揀得啱車仔麵 (已結業)

今日去左呢間位於上環嘅車仔麵店。餐廳鋪位大，座位闊落。我同朋友分別叫左車仔麵同兩款前菜。車仔麵最特別係205辣汁，食落都幾辣，好似街邊咖哩魚蛋味，越食越開胃。餸嘅選擇好多，眼花撩亂，睇左餐牌好耐都揀唔到。特別要介紹金菇同蘿蔔，因為真係好甘甜好好味。黑松露雞肉餃好重黑松露味，真材實料。一定要試咖哩魚蛋因為魚蛋有隱隱嘅陳皮味，好特別。雞翼都唔錯架，個汁好入味。再加上三餸+熱飲套餐只係55蚊，好抵食。打工仔平時lunch time 黎食就最適合啦前菜分別叫左麻辣鴨血同酸辣木耳。好新鮮好野味，不過如果再辣d再酸d就好啦！

係上環多數都係得貴野食 居然俾我發現親民車仔麵 下午茶只係28蚊！今次係夜晚去食 叫左水煮魚 醉雞翼 同車仔麵水煮魚有大中小辣揀 魚好滑而且都幾多而車仔麵既餸我最鐘意黑松露水餃！第一次食本身仲驚會怪 點知味道唔會太搶仲幾夾另外豬軟骨 同牛腩都好冧 正！

揀得啱車仔麵今日收工同朋友過左上環搵食，店既裝修好白淨光猛，仲有個打卡位添，寫住「麵壁不一定思過」，係一間好新派大膽既車仔麵檔，而且服務態度好好，好有禮貌，面帶笑容，又細心觀察我地有咩需要，今時今日態度好重要架對我黎講。水煮魚米線$69我地叫左中辣，入面有好多芽菜好吸味好好食😋而魚都好入味，而米線係另外跟既，辣油辣椒白芝麻芫茜好香，好夠麻，魚肉嫩滑，好多魚好抵食我係辣妹一名😋無辣不歡，好滿意呀💯麻辣鴨血$28一見到有哩樣小食，真係必叫，因為我好鐘意食，一上台就聞到好香，麻辣吾會太微，食落好正，有5大舊👍🏻千杯不醉雞翼$28@5一上枱見到好淺色以為會好淡，點知吾會都好入味，但係可以再重多小小酒味更佳。酸辣木耳絲$15入面有蒜頭，辣椒，木耳，芫茜，好香好香，甜甜酸酸辣辣咁，好鬼開胃😋車仔麵$67@4餸我地叫左咖哩汁四餸既，有黑松露雞肉水餃、發達金錢肚、醬燒豬軟骨、入味豬大腸啲餸好驚喜，水餃好重黑松露味，而且入面重有啲蔬菜，好健康呀。而醬燒豬軟骨真係好入味好淋好好味😍😍，略嫌湯頭吾夠濃郁。最值得讚既係野飲都好用心切檸檬，而且酸甜適中，好耐未飲過好飲既檸才菜啦👍🏻值得encore 既餐廳，下次

外賣返到公司發現少左個餸打返電話俾店舖後，店員主動兼極速送過嚟補返👍👍👍服務態度好兼有良心，一定會再幫襯！好過某d店只係話唔好意思，下次補返⋯⋯⋯⋯（吓？仲有下次）

星期五（12日）晏晝咁啱係中上環做完嘢，記得之前喺度食過水煮魚米線，覺得好好食，所以諗住再回味下。Lunch time呢度都幾多人，好彩我一個人唔洗排隊，仲坐到打卡位「麵壁不一定思過」🤤見周圍啲人都叫車仔麵，就試下。叫咗蘿蔔、陳皮魚蛋同滷水雞翼跟米粉，其實佢有醉雞翼，可惜跟麵無得揀，只可以叫小食，但我一個人食唔哂，惟有搵次同朋友一齊去先試下。講返打卡位，勁正！簡直毒L恩物，將電話放喺條橫樑度，可以自製電視撈麵。（睇住近馬明套神劇，正）唔洗低住頭睇，又有得long住，真係無得頂。唔知老細係咪特登咁設計😂雖然好多人，但唔會坐得好逼，呢樣我好欣賞，唔洗同人肩並肩咁食麵⋯（我填肚啫，又唔係打仗、趕pj，唔洗下下肩並肩，你話係咪？）呢度啲車仔麵都幾好食，個米粉唔會太淋，仲幾Q彈。個魚蛋啲陳皮味真係好香，推介！蘿蔔好甜無渣，雞翼夠味夠滑👍🏻仲有個205辣醬，辣得嚟夠香，希望遲下有得單買😂其實最鍾意杯凍奶茶，茶味幾夠。重點：夠凍啊！夏天凍飲夠凍真係好重要😭講開又講，冷氣都唔差，唔會食到成身汗（不過唔知同我飲凍飲有冇關係😂）三餸麵$55+凍飲$5，價錢嚟講有啲貴，但位於中上環，可以接受。坐得舒服，又唔

星期六黎到上環做野，夜晚8點幾都吾知食咩好！係正諗緊食咩好既時候逛了逛就見到揀得啱車仔麵就入去食喇，原來佢地六日都開，收9點！遲放工都吾怕無野食！入到去環境光明，服務態度認真，而且好有禮貌，坐低左就即刻睇下點單紙。另外所有小食既辣度可以自選，講205辣醬超正，食辣既朋友一定唔好錯過左205辣醬啊，因為真係辣得好香，好過癮，包你食過翻尋味！1.蠔油炆花菇花菇夠入味，咬口感適中，不會過林2.老火炆豬皮第一次食到咁爽口既豬皮，好感動啊，下次要叫兩份啊3.黑松露雞肉水餃聞落去已經好香黑松露味，食落去成個味蕾同嗅覺都充滿黑松露味，瞬間變小天使飛下飛下4.香菇雞肉水餃菇味好到位，大大舊好抵食5.麻辣鴨血麻辣鴨血一試就會愛上，一片片的，咬落去就好似魚腐的口感，食完一塊你會繼續想食落去6.千杯不醉雞翼雞翼係我既最愛啊，有酒香，食落好夠味道7.酸辣木耳絲木耳絲不會大小不一，酸辣有帶點麻，好過癮架8.豆漿

Lunchtime突然想食車仔麵Search到新紀元有一間 就直接去了當日12:40左右入座 餐廳未full唔使等位一睇餐牌 三餸麵加飲品$55 算幾貴不過食物的確係唔錯嘅 有質素 尤其個辣汁幾正職員有禮貌 由入座到埋單個個都面帶笑容

揀得啱車仔麵 (上環).車仔麵係香港特色之一(˶‾᷄ ⁻̫ ‾᷅˵)今個星期六去開中上環，見到上環有車仔麵，見都好耐無食，就去試試佢！見佢有店鋪嘅招牌205辣醬，因為我倆實在唔食得辣(´･Д･)」所以無叫，如果食得辣嘅大家可以試下！ .⚜️麻辣鴨血⚜️$28.！竟然有我倆打邊爐必叫嘅鴨血！ 幾時都話鴨血同麻辣係最襯架，果然食落好正(⁎⁍̴̛ᴗ⁍̴̛⁎)一客先$28，其實好抵食！.⚜️千杯不醉雞翼⚜️$22/3隻.聞落微微嘅酒味，食落都唔會話勁濃郁啱啱好！就算唔喜歡酒味嘅你地都可以試下！.⚜️酸辣木耳絲⚜️$15.唔係講笑😂睇到個價都覺得真係好平！入面有芫茜，木耳絲，蒜頭同辣椒🌶️ 所以酸酸辣辣勁好食！ ！ 係一個超正嘅涼拌開胃菜！.⚜️沙嗲湯底車仔麵⚜️$55/3餸加麵底.因為車仔麵我倆都偏好食多餸少麵，而且$55三個餸唔算貴！ 呢到仲要係開到夜晚九點，夜一夜都有得你食(⁎⁍̴̛ᴗ⁍̴̛⁎)男朋友叫左豬皮，貢丸，金錢肚，紫菜等，最特別嘅係有個黑松露雞肉餃！ 咬開啖啖黑松露香，我都有叫一份食！ 一份有兩隻(⁎⁍̴̛ᴗ⁍̴̛⁎).⚜️滷水汁湯底車仔麵⚜️.我叫左粟米，芝士腸，豬腸，金菇同金錢肚等，豬腸我最怕係洗得唔乾淨有陣味，呢到嘅無啊！(

呢個商場啲餐廳都變晒，以新餐廳之中，已經嚟過幾次呢間揀得啱車仔麵，覺得味道唔錯，今次叫埋朋友大伙兒嚟，發現佢啲菜式唔同咗，除咗車仔麵之外，多咗啲川菜特色嘅湯粉及小食～水煮魚米粉，魚柳夠滑、肉嫩，同米粉分開上，一濃一淡，刺激味覺～食咗麻辣再飲啖可樂... 麻辣鴨血，夠入味～醉雞翼，入味又爽滑～👍🏻本地薑車仔麵，推介沙嗲醬Combo粗麵... 另外，蘿蔔、牛腩條、貢丸、黑松露、雞肉水餃，亦無失威，保持水準～酸辣木耳絲，微微辣好惹味～食咗咁多辣嘢，清清地，搭條油菜心，平衡吓～😬

最近見到放lunch嘅時候，依間揀得啱車仔麵都好多人，太多人就費事排，不過放工OT到八點幾，上環就冇乜嘢好食，見到佢仲開到咁夜就過去試吓佢啦，見到佢嘅裝修都幾特別，同埋有好多句子，都真係幾盞鬼！同埋佢嘅座位都坐得幾舒服😌老闆娘仲好好人！🤣🤣佢都幾多小食，價錢我覺得合理唔算太貴，喺上環食個大家樂都要$50啦😂😂😂見到佢嘅下午茶其實都幾抵，下次下午茶可以過嚟試吓！28就可以有一個餐👍🏻👍🏻👍🏻👍🏻👍🏻叫咗三餸！咁辛苦返工唔使自己返屋企煮，實在太好🙈👍🏻我偷食咗朋友舊豬紅，又幾好食喎！辣辣地💕💕😌不得不提，呢度嘅205辣醬必食，記得一定要點！🙈🙆🏻‍♀️🙆🏻‍♀️

今日去到上環工作，上去OpenRice睇下有咩好食，見到依間揀得啱車仔麵好似唔錯就過咗嚟！佢的座位都好舒服好光猛，裝修好有風格，同一般嘅車仔麵好唔同！🤣🤣坐得特別舒服😌都幾多選擇下餐牌上！價錢適中唔算太貴喺上環黎講！55蚊有三個餸加熱飲都唔錯🙂🙂👍🏻佢個水煮魚！辣得好過癮，值得一試！如果可以推出多幾款嘅話就好啦！我幾鍾意食佢個醉雞翼，好香，值得再encore😍💕價錢又唔貴黑松露餃子亦都唔錯喎

黃小姐在中環上班，經常出沒於中環一帶。黃小姐最愛吃車仔麵，很多間在中上環的車仔麵都吃過。今次約了朋友晚上於中環吃東西，由於不想吃飯或太滯的東西，又加上車仔麵瘾引，所以捉了朋友去新紀元食揀得啱車仔麵。一向車仔麵檔環境都給別人感覺不太整潔，可是啱車仔麵卻令人大大加分，不但止非常整潔，而且裝修也十分雅緻，坐得都非常舒適。中上環一般lunch time都爆迫人，但一到晚上這裡又顯得休閒，可以跟朋友一邊慢慢吃，一邊聊天。我和友人分別各自點了一個自選車仔麵，友人點了公仔麵，黑松露餃、魚蛋、蘿蔔。我則點了粗麵，配黑松露餃、豬紅、蘿蔔、魚蛋、瑞汁滑雞翼、金菇、紫菜。蘿蔔非常大舊，清甜沒有渣滓。瑞汁滑雞翼，翼如其名是真的滑，所以很好吃。黑松露餃是必點之選，如果你跟黃小姐一樣愛黑松露就別忘了要點喔！餃子皮薄，不糊口，而且黑松露味道香濃。我們額外還追加了：醉雞翼$28、唐生菜$20、咖喱魚蛋豬皮雙拼$22。醉雞翼：是真的好吃，雞翼的雞肉很滑，不過酒味如果能再濃一點會更好。唐生菜：很新鮮，而且很大碟。咖喱魚蛋豬皮雙拼：豬皮爽口彈牙，陳皮魚蛋很香咖喱味，對於喜歡街頭小吃的黃小姐來說，真是讚讚讚。

大大碗抵食車仔麵～過三十款餸揀～ 一個人諗唔到食埋就會揀車仔麵，叫左龍蝦丸，彈牙新鮮，本身想試雞翼，但我去個陣太晏了，差唔多收鋪，已經賣晒好少車仔麵店會有特式小食～抵讚下午茶餐仲好抵！店員服務態度好好，好有禮貌，我想飲暖豆漿，佢地得凍枝裝，都會幫我坐熱先俾我～細心～

平時都好少黎上環，今日同女女接爸爸放工，囡囡想食麵，就近入左黎。而且佢應該見到門口的公仔。店舖環境，很乾淨，企理，沒有不開胃的感覺。再看餐單，嘩！咁貴，$55。3餸+熱飲。再看看，有豬軟骨、牛腩條、金錢肚、黑松露雞肉水餃，都抵。當然，如果你叫蘿蔔、粟米、魯水蛋，咁梗係唔抵啦。我：牛腩條、黑松露餃、豬紅 幼麵腩條入味，都很大舊，有2條黑松露餃，入口已嘗到黑松露的味道，不是假貨。餃皮不厚不糊。豬紅，都係食開的味道，太耐無吃了。唐生菜🥬：$20 碟，我覺得有點貴。寧可$15 細小小，點菜時都化算一些。醉雞翼：好味，如果酒香味再濃一些更好。如果雪凍仲好。可以考慮下整白雲雞翼、白雲豬手爸爸：揀得岩Combo 麵餐大碗，都好飽。咖哩魚旦，有陳皮味，正！牛肋條、豬大腸都好yummy。妹妹：紅腸都好厚，等於出面的2件。205 辣醬： 真係好辣，但好香口，食得辣的不要錯過。

其實上環中心係多寫字樓，中午選擇都係好多，但一入夜真係唔知食乜。機緣巧合之下同男朋友發現左間車仔麵舖，係新紀元廣場。 見到佢裝修幾得乾淨企理咁就試下啦。🤩我地叫左個千杯不醉雞翼，呢個醉雞翼係熱食黎，同一般凍食醉雞翼唔同，好入味，入口係好香嘅花雕酒味，推薦試下。👍🏻另外叫左個麻辣鴨血，唔算好多地方有鴨血食，好滑少少辣味，惹味得來都幾好送麵食。🤤🤤講翻主菜車仔麵先，我就叫左蘿蔔、豬軟骨同埋滷蛋，蘿蔔係好新鮮同清甜，入貨做得唔錯；豬軟骨唔會油，骨同肉比例啱啱好，同埋好入味，d肉煲到林曬，係意料之外嘅味道。👍🏻👍🏻🤗男朋友個碗有叫黑松露餃子，係黑松露超濃，我覺得幾特別所以推薦😁要提一提嘅係205辣醬，佢都幾辣，但成個麵因為個辣醬變到好香，可能係因為我鍾意食辣啦，我覺得揀佢做湯底無揀錯。👍🏻我地仲叫左個菜嘅，食得健康d呀嘛比大家睇下個點菜紙，價錢上都幾經濟，係上環價黎講dinner可以一戰。