揀得啱車仔麵 (已結業)

落上環見客，趕趕地時間，但又口啖啖想食D香口野，大字頭個D已經食厭晒，但落孖沙街又迫又盛，食日本野又閒閒地一百幾十，唔想食咁貴；行下行下去左新紀元廣場，見到有間車仔麵，咁求其啦，總好過食個D增味劑米線。坐低睇下點餐紙，都唔平，成5X至60一碗麵；正有少少想走，見到個枱牌寫住水煮魚，唔係卦我來食車仔麵你咁囂張有水煮魚？仲要幾草野（好似$70）有交易，仲要跟碗米線，即叫。上枱，個賣相又得得地，聞落，係個種麻味，幾十蚊當然唔會係比條荀殼你，應該係鯰魚柳，但都算外脆內滑，食完好滿足，過足癮！美中不足係，有飯跟就一流啦，但始終賣車仔麵，算啦，總體來講，性價比一流，如果可以加錢要鮮魚，同埋可以柯打白飯，堅會比滿分。員工態度方面又係一流，個阿叔好好禮貌，係收銀個四眼仔怕羞D，但都多謝前多謝後。會再去，下次一定要試試佢D麵~

星期日落雨，行完PMQ落上環，諗住走入新紀元食大家樂或者UCC，搭地鐵走都方便啲。點知UCC執咗，變咗間黑猛猛嘅嘢，仲要冇開，對面間嘢好光猛，原來係車仔麵，反正求其食，就走咗入去。兩個人入到去，我點啲最穩陣嘅嘢，咖喱魚旦、黑松露餃同蘿蔔，跟鳥冬老水汁，佢再淡都冇死，老婆就睇佢枱卡，點咗水煮魚，都唔明點解啲女人咁鍾意食辣，喺車仔麵水煮嘢，唔似係一個好決定。點知我錯咗。老婆話，個水煮魚好好食。佢話夠辣、夠麻，啲魚又滑，最重要係抵食，連埋凍飲都係$79蚊，平時出街食水煮魚，起碼都百幾二百落樓，而且，中環七十九蚊一客水煮魚，真係痴咗線。到我個麵，先講個黑松露餃，個名本身都夠高貴，食入口真係爆香有黑松露味，入面又冇其他餃咁多肥豬肉，只得雞肉同菜，味道剛剛好，食入口唔會油膩；蘿蔔呢，好甜喎，冇渣，落咗老水汁後，都仲好有甜味，已而唔係死甜個種甜，幾有層次；個魚旦先好野，用咗細細粒陳皮魚旦，即係細個喺街邊嗰種，細細粒夠彈牙，口感唔錯，而且又入味。埋單我個麵跟杯熱飲$55，老婆$79，兩個加埋$134，環境又靚又乾淨又好坐，性價比好高。

看著嚇人其實只是小辣的水煮魚根據本辦公室試吃結果，如果只是想調味的辣度，小辣是最好吃的喜歡川辣的，大辣會香他家的麵自選湯底，所以可以吃到咖喱+出前一丁這種腦洞組合而且明明很養生很好吃，但是總是坐不滿

放飯諗唔到食乜個陣，有同事話新紀元有間車仔麵...所以走左入去試可能係下午茶時間去食，人就冇乜不過環境真係好乾淨，又坐得舒服最岩啲放下午茶時間既打工仔黎hea放飯時間下午茶餐雖然價錢好平過三餸，但個人喜好所以都係揀返三餸我揀左紫菜、大腸、黑松露雞肉水餃同蘿蔔米線配左個沙嗲汁，唔係等左好耐就上到雖然個黑松露水餃係推薦，但個人覺得唔太特別...***蘿蔔的確唔錯，夠哂清甜又唔會有渣***老闆同員工態度好好，會走過黎傾下計環境真係坐得好舒服，食完個麵之後結果咁就hea完個放飯時間整體黎講正常表現，但價錢真係貴左少少不過坐得舒服就唔介意

Tried this joint as it was new, they specialize in cart noodles.The menu  has English and Chinese, the Chinese is a little complicated and looks like an MTR map!!Had the signature dumplings with truffle and it was awful, the old oil taste was more over powering than the truffle which then tasted like nasty petrol with the truffle from the dumplings!The cart noodle broth was literally tasteless but luckily they gave me the Nissin instant noodle soup powder in case I needed it.I didn't use it in t

一碗面，三餸，叫左兩款水餃，但只係得四粒超市冰鮮的水餃（基本上無餡，皮係爛的，已算兩個餸），三粒小冬菇，加錢加了生菜，得兩條菜（真係得兩條），盛惠82大元！仲要我要咖喱佢比左麻辣我。食材求其到無得再求其，簡直係搶錢！！叫了15元的玉米汁，當然如我所料係好難飲的。運費20元，仲要成個鐘先送到（距離我office 10分鐘），下單30分鐘以上先開始整，真係未試過咁離譜！真係估唔到叫車仔面都可以中咁大的伏！以後都係叫翻南記算

嗰日本來想食大家樂，但見到呢間新嘢，反正都係食晏，咪試下咯。車仔麵一般印象真係好似《食神》咁講，張櫈有咁窄得咁窄，碗嘢有咁細得咁細，但呢間嘢啱啱相反，唔用圓櫈兼有椅背，好舒服，最正係咩，可能因為舒服濶落乾淨，當日Lunch坐低嘅，大部份都係OL，場面都幾養眼，但怕亂影被人誤會，冇影到、唔敢影環境相。價錢方面，三餸連熱飲$55，中環區都差唔多，加上靚環境又係商場舖，計埋條數都算係唔錯。食物方面，估唔到有驚喜。首先係杯嘢飲，我點咗咖啡，佢竟然係即磨嘅，車仔麵玩到咁大真係少見，可能中環人要求高，唔畀靚少少都唔得，反正消費得起。至於個麵，主要試咗佢餐紙推介個黑松露餃同埋牛肋條，個松露餃又幾特別，唔錯。由落單到上菜，啲店員都幾有禮貌，中環金融區，果然唔同啲。

中午時間於上環用餐，揀得車仔麵都希望快、靚、正！入左去新開既“揀得岩”車仔麵試下。入餐廳時間1:06分，餐廳唔多人，約坐滿一半人。環境尚算乾淨衛生，坐低想點食物冇餐紙、冇餐牌、又冇調味架，一張檯真係得張檯，個客想望下呢間野有咩推介食物，相都冇一張睇下。雖然唔多人，但等樓面阿叔俾張餐紙我揀食物都等左2分鐘，雖然我主動叫左兩次，但阿叔選擇俾餐紙遲過我來的人先過我，唔知係咪忙到認唔到人。服務差，等候要30分鐘由13:09分落單(點選佢地既招牌Combo麵，少麻辣)，飲品好快到，我叫凍檸茶少冰少甜，但茶黎到得3粒碎冰，我以為自己叫左冇冰，少甜到變走甜...都算，等到13:33分都未有麵食，我忍唔住問阿叔D麵煮左未，未煮我唔要喇，阿叔大大聲話“唔要就唔要囉，幫你取消佢“，我話煮左未先，“你唔駛理煮左未，唔知架，你唔要咪幫你取消”，作為客人聽到你咁講，都真係要搵過第二間食啦掛，咁我就話“唔要喇”，起身走人行到出門口，阿叔又大大聲叫住我，話我未俾錢，因為我飲左佢地杯凍檸茶，我話先生唔係掛，“我等左你碗麵咁耐都唔黎，飲左你兩啖檸茶(果陣真係只飲左兩小啖)你都要我俾錢？ ” 阿叔大大聲話“咁梗係啦！你確

是日午餐時間，還是來到了新紀元廣場覓食，原本想在隔壁的UCC來個西餐，但實在太多人排隊，所以當機立斷改成試對面的「揀得啱車仔麵」。因為不想煩惱，所以直接選擇了combo 麵餐 （配熱飲，可自選麵底和醬汁），配料包括生菜、牛肋條、豬腸、豬皮、蘿蔔、咖哩魚蛋、滷蛋（半隻）、貢丸。醬汁方面選擇了沙嗲汁，配出前一丁麵底。蘿蔔尚算入口即溶，沒有渣，可惜不夠入味。豬皮、豬腸、牛肋條屬於正常貨色，咖哩魚蛋彈牙。沙嗲汁偏鹹，拌均在湯底後，鹹味減淡但湯底亦不算出眾。值得一讚的是，由進門到離開的一刻，店員都親切有禮地招呼，離開時候又會由衷地講聲「多謝晒」，加上出餐速度快，服務態度加分。基本的三餸車仔麵連熱飲定價$55，老實說，好貴。小妹一向覺得只要好食，價錢貴一點也不是問題。但這次試完「揀得啱車仔麵」的出品，水準確實普普通通，即使服務加分，食完也未必有記憶點。

上環區做野多年，lunch hour周圍都多人，平時多數都係去新紀元大家樂買外賣，今日經過見到新開一間車仔麵店，環境企理乾淨就入去試下。張點餐紙幾得意，好似地鐵線咁。果然快靚正，雖然滿坐，但等左兩三分鐘就有得食。要左咖哩魚旦＋龍蝦丸＋黑松露雞肉餃+雞翼， 雞翼好大隻，夠入味，黑松露雞腿餃夠特別，要左清湯，難得湯底唔會太味精，食完都唔會好口渴。總括來講，價錢唔算平，但都叫正常中上環價，勝在地方乾淨坐得舒服，會再來食。

因為落雨，所以lunch去商場附近食就算，見呢間無乜人就入左去。$55三餸加熱飲，其實車仔麵黎講唔算平，但勝在坐得舒服，感覺乾淨。落單時唔算多人，但等左15分鐘碗麵至到，而隔離個檯明明遲我5分鐘落單，會全檯四人既麵早過我既到，認真奇怪，同我搭檯既男人亦都等左20分鐘至有得食。食物方面，我叫左墨丸豬軟骨滷蛋幼麵，幼麵好明顯未煮得透，好硬，我要將佢地浸入D湯底至勉強食到，湯底同餸都係普普通通…綜合以上，係商業區做車仔麵，上菜咁慢，其實好難同其他同行競爭…應該唔會再去

最近，走到上環皇后大道中新紀元廣場2樓2幫襯 <華御結> 買午餐，買完走才見到有間新開的車仔麵店 <揀得啱車仔麵>！位於 UCC Cafe 對面。餐牌前後面中英對照供應：車仔麵、小食及飲品，以三餸車仔麵餐為例，配熱飲 $55，都算幾貴呀！跟餐轉凍飲 +$5/ 汽水或豆漿 +$7/ 新鮮自家製粟米汁 +$15 貴到堅離地呀！設堂食及外賣 。清湯滷蛋、豬軟骨、黑松露雞肉水餃+烏冬 $55打開蓋子，烏冬與湯底及其他配料是分開格，值得一讚！烏冬第一口是微酸，我最憎食到酸咪咪的烏冬，先入為主的感覺已經大打折扣嘞！浸湯久了之後，湯底的味道可掩蓋其味！至於配料，每款兩件：滷蛋、豬軟骨、黑松露雞肉水餃，滷蛋是一開二，單看蛋白都預計不入味，食落完全跟一般烚蛋無分別！豬軟骨肉質鬆軟，鮮味帶甜！兩隻黑松露雞肉水餃未咬開都已經爆口穿窿，可見水準未如理想，水餃材料頗為豐富鮮美，冬菇、雞肉、木耳等！勝在味道搭夠！新鮮自家製粟米汁 +$15 (走冰)這款飲品沒有熱飲，只好要求走冰！略帶微溫，入口夾雜粟米外層，真材實料！整體味道微甜自然！健康高纖！我未試過食咁貴嘅車仔麵餐，見新開好奇幫

Compared to when it just opened, if has more noodle topping options now, and the toppings taste better than before. 牛肋肉 and 黑松露餃are quite nice, other toppings I have tried are curry fish ball, chicken wings- both ok. 豬軟骨taste ok and not fat but the bones are not soft enough. I like the soup variety- they have 麻辣, curry, Satay too. I’ve tried the first 2 quite nice, but don’t get 清湯, quite tasteless. The environment is quite ok, can sit down comfortably, not too packed like other noodles places.

話說，前排行過新紀元廣場，發現開左間新嘅車仔麵店，於是今日就同同事去左試新野。去到門口，有啲人企左喺度，問個員工，又話要排隊無得攞飛。一堆人唔知邊個先邊個後。🤷‍♀️混亂左一陣之後個店員先攞欄杆出黎，大家先排返條隊。之後等呀等，等左成20分鐘先有位。☹️環境OK，坐得係幾舒服嘅。👍落單果陣，已經無晒木耳絲。於是我就叫左香菇雞肉水餃，正氣蘿蔔，蠔油花菇仔，幼麵，滷水汁，同熱奶茶。原本有諗過要叫豆漿，但原來係樽裝，所以放棄左。好啦，落完單又等呀等，飲品到左先。咦？點解得一杯嘅？原來落漏左單。😹重新落單之後好快到，味道正常偏淡。之後又等呀等，等左差唔多20分鐘個麵終於上，已經得返10分鐘食。唔知點解我個麵變左做清湯🤷‍♀️，但真係無時間叫佢再整，所以都照食。幼麵OK。蠔油花菇仔幾入味。香菇雞肉水餃足料好食。蘿蔔頭果2舊係好食嘅，煮得夠淋，第三舊勁多根，有圖有真相。臨走嘅時候聽到隔離枱話連粗麵都無晒😂😂總括而言，味道係可以嘅，服務係比較有改善嘅空間，希望落單時可以認真少少，時間管理係十分差。從未食過咁慢嘅車仔麵。終於知道點解佢要排隊，唔係因為佢多人食，而係因為佢出菜出得好慢好慢。價錢，一啲都唔平。新