撈喜 (已結業)

最近呢間餐廳好hit！賣點係以貼地嘅價錢食名貴嘅食材！咁正緊係要入黎試下睇下好唔好食啦！招牌上都有花膠兩隻字，可以叫做花膠專門店吧！餐廳環境唔算好大，但係乾淨企理，都坐得舒服。個燉湯材料非常足，有大大件花膠！而且仲落左紅棗杞子，感覺好有益，味道仲夠哂入味，好好飲！我地點左個豪華套餐，$148包4樣野，有泰式豬頸肉、花膠燉雞、花膠撈麵，仲有個田園清蔬。個招牌花膠撈麵，味道唔錯，麵質好彈牙，花膠煮得好軟腍，將近入口溶化。個獻汁濃郁夠味丶鮮味十足。仲有粒冬菇，都好入味！仲有點左個小食：泰式豬頸肉，呢個好有驚喜，豬頸肉肉質夠爽彈，軟硬剛剛好，個醬汁夠惹味！呢個係朋友點嘅麻辣海參撈麵，海參份量都唔少，切成條方便食用。麻辣獻汁可以再辣少少。

老實講，呢個價錢食到花膠，慳功夫，都算合理，但如果俾我揀，我寧願佢收貴啲，俾番一件厚身嘅花膠，應該食得更開心花膠撈麵花膠比想象中硬面薄，花膠同粗麵少少凍，冬菇偏鹹，撈麵個汁都可以花膠燉雞湯花膠超細超薄，湯味較清鹿兒島牛柳粒牛肉味濃，質感滑，醬汁好味

筲箕灣最近新開嘅撈喜一間定價中高位既餐廳午市價錢幾$68或以上用既食材算係高級食材花膠魚翅海參安格斯牛不過當然唔係最高質啦話曬$68有個花膠撈麪仲有兩粒花菇伴係側邊其實食完覺得無咩特別麪既分量幾多都幾飽肚麪仲可以揀烏冬蕎麥麪粗麪配搭應該係最正常$148會有燉湯 小食同菜鐘意飲湯既其實都唔錯有魚翅湯花膠湯海參湯試海參但海參份量唔多湯清清地有d料 都幾好小食同碟菜就冇咩特別另外試左安格斯牛烏冬薄薄的安格斯牛有五片用薑蔥炒配烏冬都夾既有點似日式餐廳嘅食品嘢食係唔跟嘢飲只係水要飲啖靚湯先會再黎食

之前係網上見到呢間餐廳既飲食短片，可以用平民價食花膠，而且見到去花膠都好大塊今日就過黎食呢度既菜式主要都係養生的，岩哂我仲有燉湯海蔘燉雞 $58呢個湯好清甜，完全係真材實料，呢個價錢飲到呢個燉湯已經很值泰式豬頸肉 $28豬頸肉烤得好香，味道不錯，個邊仲有少少香口不過我略嫌每塊大小不一招牌花膠撈麵 $68面層撒左蝦籽特別的好味花膠真係好大塊，冬菇好厚肉同好入味，我將成碟食得好乾淨，醬汁都無剩黑松露汁花膠撈麵 $72相比之下，招牌花膠撈麵好味d，因為無乜黑松露味，感覺似蠔油汁撈麵，沒什麼特別，黑松露落得太少了

住開九龍區的又真係少見這些類型店舖，這間位在筲箕灣東大街新開的撈喜原來比較特別，店舖主打花膠撈麵及原盅燉湯，價錢仲好親民 朋友話有次晚上經開要排隊就知道好多人都愛飲湯清清地。 約下午兩點已經全場爆滿，剛好只餘下兩個座位 店裡約有6張枱，有4人及2人枱，地方不是太大。 最前方是半開放式的廚房 撈喜豪華套餐有招牌花膠撈麵 原盎燉湯 泰式豬頸肉/麻辣雲耳 灼田園清蔬 HK$148/位 招牌花膠燉雞湯本身燉湯有三款可以選其中的一款，海參/魚翅/花膠燉雞，我選了左花膠燉雞，湯。 呢個天氣日日飲湯就更加好，燉湯味道清新又甜而飲不到味精、紅棗味道已出曬，瘦肉仲可以食埋唔浪費加上杞子可以有助幫眼，個主角花膠都好滑身。 材料份量十足燉湯中材料有雞腳、花膠、紅棗、杞子、瘦肉 招牌花膠撈麵撈麵用了粗麵而成，花膠都算是大隻淋身同滑加上鮑汁一起，味道大大提昇，因花膠本身沒有什麼味道，這個鮑汁配搭十分之夾。冬菇都唔隻架一口咬好香菇味汁出來，撈麵有彈性又口感。 生菜 一般一個套餐總會有個菜，有肉又有菜呀ma 用了鐵平底鍋盛載上枱新鮮生菜又爽甜加上些少蠔油 是日沒有泰式豬頸肉。店

因為住係附近,成日都會係東大街搵食咁岩俾我見到Facebook介紹,梗係要即刻馬上就行動啦!!我去到都差不多9點幾,所以唔係好多人,YEAH!唔駛等位主打都係花膠叫左一個餐$148(一個花膠撈粗,一個湯,一個小食,一個菜)散叫左一個黑松露花膠撈烏冬同埋湯,D烏冬係扁身果款,D汁好夠味,不過我覺得黑松露個味就唔夠重驚喜既係10月份如果叫一個主食,可以用優惠價錢$28換一隻鮑魚!!都唔細隻架,好入味!!雖然就要行到東大街最頭頭,不過都幾好食既+服務態度好好,店員都有介紹下有咩好食同埋主動話我知可以用28蚊叫一隻鮑魚,唔駛我傻豬豬用原價叫(我覺得食完應該會靚D,食左咁多花膠XD)

家住新界西，如無意外都不會在港島盡頭見到我吧！這天同朋友們去了筲箕灣掃街頭小食，經過東大街見到呢間小店－撈喜，賣的是平食鮑蔘翅肚，蠻特別，見價錢唔貴就決定在此晚飯，小店坐位也只有約30個，眾人等位也用了一段時間，所以，不太建議大堆人一齊去啦。餐牌第一頁就是這個撈喜豪華餐，價錢包一個招牌花膠撈麵，自選燉湯，小食及油菜各一，價錢也只是＄148，平時想食靚花膠閒閒地都要幾百蚊才有交易，確實非常吸引，眼見附近的食客都是揀這個套餐！亦有不同的小食滿足客人所需，不過來這都是為了主食吧。見到花膠燉雞（招牌美人湯）就心心眼啦，花膠有豐富的骨膠原，一打開蓋聞到好香既燉雞湯味，燉湯足料得很，熱度也剛好不會熨咀，喝一口味道清甜滋潤。雖然經過炖製，但材料如瘦肉粒，雞件雞腳依然嫩滑，正。除了以上配料，入面仲有主角：花膠一大片，大小如成人的半個手掌吧！花膠口感厚身爽腍，老火燉湯令膠質保存得不錯，飲完覺得自己皮膚都立即靚左，屬必點之選！香煎鹿兒島牛柳粒 $48一碟約有十粒，以小鐵鑊呈上，火喉控制不錯，小小的一粒但牛味香且濃，肉質軟腍，配合芥末蜜糖汁，甜甜辣辣好惹味的說。主食都是圍繞著鮑蔘翅肚牛肉吧，而我是不吃魚翅的

我同友人分別叫左魚翅燉雞同花膠燉雞熱辣辣既燉湯~湯料仲有有雞腳瘦肉杞子紅棗等等。睇得出佢地用心去做每一道菜。味道方面, 2個湯既味道係完全不同. 我個人喜歡花膠燉雞清甜, 魚翅燉雞也不錯, 佢有海水既魚翅味.招牌花膠撈麵，花膠唔算厚身但完整一塊同埋都大件，口較比較爽囗。撈粗麵配鹹香蝦籽，好正。黑松露花膠撈麵，一黎就好香既黑松露味, 花膠配合黑松露誘人既香氣，便一啖接一啖把粗麵消滅。泰式豬頸肉煎得十分香口，配上自家製既沙嗲醬，非常美味。很爽脆既玻璃生菜, 簡簡單單配豉油, 正!地方雖然不太, 但空間感很好, 坐得都好舒適.

我在筲箕灣出世，BB嘅時候喺筲箕灣讀BB班。有時都會search下筲箕灣有乜嘢好嘢食，見食評寫得唔錯，相片又靚，花膠、海參大大件，所以即刻要来試吓啦。好彩有訂位，6：30已經爆滿，原來只有星期一至四可以訂位，五、六、日就要等位。我們走時門口仲有7、8個人等緊位，因為鋪位內只有十幾廿個位，所以建議早些去。我們要了一個套餐，有花膠撈蝦子麵、魚翅燉湯、生菜、豬頸肉，都係148咋。花膠撈蝦子麵，花膠又淋又滑，有我半隻手掌。花菇好有口感、菇味好香喔。蝦子麵麵有啲彈性，蝦子好鹹香，份量好多兩個人都可以夠食。魚翅燉湯，材料有瘦肉、紅棗、杞子、雞腳、翅邊，湯味清甜，冇味精喎。豬頸肉烤得好香，伴有芝麻醬，都幾好味。另外追加安格斯牛柳（有10粒）都係$48，外皮煎得好香脆，而內𥚃牛味十足。

家住東區很多時候都會在東大街覓食。之前有見旅雜誌介紹一間在東大街的新餐廳—撈喜，介紹得好像不錯，就決定找天去試試。餐廳主打是以親民價可以吃到飽參翅肚絕對是非常吸引！親民價是無花無假的，大概每一樣主食，小吃，湯都是幾十到一百。食材都是無花無假的。當中花膠撈面是主打中主打。報道就是說老闆希望大家都可以用相宜的價格吃到平時覺得矜貴的食材。老闆都是用十多二十年經驗還有在利苑工作過，難怪真的好吃！花膠配稻庭烏冬真的很大片花膠。女生都很愛吃！味道是來自上面淋的鮑魚汁，好吃！花膠已煮到軟軟的非常有吃到骨膠原的感覺，又一點都不腥！加上稻庭烏冬，又好像在吃fushion菜！另外有厚厚的冬菇和西蘭花，味道豐富。和牛啊香煎鹿兒島牛柳粒粒**和牛有質素保證所以點了一份試試！沒有失望啊！牛柳粒就是一隻牛比較好的部分，比較嫩。這個吃起來很香牛味，沒有煎過熟，外面煎得有點香脆，入面是鬆軟，口感好好。海參麻辣撈因為喜歡吃麻辣。一看到餐牌就說要點這個。海參是較為爽口，配上麻辣汁後很開胃。麻辣又不太辣。惹味！選了喬麥面，都掛到汁，不錯也👍🏻👍🏻餐廳佈置簡單清雅，乾淨P.s.我下一次一定要試試燉湯。

週末晚上想食好啲？我就醒起早排新假期介紹間新開小店食撈麵！小店以花膠掛帥，同時亦有鮑魚魚翅等貴價材料供應，但價錢定價都算合理。我一於食個南非鮑魚撈麵（$108），再加個香煎鹿兒島牛柳粒（$48）。牛柳粒煎得香口，偏肥但唔油，點少少青芥末醬，可以中和油膩感。主角鮑魚撈粗，足料有一隻鮑魚、冬菇、同蝦子，材料豐富，麵條都算爽滑，鮑魚扣得入味；鮑魚汁撈麵，淨食麵都可以清碟！最重要係咁足料嘅撈麵都只係$108，價錢算係親民價！關乎果晚等位人龍，呢間小店人氣都幾高呢！

今晚老公帶我食豪d!!原來佢帶我去筲箕灣東大街食撈麵！要排隊添，一定係人氣熱店啦！等左約10分鐘有位，我叫左個「撈喜豪華餐」（$148）豪一豪佢！先黎一份麻辣雲耳，辣辣地幾開胃！之後係燉湯，可以三揀一，花膠/海參/魚翅燉雞，我揀左魚翅燉雞，湯頭好清，有紅棗味，魚翅有一小梳，都幾足料。主角花膠撈麵，我轉做稻庭烏冬，烏冬幾煙靭，花膠有一片夠矜貴。不過，如果唔係個人喜好烏冬，其實撈粗麵味道係夾d。套餐仲包一碟油菜，都幾抵食。

差到第一次寫食評😓 店舖入面得個幾張台 派位勁混亂 佢唔係順住叫no.嫁 係佢叫二人台 你要高速比佢睇到你個張咩no. 咁實成堆人一齊比佢睇啦 好混亂 比佢知你細d no. 就可以入😓😓😓 跟住見到有個6個人等左成個鐘 本身店員已經拍定6人台出黎 但之前入左兩個3人位 一邊三人位食完先 佢又入多個三人位 咁永遠個6人位米入唔到？ 再跟住佢四人台又得一張 你四個人又要等上一台食完先可以入😓😓😓😓😓 所以如果你真係想試 十分建議兩個人先好黎😓😓食物方面 我地叫左一個套餐加一個招牌花膠撈 麵唔係我地平時食開個d質感 怪怪地 花膠都一般般😓 套餐有個湯簡 佢有3款湯 我就簡左花膠 好可惜覺得係煲左個底湯 再放d料入去咁 服務方面 雖然店好細 但好明顯d人好亂 人手唔夠 坐低到都叫唔到人拎個餐牌黎睇 想埋單走都冇人得閒理我 總結 整體而言 唔洗再去 一次就夠 重點最令我唔滿意係派位亂 你一定要痴住個門口等店員叫飛 條路已經窄 又成堆人圍住哂 食物又一般 68蚊食花膠可能叫平 但真係一次就夠😓

鮑參翅肚個「肚」係指魚肚魚肚有豐富嘅膠原蛋白，所以又稱為花膠係養顏效果嘅補品嚟㗎！叫咗套餐【撈喜豪華餐】【招牌花膠撈麵】花膠嘅份量無欺場，都幾大塊下本身花膠係無乜味道，好靠用上湯煮到入味呢度就整得幾好味個撈麵就有啲蝦籽，更加有口味原本以為【泰式豬頸肉】只係套餐嘅配角點知出奇地好食喎！豬頸肉厚薄適中，個邊位脆脆哋加埋個汁真係好好味 👍🏻【灼田園清蔬】賣相都唔錯，幾大碟啲菜好新鮮【原盅燉湯】可以揀花膠、海參或者魚翅燉雞全部都係貴價嘢 🤤同行煲開湯嘅朋友都話好飲！湯料勁多侍應姐姐介紹我哋試下【南非鮑魚】因為而家有優惠 $28 隻鮑魚夠哂大隻又入味！簡直係超值難怪都幾多客～

朋友W下個月就要去拍婚紗照，約她吃飯什麼都怕肥不吃，素食又不吃。有一天看報紙看到介紹這間在筲箕灣東大街的「撈喜」，主打花膠撈麵，價格親民又養生，朋友W一看到便喜歡。*撈喜的選擇蠻多的，有小食、燉湯、撈麵、糖水、飲品等等。*其中這一人豪華餐最受歡迎，當天的座上客四面八方都一人一餐。*花膠燉雞 $58雞湯有補氣的效用，特別適合氣虛人士(朋友W)，所以特意點了這個花膠燉雞來孝敬她(笑)。燉湯一上桌便香氣逼人，有一種家的味道。*除了幾片小花膠之外，裡面還有一些杞子、紅棗等補血氣的材料，雞的材料也很豐富，燉湯後的雞肉竟一點也不「鞋」，我們一人一半，咕碌咕碌很快便喝完一整盎了。*冰鎮鮮南非鮑 $28南非鮑原價是$68，優惠期間加$28就可以享用！一人一可換一隻*南非鮑的口感一直都是世界聞名的，出名於其口感精緻細膩。我以為$28應該品質不會太好，原來不會呀，一吃就覺得是好貨。最喜歡的是它淡淡的味道，不會蓋過鮑魚的鮮味和甜味，我們覺得一隻兩人一起吃剛剛好。*蜜椒雞中亦 $28「雞亦痴」到哪裡都要點雞亦(奸笑)，這裡的蜜椒雞中亦外脆內JUICY，脆脆的皮配上甜甜的蜜汁，令人回味無窮。*招牌花膠撈 $68