃的榴槤香！芝士炸薯波波：芝士流心陷，薯餅咁既口感，好香口。咸蛋黃金炸魚皮！嘩！也太邪惡了！勁好味！充滿牛油味的咸蛋黃包裹着魚皮一同炸，咔滋咔滋脆，仲要起大份量！…查看更多

家住港島，但喜愛周圍「覓食」。今天，我為了花膠雞髀雞湯米線而來😍這裡。聽說這裏新開張不久，位於牛頭角的屋邨內，翻身過後環境也不錯喔～內裏的環境也很企理重點介紹一下這花膠雞髀雞湯米線$48真材實料😍很滿足！推介！而男友點了蝴蝶腩米線$28價格很優惠，味道也相當不錯嘩！新鮮的黃金鹹蛋炸魚皮$38😍熱騰騰、香脆可口。邪惡，但值得一試😋菜心全走$22特別之處是好大碟～愛辣椒的我怎能錯過每一款辣椒但略嫌鹹了一點😜整體而言，值得一試👍🏻😋😍…查看更多

住在附近的我相隔好久再來樂華邨才發現冬菇亭已全面改建，換來格新的模樣，摩登得來仍保留些微冬菇亭的線條，算是新舊融合吧。這間麵檔的裝潢設計甚具特色和心思，幾乎將從前的大排檔重現眼前。屋邨街景的黑白壁畫、紅色的燈罩、一排排的汽水層架等，令整店充滿濃厚的懷舊氣息，讓街坊可藉此懷緬昔日的美好時光。跟從前不同的是食檔不用再受日曬雨淋，換來的是有冷氣又舒適的室內店舖。店內地方寬敞，圓桌的間距大，坐得鬆動。最欣賞是環境非常整潔企理，完全沒有大排檔的惡劣感覺。值得稱讚的是食店的服務頗佳，甚至比一般餐廳更優，有個姨姨好友善又有禮地招呼我們，安坐後隨即奉上極具特色的茶壺並倒熱水給我們，還親切細心地叮囑我們慢慢喝小心熱，而且落單後食物好快送上，效率高又殷勤。雞湯米線是招牌菜，可配以不同餸菜，選擇不少。另外更有多款港式小食，想不到連近期大熱的鹹蛋黃系列都有！鹹蛋黃金炸魚皮好有水準，一送上便聞到香噴噴的鹹蛋黃味，想不到份量大得驚人，是很大的一盤，只需三十多元，認真超值！！每塊炸魚皮都好大件，熱騰騰脆卜卜，炸得非常酥脆香口，每塊均有滿滿的鹹蛋黃醬，更是起沙的，味道超濃郁，美味無窮！花膠雞髀雞湯米線大大碗，賣相精美豐富，毫不馬虎。雞湯雞味十足，清清的，不會好油膩。雞髀肉厚嫩滑，花膠又多又大件，煮得夠腍，口感軟滑。另加豬大腸和貢丸，兩者均美味，尤其豬腸好大件肥美，又洗得乾淨潔白，食得安心。餃子雞髀雞湯河粉加配蝴蝶腩和仿鮑片，餃子令人一吃難忘，餃皮又薄又滑，餡料飽滿口感豐富，滋味十足。蝴蝶腩牛味濃又腍身，仿鮑片好滑口且好有鮑汁味，意想不到的美味。還有買少見少的支裝汽水，在這種大排檔的格局又怎能不喝一支呢！支裝可樂確是比罐裝更有氣更好喝，每喝一口都是爽，冰涼解渴，無得彈。…查看更多

1. This is the first time ever that I have something that is bigger than it looks on the menu! It is usually the other way round. And it is only HKD$48!!! Can’t complain with the huge portion and high quality of food!2. The chicken soup definitely lives up to its fame. It’s no ordinary MSG soup, but hearty soup that is made with lots of chicken. Flavoured but not salty at all. I drank all of it and did not feel a bit thirsty.3. Generous portion of fish swim bladder. Even though I am not a big fan of it, but I finished them all for the sake of wanting to have good skin. It is said that fish swim bladder is rich in collagen.4. A whole chicken leg on top of the noodles. How amazing is that!!! Meaty, tender, yummy.5. The noodles is a bit too soft though, even I like soft noodles. If you are not a big fan of fish swim bladder, there are plenty of options with this amazing chicken soup base (even cheaper!) on the menu.…查看更多

今日去左朋友屋企樂華邨，夜晚就落街去醫肚。原來條邨都幾好，有冬菇亭，仲幾新同乾淨。唔似其他啲冬菇亭咁，通常都係無冷氣，大排檔，好污糟咁。見到呢間餐廳門口射哂燈咁，又好多大poster 介紹d野.見佢個招牌菜： 花膠雞脾湯米線🐓 好似好正咁喎！價錢唔算貴，就入去食喇。入到去，餐廳都好特色，裝修到好舊式既風格。唔錯！招牌菜： 花膠雞脾湯米線🐓見每枱人都好似會叫，幾吸引。大大隻已切件既雞脾，睇見都幾正。雞脾肉食落都幾嫩滑，而且好多肉，夠肥美。而個米線都好夠味，用了濃郁既雞湯煮成，雞湯煮到金黃色。仲加埋大大塊既花膠落去，味道更濃味！唔錯！另外仲試左佢個酸辣小鍋薯粉（小辣），個湯底都幾好味！出面食個啲酸辣粉，總是覺得d配料：芽菜，酸菜，韮菜 仲多過d粉，成日都覺得好呃秤。呢間就唔同，佢d薯粉好多，食極都好似仲有咁！薯粉吸收哂d酸辣湯，夠哂惹味呀！自選餸菜：叫左 餃子，肥牛，芝士丸，蝴蝶腩🐽出面好少有得叫蝴蝶腩。估唔到呢間餐廳都有得食！都唔錯，少少脂肪，食落幾煙韌。豬腩味夠重。食酸辣粉叫番支樽裝可樂，夠哂正！最後仲叫左份小食：芝土炸薯粒 🧀🥔每粒都炸到好熱辣辣金黃色，咬落香濃既芝士味配薯蓉，又幾香脆可口 👍…查看更多

收工去買外賣晚餐，特登去呢間食評不錯的餐廳，去到係翻新的冬菇亭，入去裝修幾別緻，汽水箱、行草根階層感覺！在收銀處落單，可惜問咗店家現在無牛腩，河粉又賣晒，想食嘅都無幾灰心，攞票在店內等，店員再出菜時收票！食物都係湯米線，仲有肉餅，店內大部分嘅人都係食肉餅！外賣袋札實，搭完車都無漏水！幾大碗！大腸冬菇酸辣湯小鍋米線（$41）叫了少辣，打開碗放滿晒米線同配料，先試豬腸，發現豬腸每件都好霉爛，已經不成圈狀，皮薄肥脂多，去咗肥脂根本得番一塊薄皮，而且好多條都有燶咗嘅焦痕，一啲都唔吸引，撕走啲肥膏得翻塊皮，無晒咬口，味道也單薄，冬菇有6大隻，厚身炆得入味，稔身好味！米線因爲車程浸耐咗，無可避免地淋啲，我走韭菜，配料有芽菜同酸菜，芽菜爽，酸菜葉鹹香好味，湯底濃，整體比啲大腸扣晒分（因為我喜歡食腸，呢間啲腸實在太肉酸）白魚蛋龍蝦丸雞湯米線（$34）試咗啖湯，滑溜但雞味唔算濃（因為都係丸，應該唔會係配菜影響咗湯底嘅味）白魚蛋彈牙有魚味好味！外賣盒（$2/個）湯米線係失望嘅！怪不得其他人客都食肉餅！原來「撈得起」同「肉餅王」係同一間店！落單男店員有禮，主動叫我坐低等，比外賣我嘅姨姨正常！下次都係試肉餅吧…查看更多