影片
更多
2018-10-02
167 瀏覽
中午時間於上環用餐，揀得車仔麵都希望快、靚、正！入左去新開既“揀得岩”車仔麵試下。入餐廳時間1:06分，餐廳唔多人，約坐滿一半人。環境尚算乾淨衛生，坐低想點食物冇餐紙、冇餐牌、又冇調味架，一張檯真係得張檯，個客想望下呢間野有咩推介食物，相都冇一張睇下。雖然唔多人，但等樓面阿叔俾張餐紙我揀食物都等左2分鐘，雖然我主動叫左兩次，但阿叔選擇俾餐紙遲過我來的人先過我，唔知係咪忙到認唔到人。服務差，等候要30分鐘由13:09分落單(點選佢地既招牌Combo麵，少麻辣)，飲品好快到，我叫凍檸茶少冰少甜，但茶黎到得3粒碎冰，我以為自己叫左冇冰，少甜到變走甜...都算，等到13:33分都未有麵食，我忍唔住問阿叔D麵煮左未，未煮我唔要喇，阿叔大大聲話“唔要就唔要囉，幫你取消佢“，我話煮左未先，“你唔駛理煮左未，唔知架，你唔要咪幫你取消”，作為客人聽到你咁講，都真係要搵過第二間食啦掛，咁我就話“唔要喇”，起身走人行到出門口，阿叔又大大聲叫住我，話我未俾錢，因為我飲左佢地杯凍檸茶，我話先生唔係掛，“我等左你碗麵咁耐都唔黎，飲左你兩啖檸茶(果陣真係只飲左兩小啖)你都要我俾錢？ ” 阿叔大大聲話“咁梗係啦！你確
入餐廳時間1:06分，餐廳唔多人，約坐滿一半人。環境尚算乾淨衛生，坐低想點食物冇餐紙、冇餐牌、又冇調味架，一張檯真係得張檯，個客想望下呢間野有咩推介食物，相都冇一張睇下。雖然唔多人，但等樓面阿叔俾張餐紙我揀食物都等左2分鐘，雖然我主動叫左兩次，但阿叔選擇俾餐紙遲過我來的人先過我，唔知係咪忙到認唔到人。
服務差，等候要30分鐘
由13:09分落單(點選佢地既招牌Combo麵，少麻辣)，飲品好快到，我叫凍檸茶少冰少甜，但茶黎到得3粒碎冰，我以為自己叫左冇冰，少甜到變走甜...都算，等到13:33分都未有麵食，我忍唔住問阿叔D麵煮左未，未煮我唔要喇，阿叔大大聲話“唔要就唔要囉，幫你取消佢“，我話煮左未先，“你唔駛理煮左未，唔知架，你唔要咪幫你取消”，作為客人聽到你咁講，都真係要搵過第二間食啦掛，咁我就話“唔要喇”，起身走人行到出門口，阿叔又大大聲叫住我，話我未俾錢，因為我飲左佢地杯凍檸茶，我話先生唔係掛，“我等左你碗麵咁耐都唔黎，飲左你兩啖檸茶(果陣真係只飲左兩小啖)你都要我俾錢？ ” 阿叔大大聲話“咁梗係啦！你確實有叫到檸茶呀。” 咁佢又有道理喎，我又唔服氣俾錢，唯有問佢碗麵到未，佢呢個時候就話即刻幫我追，我一邊坐返底佢一邊係到大大聲 “呻”，“我有咩辦法丫，今日有個人病左冇返(工)，人又多(指去到1:35分時坐唔夠半間的餐廳)，我激氣又錯愕坐返低(估唔到個員工仲惡過個客)，碗麵13:39就到喇。
食物質素強差人意
招牌麵(Combo)+餐飲盛惠$73，車仔麵來說不算平，但質素強差人意。首先幼麵好硬，似未煮熟透，咖哩魚蛋味道一般，硬身，唔夠入味，又係似未煮好，貢丸、豬皮、鹵水蛋中規中矩，較好吃的是牛肋條和豬腸，最失望的是湯底，我叫麻辣，但佢唔係真有麻辣湯底，而係俾一湯匙麻辣醬你食，湯底仍是清湯底，冇哂車仔麵應有的精粹。
埋單時有位後生D既女士收錢，佢細細聲同我講唔好意思，你地話客人就大大聲，道歉就細細聲，真係可以慳返唔駛講！其實你地知道做得唔好，就諗下點樣改善服務。打開門做生意，你服務唔得要食物得(好似澳X牛奶)，食物唔得就要服務得，兩樣都唔得就可以好快講拜拜！
Combo麵
$73
9 瀏覽
0 讚好
0 留言
Combo麵
$73
9 瀏覽
0 讚好
0 留言
題外話/補充資料：
因麻辣醬太咸(冇錯，係咸多過麻辣)，食完碗野成個下午條脷都唔舒服，真係一定唔會再幫襯
(以上食評乃用戶個人意見 , 並不代表OpenRice之觀點。)
張貼
